#تحرير_المشاعر

#تحرير_المشاعر فيه طرق كثيرة نقدر نشتغل فيها على مشاعرنا ونحرر اللي بداخلنا… منها طرق نسويها بوعي، ومنها طرق تصير بشكل تلقائي أو لا واعي. ومن الطرق اللي أحب أتأمل فيها بشكل خاص… تحرير المشاعر بالصوت. لأن تأملوا معي: البكاء صوت… الضحك صوت… الصراخ صوت… التنهد صوت… الأنين صوت… وسبحان الله ✨ لو تأملنا الطفل، قبل لا يعرف الكلام يبدأ بالصوت: آآآ… أووو… هممم… يعني… الصوت جاء قبل الكلمة. وعشان كذا أحيانًا ما تحتاج تشرح شعورك…يمكن كل اللي تحتاجه إنك تعطيه صوت… صح؟ 😊 جرّب الأصوات اللي في الفيديو والرابط… لا تحاول تطلع الصوت بطريقة مثالية، ولا تنتظر نتيجة معيّنة. بس… تنفس… طلّع الصوت… وراقب جسمك. وش الجزء اللي تفاعل؟ وش تغيّر؟ وين حسّيت بالصوت؟ وش الشعور اللي ظهر؟ والأجمل… إن الحروف نفسها أصوات قبل لا يصنع منها الإنسان كلمات للتواصل. مثلًا: الم ألف… لام… ميم. كهيعص كاف… ها… يا… عين… صاد. مو المقصود نعطي الحروف قوة علاجية أو تفسيرات ما عليها دليل… لكن نتأمل في شيء بسيط وعميق: الصوت… والنفَس… والحرف… والإحساس. حطيت لكم رابط OM للتجربة، وفيديو ثاني لأصوات مختلفة. اسمع… تنفس… طلّع الصوت… وخل جسمك يقول اللي ما عرفت الكلمات تقوله… #تحرير_المشاعر_بالصوت #خلود_بنت_عبدالعزيز