السبب الحقيقي لإقفال بعض المحلات التجارية ( ليس ارتفاع الايجار ) تعرف على السبب 👇👇

الكلام مو صحيح نهائياً .. مشكلة ابو وليد انه يبي يسوي نفسه فاهو في كل شي . انا بنفسي من الناس اللي تضررت بسبب اجاده وبسبب ارتفاع الاجارات ، وفيه كثير اعرفهم بنفس المشاكل .. الله يهديه ابو وليد صاير يهبد على غير سنع ، خله في الديكورات ومستودعات اصرف له .

ما فية شي اسمة تستر الان الله يهديك عندنا أعمال ونعرف الوضع جاني شاب واستاجر من عندي محل بسعر مرتفع وسألته قال بعمل مطعم فكرة أمريكية دجاج مع بطاطس مع مايونيز بالله هذا مشروع يخسر علية احد ما يقارب ٣٠٠ الف ريال واستاجر مخزن وضع فيه حملة دينا صحون وملاعق بلاستيك والمنيوم كله ٦ شهور وجاء يقول لي ابغى الغي العقد انا خسرت وما توفقت وكثير شباب يجلسون معي يحكون لي عن مشاريع يرغبون في تنفيذها ويحاولون فيه ادخل شريك حماس زايد وفيهم عناد كبير جدا اذا دخلت فكرة في راسة فهي ناجحة مليون بالمية ولا يبغى احد يقول بعده شي واحد يقول تعال نفك محل شاهي وملزم علية انه ناجح يا اخي تشبعت الأماكن أصبح الشاهي يباع في كل مكان اي فائدة بتحصلها من هذا المشروع ولا شي الا خسارة فية مشاريع بسيطة وعظيمة ولكن ما يملى عينهم الا التقليد الأعمى واحد عمل مطعم بطاطس ونجح لحقوا به كلهم وهذا هو الفشل بعينة....

هذا الشخص كثير كلام ويدور محتوى وشهره

المتحدث والله ما يعرف وين ربي حاطه، شكله شارب عصير خنافس وجاى يسولف ومبسوط ان عنده سيارة، وجواله شاريه تقسيط، وجاب لنا قصة سببت لنا المغص، اترك عنك التجارة وحدثنا عن تعادل النصر مع الاهلى في الثانية الاخيرة!!

غير صحيح أنا قفلت لغلاء الايجار ومضايقة الدوائر الحكومية وجشع موظفيها لانهم يودون مشاركتنا في الرزق او إجبارنا على الإغلاق

اعتقد أن ارتفاع الإيجارات هو السبب الرئيسي طال عمرك .. لدرجة أن إجمالي الدخل مدروس من قبل المالك بحيث = قيمة الإيجار ، فأنت بمشروعك مجرد أجير عند مالك المنشأة مع الأسف جميع مدخولك يذهب إلى مالك العقار ، وفي حالة افلاسك وخروجك يقوم المالك بتأجير العقار إلى مستثمر آخر يتكرر معاه نفس السيناريو ، فالمستفيد الأول والأخير هو مالك العقار .

بالعكس المتستر ضرب السوق واضر بالسعودي وانا واحد من الضحايا لاتجلس تألف وانت ماتملك مسمار في السوق ،،، المتستر يبيع بدون ضريبه وبدون شبكة مدى ويبيع بأسعار زهيده لأن ماعنده مصاريف ومخالف،،، انا سعودي ونظامي وعندي مصاريف ماقدر ابيع بأسعاره لأني ببيع بضريبه وعندي نقاط بيع مدى وموظف على كفالتي ورسوم غرفة تجاريه ومكتب عمل وووووووو. ….! وبكذا ترفع تكلفتي ولا اقدر انافس.

والله انه ما يدري من وين هي تهب

انا عارف من عطو الاهبل ذا وجه بيبدا يهبد ويسولف عن اي شي اهم شي انا الفاهم وانا الباشا وهو يدربي راسه ي شيخ استهدي بالله اللي قفلو مطاعم عالميه وكفيهات عالميه يجيك ويشغلنا عن حقون اللوحات وجبس بورد كلام فاضي وسواليف ابو طقه

انا اتوقع انه كان نايم من 2018 و تو صحي من النوم او صور اجتهاد وهو ما يعرف السبب ارجع نام بالله