🎥 #الريامي: 1800 ريال تقريباً متوسط دخل الأسرة العُمانية المكوّنة من 7 أفراد.

يصعب إصلاح مجتمع مازال يعتبر النقد إهانة والأختلاف خيانة المسؤول يعتمد أسلوباً استبدادياً، ويرتجل القرارات دون استراتيجية، مع تجاهل آراء المجتمع والتركيز على أهوائه الشخصية الاستبداد والتعالي: يهمش أفكار الآخرين ويسعى لتمرير رأيه فقط كفاكم تلاعب بعقول الناس

لو فرضنا ان اربعة اشخاص يشتغلوا يعني دخل الواحد 450 الاعتماد على تجميع رواتب منخفضة لمنح انطباع بأن الأسرة مكتفية هو توصيف غير منصف لأنه يتجاهل الاحتياجات الطبيعية لكل فرد عامل في بناء حياته المستقلة ويثبت أن الـ 450 ريالاً لم تعد كافية لمواجهة متطلبات الحياة العصرية.

معذرة يا صاح ما هاكذا تورد الإبل كفاكم تلاعب بمشاعرنا اعتقدنحن بشرامثالكم تعيشون في نعيم ونعيش في بؤس تاكلون مالذوطاب ونأكل ما تبقى تلبسون ما يحلولكم ونلبس ما يجودبه الآخرون تتمتعون بالتجول ليل نهار ونحن نتمتع هموم الليل وذل في الصباح كفاكم وانتم محاسبون على ماتقولون

للعلم هذا يعتبر دخل متواضع اذا كان للاسرة الواحدة العمانيه المكونه من افراد هذا متوسط مجموع دخولهم . وكان الاجدى ان يكون دخل الفرد الواحد . لان مبلغ 1800 ليس بذلك المبلغ الذي يبني الاحلام للسبعه افراد خصوصا اذا ذهب جزء من للديون

1800 ريال لأسرة فيها 7 أفراد يدل على ان اللي يتكلم ما فاهم الواقع ولا يقرا الأرقام صح: ​أولاً، بالحساب البسيط، المبلغ يطلع 257 ريال بس حق كل فرد في الشهر، يعني أقل من 8 ريال ونص في اليوم لكل واحد عشان ياكل ويشرب ويتعالج ويدرس ويسوي كل أموره. ​ثانياً، هذا المبلغ ينزل قبل لا ينقص منه أقساط البنك والديون اللي تاخذ نص الراتب، وقبل لا تدفع فواتير الكهرباء والماء والاتصالات والنقل، ومع غلاء الأسعار وارتفاع المعيشة هذي الأيام. ​ثالثاً، الفلوس ما تنقاس كم تجيك اجمالي، تنقاس بمدى قدرتك على الادخار وادارة ظروفك الطارئة وتأمين مستقبل عيالك. الراتب اللي يخلص كله يدوب يغطي الأساسيات ويخليك على المحك ما اسمه عز ولا رفاهية عشان الواحد يتفاخر به. ​الحمد لله والشكر على النعمة هذي واجبة، بس أنك تفتخر بستر الحال وتعتبره إنجاز كبير، فهذا دليل قاطع إنك بعيد كل البعد عن حسابات الحياة الواقعية.

وين هذا الراتب لي بنيتو عليه التحصائيات هل وراتب الوزراء والمدراء والمسؤولين الكبار لماذا لا تبنو. دراسه على لي رواتبهم لا تتعدى ٤٠٠ ريال ولا هؤلا المواطنيين خارج حساباتكم تراهم مواطنين ودخلهم الشهري لا يتعدي ٦٠٠ الي ٤٠٠

واذا كان راتبه 325 وعدد العائله 7 او 8 وفيها باحثين من وين جات 1475 ياخي حتى مايستحون يصرحون لوسائل الاعلام وهم يعرفون ان كلامهم غير مصدق وهم اصلا مايصدقونه بأنفسهم وبعيد عن الواقع

لا يجب حساب متوسط الدخل على أساس الأسرة ككل، لأن كل فرد فيها مستقل بذاته. إذا كان الابن أو الابنة يعملان، فهما مستقلان مادياً ويتحملان مسؤوليتهما والابن سيتزوج ويشكل أسرة مستقلة جديدة لذلك فإن المتوسط الحقيقي يجب أن يُحسب على مستوى الفرد أو الأسر المعيشية المستقلة فعلياً

أستغفرك ربي وأتوب إليك كيف حسبوها أنا متقاعد وراتبي ٣٠٠ ريال وقسط البنك منه رب الأسره بنفسي بدون عائل معي ولدي مسرح معي ١١ بالبيت

ما كذا تصدر الاحصائيه.... اين الاقتصاديين والمحللين للمعلومات والاحصاء.. المفروض ان ينشروا احصائية بالفئات فمثلا..نسبة ٣٠% نسبة الدخل ٥٠٠ ريال ٢٠% نسبة الدخل ٧٠٠ ريال..و ٢٠% نسبة الدخل ٣٠٠ ريال..و ٣٠% نسبة الدخل ٤٠٠٠ ريال هاذه المبلغ لا يمثل اي شئ يمكن ان يبنى عليه خطط استراتيجيه

عيب والله عيب يطلعوا لنا ذيلا يتكلموا بارقام وهميه الردود الناس الحين تصدق الناس في ردود ماتصدق المتحدث ومحركات البحث و ai تاخذ من وجهات نظر الناس يعني ماراح يفيدكم الكذب لين وين ناوين توصلوا !!!!

