
Tehreek-e-Tahafuz-e-Ayin-e-Pakistan
@TTAP_OFFICIAL • 28,283 subscribers
A united front of Pakistan’s political parties, committed to upholding and restoring the Constitution of Pakistan.
Shorts
Videos

آپ نے عمران خان کے ساتھ جو باتیں کی ہیں، یا جہاں آپ کی بات اٹک گئی ہے، آپ خود اس کا تدارک نہیں کر سکتے۔ سیاسی شخصیات پر بھروسہ کریں۔ آپ نے عمران خان سے کیا گفتگو کی، کیا مطالبات رکھے اور انہوں نے کیا جواب دیا؟ ہم آپ سے وعدہ کرتے ہیں کہ ہم عمران خان سے ملاقات کریں گے، ان کی صحت کا جائزہ لیں گے، اور جہاں آپ کا معاملہ الجھ گیا تھا، اسے حل کرنے کی بھرپور کوشش کریں گے۔ سچ کے علاوہ کسی اور بات سے یہ الجھاؤ پیدا نہیں ہوگا۔ ہم وعدہ کرتے ہیں کہ عمران خان سے ملاقات کو صیغہ راز میں رکھیں گے۔ اگر عمران خان کی باتیں غلط ہوئیں، تو ہم سب کے سامنے واشگاف الفاظ میں کہیں گے کہ وہ غلط ہیں۔ اور اگر ان کی باتیں درست ہیں، تو کیا آپ انہیں طاقت کے زور پر دبانا چاہتے ہیں؟ کیا انہیں ختم کرنا مقصود ہے؟ قائد حزب اختلاف محمود خان اچکزئی کا قومی اسمبلی سے خطاب جو قومی اسمبلی نے سینسر کر دیا تھا.
Tehreek-e-Tahafuz-e-Ayin-e-Pakistan138,426 views • 1 month ago

جہاز کی کہانی ہم سب کو نہیں چھوڑنی چاہیئے، جہاز کی کہانی میں 4 مرسیڈیز کی کہانی چھپ گئی ہے پنجاب حکومت نے چار مرسیڈیز مریم نواز کے لئےمنگوائی جن کی قیمت 100 کروڑ روپے ہے، ہم اگر غلط کہہ رہے پنجاب حکومت اسکی وضاحت کر دے، معاشی ترجمان تحریک تحفظ آئین پاکستان محمد زبیر عمر
Tehreek-e-Tahafuz-e-Ayin-e-Pakistan186,201 views • 2 months ago

پنجاب کی وزیراعلیٰ کہتی ہیں کہ مجھے ہندوستان سے خطرہ نہیں ہے۔ جب وہ ایک وزیراعلیٰ کہہ سکتی ہے کہ مجھے ان صوبوں سے خطرہ ہے بلوچستان، سندھ یا خیبر پختونخوا ہے۔ اس سے کوئی یہ گلہ نہیں کر سکتا۔ اچھا یہ سرفراز جو ان کا اپنا ہوا ہے. اگر وہ یہ کہتا کہ مجھے پنجاب سے خطرہ ہے. تو آج شاید وہ اقتدار سے ہاتھ دھو بیٹھتا۔ کہیں پہ بھی کسی بھی معصوم کا خون بہایا جاتا ہے، ہم نے اس کی مذمت کی ہے۔ ہم تو بلوچستان کے وہ لوگ جن کو کہا جاتا ہے نہ کہ قبائلی ہیں جاہل ہیں۔ دو بجٹ ہمارے دورِ حکومت میں پاس ہوئے ایک تھا ۱۴ ارب کا۔ اس ۱۴ ارب میں۱۲ ارب نان ڈیولپمنٹ کے تھے۔ قلات کالج ہمارے دورِ حکومت میں بنا۔ خاران میں کالج بنایا گیا، سوراب میں ہم نے کالج بنیاد رکھی۔ ہم اس دوران تو اس میں آپ تو بنیاد ہی رکھ سکتے ہیں نہ۔ پٹفڈر میں۔ ہم اسکول میں پڑھتے تھے، ہیڈ ماسٹر ہمارا پنجابی تھا۔ لوگوں کی یادداشت کمزور ہے۔ پہلے یہ دیکھا جائے کہ عمران خان اس وقت تو زیرِ عتاب ہیں، ہمیں یہ باتیں کرنی نہیں چاہئیں۔ افسوس ہوتا ہے جس انداز میں اس کو ٹریٹ کیا جا رہا ہے۔ لیکن ہم ایک معاہدے کے تحت ان کے ساتھ شامل ہوئے تھے۔الحمدللہ مولانا سے ہمارے تعلقات اچھے ہیں وائس چیئرمین تحریک تحفظ آئین پاکستان سردار اختر مینگل Akhtar Mengal
Tehreek-e-Tahafuz-e-Ayin-e-Pakistan155,885 views • 2 months ago

"پی ٹی آئی کے لوگوں کو بھی سچ اور حقیقت کا پتہ چلنا چاہیے۔ میں ایک مثال دیتا ہوں کہ حکومت کی طرف سے ہمارے دوست جو ڈرافٹ لے کر آئے تھے، اس میں لکھا ہوا تھا کہ خان صاحب کے وکلاء اور فیملی وغیرہ کی ملاقاتیں شروع ہو جائیں گی۔ ہم نے کہا کہ اس میں 'نامزد وکلاء' لکھیں۔ ہر وکیل کا ملنا ممکن نہیں ہے؛ پہلے بھی ایسا ہوتا تھا کہ کوئی بھی وکیل کے نام پر مل لیتا تھا۔ ہم چاہتے ہیں کہ جو وکلاء ہماری طرف سے نامزد ہوں، وہی خان صاحب سے جا کر ملیں۔ انہوں نے کہا کہ ہم یہ تبدیل نہیں کر سکتے، ہمیں پوچھنا پڑے گا۔ چنانچہ 'نامزد وکلاء' لکھنے کے لیے بھی اجازت لی گئی، جو کہ مل گئی۔ پھر ڈرافٹ کے بیچ میں ایک جملہ دو دفعہ لکھا گیا۔ یہ بات سمجھنے کے لیے بہت ضروری ہے؛ اس کا مضمون یہ تھا کہ ملاقات کے بعد اس سے کوئی سیاسی فائدہ نہیں اٹھایا جائے گا یا سیاسی بیان بازی نہیں ہوگی۔ ہم نے کہا کہ یہ جملہ آپ نے دو دفعہ لکھ دیا ہے، اسے کاٹ دیں۔ انہوں نے کہا کہ یہ بھی ہم پوچھ کر کاٹیں گے، وہ خود اسے کاٹ بھی نہیں سکتے تھے۔ اس کا مطلب یہ ہے کہ ہمارے سامنے جو لوگ بیٹھے تھے، وہ بااختیار نہیں تھے۔ اس کے برعکس ہم نے یہ نہیں کہا کہ ہم عمران خان سے پوچھ کر بتائیں گے، ہم تو وہاں بیٹھ کر خود فیصلے کر رہے تھے۔ اختلاف وہاں پیدا ہوا جب انہوں نے کہا کہ اب کے پی کے میں ایمرجنسی لگائی جائے گی اور وہاں آپریشن کیا جائے گا۔ صوبہ باقاعدہ وفاق کے ساتھ بیٹھ کر تحریری معاہدہ کرے گا اور بغیر کسی شرط کے پابند ہو کر ساتھ دے گا۔ ہم نے کہا کہ یہ بات تو صوبے کے ساتھ کرنے والی ہے۔ یہ وفاق اور صوبے کے معاملات ہیں، انہیں وہاں زیرِ بحث لائیں۔ جب ہم نے صوبے کو آن بورڈ لیا تو انہوں نے بتایا کہ ہماری صوبائی اسمبلی میں باقاعدہ تمام سٹیک ہولڈرز نے—جن میں اے این پی، مسلم لیگ ن، پیپلز پارٹی، جے یو آئی، جماعتِ اسلامی اور ہم شامل تھے، حتیٰ کہ چیمبر آف کامرس اور وکلاء بار کی بھی نمائندگی موجود تھی—سب نے متفقہ طور پر آپریشنز کے حوالے سے ایک قرارداد بھیجی ہے کہ نیشنل ایکشن پلان پر کیسے عمل ہوگا۔ ہم نے کہا کہ ہم نیشنل ایکشن پلان پر عمل کرتے ہیں لیکن ایک اتفاقِ رائے کے ساتھ کریں گے، تاکہ آپ کو پورے صوبے کی سیاسی جماعتوں کی سپورٹ حاصل ہو۔ عوام بھی پھر آپ کا ساتھ دیں گے، کیونکہ جب منتخب نمائندے آپ کا ساتھ دیں گے تو ہی یہ کامیاب ہوگا۔" وائس چیئرمین تحریک تحفظ آئین پاکستان, قائد حزب اختلاف سینٹ سینیٹر علامہ راجہ ناصر عباس
Tehreek-e-Tahafuz-e-Ayin-e-Pakistan53,644 views • 21 days ago

