د ننګرهار د طب پوهنځي سلګونو محصلانو نن د... طالبانو له خوا د نجونو پر زده کړو د بشپړ بنديز پر ضد اعتراض وکړ. دا هم طالبانو ته پيغام دی او هم هغو ته چې د طالب هره کړنه په قوم او ژبې پوري تړي.show more

د ننګرهار د طب پوهنځي سلګونو محصلانو نن د... طالبانو له خوا د نجونو پر زده کړو د بشپړ بنديز پر ضد اعتراض وکړ او د خپلو خویندو تر څنګ ودرېدل. وروڼو؛ اوس ستاسې وار دی، د خویندو تر څنګ مو ودرېږئ او د تاریخ ننګ ځانته مه پرېږدئ!show more

هغه طالب چارواکی چې نارنج ګل مشاعره کې یې... د سلګونو خلکو پر وړاندې د خبریالانو توهین او سپکاوای کړی، کاش له هغو شپو ورځو هم لږ شرمېدلی وای، چې له پاکستان سره په جګړه اوښتي وو او همدغو خبریالانو په شپه ورځ کار سربېره ان د دوی په ملاتړ د فېک نیوز قرباني هم ورکړه، خو چې د طالب سر لږ هم له بړستنې را ووت د غرور په همغه خره سپور شو په کوم خره چې په اولو ورځو کې سپور و. تریخ حقیقت دا دی چې د افغانستان ټوله مېډیا له سخت سانسور سره مخ ده او دا سانسور له بده مرغه د سیمې په کچه کمساری دی. خبریالان د هم لږ خپل حد وپېژني، طالب چې د جنرال مبین او ورته نورو سلګونو لابیګرانو نه شو ستاسې خو قطعآ نه شي کېدای. طالبانو په یویشتمه پېړۍ کې د حکومتدارۍ داسې یو ماډل نړۍ ته وړاندې کړی چې د میلیونونو انسانانو حقوق تر پښو لاندې کول، د بیان ازادۍ سانسور، د ښځو پر وړاندې نهایي عقدیي چلند، د عصري علومو پر وړاندې کلکه دښمني پکې نورمال خبرې دي.show more

دا د پکتيا ولايت د بلند منزلونو په ساحه... کې نن پر واکسيناتورانو د ډزو ثبت شوې صحنه ده. زاويه نیوز ته له محل څخه عيني شاهدانو وويل، يو تن ټپي او بل وژل شوی دی. وژل شوی واکسيناتور عبدالسلام د دادګل زوی دی او د نوموړي د يو خپل په وينا، قاتل طالب وسله وال دی: «کله چې نوموړي پر لوډسپيکر ماشومان واکسين ته وبلل، طالب جنګيالي خپله وسله را ایستلې او پر واکسيناتورانو يې ډزې کړې دي. قاتل ويل، واکسين حرام دی او هيچاته به اجازه ورنکړي چې د دوی ماشومان واکسين کړي.» طالبانو ته په تېرو شلو کلونو کې خپلو مشرانو د واکسيناتورانو وژل او نښه کول ثواب تشريح کړي او واکسين حرام بولي. د دوی جنګيالي اوس هم په همدې روحيه دي.show more

د افغانستان د بدخشان ولایت کې د قیمتي کانونو... د عوایدو او کنټرول پر سر اختلافاتو د طالبانو ترمنځ دننه شخړې زیاتې کړې دي. د راپورونو له مخې، د طالبانو تاجک قوماندان مولوي جمعه خان فتح له تحریک څخه جلا شوی او په بدخشان کې یې د طالبانو پر ضد د مقاومت او بغاوت اعلان کړی دی.show more

د ولس لوږه او د وسله‌والو نندارې؛ کله به... مسؤلیت پېژندل کيږي؟ د ټولنیزو رسنیو یو شمېر کاروونکو ددې ويډيو په خپرولو سره وایي؛ د افغانستان عام ولس چې د سهار او ماښام ډوډۍ ته حیران دی او د بې‌وزلۍ تر ټولو سختې ورځې تېروي، د بیت المال له وسلو سره دا ډول لوبې کول د ملت پر زخمونو مالګه اچول دي. دوی وايي؛ په یو هېواد کې چې خلک یې د یوې مړۍ ډوډۍ لپاره محتاج وي، د زرګونو افغانیو په ارزښت مهمات په هوا کې دودول نا انساني او نااسلامي عمل دی. د دوی په وينا؛ هره مرمۍ چې هوا ته ویشتل کېږي، بېرته ځمکې ته راګرځي. دا "سرګردانه مرمۍ" اکثراً د بې‌ګناه هېوادوالو، په ځانګړې توګه د ماشومانو او ښځو د ټپي کېدو او مړینې لامل ګرځي. ځينې نور بيا وايي؛ دغه وسله‌وال چې له جنګونو وزګار شوي، د دې پر ځای چې د ولس خدمت او امنیت ته پام وکړي، خپل پخوانی جګړه‌ییز عادت د ملت په شتمنۍ پالي. دوی زیاتوي، د یو مسؤل نظام لومړیتوب باید د ملت نس مړول او د هغوی سر خوندي کول وي، نه دا چې د بیت المال وسلې د شخصي نندارو او ولسي ګواښونو لپاره وکارول شي. دا په داسې حال کې دی چې تر دې وړاندې هم د طالبانو غړو له لوري ورته نندارې د هېواد په بېلابېلو سيمو کې ترسره شوي چې يو شمېر هېوادوالو ته پکې ځاني او مالي زیانونه هم اوښتي دي.show more