رفض تقرير الذكاء الاصطناعي جملة وتفصيلا لانه بعيد كل البعد عن الواقع الذي نعيشه

هل هذا الغرض من هذه الاحصائيات هو توضيح بأنه لا توجد عوائق ماليه لدى الأسره العمانيه، وبالتالي ليسوا بحاجه للزياده في الرواتب وتحسين الأوضاع المعيشيه؟؟؟ مثلاً إللي راتبه 800 ريال نصفه أو يكاد اكثر يذهب للبنك فالبنك هو الصديق العدو لكل منا،، والباقي للمسؤوليات الأخرى الضروريه.

الواحد ما يقول غير حسبي الله ونعم الوكيل

أنا أب أسرة عمانية عدد أسرتي ست أشخاص مسرح من 2019 ولحد بأكر بلا عمل الدخل الشهري 53 ريال دعم الأسرة 30 ريال مال الأولاد يجتلك غم كل شخص يجي نافخ كرشة تقول تيس ميت ويتفاخر متوسط دخل الأسرة 1800 .

غير دقيق

غير صحيح

قسم بالله انه كذاب اني اسرتي مكونه من ٩ اشخاص والدخل الشهري ٣٠٠. ريال فقط وشهر ٧/وشهر ٨. مشي دخل المدارس مبنده. تبدا المدارس راتب شي ٣٠٠. ليش الكذب والمجامل على الشعب كل كلمه وكل حرف انتم محاسبون عليهه امام الله. يوم الحساب ويوم عرض الكتاب

طيب اذا مقتنعين من هذي نتائج أكرر اذا مقتنعين من هذي نتائج وتعتبروها تمثل لواقع أو الاغلبية دخل أسرته ١٨٠٠.ليش ماترفعون سقف في حالات دعم الكهرباء لازال يرفع دعم عن الأسره لي دخلها ١٢٥٠ وأعلى وكذالك منحة طلاب لجامعات تمنع اذا دخل ولي الأمر ١٢٥٠ غيرو هذي لأرقام لأن متوسط دخل ١٨٠٠

أصلا هذا الكلام فضيحة و الله المستعان

اتمنى يروحوا يزورا الجمعيات الخيرية والسجون ويسالوهم عن الدخل الشهري هذيلا عايشين في عالم ثاني ولا يعرفوا شيء عن عيشه الأسرة.

كلام فارغ من الصحه

من وين جبت هذي الحسابات و الاسر لي رب الاسرة مسرح عن العمل و مقطوع الامان عنه و فقط الدخل لي يدخلهم لهم 20 ريال مال الاطفال و مثل هذي الحالة الاف الاسر . كيف وصل دخلهم هذا الرقم

هههه واحد راتبه ٣٢٥ريال وواحد راتبه ٥٠٠٠ريال المتوسط ٢٦٦٢.٥ريال. المتوسط عالي لكن راعي ٣٢٥ مو مستفيد؟؟؟؟؟

احصائيات الذكاء الاصطناعي

تقيمون مثل هذه الندوات والإجتماعات، المدعومة " بالذكاء الإصطناعي" التي يتم صرف الآلاف من الريالات عليها وعلى كل من يساهم فيها، وتجون على متوسط دخل الفرد العُماني!!!! ما الغرض من هذا كله؟؟ هل لتبرروا لأنفسكم خصم رواتب المواطنين، وتسريحهم من العمل، وإقناعهم بالعمل على 320 ريال.

شوفولكم مطبل يصدقكم

حسبنا الله ونعم الوكيل

شي محامي هنا يكفلني😂 أريد أقول شي

يقصدو دخلهم

انا معيل اسره من ٧ أفراد متقاعد ودخلي الشهري ٦٠٠ ريال مع منفعه الطفوله يقص البنك ٢٨٠ ريال فاتوره الكهرباء ٢٥ ريال نت ٢٩ ريال ماء واتصال تقدر ٤٠ ريال الباقي يمشنك اسبوع وباقي الشهر غني يا ليل الي تاريخ ٢٣ الشهر القادم

كلام غير صحيح ويفتقد المصداقية... احتساب المتوسط لا يعكس الواقع فاصحاب الثروات يؤثرون على عملية الاحتساب الذي يظلم الشريحة الأكبر في المجتمع بوجود ارقام لا علاقة لهم بها...

اتحداه يكون فاهم إيش قصده