یہ ایک عجیب صورتحال ہے۔ اگر آپ عمران خان صاحب کے دور پر نظر ڈالیں تو ایک وقت تھا جب، مثال کے طور پر، میں کوئی بہت بااثر شخصیت نہیں تھا، مگر میں ایک پروفیسر تھا اور مجھے میرے عہدے سے برطرف کیا گیا۔ مجھے جنرل فیض نے نکلوایا، اس وقت وہ کئی پروفیسرز کو نکال رہے تھے اور کئی صحافیوں کو تنگ کر رہے تھے۔ یہ سارا معاملہ 2018، 2019 اور 2020 کے دور کا ہے۔ اب سوال یہ ہے کہ آج 2026 ہے، میں یہ بھی سوچ سکتا ہوں کہ چونکہ میرے ساتھ ناانصافی ہوئی ہے اور میری انا اتنی بڑی ہے کہ اب میں صرف انتقام چاہتا ہوں۔ مجھے اس سے کوئی غرض نہ ہو کہ ڈاکٹر یاسمین، عمران خان صاحب، ان کی بہنوں، ایمان، ہادی، ماہ رنگ اور علی وزیر کے ساتھ کیا ہو رہا ہے، اور مجھے صرف یہ فکر ہو کہ میرا کریئر کیوں خراب ہوا۔ تاہم، یہ ایک انتہائی چھوٹی سوچ ہے۔ دوسری جانب، یہ 25 کروڑ عوام کا ملک ہے، جہاں آئین اور جمہوریت کا خاتمہ کیا جا رہا ہے۔ بنیادی انسانی اور سیاسی اقدار ختم ہو رہی ہیں اور اخلاقیات دم توڑ رہی ہیں۔ لوگوں کو رات کے اندھیرے میں گھروں سے اٹھایا جا رہا ہے۔ اگر میں ان حالات میں یہ سمجھتا ہوں کہ میری انا ان تمام مسائل سے بڑی ہے، تو درحقیقت میں ایک بہت چھوٹا انسان ہوں۔ ہمارے سیاستدان بھی بہت چھوٹی سوچ کے مالک ہیں جو صرف انتقام لینا جانتے ہیں۔ وہ بھول جاتے ہیں کہ کل ان کی باری بھی آئے گی، حالانکہ ابھی چار سال قبل ہی ان کی باری تھی۔ آج اگر موجودہ لوگوں کی باری ہے، تو کل کو اگر ان کی ڈیل ہو جاتی ہے—مثال کے طور پر، کیا ایسا نہیں ہو سکتا کہ ان کی بھی ڈیل ہو جائے؟—تو پھر کیا میاں صاحب بچیں گے؟ کیا پیپلز پارٹی بچے گی؟ چیف آرگنائزر تحریک تحفظ آئین پاکستان (پنجاب)، سربراہ حقوق خلق پارٹی ڈاکٹر عمار علی جان
Tehreek-e-Tahafuz-e-Ayin-e-Pakistan87,715 views • 1 month ago

حفیظ اللہ نیازی نے دریافت کیا کہ یہ جس نظام کی بات ہو رہی ہے، یہ کب تک چلے گا؟ آگے سے ایک صحافی، جن کا میں نام نہیں لینا چاہتا، انہوں نے جواب دیا کہ 2035 تک تو یہی نظام رہے گا۔ اب آپ خود سوچ سکتے ہیں کہ 2035 تک کیوں؟ اس پر حفیظ اللہ نیازی نے ایک بہت شاندار سوال کیا کہ پھر 2036 میں کیا ہوگا؟ اس بات پر سب خاموش ہو گئے اور ہر ایک کو اندازہ ہو گیا کہ انہوں نے کتنی گہری بات کہی ہے۔ جو ملک آج بیٹھ کر یہ کہے کہ 2036 میں ہمیں نہیں معلوم کہ کیا ہونے والا ہے۔ آپ کسی ایرانی سے پوچھیں تو وہ بتائے گا کہ 2036 میں بھی ان کا موجودہ نظام ہی چلے گا۔ چین سے پوچھیں تو وہ بھی یہی کہے گا کہ ان کا نظام برقرار رہے گا، سعودی عرب اور مغربی ممالک کی بھی یہی صورتحال ہے، لیکن ہمارا ملک دنیا کا واحد ملک ہے جہاں ایسا نہیں ہے۔ یہ جو پڑھے لکھے حامی ہیں، انہیں یہ بات سمجھ نہیں آتی کہ یہ لوگ سارے نظام کو محض ایک شخص کے ارد گرد چلاتے ہیں۔ معاشی ترجمان تحریک تحفظ آئین پاکستان محمد زبیر عمر Mohammad Zubair
Tehreek-e-Tahafuz-e-Ayin-e-Pakistan53,350 views • 23 days ago

اس میں بہت سے لوگ گواہ ہیں جن میں آپ کے میاں جاوید لطیف صاحب بھی شامل ہیں۔ وہ گواہ ہیں اور ایک ٹی وی پروگرام، کامران شاہد کے شو میں، وہ اور میں دونوں موجود تھے۔ میں نے وہاں کہا تھا کہ یہ جاوید لطیف صاحب بیٹھے ہوئے ہیں، ان سے پوچھ لیں کہ جب عدم اعتماد کا فیصلہ ہوا تھا تو سب سے زیادہ مخالفت کون کر رہا تھا؟ ایک موقع پر جاوید لطیف صاحب نے میرا بازو پکڑ کر مجھے کانفرنس روم سے باہر لے جا کر کہا کہ بھائی، آپ اتنا زیادہ اعتراض اور مخالفت نہ کریں کیونکہ شہباز صاحب اسے پسند نہیں کرتے۔ وہ تو چاہتے تھے، چونکہ وہ وزیراعظم بن رہے تھے، اس لیے وہ چاہتے تھے کہ سب اسی کے مطابق رویہ اختیار کریں۔ اس لیے میں تحریکِ عدم اعتماد کی شدید مخالفت کر رہا تھا۔“ معاشی ترجمان تحریک تحفظ آئین پاکستان محمد زبیر عمر
Tehreek-e-Tahafuz-e-Ayin-e-Pakistan89,999 views • 1 month ago

