Yazeed Alyahya
@yyh150 • 17,471 subscribers
مهتم في المجال الرياضي،اقدم لك معلومات في نطاق معرفتي البسيط للتدريب الأونلاين والوصول لحسابي في جميع المنصات 👇🏽
Videos
القرار راجع لك في تمرينها، لكن اللي لازم تعرفه أنها أكبر عضلة في جسمك، وإذا كانت قوية: - راح تخليك تنسى الألم أسفل الظهر - راح تزيد من حرق جسمك - راح تزيد من تناسق جسمك وجماليته ملاحظة: العضلة نفسها حجمها صغير، فلو كنت ممتنع عن تمرينها لأنك تخاف تكبر، فلا تخاف، لأن اللي في بالك دهون ماهي عضل 🤝🏽
Yazeed Alyahya653,420 次观看 • 4 个月前
بالجودة وليس الكمية. الفترة الأخيرة حولت جدول تمريني من 5 أيام إلى 3 أيام، ومن 6-7 تمارين في اليوم إلى 3-4، ومن 4-5 جلسات إلى 2-3، ومن أوزان عالية جدًا وجودة عدّات سيئة إلى أوزان ثقيلة نسبيًا ومحفزة وجودة عدّات عالية. والفرق اللي لاحظته: •تطور خلال 3 أشهر يعادل تطور السنتين الماضية. •زيادة القوة أثناء فترة التنشيف. •عدم وجود أي إرهاق خلال اليوم. •انعدام ألم الأوتار والمفاصل. •متعة في التمرين. هل اللي سويته صح؟ بالنسبة لي 100%. بالنسبة لك؟ ما أدري، بس اللي أعرفه إن النظام يستحق إنك تعطيه فرصة.
Yazeed Alyahya1,289,734 次观看 • 9 个月前
لو كنت تعاني من تطور عضلة اللاتس عندك، فغالبًا السبب هو إنك جالس تمرنها بمدى حركي كامل، وهذا الشي يفقد اللاتس ميزتها الميكانيكية. الكلام اللي أنت شايفه فوق هذا هو الكلام الدارج الفترة الأخيرة تجاه عضلة اللاتس وتطورها، لكن ما مدى صحته؟ الادعاء ينطلق من نقطة إن عضلة اللاتس تفقد ميزتها الميكانيكية بعد 120 درجة من وظيفتها، واللي هي “shoulder adduction”، بسبب قصر ذراع العزم الداخلي، وبالتالي الجهاز العصبي ما يفعّل العضلة بكفاءة في المدى الكامل. لكن هل الكلام هذا صحيح أو لا؟ وليش؟ الكلام غير صحيح ❌: لأن ذراع العزم مو كل شيء، والاعتماد عليه لحاله عشان تحدد كفاءة العضلة خطأ. فيه عوامل ثانية أهم، مثل طول العضلة، وحجمها، وزاوية منشأ الألياف. دراسات الـ EMG أثبتت إن تفعيل العضلة الحقيقي ما يطابق فرضية ذراع العزم. واللاتس ما تفقد ميزتها بعد 120 درجة. الدراسات اللي تم الاستناد عليها في طرح هذي الفرضية غالبيتها قديمة وضعيفة، ودراسات أخرى أثبتت نتائج متضاربة تمامًا، يعني ما فيه دليل قاطع إنها تفقد كفاءتها بعد هالزاوية. قوة الاستطالة (Stretch): اللاتس من العضلات اللي “تعشق” الاستطالة، لأنها تقدر تنتج نوعين من القوة (نشطة وسلبية)، وبما إنها تتجاوز المرحلة التنازلية في منحنى الطول-القوة، فهي تقدر تولد توتر ميكانيكي عالي جدًا في وضعية الاستطالة. الخلاصة: اللاتس، وجميع عضلات جسمك، يفضلون الاستطالة والتمرين بمدى حركي كامل، لأجل تحقيق أفضل تحفيز ونمو، بالإضافة إلى تحسين صحة الجسم ككل، واللي بدوره راح يدعم استمراريتك وتطورك. 🤝🏽