د طالبانو د ترانسپورټ او هوايي چلند وزارت لخوا... د کابل پلچرخي سيمه کې د ختيز زون د مسافر وړونکو موټرو د ترمينل چارو پرانېستو پر مهال طالب جنګيالي او نښان ويشتونکي د امنيت ټينګښت لپاره د خلکو په کورونو کې او د بامونو پر سرونو ځای پر ځای شوي وو. له دغه ځايه د زاویه نيوز يو لوستونکی د‌ دې ويډيو استولو ترڅنګ وايي، طالب جنګياليو لومړی د هغوی کورونه تالاشي کړل او بيا په ساعتونو د دوی په کورونو او بامونو ولاړ وو او مېرمنې اړ وې په خونو کې پاتې شي. دغو مراسمو ته د کابل لپاره د طالبانو والي، د طالبانو دوه وزيران او د دوی د چارو ادارې رييس ورغلي وو. دوی ته کلک امنيتي تدابير نيول شوي وو.show more

دا د طالبانو صنعت او سوداګرۍ وزارت کې د... فکري مالکيتونو د مرکزي ثبت عمومي رييس مولوي محمد حليم مستعين دی، چې په رسمي وخت کې د مراجعينو د کارونو خلاصولو پر ځای له موبايل سره بوخت دی. د مراجعينو له صالون څخه زاويه نيوز ته په رسېدلې دې ويډيو کې ليدل کېږي، چې ګڼ مراجعين منتظر دي او د دوی په ادعا، چې کارونه يې په دغسې بهانو ځنډېږي.show more

نن په کندهار ښار کې طالب جنګياليو د شنې... چادري والا يوه ښځه له دې وجې په زور موټر ته پورته کوله او حوزې ته بيوله، چې ولې له محرم پرته بازار ته په سودا پسې وتلې ده. زاويه نيوز ته په رسېدلې دې ويډيو کې اورېدل کېږي، چې مېرمن د ځان خلاصون لپاره چيغې وهي، د صحنې ليدو لپاره ګڼ کسان راټول دي، خو د طالبانو غړي ورته لاس اچوي او هڅه کوي هغه موټر ته پورته کړي. (د ويډيو غږ د استونکو د خونديتوب لپاره خاموشه شوی دی.) په ويډيو کې نه ليدل کېږي، چې دغه مېرمن به حوزې ته وړل شوې وي او کنه. د طالبانو د امر بالمعروف قانون پر اساس، ښځو ته‌، ان که حجاب يې هم مراعات کړی وي، اجازه نه ورکول کېږي له محرم پرته په سودا پسې بازار ته ولاړه شي. #امربالمعروفshow more

نن په کندهار ښار کې د طالبانو د امر... بالمعروف لخوا د هرات په څېر د ښځو د رټلو او د ږيرې پر سر د ځوانانو د نيولو کمپاين پيل شو، خو هاخوا بيا د کندهار د عینو مېنې اوسېدونکي وايي، د طالبانو خپل غړي اولې فوارې ته څېرمه د خوراکي توکو يو مارکېټ ته مخامخ له مازيګره تر ماښام ناوخته د سړک پر غاړه د هغو ښځو د ليدلو لپاره ناست وي، چې په سودا پسې راوځي. زاويه نيوز ته په رسېدلې ويديو کې ليدل کېږي، چې دغه ډله طالب جنګيالي د سړک پر غاړه ناست دي: «دوی ډله، ډله وي. ان شمېر يې لسو ته رسېږي. که چيک پواينټ وي، نو خو دوه يا درې درېږي، دوی خو يوه ډله وي. د دې بدنامۍ مخه ونيسئ.»show more