افغانستان سے کیا دشمنی ہے؟ آپ ثابت کر دیں۔ آپ ثابت کر دیں کہ افغانستان دشمنی کر رہا ہے، ہمیں قائل کر دیں، میں اور فضل الرحمان آپ کا ساتھ دیں گے۔ ورنہ بسم اللہ کریں، ایران کے ساتھ جنگ جاری ہے، بربادی ہے۔ ہمارے وزیراعظم صاحب گئے، پندرہ بیس دن لگے رہے۔ سعودی عرب، ترکی اور پاکستان کا معاہدہ ہوا ہے، ہمیں کسی کو پتہ نہیں، آئیں ہمیں بتائیں۔ ہمیں پارلیمنٹ میں بتائیں کہ یہ معاہدہ کس لیے ہے؟ اس میں ایران کو شامل کر دیں، مصر کی بہترین فوج ہے، اس کو شامل کر دیں، باقاعدہ اسلام کی فوج بنائیں۔ اگر خدانخواستہ آپ ایک ایسی چیز بنا رہے ہیں کہ امریکہ کی غیر موجودگی میں وہ کام ہم کریں گے، تو یہ بربادی کا راستہ ہے۔ بس یہ ہماری باتیں ہیں، آئیں ہم سب متفق ہوں۔ قائد حزب اختلاف محمود خان اچکزئی
Tehreek-e-Tahafuz-e-Ayin-e-Pakistan165,497 views • 2 months ago

میرا یقین ہے۔ عمران خان کو دھمکیاں دی گئی ہیں، انہیں بلیک میل کیا جا رہا ہے، اور جیل میں ان پر جسمانی تشدد بھی کیا گیا ہے۔ اور شاید یہ اس لیے ڈر رہے ہیں کہ اگر ملاقات ہوئی تو وہ آدمی بتا دے گا۔ بتا دے، مزید نہ بڑھیں۔ جو الجھاؤ آیا ہے، اس الجھاؤ کو آپ نہیں سلجھا سکتے۔ اس کو سچ اور صرف سچ ہم آپ کو یہ یقین دلاتے ہیں کہ عمران خان سے ہماری بات ہوگی۔ ہم نہ پریس کو بتائیں گے اور جو غلطیاں آپ سے ہوئی ہیں اس کا بھی ذکر نہیں کریں گے، لیکن آپ کے سامنے ہم کہیں گے۔ اور یہ بھی وعدہ ہے کہ اگر ہمیں پتہ چلا، ہماری عقل اور ہماری منطق یہ کہے کہ عمران غیر منطقی بات کر رہا ہے، تو ہم آپ کے سامنے بھی، اکیلے بھی اور لوگوں کے سامنے بھی عمران سے کہیں گے کہ یہ غلط کر رہے ہو۔ اور اگر وہ صحیح بات کر رہا ہے، پھر تو آپ کو کون کہے گا؟ ہم کہیں گے۔ ہم سارے پاکستان کو بتا دیں گے۔ اگر آپ نے اس الجھاؤ کو سلجھانا ہے، تو بسم اللہ، اعتماد کریں۔ بھائی! کل اخبار میں تھا یا کہاں تھا کہ عمران خان نے نتھیا گلی جانے سے انکار کر دیا۔۔۔ نتھیا گلی، گھوڑا گلی کونسی گلی تھی؟ وہاں جانے سے انکار کر دیا۔ یہی تو مذاکرات ہیں، آپ کیوں پش کر رہے ہیں؟ آئیں بسم اللہ کریں۔ غلطی ہوئی ہے، آئیں اس کو سلجھائیں۔ عمران خان کو ہم راضی کریں گے اگر کوئی خطرہ ہے۔" قائد حزب اختلاف محمود خان اچکزئی
Tehreek-e-Tahafuz-e-Ayin-e-Pakistan47,842 views • 24 days ago

ہم لاہور جا رہے تھے، راستے میں نماز کی ادائیگی کے لیے ایک پیٹرول پمپ پر رکے۔ وہاں موجود ایک دکان سے کچھ سامان لینے کے دوران ایک لڑکے نے تصویر بنائی جس پر ڈی ایس پی نے اس کے منہ پر تھپڑ دے مارا۔ میں نے ان سے پوچھا کہ آپ کو اس نوجوان کو تھپڑ مارنے کا اختیار کس نے دیا ہے؟ آپ کون ہوتے ہیں اس پر تشدد کرنے والے؟ آپ نے اس پر یہ ظلم کیوں کیا؟ یہ ایک بچہ ہے، یہ آپ کے اور ریاست کے بارے میں کیا تاثر لے گا؟ آپ کو یہ اختیار کس نے دیا ہے؟ آئین، قانون یا خدا نے؟ کس نے آپ کو یہ حق دیا ہے کہ محض ایک تصویر بنانے کے جرم میں اسے ایسی سزا دیں؟ وہ سکول یا کالج کا طالب علم ہے، وہ آپ کے حوالے سے کیا سوچ لے کر جائے گا؟ کیا وہ آپ سے محبت کرے گا یا نفرت؟ اس لیے میری گزارش ہے کہ جو بھی ہوا، اس غلطی کا ازالہ کیا جا سکتا ہے۔ خدارا واپس آئیں، اس ایمرجنسی کو ختم کریں۔ اس گورنر راج کو ختم کریں۔ آئیں مل بیٹھ کر معاملات کو درست کریں اور آگے بڑھیں۔ غلطی کا علاج اسے دوام بخشنا یا اسے مزید آگے لے جانا نہیں ہے۔ جناب والا، میں آپ کو یقین دلاتا ہوں، یہاں وزراء صاحبان تشریف فرما ہیں، چیئرمین صاحب، اس طرح سے ملک میں کبھی امن قائم نہیں ہو سکے گا۔ اس سے مزید بدامنی اور ابتری پھیلے گی۔ خدارا، اس کا نقصان صرف اور صرف پاکستان اور اس کے عوام کو ہوگا۔ آپ وہاں کے حالات اور نزاکتوں کو مجھ سے بہتر جانتے ہوں گے، آپ کے پاس ادارے اور معلومات ہیں۔ ہم کہتے ہیں کہ افغانستان سے دراندازی ہو رہی ہے۔ افغانستان میں بھی پشتون آباد ہیں اور خیبر پختونخوا میں بھی۔ میں یہ بات نہایت ہمدردی اور وطن کی محبت میں کر رہا ہوں۔ معلوم نہیں کل ہم ہوں یا نہ ہوں، یہ آسمان اور ستارے رہیں گے، انشااللہ یہ پاکستان بھی ہمیشہ قائم رہے گا، بس ہم نہیں ہوں گے۔ تو آئیں اس پاکستان کو تباہی سے بچائیں۔ سرحد کے دونوں جانب پشتون آباد ہیں، ان کی آپس میں رشتے داریاں ہیں۔ ہمیں ان حملوں کا کوئی دیرپا حل اور علاج تلاش کرنا ہے۔ میں یہ نہیں کہتا کہ ایسا نہیں ہو رہا، لیکن ہمیں اس کا درست حل نکالنا ہوگا۔ ہم یہ کیسے کریں گے؟ کیا ان لوگوں کو دیوار سے لگا کر یا انہیں طالبان کا حامی اور طالبانی قرار دے کر؟ یہ کوئی حل تو نہیں ہے۔ اگر وہ ایسے ہوں بھی تو انہیں کہیں کہ آپ ایسے نہیں ہیں۔ میرے ایک دانا دوست نے مجھے ایک بار کہا تھا کہ اگر مجھے علم ہو جائے کہ کوئی شخص کسی ملک کے لیے جاسوسی کرتا ہے اور وہ انکار کر دے، تو میں اس کی بات مان لیتا ہوں کہ تم نہیں کرتے، تاکہ وہ کم از کم شرم کے مارے مزید غلطیاں نہ کرے۔ کیا ہم بار بار انہیں یہ طعنہ دیں کہ تم طالبان کے ایجنٹ ہو، تم ٹی ٹی پی ہو، تم یہ ہو، تم وہ ہو؟ کیا یہ کوئی حل ہے؟ کیا لوگوں کو سمجھانے کا یہ طریقہ ہوتا ہے؟ ریاست تو ماں کے جیسی ہوتی ہے۔ ہم نے اعتزاز احسن سے سنا تھا، ان کی ایک نظم بھی تھی کہ ریاست ماں ہوتی ہے۔ تو براہ کرم ریاست ماں کا کردار ادا کرے۔ اگر ماں کا کوئی بچہ پاگل یا نادان بھی ہو تو کیا ماں اسے اٹھا کر پھینک دیتی ہے یا مار دیتی ہے؟ میں یہ محض نصیحت کے طور پر عرض کر رہا ہوں۔ میری بات کو محض کسی سیاسی جماعت کا بیانیہ سمجھ کر رد نہ کریں۔ میں پاکستان کے ایک بیٹے اور فرزند کی حیثیت سے بات کر رہا ہوں جس کا اس ملک کے آئین اور قانون پر کامل یقین ہے۔ اگر میں رات کے دو بجے بھی سفر کر رہا ہوں اور ٹریفک کا اشارہ سرخ ہو، تو سڑک پر کوئی گاڑی نہ ہونے کے باوجود میں اپنے ڈرائیور کو اشارہ توڑنے کی اجازت نہیں دیتا۔ کیونکہ یہ میرے وطن کا قانون ہے اور میرے لیے انتہائی مقدس ہے۔ اس قانون پر عمل کرنا مجھ پر ویسے ہی فرض اور واجب ہے جیسے نماز ادا کرنا۔ اس لیے میں آپ کے توسط سے گزارش کرتا ہوں، میں اپنی بات ختم کرنے لگا ہوں، کل، پرسوں اور مشترکہ اجلاس میں بھی ان شاء اللہ اس پر مزید بات کریں گے۔ میں ایک بار پھر نصیحت کرتا ہوں کہ خدارا سوچ لیں۔ مجھے معلوم ہے کہ یہاں بیٹھے ہوئے آپ لوگوں کے دل بھی مطمئن نہیں ہیں۔ اس لیے سوچیں اور اس راستے سے واپس آئیں۔ اس میں کسی کی شکست نہیں ہوگی، بلکہ پاکستان جیتے گا۔ پاکستان کے عوام جیتیں گے، یہ پارلیمنٹ جیتے گی، ہم سب جیتیں گے۔ اس میں کسی کی ہار نہیں ہے۔ وائس چیئرمین تحریک تحفظ آئین پاکستان, قائد حزب اختلاف سینٹ سینیٹر علامہ راجہ ناصر عباس
Tehreek-e-Tahafuz-e-Ayin-e-Pakistan63,429 views • 1 month ago