Yazeed Alyahya136,190 次观看 • 1 个月前
ما أبالغ إذا قلت إن صوتي الداخلي: قبل التمرين وأثناء التمرين وبين كل تمرين وتمرين وفي كل جلسة وفي كل عدة وفي كل دقيقة من الكارديو كان يقولي حاجة وحدة " وقف واسحب على الباقي واطلع شف لك أي مطعم وخرب الدنيا 😅" لكن إيش؟ المطلوب؟ 👂🏽 بالضبط " لازم يتم 🤝🏽 " والحمد لله تم تمرين اليوم، وتم رغم صعوبته 🔥 وهذي الأيام، في وجهة نظري، هي اللي تفرق، وتبين لك إذا أنت صادق مع نفسك وصدق تبي توصل للي في بالك او لا، و كل كلامك لنفسك كان أحلام يقظة لا أكثر. الحمد لله 🩵
Yazeed Alyahya25,531 次观看 • 25 天前
كممارس لرياضة المقاومة في وقتنا الحالي، من أصعب الأشياء اللي ممكن تسويها إنك تحدد التمارين الأفضل لكل عضلة، وهذا الشي يعود لكم التشتت اللي صرنا نتقلب فيه بشكل يومي ما بين مؤثرين المجال الرياضي وما بين المدارس المختلفة في هذا المجال، وهذا كله كوم، وشركات الأجهزة اللي كل يوم مطلعة لنا جهاز جديد كوم آخر. لكن فيه سؤال سحري 🪄 لو سألته قبل اختيار أي تمرين، راح تصفى لك الرؤية وبتعرف تختار أفضل التمارين بدون ما تحتاج لأحد، إلا وهو: (إيش وظيفة العضلة هاذي، وهل التمرين/الجهاز/الطريقة هاذي تحاكي وظيفة العضلة أو لا؟) ولو سألت هذا السؤال فيما يتعلق بعضلة الصدر، بتلقى تمرين الـ Fly أو التفتيح كما يسميه البعض، على رأس قائمة أفضل التمارين اللي تحاكي وظيفة عضلة الصدر، فاحرص إن جدولك لا يخلو منه وانا اخوك.
Yazeed Alyahya55,898 次观看 • 3 个月前
الوضع الأعتيادي : - احتياج يومي محسوب من الاكل - 4 ايام تمرين - شدة عالية وحمل محفز للجسم - 4 مرات كارديو في الاسبوع - خطوات لاتقل عن 7000 خطوة في اليوم - 4-6 لتر موية في اليوم - 7 ساعات نوم يومياً الوضع اثناء السفر : - اكل نظيف قدر الامكان، حريص اني اخذ حاجتي اليومية من البروتين - 3 ايام تمرين - شدة عالية وحمل محفز للجسم - خطوات لاتقل عن 25000 خطوة في اليوم - المضمون 3 لتر موية في اليوم - 7-10 ساعات نوم يومياً وش النقطة المشتركة واللي ماتغيرت بين الوضعين 👀
Yazeed Alyahya97,269 次观看 • 6 个月前
ليش أغلبنا بعد تمرين الترابيس العلوية يتحول لـ 🤖 بسبب شدود الرقبة؟ بكل بساطة لأنه يقاوم الوزن أثناء التمرين برقبته وليس بترابيسه العلوية، واللي هي الجزء اللي من المفترض أن يقع علية أكبر جزء من الحمل. طيب هذا الشي كيف يصير وكيف أتفاداه؟ يصير عن طريق إنك تكون رافع رقبتك للأعلى أثناء التمرين، وبالطبع بتتفاداه إذا سويت العكس. وعلشان ما تكون الوضعية غير طبيعية لجسمك “ إنك مستقيم استقامة كاملة وراسك للأسفل “ ويكون فيه ضغط عالي على فقراتك العلوية، حاول إنك تميل جذعك كاملاً للأمام تكه بحيث تسمح لراسك إنه ينزل للأسفل بدون أي ضغط على أعلى عمودك الفقري.
