أكمل يا مبدع: جيتك وكانت هقوتي فيك ما تخيب، (…………………………….………………….).

جيتك و كانت هقوتي ٠٠٠ فيك ما تخيب ولقيت عندك ٠٠٠ ما يداوي ٠٠٠٠ جروحي فزعت لي و أنت اللذي ٠٠٠ مالك الطْيِبْ يا وجه غانم ٠٠٠٠ جعل تفداك ٠٠٠ روحي شعر / ٠٠٠@نديم الأمس

جيتك …وكانت هقوتي فيك ماتخيب ولقيتك ………اكبر من جميع الهقاوي وماهو غريب الطيب من راعي الطيب شرواك بالمدات ……………كفه رهاوي عجلٍ على الجزله …….بعيدٍ عن العيب ياقف مع اللي ……….يشكي من البلاوي

جيتك وكانت هقوتي فيك ماتخيب...وانا اشهد انك طب منهو تهقوى 😎😜 تحسبون بقول طلع لاش 🤭

جيتك وكانت هقوتي فيك ماتخيب واخلفت ظني فيك واصبحت خايب اثرالظنون احيان تخيب وتصيب صحيح ماكل المعارف حبايب ياكثر مامرت علينا التجاريب تجارب منها اسود الراس شايب يالله ياللي تعلم السر والغيب اجعل حياتنا سالمه من النشايب

جيتك وكانت هقوتي فيك ما تخيب واقفيت وهقوتي فيك ما خابت

واقفيت منك وخاطري منك طايب

جيتك وهقوتي فيك ماتخيب ويحيف ان هقوتي فيك خابت الطيب له ناس تحرص ع الطيب والا الردي خسارة يوم جابت

جيتك وكانت هقوتي فيك ما تخيب ورجعت أنا منك والقلب دامي ومكسور 💔🥺

جيتك وكانت هقوتي فيك ما تخيب ورجعت وانا منك عايف وخايب

جيتك وكانت هقوتي فيك ماتخيب، عـز الـخـوي وعـز مـن جـاه عـانـي

جيتك وكانت هقوتي فيك ماتخيب وأثرك خيبت ظن قلبي ورجاي

جيتك وكانت هقوتي فيك ما تخيب يا محزمي وقت الرخا والصعايب يا معرب الجدين يا منبع الطيب هقواتنا فيكم تحل النشايب

جيتك وكانت هقوتي فيك ما تخيب، والعكس صار وهقوتي فيك خــابت #شطر

واليوم خيبت الهقاوي والاحلام

جيتك وكانت هقوتي فيك ما تخيب الساس طيب وبشاشة الوجة تطرب

المطلع سقيم والإكمال سيكون هزيلًا

جيتك وكانت هقوتي فيك ما تخيب، واقفيت فاقد هقوتي وامنياتي كنت أعدك من كبار المكاسيب لكن. ردي الحظ يبعد وياتي عسى العذارى مثلك اليوم م تجيب لايزيدوا الانذال في ذا الحياتي #سحابه22

أكمل يا مبدع: جيتك وكانت هقوتي فيك ما تخيب، روحت وهقوتي فيك خابت

جيتك وكانت هقوتي فيك ما تخيب واثبت لي ان هقوتي فيك. خابت

جيتك وكانت هقوتي فيك ماتخيب وعوت ب الخيبات ومعها الحسافه

واثر بعض الهقاوي حسافه

جيتك وكانت هقوتي فيك ما تخيب، وياللأسف خابت بشخصك ظنوني

(جيتك وكانت هقوتي فيك ما تخيب) وعوّدت متحسّفْ وفيك الرجا خاب مرسول الود 🌿

جيتك وكانت هقوتي فيك ما تخيب وأثرك على كبر الهقاوي وزايد

جيتك وكانت هقوتي فيك ما تخيب وأثْـرِك تـعـدّيـت الـرّجـا والـمـواجـيـب الصمت في وجه الملامات تهذيب والحرّ ما يتبع دروب العذاريب

جيتك وكانت هقوتي فيك ماتخيب واليوم جيتك وهقوتي فيك خابت

أكمل شطر البيت الثاني يا مبدع: "جيتك وكانت هقوتي فيك ما تخيب" وخيبت هقواتي وانا فيك هاقي بعد اذنك استاذنا الفاضل سعود↓ شرح الشطر الاول اعلاه↓↕ شطر البيت الاول كانه يقول ◄كيف تُخيبني وانا هاقين بك الهقوه الطيبه وقت الشدايد ويوم جيتك خيبت هقواتي فيك شطر البيت الاول فيه عتاب قوي جداً واخر كلمه من شطر البيت (ماتخيب)فيها امل وفزعه وثقه واسنحضارها تدل على الخيبه لئنها تعكس مرارة الخيبة بعد حسن الظن جيتك وكانت هقوتي فيك ما تخيب شطر البيت البيت يحمل عتابًا شديدًا، حيث كلمة (ماتخيب)تُظهر توقُّعًا طيبًا لاينكسر في شخصه كموثوق فيه وتحول الى صدمه و إلى وَجَع وحيبه امل الصدمة حصلت في اقسى الظروف عندما جاء منكسرا يريد من طرح ثقته فيه ليكون عونا فكان... مما يجعله ينظر إليه بوجه الخيبة أي بوجه الندم والحزن وحيبة الامل - اشد ايلاما من السهام الجارحه

جيتك وكانت هقوتي فيك ماتخيب واليوم خابت هقوتي بك وظني

خابت في جيتي كل الهقاوي

جيتك وكانت هقوتي فيك ما تخيب ورجعت وخابت هقوتي مع ظنوني كنت احسبنك ذيب ومخاوي ٍ ذيب واثـــــرك حصيني بالفعايل تخوني

اقول: جيتك وكانت هقوتي فيك ما تخيب ( ورجعت وكانت هقوتي في محلّه )

جيتك و كانت هقوتي فيك ما تخيب و طلعت اعلى من هقوتي يالسنافي

جيتك وكانت هقوتي فيك ما تخيب، وانت العضيد الي مانسى وصية العود

واقفيت منك وانا ممتلي خيبة