اعلامیہ تحریکِ تحفظِ آئینِ پاکستان تحریکِ تحفظِ آئینِ پاکستان کا ایک سربراہی اجلاس برخانہ محمود خان اچکزئی چیئرمین تحریک تحفظ آئین پاکستان منعقد ہوا، اجلاس میں علامہ راجہ ناصر عباس قائدِ حزبِ اختلاف سینیٹ؛ سردار اختر جان مینگل سربراہ بلوچستان نیشنل پارٹی؛ بیرسٹر گوہر خان قائم مقام چیئرمین پاکستان تحریکِ انصاف؛ سلمان اکرم راجہ سیکرٹری جنرل پی ٹی آئی؛ صاحبزادہ حسن رضا قائم مقام چیئرمین سنی اتحاد کونسل؛ سید زین شاہ سربراہ سندھ یونائیٹڈ پارٹی؛ سینیٹر مشتاق احمد خان سربراہ پاکستان رائٹس موومنٹ؛ سینیٹر مصطفیٰ نواز کھوکھر وائس چیئرمین تحریکِ تحفظِ آئین پاکستان؛ محمد زبیر معاشی ترجمان تحریکِ تحفظِ آئین پاکستان؛ ساجد خان ترین سینئر نائب صدر بلوچستان نیشنل پارٹی؛ عمار علی جان سیکرٹری جنرل حقوق خلق پارٹی ، حسین احمد یوسفزئی ترجمان تحریکِ تحفظِ آئین پاکستان؛ اور خالد یوسف چوہدری،ل لیگل کونسل بانی چیئرمین پاکستان تحریکِ انصاف عمران خان، شریک ہوئے۔ اجلاس میں خیبر پختونخواہ میں گورنر راج و ایمرجنسی کے نفاذ سے ملک کی پیدا ہونے والی سیاسی صورتِ حال اور خیبر پختونخواہ کے حالات کا تفصیلی جائزہ لیا گیا۔ اجلاس میں خیبر پختونخواہ میں گورنر راج اور ایمرجنسی کے نفاذ کی سخت مذمت کی گئی ۔ گورنر راج و ایمرجنسی کے نفاذ کو آئین اور عوام کے مینڈیٹ پر ڈاکہ اور شب خون قرار دیا گیا۔ الائنس نے مطالبہ کیا ہے کہ اس فیصلے کو فوری واپس لیا جائے۔ یہ اقدام صرف ایک صوبے کا نہیں بلکہ تمام صوبوں کے عوام کی توہین ہے، جس کے خلاف الائنس میں شامل جماعتیں پشاور ہائی کورٹ میں درخواست بھی دائر کریں گی۔ تحریکِ تحفظِ آئینِ پاکستان ہر قسم کی دہشت گردی ، ریاست کی عوام پر دہشت گردی ، ریاستی اداروں کی سیاسی جماعتوں پر دہشت گردی ، کسی فرقہ کی دوسرے فرقہ پر دہشت گردی ، کی مذمت کرتی ہے اور نیشنل ایکشن پلان کی مکمل حمایت کرتی ہے اور مطالبہ کرتی ہے کہ نئی پالیسیاں اپنانے کے بجائے خیبر پختونخواہ اسمبلی سے منظور شدہ امن جرگہ کی مشترکہ قرارداد پر فوری عمل درآمد کیا جائے۔ شرکاء نے وزیرِ اعلیٰ خیبر پختونخواہ سہیل آفریدی، سپیکر اسمبلی بابر سلیم سواتی، پی ٹی آئی کے صوبائی صدر جنید اکبر اور تمام گرفتار اراکینِ قومی و صوبائی اسمبلی و رہنماؤں کی فوری رہائی کا مطالبہ کیا ہے۔ تحریک تحفظ آئین عمران خان کی بہنوں کی رہائی، عمران خان سے ملاقات اور ان تک ان کے ڈاکٹروں کی رسائی کا مطالبہ کرتی ہے۔ حکومت کے غیر آئینی اقدامات کے بعد تحریکِ تحفظِ آئینِ پاکستان نے حکومت سے ہر قسم کے مذاکرات بند کرنے کا اعلان کرتی ہے۔ جب تک عمران خان سے ملاقات نہیں کروائی جاتی اور ان کی صحت کی معلومات نہیں مل جاتی، تب تک حکومت سے کوئی بات چیت نہیں ہوگی اور مذاکرات کے تمام اختیارات صرف محمود خان اچکزئی کے پاس ہوں گے۔ بلوچستان میں خراب امن و امان کی وجہ وہاں کی غیر نمائندہ حکومت و وفاقی حکومت کی ناکام پالیسیاں ہیں، جو عوام کے حقیقی ووٹوں سے قائم نہیں ہوئی۔بلوچستان کے معاملات طاقت سے نہیں بلکہ وہاں کے عوام سے مذاکرات سے حل کرنے کا مطالبہ کرتی ہے۔ شرکاء نے ایمان مزاری ، ان کے شوہر ہادی چھٹہ ، ڈاکٹر ماہ رنگ بلوچ ، سمیت بلوچ یکجہتی کمیٹی تمام سیاسی قیدی رہا کئے جائیں۔ ملک میں عدلیہ کی آزادی کی محدود کرنے اور میڈیا پر پابندیوں کے بعد تحریک تحفظ آئین نے فیصلہ کیا ہے کہ وہ پاکستان کے حالات ، انسانی حقوق کی خلاف ورزی اور آئین شکنی سے دنیا کو آگاہ کرنے کے لیے عالمی انسانی حقوق کی تنظیموں اور اقوامِ متحدہ سے رابطہ کرے گی۔ آزاد کشمیر جیسے حساس خطے کی بگڑتی صورتحال پر شرکاء نے شدید تشویش کا اظہار کیا اور کہا ہے کہ آزاد کشمیر کے عوام پر ایک جعلی نظام مسلط کیا گیا ہے اور عوام کو پانچ ماہ انٹرنیٹ اور بنیادی ضروریات سے محروم رکھ کہ دہشت گردی کی جا رہی ہے۔ جس کی مذمت کی جاتی ہے۔ پاکستان اس جعلی نظام اور حکومت کے بوجھ تلے دبا سسک رہا ہے اور عوام مہنگائی ، روزگار، بنیادی ضروریات سے محرومی اور زندہ رہنے کے حق سے بھی محروم رکھی جا رہی ہے۔ جبکہ حکمران طبقہ اپنی عیاشیوں کے لئے اربوں کے مہنگے جہازوں میں عوام کا ٹیکس ضائع کر رہے ہیں۔ حسین احمد یوسفزئی: ترجمان، تحریکِ تحفظِ آئینِ پاکستان
Tehreek-e-Tahafuz-e-Ayin-e-Pakistan50,368 views • 1 month ago