Yazeed Alyahya36,313 次观看 • 2 个月前
خلال أسبوعين دفعت فوق 6,000 ريال سعودي على أخصائيي العلاج الطبيعي بدون فائدة، وخلال أسبوعين آخرين قدرت أعالج نفسي بنفسي من كل إصاباتي وبدون ما أدفع ولا ريال. “ويوم أقولك إصاباتي”، فأنا أعنيها، لأني كنت أعاني من سبع إصابات في وقت واحد. فيا ترى وش السالفة وكيف قدرت أعالج إصاباتي بنفسي؟ القصة، يا صديقي، تبدأ في عام 2019، وفي هذا العام كنت أشتغل كاشير في سوبرماركت غذائي، وطبيعة الشغلة كنت مجبر فيها أني أوقف ما بين 8 - 10 ساعات يومياً، ويديني طوال الوقت شغالة بين سحب الأغراض، وتكييسها، والحساب عليها. ومن هنا بدأت تجيني الإصابات وحدة تلو الأخرى نتيجة عدم تعود جسمي على هذا الضغط العالي. بداية الإصابات كانت في ركبتيّ الثنتين، ومن ثم انتقلنا إلى أسفل الظهر، ثم إلى الأكواع الاثنين، وانتهاءً بـ الأكتاف الاثنين. ما أبالغ إذا قلت لك إنه في وقت من الأوقات كان أسوأ كوابيسي أني أعطس بسبب التهاب عضلة الرمبويد اللي تقع بين ألواح الكتف. وكأي واحد في هذا الوضع، كان خياري الأول أني أروح لمختص في هذا المجال، وبدأت أتنقل من واحد للثاني بدون أي فائدة تذكر. ما أنكر أنه أثناء الجلسات كنت أرتاح، لكن بمجرد ما أطلع من عند المختص ما هي إلا ساعات ويرجع الألم أقوى من أول. ومن هنا توصلت إلى أن اللي جالس يصير معي أثناء الجلسات هو “مُخدر” لا أكثر، وكنت راضيًا فيه بيني وبينكم، لأن الألم اللي كنت أعاني منه لا يُطاق، وما كان عندي مشكلة، الأهم أن تخف حدة الألم اللي عندي حتى لو لوقت بسيط. مرت الأيام، ومن مختص إلى مختص، إلى أن وصلت لشخص كان يقال عنه إنه من أفضل مختصي العلاج الطبيعي في المملكة. دخلت عليه، وكان وقتها ألم الكوع الأيمن عندي هو الأشد من بين إصاباتي، فقلت: “خل نبدأ فيه”. بدأ فعلاً في الضغط وتحريك اليد، ومن ثم طالعني وقال: “اللي معك هو التهاب في وتر المرفق.” قلت له: “عارف، واسمه العلمي Tennis Elbow، أنا جايك أبي علاج له. 😅” طالعني وقال: “هذه إصابة دائمة، وللأسف مالها علاج. كل اللي تقدر تسويه أنك يومياً تمسك دبة موية بيدك وتثبتها خمس دقائق.” قلت له: “وش الهدف؟” قال: “علشان تمط الوتر وتخفف الالتهاب.” ما أبالغ إذا قلت لكم أن وجهي وقتها كان كذا 🙂 على العموم، طلعت من عنده وأنا أقول في نفسي: “مستحيل أروح لأي أخصائي علاج طبيعي من هذا اليوم.” (وهذا ليس استنقاصًا فيهم، لكن بسبب التجربة اللي مريت فيها.) من ذاك اليوم، أخذت عهدًا على نفسي أني راح أبحث في الموضوع وأعالج كل إصاباتي بنفسي، وهذا الشي اللي صار فعلاً. وكما ذكرت لكم في البداية، خلال أسبوعين فقط من بداية بحثي قدرت أعالج كل إصاباتي ولله الحمد. لكن ما كان هذا هو المكسب الأعظم اللي طلعت فيه من هذه التجربة، التجربة أفادتني كثيراً جداً، لدرجة أن أكثر من 30% من مشتركيني الحاليين هدفهم من الاشتراك هو تأهيل الإصابات اللي معهم. الحمد لله. لكن المكسب الحقيقي في وجهة نظري اللي أنا طلعت فيه من هذه التجربة هو حاجتين: 1.اليقين بأن أصعب الظروف اللي راح تمر فيها في حياتك، وُجدت لسبب، وراح تكون من أهم المحطات في حياتك، واللي راح تنقلك لوضع ومكان ما كنت تتوقعه، لو عرفت كيف تتعامل معها وتستفيد منها. 2.العمل بما هو متاح مهما كان وضعك، وهذا تعلمته أيام ما كنت أسوي تمارين بوزن الجسم في البيت أثناء هذه الفترة، لأني ما كنت أقدر أتمرن في النادي بسبب كمية الإصابات اللي كنت أعاني منها. والحمد لله، كان لهذا القرار أثر إيجابي كبير جداً عليّ يوم رجعت للنادي، من ناحية أني ما أخذت وقتًا طويلًا في التأسيس والعودة للمستوى السابق. وبس، يا طويلين العمر. اللي جاب هذا الموضوع على بالي الآن هو أني أعاني حالياً من إصابة في أحد أكواعي. 😂 بعد أكثر من ثلاث سنوات لم أعاني فيها من أي إصابة، ولله الحمد. وسبب هذه الإصابة هو كثرة الجلوس على الكمبيوتر. لكن الحمد لله، جالسين نتحسن حبة حبة، والأهم أننا جالسين نسوي اللي علينا بما يتناسب مع وضعنا. وأظن أن الصورة اللي راح أحطها لك تحت راح توصف لك وضعي حالياً. بعد ما كنت أطقطق بـ 5 بليت في هذا التمرين، صرت بالقوة قادر أحرك 2 بليت. 💔 لكن العودة قريبة بإذن الله، وأقوى من ما مضى 🫂🤍 شكراً لوقتك واعتذر على الاطاله 🙏🏽
Yazeed Alyahya15,857 次观看 • 1 年前
没有更多内容可加载