الديزل ينظف مكينة السيارة صحيح؟

ليش الفلسفة ذي تبي تنظف المكينه قبل تغير الزيت اشتر لك نوع زيت رخيص مع المنظفات مثل شركة ليكوي مولي وشغل السياره شوي وبعدها سوي flush وغير بالزيت الجديد

افكار استهلاكية تجاريه ماظن لها فايدة ولو مثلاً حبيت من باب الحرص الزايد تنظف المكينة من الداخل اشوف اسلم حل تشتري ارخص نوع فالزيوت وتحطه وتشغل السيارة نص ساعه بعدين تفرغها وتحط الزيت المناسب

الديزل صحيح منظف جيد للزيوت اذا كانت مشحمه ولكن استخدامه في المكينة غلط راح ينهي الوجيه والبلوف والجلد وينشفها وبتتقطع بشكل اسرع وبيعاني بعدين من مشاكل الافضل يستخدم محاليل مخصصه لتنظيف المكينه وامنه على اجزاء المحرك

حتى اللي يقولون غسل المكينه بزيت مخصص لهالشي .. غلطانين حذرني منها ميكانيكي أثق بكلامه وانتظم بغيار الزيت والفلاتر حسب كيلوات السياره واترك هالنصائح التجاريه..!

هذا واضح انه جاز ماهو ديزل لانه خفيف والديزل ثقيل. وكلها عباره عن افكار غبيه السوشل ميديا صاير منبر للاغبياء ويسوقون لافكارهم وتهيؤاتهم اللي مدري وش تبي

اعرف ميكانيكي مخضرم يحط قاز مثل كميه الزيت للسيارة ويشغلها أقل من دقيقة بعدين يفك الصرة ويطلع جميع الوصخ بالماكينه

تبي تنظف المكينه استخدم هذا وبس

اذا ارتفع منسوب الزيت اعدم الصوف هذا غشيم

صوت المكينه لما شغل السياره صوت سياره تمشي على الديزل و ليس البترول 🧐هذي الحركه لو عملتها مع السيارات الجديده براحه راح تعدم المكينه و خرابها راح يوصل إلى كثير من اجزاء السياره

🚨 وقفت على سالفه شبيهه بهذي في ورشه مشهوره في القصيم الاخ صاحب السياره شاف مقطع يقول حط فلاش في تانكي البنزين طبعاً لحسن الحض الخراب كان في طرمبة البنزين و البخاخات المحرك احتمال تضرر بسيط لكن يمشي العبره 👌 لحد يصدق الخزعبلات هذي 🌹

تم النشر بفعل الخير

راحت فيها السبايك

كل كم سنه تسويها مره تنظف عشرق 😅

ماظنتي صحيح

وش الهبل ذا انت ليه تبي تنظف الماكينه اساسا؟

سمعنا ان البعض يضع لتر او لترين ديزل مع البنزين لزيادة عمر الوقود وبالتالي زيادة مسافة الطريق. اما ديزل مع زيت المحرك فهذي نحتاج فيها الى سؤال الخبراء واهل التجربة وهل فيها فائدة او ما هي فائدتها؟ وهل تنفع للسيارات الحديثة ام فقط للسيارات القديمة؟

لي فوق ال 15 سنه وانا احط الديزل عالزيت ربع ساعه تشغيل ثم ابدل فلتر وزيت

الديزل بدون لزوجة واضافته كانك تشغل السيارة بدون زيت بالاضافة انه غير امن لانه يشتعل بالانضغاط .

الديزل وزيت القير كلها تنظف وخاصة إذا اضفتها والمحرك محتمي بعد ماتنقص من زيته بنفس القدر طبعاً المشكلة كيف تخرجها من المكينة ماراح تنزل كلها وبيتم بقايا منها في الدورة

مدري

ماعندي سياره

لاتتعبث في ماكينة السيارة... إذا تحتاج المكينة غسيل غير الزيت بنفس الزيت اللي تكبه بالعاده وخله يوم يومين وارجع غيره ش

يبشر بالتبويش مع الايام

الديزل ينظف المكينة لاكن في نفس الوقت يخرب الربلات والجلد يخليها تيبس وبعدها تتمزق

من الحمار اللي قالك ينضف

قل على جلد البلوف السلام فترة وتنتهي نهائياً

ينظف كمان فلوسك معها. و يكون عندك وقت وجهد زايد كمان يشغله لك في هالصناعيات.. وش مقصره معك زيوت التنظيف تاخذها وتنظف ماكينتك بشكل محترم واديب .. ثانيا مين المهندس المصنعي الجهبذ اللي يلزمك تنظف ماكينة شغلها زيت في زيت الا اذا تخلط من الزيوت برعونه..

نصيحه لا احد يسويها بتعدم المكينه مع الوقت

انا ضحك عليه بنشري وصبيت ديزل في المكينه وصار الزيت ينقص رغم إن السياره كانت جديده فلا أحد يغلط ويعملها .

ماينصحون فيه إذا انت منتظم في تغير الزيت

يسبب ظرر عادت ديزل يبس حتي ماينصح بغسيل المكينه ب ديزل حتي من خارج

خايف وانا مالي علاقه

هراء