پہلے تو میں مایوسی نہیں پھیلانا چاہتا، لیکن صورتحال بہت خراب ہے۔ ہمیں اس حوالے سے دیانت دار ہونا چاہیے۔ جب دو دن کی بات چیت ہوئی اور وہ باہر آئے، میں کراچی میں موجود تھا تو میری ظاہر ہے ان سے بات ہو رہی تھی۔ میری علامہ صاحب سے زیادہ بات ہوتی تھی , وہ ایک انتہائی سنجیدہ شخصیت ہیں، جن کی اقتدار کی کوئی ہوس نہیں ہے اور نہ ہی وہ اقتدار کی کوئی کشمکش کر رہے ہیں؛ وہ محض سیاست کر رہے ہیں۔ جب ان سے بات چیت میں تھوڑا اشارہ مل رہا تھا تو میں اسی وقت یہ سوال کر رہا تھا کہ بیچ میں یہ دہشت گردی کا معاملہ کہاں سے آ گیا؟ یہ ایک بہت سادہ سا سوال ہے۔ آپ واقعات کا تسلسل دیکھیں۔ اگست کے وسط میں سپریم کورٹ نے ایک فیصلہ دیا کہ انہیں طبی سہولیات فراہم کی جائیں، ان کی بچوں سے بات کروائی جائے اور ان کے ڈاکٹر کو میڈیکل بورڈ کا حصہ بنایا جائے، لیکن اسے نافذ نہیں کیا گیا۔ حکومت جو مرضی کہے، بچوں سے بات نہیں کروائی گئی۔ اس میں کوئی سیکیورٹی کا خطرہ تو نہیں تھا، چلیں شفا ہسپتال نہیں لے جا سکتے تھے کیونکہ سیکیورٹی کا مسئلہ ہے، لیکن بچوں سے بات کروانے میں تو کوئی مسئلہ نہیں تھا۔ پونے دو مہینے گزرنے کے باوجود اب تک بات نہیں کروائی گئی۔ بہرحال، ورکرز کا بہت شدید دباؤ تھا۔ سیاسی جماعت ورکرز ہی سے تو بنتی ہے۔ اس دباؤ کے تحت سہیل آفریدی نے احتجاج کی کال دے دی۔ اس پر حکومت نے وہی کیا جو کوئی بھی اچھی حکومت کرتی ہے؛ انہوں نے انگیج کرنے کی کوشش کی اور یقین دہانیاں کروائیں۔ جمعرات کے روز، جس طرح میں بھی ٹاک شوز میں ہوتا ہوں، میں کامران شاہد کے پروگرام میں طارق فضل چوہدری کے ساتھ موجود تھا۔ وہاں کامران شاہد نے پوچھا کہ حکومت کیا کرے کہ یہ احتجاج کی کال واپس لے لی جائے؟ میں نے کہا کہ ان احکامات پر عمل درآمد کردیں۔ کل صبح بچوں سے بات کروا دیں، بہنوں کو چھوڑ دیں، اور طبی علاج کی سہولت دے دیں، اس میں کیا بڑی بات ہے؟ اس سے آپ کی ایک ہیجانی کیفیت فوراً کم ہو جائے گی۔ طارق فضل چوہدری کا وہی جواب تھا جو پچھلے ایک مہینے سے تمام حکومتی وزراء دے رہے ہیں کہ "ہاں، ہاں، وہ ہم کروا رہے ہیں"۔ لیکن انہوں نے کبھی بھی ان مطالبات کو دہشت گردی کے خلاف آپریشن کی منظوری کے ساتھ نتھی نہیں کیا تھا۔ مذاکرات شروع ہونے سے پہلے کبھی ایسا نہیں ہوا، مگر وہاں جا کر آپ نے یہ کر دیا۔ جو کچھ میں نے علامہ صاحب کی زبانی سنا ہے، اور باقی بھی ایک دو افراد سے، جن میں سلمان وغیرہ شامل ہیں، بات یہ ہے کہ محسن نقوی نے یہ واضح کر دیا تھا کہ یہ معاملات ایک ساتھ جڑے ہوئے ہیں۔ اگر آپ آپریشنز کی منظوری نہیں دیں گے، تو یہ نہیں ہوگا۔ یعنی عمران خان سے ملاقات، ان کا طبی علاج، سب کچھ براہ راست اس شرط سے منسلک کر دیا گیا کہ اب آپ پانچ اضلاع میں آپریشن کی منظوری دیں۔ آپریشن کا مطلب یہ ہے کہ وہاں تمام بنیادی حقوق ختم ہو جائیں گے۔ آپ کسی کو بھی اٹھائیں، کسی کو غائب کریں یا کسی کو مار دیں، کوئی سوال کرنے والا نہیں ہوگا۔ یہ بہت بڑے معاملات ہیں اور ان کے پیچھے ایک تلخ تاریخ موجود ہے۔ آپ اس پر کیسے رضامند ہو سکتے ہیں؟ میں یہ نہیں کہہ رہا، دہشت گردی ہماری ریاست کے لیے ایک وجودی خطرہ ہے، خاص طور پر بلوچستان اور خیبر پختونخوا میں۔ لیکن اس کے لیے سنجیدگی ہونی چاہیے تھی۔ سنجیدگی کا مطلب یہ ہے کہ حکومت نے اتنے عرصے میں کوئی پیش قدمی کیوں نہیں کی؟ چلیں، احتجاج کی کال سے دو مہینے پہلے کیا حکومت نے یہ کہا تھا کہ ہم آپریشن کرنا چاہتے ہیں اور اپوزیشن کے ساتھ اس پر بات چیت کرنا چاہتے ہیں؟ کب کہا تھا؟ معاشی ترجمان تحریک تحفظ آئین پاکستان محمد زبیر عمر
Tehreek-e-Tahafuz-e-Ayin-e-Pakistan56,220 views • 1 month ago

