Yazeed Alyahya
@yyh150 • 17,783 subscribers
مهتم في المجال الرياضي،اقدم لك معلومات في نطاق معرفتي البسيط للتدريب الأونلاين والوصول لحسابي في جميع المنصات 👇🏽
Videos
بالجودة وليس الكمية. الفترة الأخيرة حولت جدول تمريني من 5 أيام إلى 3 أيام، ومن 6-7 تمارين في اليوم إلى 3-4، ومن 4-5 جلسات إلى 2-3، ومن أوزان عالية جدًا وجودة عدّات سيئة إلى أوزان ثقيلة نسبيًا ومحفزة وجودة عدّات عالية. والفرق اللي لاحظته: •تطور خلال 3 أشهر يعادل تطور السنتين الماضية. •زيادة القوة أثناء فترة التنشيف. •عدم وجود أي إرهاق خلال اليوم. •انعدام ألم الأوتار والمفاصل. •متعة في التمرين. هل اللي سويته صح؟ بالنسبة لي 100%. بالنسبة لك؟ ما أدري، بس اللي أعرفه إن النظام يستحق إنك تعطيه فرصة.
Yazeed Alyahya1,290,996 Aufrufe • vor 11 Monaten
القرار راجع لك في تمرينها، لكن اللي لازم تعرفه أنها أكبر عضلة في جسمك، وإذا كانت قوية: - راح تخليك تنسى الألم أسفل الظهر - راح تزيد من حرق جسمك - راح تزيد من تناسق جسمك وجماليته ملاحظة: العضلة نفسها حجمها صغير، فلو كنت ممتنع عن تمرينها لأنك تخاف تكبر، فلا تخاف، لأن اللي في بالك دهون ماهي عضل 🤝🏽
Yazeed Alyahya654,127 Aufrufe • vor 6 Monaten
لو كنت تعاني من تطور عضلة اللاتس عندك، فغالبًا السبب هو إنك جالس تمرنها بمدى حركي كامل، وهذا الشي يفقد اللاتس ميزتها الميكانيكية. الكلام اللي أنت شايفه فوق هذا هو الكلام الدارج الفترة الأخيرة تجاه عضلة اللاتس وتطورها، لكن ما مدى صحته؟ الادعاء ينطلق من نقطة إن عضلة اللاتس تفقد ميزتها الميكانيكية بعد 120 درجة من وظيفتها، واللي هي “shoulder adduction”، بسبب قصر ذراع العزم الداخلي، وبالتالي الجهاز العصبي ما يفعّل العضلة بكفاءة في المدى الكامل. لكن هل الكلام هذا صحيح أو لا؟ وليش؟ الكلام غير صحيح ❌: لأن ذراع العزم مو كل شيء، والاعتماد عليه لحاله عشان تحدد كفاءة العضلة خطأ. فيه عوامل ثانية أهم، مثل طول العضلة، وحجمها، وزاوية منشأ الألياف. دراسات الـ EMG أثبتت إن تفعيل العضلة الحقيقي ما يطابق فرضية ذراع العزم. واللاتس ما تفقد ميزتها بعد 120 درجة. الدراسات اللي تم الاستناد عليها في طرح هذي الفرضية غالبيتها قديمة وضعيفة، ودراسات أخرى أثبتت نتائج متضاربة تمامًا، يعني ما فيه دليل قاطع إنها تفقد كفاءتها بعد هالزاوية. قوة الاستطالة (Stretch): اللاتس من العضلات اللي “تعشق” الاستطالة، لأنها تقدر تنتج نوعين من القوة (نشطة وسلبية)، وبما إنها تتجاوز المرحلة التنازلية في منحنى الطول-القوة، فهي تقدر تولد توتر ميكانيكي عالي جدًا في وضعية الاستطالة. الخلاصة: اللاتس، وجميع عضلات جسمك، يفضلون الاستطالة والتمرين بمدى حركي كامل، لأجل تحقيق أفضل تحفيز ونمو، بالإضافة إلى تحسين صحة الجسم ككل، واللي بدوره راح يدعم استمراريتك وتطورك. 🤝🏽
Yazeed Alyahya136,190 Aufrufe • vor 2 Monaten
ثاني شهر على التوالي وأوزاني ما تغير فيها إلا شيء بسيط، رغم ذلك جسمي جالس يتحول تحول جذري، فيا ترى وش السبب؟ ج/ السبب بكل بساطة أن وزني قبل شهرين كان 86 واليوم 74، فكوني جالس أشيل نفس الأوزان وأنا ناقص 12 كيلو هذا بحد ذاته إنجاز وعامل محفز لجسمي أنه يستمر في التطور. فدائماً تذكر أن الأوزان عامل من عدة عوامل لقياس التطور، فلا ترهن نفسك وتطورك فيها.