دا د ميدان وردګو ولايت د نرخ ولسوالۍ «ده... حيات» سيمه ده او د طالبانو د ټولپلازې کسان د شل افغانيو پر سر له يو موټر چلوونکي سره لاس او ګرېوان شوي دي. د عيني شاهد په وينا، د کابل - کندهار پر لويه لاره د ټولپلازا پر ايښودو سربېره اوس د نرخ ولسوالۍ او ميدانښار تر منځ هم ټولپلازا جوړه شوې، چې له تېز رفتاره موټرو څخه پيسې ټولوي او د ځايي اوسېدونکو تر منځ دغه ځای په «پاټک» مشهور دی. د عيني شاهد په وينا، دې موټر چلوونکي د دې پاټک پيسې نه درلودې او په موټر کې د ناستو ښځو او ماشومانو د سترګو پر وډبول شو.show more

دا د کابل د بګراميو ولسوالۍ مومن اباد کلی... دی او د يو عيني شاهد په وينا، دلته خلک وروسته له هغه له طالبانو سره لاس او ګرېوان شول، چې نوي جوړ شوي کورونه يې ورته ونړول. خلک ادعا کوي، چې طالبان د دوی کورونو ته ننوتلي دي او د دوی ښځو ته يې بې عزتي اړولې ده.show more

د پښتونخوا ملي عوامي ګوند مشر محمود خان اڅکزی... وايي، پښتونخوا د پاکستان برخه ده او دی نه غواړي، چې ولسونه له پاکستاني پوځ سره په جګړه اخته شي. په وروستيو کې ايمل ولي خان هم پښتونخوا د پاکستان برخه ګڼلې ده. د پاکستان پوځ په ټولو سياسي ګوندونو فشار راوړی، چې پښتونخوا د پاکستان برخه وبولي او دا دی يو په بل پسې دوی دوی هم د پاکستاني پوځ د خوښې څرګندونې کوي، خو يوازې د پښتون ژغورنې غورځنګ مشر منظور پښتين او د دغه غورځنګ غړو د پاکستان له دې وړانديز سره مخالفت کړی دی. داسې معلومات هم شته، چې د پښتون ژغورنې غورځنګ د رهبرۍ غړي علي وزير ته هم وړانديز شوی، چې که دا غوښتنه ومني، نو له زندان څخه به خوشې شي او پر منظور پښتين لګېدلی بندیز به هم پای ته ورسوي، خو هغوی دا وړانديز ندی منلی او پخپلې مبارزې يې ټينګار کړی دی. پښتون ژغورنې غورځنګ د پاکستان پوځ سره د وفادارۍ ټول وړانديزونه رد کړي او د پښتنو د حقونو ترلاسه کولو لپاره يې د خپلې مبارزې د پراختيا غږ کړی دی.show more

تېره ورځ د پکتیکا ولایت په مرکز شرنه کې... د واده د مراسمو په وخت کې د نجونو له خوا ملي بیرغ نندارې ته وړاندې شوی وو. یادې نجونې زړورې بولم او دغو نجونو د اوسني واکمن نظام پر وړاندې یو ښکاره او شعوري بغاوت کړی دی. له دې وروسته د ملي بیرغ دهویت د ساتلو څوک نجونو ته پېغور نشي ورکولی. ځوانان دې خپله مېړانه ثابته کړي.show more

زاويه نیوز ته په رسېدلې دې ويډيو کې تاسو... په رسمي کاري وخت کې د طالبانو د دفتر حالت وينئ. دا د ننګرهار زندان د اعاشې امر اعجازالحق دی، چې په کاري وخت کې په دفتر کې ويده دی.show more

دا د پکتيا ولايت د مرکز ګردېز روغتون دی... او زاويه نيوز ته په رسېدلو عکسونو کې ليدل کېږي، چې ډاکتر د درملنې په موخه د ناروغ چپرکټ ته له چپلکو سره پورته شوی دی. دغه راز، له درملو ډکه هغه پيچکاري هم د نوموړي تر چپلکې لاندې پرته ده، چې لږ څه شېبه وروسته ناروغ ته تطبيق شوې ده. دا عکسونه د دولتي روغتونونو د بد وضعيت، د حفظ الصحې نه رعايتولو او له ناروغانو سره د چلند د يوې بېلګې په توګه مطرح کېږي. #روغتياshow more

د پښتون قومي عدالت د جرګې پر ميدان د... پاکستاني ستمګرو تر برید وروسته د ښوونځيو او کالجونو زده کوونکي هم د جرګې میدان لور ته روان دي او د #PTM په لیکو کې درېږي.. #په_خيبر_ننګ_وکړئ #StateDeclaresWarOnPashtuns #PashtunNationalCourt11Octobershow more