اخونا فهد النعمي يتحدث عن تجربته مع التقاعد المبكر وكيف ضبط راتبه التقاعدي مع وجود العجز الشهري؟ يقول بعد التقاعد المبكر انخفض راتبه لكنه استمر بنفس مستوى الصرف أيام الراتب الكامل والأوفر تايم والبدلات. صار عنده عجز شهري يغطيه من مصادر أخرى خلافًا لخطة التقاعد. قسّم الراتب إلى الى... بنود فواتير وعمالة صيانة وطوارئ توفير ترفيه يوميات وبنزين. رغم التقسيم استمر العجز الشهري. اكتشف أن بند الترفيه هو «القربة المخروقة» لأنه بند مرن يصعب ضبطه. خصص له 2,000 ريال وقد يصل الصرف إلى 5,000 ريال لأنه بند مطاطي . وقف شراء المقاضي الشهرية دفعة واحدة وصار يشتري يومي حسب الحاجة. هذا ساعده على زيادة مبلغ التوفير. ينصح بالتوفير مهم ولو كان 500 ريال شهريًا خصوصًا اللي ما عليه ديون والأفضل استثمارها نصيحته للمتقاعدين: راقبوا بند الترفيه فهو من أبرز أسباب العجز المتكرر. #التقاعد #التخطيط_المالي #الادخارshow more

يارجل بند المطاعم والترفيه يستهلك ٧٠/ أللي يتحكم فيهم راح يرتاح ويوفر

تتقاعد مبكر وماعندك إلا الراتب التقاعدي وتعيش بمدينة الرياض مثلا هذا اشبه بالانتحار ! نصيحة رتب امورك بالخروج من مدينة الرياض قبل تقديم التقاعد المبكر والأفضل بمحافظة تبعد عن الرياض لايقل عن 150 كيلو متر لان الأسعار ومصاريف المعيشة تنخفض طرديا بالمسافة عن مدينة الرياض.

صحيح السكن خارج المدن الكبيرة يخفض تكلفة المعيشة بشكل واضح وقد يصل التوفير إلى 50% وكثير من اسباب التقاعد الهروب من زحمة الدايري وطريق الملك فهد وضغوط الحياة اليومية

احمد ربك انك ما أنت عسكري تقاعدهم ثلاث الف واقل ومع الظرايب والغلاء مايكفي فواتير كهرباء ولايكفي عيشه وكل شهر متسلف وعليك دين هذه تجربتي بعد التقاعد ولست أنا فقط الكثيرمن الأفراد بجميع القطاعات يشتكون والضمان مايصرف للذي زوجته موظفه ابداً حتى يطلق زوجته يصرف والمراءه تخلع زوجها✅

عندك سائق وممكن خدامة. تخلص منهم أولا

يارجل الواحد متقاعد يعني المفروض ينبسط ولازم يكون بند الترفيه اكثر مبلغ تصرف منه لأنك متقاعد ومن حقك انك تنبسط وترفه على نفسك بعد مدة العمل الطويلة التي قضيتها في حياتك 🤷‍♂️ اذا كنت حابب تحل هذه المشكلة لازم تجهز لهذا اليوم قبل التقاعد مو بعد ما تتقاعد تقعد ترتب وتوفر وتقول الراتب ما يكفي 👌.

أتفق معك تمامًا ومن ابسط حقوق المتقاعد أن ينبسط بعد سنوات العمل الطويلة المشكلة إذا كان الراتب التقاعدي أصلًا ما يغطي احتياجاتك ونمط حياتك فالأفضل معالجة المشكلة قبل التقاعد وبناء دخل إضافي وبكذا تتقاعد وانت مرتاح وليس انتظار التقاعد ثم الضغط على نفسك في كل بند

👌

الربع الاخير من المقطع يقول يا تطبيق يا انا يا ارسلت السائق ! وماهو عارف مكامن خلل التبذير😬

المشكلة مع التضخم بيبدا الفارق يزيد الله يعين.