آج میں آپ سے مخاطب ہو کر بات کر رہا ہوں جناب سپیکر! میں نے اپنے گھر والوں کو نہیں بتایا، میں نے ان ساتھیوں کو نہیں بتایا۔ 26 تاریخ کو، سینیٹ کا سیشن بھی پاس ہے، میرے ساتھ ایک بچہ رہتا ہے جس کا نام ریاض ہے، میں نے اپنی بیوی کو بھی نہیں بتایا۔ ہم نے ایف آئی آر درج نہیں کی اور ہم کریں گے بھی نہیں۔ کراچی کی ایک کمپنی ہے، پولیس کی ٹیم اور نامعلوم افراد نے اسے پکڑا۔ ان کے ساتھ دو عورتیں تھیں۔ اسے آپ ایف آئی آر سمجھیں یا جو بھی، ان کے ساتھ دو عورتیں تھیں، ان سے گاڑی چھینی اور انہیں ایک پیغام دیا گیا کہ اس کے کپڑے اتارو۔ اس کے کپڑے اتارو اور اس لڑکی کے ساتھ اس کی ویڈیو بناؤ۔ آپ کو یہ کپڑے اتارنے کا کیا شوق ہوا ہے؟ آپ کیا دیکھنا چاہتے ہیں؟ کیا دیکھنا چاہتے ہیں آپ؟ کہا گیا کہ اس کے کپڑے اتارو، اس کی ویڈیو بناؤ اور وہ ویڈیو اس کی بیوی کو بھیجو۔ میں نے ایف آئی آر بھی درج نہیں کرائی، مجھ سے میرے گھر والے ناراض ہوں گے۔ اس نے بھی اپنے گھر والوں کو نہیں بتایا۔ میں نے ایف آئی آر نہیں کرانی۔ آپ کیا چاہتے ہیں؟ بالکل، اٹھا لیں اسے، اٹھا لیں۔ آج وہ میرے ساتھ بیٹھا تھا، میں نے کہا کہ ریاض لیٹ ہو گیا ہے، اسے کیا ہوا ہے؟ وہ غریب آیا، گھبرایا ہوا تھا۔ اس نے بتایا کہ ایک گھنٹے تک مجھے بٹھائے رکھا، گاڑی وہاں کھڑی کی، اور یہ بھی کہا کہ اگر ہم آپ کو لے جائیں تو کتنا پیسہ ملے گا؟ اس نے کہا کہ ایک ٹکہ نہیں ملے گا، میں غریب آدمی ہوں، محمود کے ساتھ کام کرتا ہوں۔ کیا اس طریقے سے آپ ہمیں اور پاکستان کو چلائیں گے؟ اس طریقے سے؟ اب وہ کپڑے، کیا کپڑے؟ یہاں بہنیں بیٹھی ہوئی ہیں ورنہ میں بات کھول دیتا۔ قائد حزب اختلاف محمود خان اچکزئی کا قومی اسمبلی سے خطاب جو قومی اسمبلی نے سینسر کر دیا تھا۔
Tehreek-e-Tahafuz-e-Ayin-e-Pakistan42,960 views • 1 month ago

پی ٹی آئی کی قیادت اور محمود خان صاحب کے ساتھ سفر کے دوران راستے میں ہم نماز پڑھنے کے لیے ایک پٹرول پمپ پر رکے۔ اس کے بعد وہاں موجود ایک دکان سے ہم نے کچھ چیزیں لیں۔ وہاں ایک نوجوان لڑکا تھا، جس کی عمر بمشکل 18 یا 19 سال ہوگی، اس نے میری تصویر بنائی۔ اسی دوران ایک ڈی ایس پی نے اس لڑکے کے منہ پر تھپڑ دے مارا، جس پر میں نے اس کا ہاتھ پکڑ لیا۔ میں نے اس سے کہا کہ حدیث مبارکہ ہے کہ اللہ تعالیٰ فرماتا ہے، "انسان میرا خانوادہ ہے"۔ آپ نے اس بچے کو تھپڑ مارا ہے، آپ کو یہ حق کس نے دیا ہے؟ آپ نے جرم کیا ہے، گناہ کیا ہے۔ آپ نے ایک بچے کے منہ پر نہیں بلکہ ایک انسان اور انسانیت کے منہ پر تھپڑ مارا ہے۔ کیا تمہارا اخلاق اس قدر گر چکا ہے؟ تم ایک ڈی ایس پی ہو، تمہاری اچھی خاصی عمر ہے، نچلے عہدوں سے ترقی کر کے اس مقام تک پہنچے ہو، تمہارے اپنے بچے بھی اسی کی عمر کے ہوں گے۔ ہمارا رویہ اور مزاج یہ بن چکا ہے کہ اس نے آگے سے مجھے کہا 'چپ'۔ میں نے کہا تم نے غلط کیا ہے، اس سے معافی مانگو۔ کسی کو جرم پر گرفتار کرنا آپ کا قانونی حق ہو سکتا ہے، لیکن کیا اسے ٹھڈے مارنا اور پکڑ کر کھینچنا بھی آپ کا حق ہے؟ یہ کیا طریقہ ہے کہ آپ عمران خان کی گردن اس طرح پکڑتے اور کھینچتے ہیں؟ یا اللہ! یہ کہاں کے انسان آ گئے ہیں؟ یہ درندے اور وحشی کدھر سے آ گئے ہیں؟ وائس چیئرمین تحریک تحفظ آئین پاکستان, قائد حزب اختلاف سینٹ سینیٹر علامہ راجہ ناصر عباس
Tehreek-e-Tahafuz-e-Ayin-e-Pakistan25,811 views • 20 days ago

میں آپ کو بتاؤں عمران خان صاحب کے پاس جو پلان لے کے گئے تھے، میں ساتھ تھا اس میں۔ عمران خان صاحب نے اس سے پہلے کہ یہ لوگ، پانچ چھ لوگ تھے ہم۔ سلمان اکرم راجہ صاحب تھے، علی امین گنڈاپور صاحب تھے، صاحبزادہ حامد رضا میرا بھائی جو بے گناہ جیل میں ہے، تو خان صاحب نے بیٹھتے ہی کہا، "میں نے، پہلے میری بات سنو، میں نے بنی گالا نہیں جانا ہے۔" "میں نے کوئی کمپرومائز نہیں کرنا ہے۔ میرے ساتھ والے لوگ جو ایک جملہ لکھ کے دے دیتے باہر آ جاتے۔ وہ جیل میں رہیں اور میں جنابِ والا ڈیل کر کے تو جا کے ادھر بیٹھ جاؤں؟ میں نہیں جاؤں گا۔ اور یہ جیل میرے لیے اللہ کی نعمت ہے۔" "میں پہلے وقت نہیں ہوتا تھا، قرآن پڑھتا ہوں تو پہلے ایک ترجمہ ابھی میرے پاس کئی ترجمے ہیں یا تفسیریں ہیں، مجھے اب صحیح یاد نہیں ہے۔" چار پانچ کی انہوں نے بات کی تھی۔ "دعا کرتا ہوں، پہلے نماز جلدی جلدی پڑھتا تھا، اب اطمینان سے نماز پڑھتا ہوں۔ کتابیں پڑھتا ہوں۔ یہ جیل میرے لیے اللہ کی نعمت ہے۔ قائد حزب اختلاف سینٹر علامہ راجہ ناصر عباس
Tehreek-e-Tahafuz-e-Ayin-e-Pakistan104,669 views • 4 months ago