Yazeed Alyahya92,869 Aufrufe • vor 4 Monaten
جاري العمل على مشروع اتمام التطابق، سنوافيكم بأخر المستحدات قريباً بأذن الله 😂🤍
Yazeed Alyahya61,702 Aufrufe • vor 3 Monaten
الوضع الأعتيادي : - احتياج يومي محسوب من الاكل - 4 ايام تمرين - شدة عالية وحمل محفز للجسم - 4 مرات كارديو في الاسبوع - خطوات لاتقل عن 7000 خطوة في اليوم - 4-6 لتر موية في اليوم - 7 ساعات نوم يومياً الوضع اثناء السفر : - اكل نظيف قدر الامكان، حريص اني اخذ حاجتي اليومية من البروتين - 3 ايام تمرين - شدة عالية وحمل محفز للجسم - خطوات لاتقل عن 25000 خطوة في اليوم - المضمون 3 لتر موية في اليوم - 7-10 ساعات نوم يومياً وش النقطة المشتركة واللي ماتغيرت بين الوضعين 👀
Yazeed Alyahya97,269 Aufrufe • vor 8 Monaten
كممارس لرياضة المقاومة في وقتنا الحالي، من أصعب الأشياء اللي ممكن تسويها إنك تحدد التمارين الأفضل لكل عضلة، وهذا الشي يعود لكم التشتت اللي صرنا نتقلب فيه بشكل يومي ما بين مؤثرين المجال الرياضي وما بين المدارس المختلفة في هذا المجال، وهذا كله كوم، وشركات الأجهزة اللي كل يوم مطلعة لنا جهاز جديد كوم آخر. لكن فيه سؤال سحري 🪄 لو سألته قبل اختيار أي تمرين، راح تصفى لك الرؤية وبتعرف تختار أفضل التمارين بدون ما تحتاج لأحد، إلا وهو: (إيش وظيفة العضلة هاذي، وهل التمرين/الجهاز/الطريقة هاذي تحاكي وظيفة العضلة أو لا؟) ولو سألت هذا السؤال فيما يتعلق بعضلة الصدر، بتلقى تمرين الـ Fly أو التفتيح كما يسميه البعض، على رأس قائمة أفضل التمارين اللي تحاكي وظيفة عضلة الصدر، فاحرص إن جدولك لا يخلو منه وانا اخوك.
Yazeed Alyahya56,102 Aufrufe • vor 4 Monaten
ما أبالغ إذا قلت إن صوتي الداخلي: قبل التمرين وأثناء التمرين وبين كل تمرين وتمرين وفي كل جلسة وفي كل عدة وفي كل دقيقة من الكارديو كان يقولي حاجة وحدة " وقف واسحب على الباقي واطلع شف لك أي مطعم وخرب الدنيا 😅" لكن إيش؟ المطلوب؟ 👂🏽 بالضبط " لازم يتم 🤝🏽 " والحمد لله تم تمرين اليوم، وتم رغم صعوبته 🔥 وهذي الأيام، في وجهة نظري، هي اللي تفرق، وتبين لك إذا أنت صادق مع نفسك وصدق تبي توصل للي في بالك او لا، و كل كلامك لنفسك كان أحلام يقظة لا أكثر. الحمد لله 🩵
Yazeed Alyahya25,531 Aufrufe • vor 2 Monaten
ليش أغلبنا بعد تمرين الترابيس العلوية يتحول لـ 🤖 بسبب شدود الرقبة؟ بكل بساطة لأنه يقاوم الوزن أثناء التمرين برقبته وليس بترابيسه العلوية، واللي هي الجزء اللي من المفترض أن يقع علية أكبر جزء من الحمل. طيب هذا الشي كيف يصير وكيف أتفاداه؟ يصير عن طريق إنك تكون رافع رقبتك للأعلى أثناء التمرين، وبالطبع بتتفاداه إذا سويت العكس. وعلشان ما تكون الوضعية غير طبيعية لجسمك “ إنك مستقيم استقامة كاملة وراسك للأسفل “ ويكون فيه ضغط عالي على فقراتك العلوية، حاول إنك تميل جذعك كاملاً للأمام تكه بحيث تسمح لراسك إنه ينزل للأسفل بدون أي ضغط على أعلى عمودك الفقري.
Yazeed Alyahya36,313 Aufrufe • vor 4 Monaten
تبغى: • مرونة عالية • أوتار قوية • تجنّب الإصابات على المدى البعيد ؟ • تمرّن بمدى حركي كامل 🤝🏽
Yazeed Alyahya26,930 Aufrufe • vor 9 Monaten
Keine weiteren Inhalte verfügbar