هنا لب الكلام التضخم يرفع غلاء المعيشة

كلامه صحيح وتخطيطه صحيح عن تجربه لكن متى تنجح الخطط وينفع الكونترول ؟ عدما تجد من يتساعد معك افراد الاسره في تطبيق الخطط ويتأقلموا مع الوضع المالي الجديد ولايكونو اداة ضغط لكن عدم التعاون واشعار الاب بالتقصير والنقص قد يتسبب في مشاكل اسريه كبيره وتاثيرها النفسي على الاب 🤚🏾

يتصدق منه ويبشر بالبركة من الله

طيب تطلع لك اشيا ماهي ف الحسبان تاخذ الي وفرته

واضح راتبه التقاعدي عالي دام عنده سايق

استغرب من اللي يقول موزع راتبي على بنود .. مصروف - ترفيه - وقود - ادخار ..الخ طيب وش الوضع اذا حب يجدد سيارته والا يزوج اولاده او يدخلهم كليات اهليه او غيره هل ينتظر الموضوع حتى يكمل جمع الالف والالفين !!

وين التخطيط بعد ما تقاعد بدأ يخطط؟!

للاسف رواتب التقاعد ضعيفه جدا يروح اكثر ٦٥%من الراتب لاترفيه لامعيشه

كلامك صحيح خاصة العسكريين كل رواتبهم بدلات

كلامه سليم وانا أطبقه الان بدون تقاعد

الله يعننا ع الدنيا وبس

ِعيش يومك ولا تُرهق نفسك بهمّ الغد؛ خلّ تدبير الرزق على الله سبحانه، واهتم بصحتك وراحة بالك وسعادتك. المال يُعوَّض، أما العمر والصحة فلا يُعوَّضان… فاستمتع بنعمة اليوم، واحمد الله عليها.

مافيه داعي للتقاعد المبكر كمل الستين وخذ اعلى قدر من الراتب وريح نفسك دام كملت ٢٥ سنه اكيد ماراح يبقالك على التقاعد الرسمي إلى ٦ او ٧ سنوات تمر كانّها يوم وليله ان أقارن هذه الفترة بأيام كورونا الله لايعيدها سبحان الله مر عليها ٧ سنوات والله كانّها امس لذلك مافيه داعي للاستعجال

ســاعـدوهـاا…🙏🏻💔 رقم الفاتوره//:264287920 رمز السداد//.:169

متـ ـقاعد

فزعتكم لها👇🏻👇🏻

احس انه مكمم هل صحيح

الخطة ان تتقاعد بدون أقساط وبدون فيزا . حينها لو ذهب نصف راتبك بعد التقاعد لن يؤثر عليك. أما من يستهلك في الإفراط في بند الترفيه على قولك . فهذه مشكلة مستقلة بحد ذاتها.

البيت هو نصف المعيشة والتدبير هو النصف الآخر إذا تقاعدت وانت تملك منزل وما عليك أقساط أو ديون حتى مع انخفاض الراتب بعد التقاعد يخف عليك الضغط المالي ويبقى حسن التدبير وادارة المصروف هو العامل الأهم

معليش كلام منافي للواقع الشراء اليومي من التطبيقات ارخص من الشهري من محلات أسعارها مناسبة ؟ وين التخطيط لما قبل قبل التقاعد ؟ مدري احس فديو لزيادة المشاهدات بس

الموضوع مطروح للنقاش هذي تجربة شخصية واذا عندك افكار ياليت تشاركنا فيها

افضل بنطلون بدووون منااااازع للنادي والطلعات🔥❤️‍🔥

ما تحتاج إلا القليل من عونكم……🙏

بند السواق دامك متقاعد روح انت بدل السواق ولا اكيد ان الزوجه عامله وعندها راتب دام فيه بند السواق وبند التطبيقات تراه ماهو مجان اكيد في زياده فلوس

وين عايش ذا !!!

ماشاء الله كل هالبنود اجل كم الراتب؟

الله يبارك له

ســاعـدوهـاا… يمكن فرجها يكون على يدك 🙏🏻💔 رقم الفاتورة: 255065470 رمز السداد: 169

ممكن تصدر كتاب جبت شيء لم يسبقك احد

هو يتكلم عن تقاعد ٣٠ الف ما يكفيه