میں نے اس وقت بھی یہ بات کہی تھی جب پشاور سکول پر اندوہناک حملہ ہوا تھا اور میاں نواز شریف بطور وزیراعظم فرائض سرانجام دے رہے تھے۔ انہوں نے ایک اعلیٰ سطحی اجلاس طلب کیا جس میں عمران خان اور مولانا فضل الرحمٰن سمیت تمام سیاسی جماعتوں کی قیادت موجود تھی۔ اس اجلاس میں میں نے مولانا فضل الرحمٰن سے مخاطب ہو کر کہا کہ آپ ایک عالمِ دین ہیں، میرا آپ سے یہ سوال ہے (جس کا تذکرہ میں نے بعد ازاں قومی اسمبلی کے فلور پر بھی کیا) کہ کیا کسی بھی شخص کو اس کی مرضی کے خلاف، بندوق یا ماضی کی طرح تلوار کی نوک پر، مذہب تبدیل کرنے پر مجبور کیا جا سکتا ہے؟ مولانا صاحب کا واضح جواب نفی میں تھا۔ اس پر میں نے اپنا دو ٹوک موقف اختیار کرتے ہوئے کہا کہ اگر ایسا ہے، تو پھر آپ لوگ بندوق کی نوک پر ہم بلوچوں کو بھی زبردستی محبِ وطن یا اپنے تصور کے مطابق پاکستانی نہیں بنا سکیں گے۔ بندوق کی نوک پر حب الوطنی ہرگز مسلط نہیں کی جا سکتی، اس سے محض نفرتیں جنم لیتی ہیں۔ ناانصافیاں، ظلم اور زیادتیاں ہمیشہ دوریاں اور بالآخر بغاوت کو جنم دیتی ہیں۔ آج کے حالات کا بغور جائزہ لیا جائے تو بلوچستان ایک 'نفرتستان' میں تبدیل ہو چکا ہے۔ جس بے دردی سے بلوچستان کو قبرستان بنایا گیا ہے، اس کے نتیجے میں آج وہاں ریاستی پالیسیوں کے خلاف نفرت اپنے عروج پر پہنچ چکی ہے۔ یاد رکھیں کہ یہ نفرت نہ ٹینکوں سے ختم ہو سکے گی، نہ عام بموں سے اور نہ ہی ایٹم بم کے استعمال سے۔ اگر طاقت کے زور اور بمباری سے نفرتوں کا خاتمہ ممکن ہوتا، تو ویتنام میں امریکہ کے خلاف، یا جاپان اور افغانستان میں روس، امریکہ اور نیٹو کے خلاف پنپنے والی نفرتیں کب کی دم توڑ چکی ہوتیں۔ زور زبردستی سے آپ کسی سے کچھ نہیں منوا سکتے۔ جہاں تک میرے ذاتی، سیاسی اور سماجی نظریات کا تعلق ہے، تو وہ نہایت واضح ہیں: سیاست اور مزاحمت: میں سنجیدہ سیاسی لوگوں کے ساتھ شائستہ سیاست، جبکہ بدمعاشوں اور غنڈہ عناصر کے خلاف بھرپور مزاحمت پر یقین رکھتا ہوں۔ بات چیت اور طاقت کا استعمال: عقلمندوں اور باشعور لوگوں کے ساتھ بات چیت کے ذریعے مسائل کا حل نکالا جانا چاہیے، جبکہ سرپھروں سے نمٹنے کے لیے طاقت کا استعمال ہی واحد راستہ ہے۔ بلوچستان کا بنیادی مسئلہ: میرے نزدیک بلوچستان کا سب سے بڑا اور سنگین مسئلہ 'بلوچ قومی شناخت' کا تسلیم نہ کیا جانا ہے۔ ریاستی اور مقامی غلطیاں: ملکی سطح پر اگر ہم پاکستان کی غلطیوں کا جائزہ لیں، تو یہ کوئی ایک نہیں بلکہ ہزاروں، بلکہ شاید لاکھوں کی تعداد میں ہوں گی۔ دوسری جانب، اگر بلوچ قیادت کی سب سے بڑی خامی کی بات کی جائے تو وہ ان کی باہمی نااتفاقی ہے۔ اپنی فکری نشوونما کے حوالے سے بات کروں تو قید و بند کی صعوبتوں کے دوران میں نے متعدد کتب کا مطالعہ کیا۔ تاہم، بچپن میں پڑھی جانے والی پہلی کتاب جس نے میرے ذہن پر گہرے نقوش چھوڑے، وہ سوویت انقلاب کے موضوع پر لکھی گئی 'دارالرسن کی آزمائش' تھی۔ اسی طرح، جہاں تک کسی ایک شخصیت سے متاثر ہونے کا سوال ہے، تو ہر انسان کے نزدیک اس کا اپنا ایک منفرد معیار اور آئیڈیل ہوتا ہے۔ سربراہ بی این پی مینگل اختر جان مینگل Akhtar Mengal
Tehreek-e-Tahafuz-e-Ayin-e-Pakistan91,944 views • 3 months ago

ایوب خان یہاں دس سال رہا، اس کے بعد میرے دوست اعجاز الحق صاحب کے والد صاحب گیارہ سال رہے۔ اس کے بعد مشرف صاحب گیارہ سال رہے۔ کون سا انقلاب؟ یہ غیر شرکاتی دور تھا۔ ان کا ایک ایک فقرہ حکمِ آخر تھا۔ جو کچھ وہ چاہتے تھے، جو کچھ کرنا چاہتے تھے، ان کے جانے کے بعد پاکستان دہشت گردوں کا اڈا بنا۔ پاکستان دہشت گردی اور دنیا بھر کے مافیاز کا اڈا بنا۔ افغانستان کی جنگ میں ہم کود پڑے، اور اب دہشت گردی کا رونا رو رہے ہیں۔ دنیا کے سارے دہشت گردوں کی تربیت ہم نے دی، ان کی تربیت کی گئی تھی۔ قائد حزب اختلاف محمود خان اچکزئی کا قومی اسمبلی سے خطاب جو قومی اسمبلی نے سینسر کر دیا تھا
Tehreek-e-Tahafuz-e-Ayin-e-Pakistan30,316 views • 1 month ago

جنہیں آپ حوثی کہتے ہیں، 'حوث' تو ایک گاؤں کا نام ہے۔ جیسے لاڑکانہ ایک جگہ کا نام ہے؛ پیپلز پارٹی کا صدر لاڑکانہ سے تھا تو یہ لاڑکانہ کی پارٹی نہیں بلکہ پاکستان کی پارٹی ہے۔ ان کا اصل نام 'انصار اللہ' ہے اور حوث ان کا گاؤں، ٹاؤن یا ضلع ہے۔ وہ چاہتے ہیں کہ پاکستان آگے آئے، بیٹھے، ثالثی کرے اور صلح کا کردار اپنائے؛ یہ پاکستان کا حق بنتا ہے اور ایسا ہونا چاہیے۔ اگر دو مسلمانوں میں لڑائی ہو تو صلح کروانی چاہیے، کسی ایک فریق کی پارٹی نہیں بننا چاہیے۔ ہماری اقتصادی اور معاشی مشکلات ضرور ہیں، لیکن ایسے فیصلے نہ کریں جن کے نتیجے میں ہم بہت تباہ و برباد ہو جائیں، خدا کے لیے اس طرف نہ جائیں۔ میری گزارش ہے کہ یمن اور پاکستان کے جو بارڈرز بند کر دیے گئے ہیں، ان کے بارے میں باقاعدہ ایک جوائنٹ سیشن اور ان کیمرہ اجلاس ہونا چاہیے۔ ہمیں بتایا جائے کہ کیا ہو رہا ہے؟ آپ نے کس وجہ سے ایران کا بارڈر بند کیا ہے؟ افغانستان کا بارڈر بھی بند ہے؛ پہلے ہی پاکستان کے لوگ کہتے ہیں کہ افغانستان کے ذریعے سینٹرل ایشیا تک ہماری 1.7 بلین ڈالر کی تجارت تھی جو آج بند ہے۔ جب مہنگائی ہو گی، پیسے نہیں ہوں گے اور کاروبار نہیں ہوں گے تو لوگ کیا کریں گے اور کدھر جائیں گے؟ خدا کے لیے چیزوں کو سمجھنا چاہیے اور اس طرف توجہ دینی چاہیے۔ بہرحال، 8 فروری کو جو کچھ بھی ہوا اور اس کے بعد جوائنٹ سیشن میں بیٹھ کر جس طرح اس کی توثیق کی گئی، یہ قابلِ مذمت ہے اور پاکستان سے دشمنی ہے۔ آپ عمران خان سے اس طرح صوبہ اور مینڈیٹ چھین کر انہیں غیر متعلقہ نہیں کر سکتے اور نہ ہی ان سے اپنی جان چھڑا سکتے ہیں۔ اگر آپ چاہتے ہیں کہ ہم اس طرف جائیں اور انہیں نشانِ عبرت بنائیں، تو انہیں نشانِ عبرت بناتے بناتے آپ پاکستان کو اور اپنے آپ کو نشانِ عبرت بنا لیں گے؛ خدا کے لیے ایسا نہ کریں۔ ہر ایک میں صلاحیت ہے، آپ میں اور ان میں، ہر ایک کی صلاحیت سے پاکستان کے لیے فائدہ اٹھائیں۔ یہ پاکستان کے بیٹے ہیں، کوئی غیر یا پاکستان کے دشمن نہیں ہیں۔ اس لیے اپنے لوگوں کو پہچانیں اور ان سے استفادہ کریں۔ وائس چیئرمین تحریک تحفظ آئین پاکستان, قائد حزب اختلاف سینٹ سینیٹر علامہ راجہ ناصر عباس
Tehreek-e-Tahafuz-e-Ayin-e-Pakistan24,312 views • 29 days ago

کوئی ایسا ضلع نہیں ہے، ہمارے زمانے میں 25 تھے پتہ نہیں اب کتنے ضلعے بن گئے ہیں، کیونکہ روزانہ ایک نیا ضلع، کسی وزیر کو خوش کرنے کے لیے یا ایم پی اے کو خوش کرنے کے لیے بنایا جاتا ہے۔ کوئی ایسا ضلع نہیں ہے جس میں یہ کہا جائے کہ وہاں امن و امان ہے۔ تین دن کے اندر بلوچستان میں نوجوانوں کی 35 مسخ شدہ لاشیں سڑکوں پر پھینک دی گئی ہیں۔ اور ان لاشوں کو اگر کوئی اٹھانے آتا ہے تو اس کو منع کیا جاتا ہے یا اسے بھی غائب کر دیا جاتا ہے کہ ان لاشوں کو سڑنے دو۔ ان لاشوں کو جانور کھائیں لیکن ان کو قبر نصیب نہ ہو۔ آپ لوگوں نے انگریزوں کے دور کے واقعات سنے ہوں گے۔ یہاں وہ بزرگ موجود ہوں گے جنہوں نے وہ دور دیکھا ہوگا یا اپنے آباؤ اجداد سے اس دور کے واقعات سنے ہوں گے۔ وہ ایک غیر مذہب تھا، لیکن اس غیر مذہب کی حکمرانی میں بھی ہمارے شہداء کو اعزاز کے ساتھ دفنایا جاتا تھا۔ ہماری ماؤں بہنوں کی عزت کی جاتی تھی، وہ بلاوجہ گھروں میں نہیں گھستے تھے۔ آج جس کو مملکت خداداد پاکستان یا اسلامی جمہوریہ پاکستان کہا جاتا ہے، اس میں مجھے بتائیں کہ اسلام کہاں ہے؟ اس میں آپ مجھے دکھائیں کہ جمہوریت کہاں ہے؟ اس ملک میں نہ ہماری اور آپ کی عزتیں محفوظ ہیں، نہ ہمارے اور آپ کے بچے محفوظ ہیں، نہ ہی ہمارے گھر کی چادر اور چار دیواری محفوظ ہے۔ نہ ہم کاروبار کر سکتے ہیں، نہ ہی اپنی رائے کے مطابق کسی کو ووٹ دے سکتے ہیں۔ آج جو کچھ بھی خیبر پختونخوا میں ہو رہا ہے، وہ آپ لوگوں کے 8 فروری 2024 کے فیصلے کی سزا دی جا رہی ہے۔ اب یہ خیبر پختونخوا کے لوگوں پر منحصر ہے کہ وہ اس سزا کو قبول کرتے ہیں یا اس کے مقابلے میں کھڑے ہوتے ہیں۔ آپ لوگوں کا مینڈیٹ چرایا گیا ہے۔ آدھا مینڈیٹ تو 8 فروری 2024 کو چرایا گیا تھا، اور جو بقایا تھا وہ سب محسن نقوی کے ہاتھوں چرا لیا گیا ہے۔ ایک شخص جس سے 11 بندوں کی کرکٹ ٹیم نہیں سنبھالی جاتی، اس کو آپ نے 24 کروڑ عوام کی ذمہ داری دے دی ہے۔ ان پر لعنت نہ بھیجوں تو کیا بھیجوں؟ شرم آنی چاہیے ان لوگوں کو جنہوں نے ایسے لوگوں کو اقتدار سونپا۔ شرم آنی چاہیے ایسی قوتوں کو جنہوں نے ایسے بدکردار لوگوں کو ہم پر اور آپ پر مسلط کیا ہے۔ ہمیں اور آپ کو اکٹھا ہونا ہوگا۔ مہران سے لے کر بلوچستان اور بلوچستان سے لے کر خیبر پختونخوا تک، ہم سب کو یہ فیصلہ کرنا ہوگا کہ ہم جیئیں گے تو ایک آزاد قوم کی حیثیت سے جیئیں گے، ہم غلام کی حیثیت سے نہیں جیئیں گے۔ ہم نے گورے انگریزوں کی غلامی قبول نہیں کی تھی، تو ان کالے انگریزوں کی غلامی بھی ہم ہرگز قبول نہیں کریں گے۔ انشاءاللہ! ہم جیئیں گے تو سر اٹھا کر جیئیں گے، اور اگر مریں گے تو فخر سے قبرستان جائیں گے۔ وائس چیئرمین تحریک تحفظ آئین پاکستان, سربراہ بلوچستان نیشنل پارٹی اختر جان مینگل Akhtar Mengal
Tehreek-e-Tahafuz-e-Ayin-e-Pakistan24,685 views • 1 month ago