الفرق بين ساهر كندا وساهر السعودية اعتقد بالغ كثير ، الملاحظة الوحيدة اللي شفتها عدم وجود لوحات تحذيرية عند تغيير سرعة الخط في بعض الطرق ، كمثال طريق عفيف - المهد

يا كندي انته احنا كذا نحب ساهرنا و نسهر معه نسبة الحوادث نزلت ٩٠٪ من اجل خاطر ساهر اماً أعطيك لوحة وأرز ساهر وراها حتى عندنا لوحات تحذر من ساهر بس مش زي الهبل حقك فديت السعودي إلى إذا طلع برا يكون ملتزم بالسواقه يرجع بلده و يخطم عليك يا كندي انته ياهوه

When having stock wheels aren't an option anymore, finding the right wheels makes all the difference. Unplugged Performance UP-05 Available Now

مقارنته غير صحيحة يوجد في كندا نوعين من الرصد الآلي للمخالفات المرورية " ساهر" رصد واضح بلوحات تحذيرية مثل الذي في المقطع الهدف منه اجبار السائق على تخفيف السرعة في الأماكن الخطرة داخل الأحياء أمام المدارس التقاطعات الخطرة اشارات المرور ونوع آخر سري منتشر على الطرق السريعة مثلنا

لحد يبالغ ،صراحه عشت في كندا وامريكا ١٠ سنوات ، ساهر لايكاد يذكر . عندنا ساهر ترصدي وليس توعويه او لخفض السرعه . ساهر السعوديه مادي بحت والدليل انهم يقومون بدراسه الشارع جيدا واستكشاف الاماكن التي يتوقع فيها السرعه مثل النزلات وبعد اماكن تجمع السيارات . تجد اربعه اجهزة في نص كيلو

كَذَب هذا الوضيع السفيه عديم الأخلاق والمروءة. لا أعلم ماهي جنسيته، لكن التهكم بهذه الطريقة الرخيصة لا يصدر الا من رخيص، يبدو انه اعتاد التبطح تحت وفوق وفي الزبايل و أحد مصوره هناك ويحسب انه ساهر. ثم لاحظوا الوضيع يقول انه ملتزم هناك بالقوانين ولا يسرع ثم يمتعض من رصد ساعر لوجهه البغيض اثناء مخالفة أنظمة المملكة العربية السعودية.

ما صدقت ساهر في السعودية منظم وقبل اي جهاز لوحه إرشادية رخمه ما عندك سالفه

مو لازم تفهم وش الغرض من ساهر … التزم بالسرعه المحدده وبس مو شرط تقتنع

مقارنه جميله ولم يُسيء لأي جهه أو طرف الشوارع وجودتها بالذات الخارجية تختلف ساهر أو الردار يختلف وأعدادها تختلف وأعدادها وامكان اخفائها 🫥 يختلف المستوى الثقافي أو الوعي يختلف بين جميع الدول لكن ساهر المخفي 💔💔 حكاية غير

صادق السعودية ملغمة🤣طريق الملك عبدالله رايح جاي 🤦🏻‍♀️أكلت خمس سواهر في اسبوع

طريق الملك عبدالله سرعته ٩٠ ثبتي ثبتي السرعة على ١٠٠ أقصى حد وتسلمين

المشكلة دوامي فجر الشوارع فاضية وتضغط رجلي على البنزين شوي.المخالفة تطلع علي سرعة ١٠٢ او ١٠٤ هالحدود. شورك وهداية الله

يقول لازم تحط ساهر ورا اللوحة عشان تجي مسرع وتهدي لين تعدي ساهر وترجع تكمل السرعة (المخالفة) وش هالتفكير. إيش الفايدة أجل إذا ما ضبطت سرعتك طول المشوار، عالم عايشة بالأونطة😂😂

الغرض من وجود ساهر بكثرة في السعودية انكم تحبون تخالفون أنظمة المرور ومعاكم الوافدين يخالفون مثلكم بعدين واضح ساهر في السعودية موجود على الطرق العامة ماهو موجود في الأحياء وعند المدارس مثل كندا لكنك ما شاء الله عليك تطبق النظام خارج السعودية اكيد ما يصيدك ساهر

عدم وجود لوائح تحذيرية (وهذا العرف العالمي) في مصلحة الشركة المشغلة لانهم ياخذون نسبة من المخالفات. حسب فهمي المتواضع ان العقد بين الشركة المشغلة والمرور لا يشمل اللوحات التحذيرية بل هي مسؤلية وزارة النقل

هذا النوع من أثقل أنواع البشر على الكبد وأكثرهم غثاثة كلمة عن كندا على أساس إني محايد ثم يركز على هدفه مع حفظ تعابير يعتقد إنها طريفة على كل حال أي برتقالي ينتقد السعودية سواء بحق أو باطل فكلامه غير مقبول نظراً لبرتقاليته والسماد الذي يتغذى منه.

المشكلة في تغيير السرعة بدون لوحة واحيانا تكون لوحة تحدد السرعة باتجاه الشاحنات فلا يككن رويتها

والله ودك ساهر بكل شارع وكل طريق. علشان يلتزم بعض البشر المتهور وماتزيد السرعة عن ٣٠ بالشوارع الي بالأحياء و٤٠ الي على الأطراف. و٨٠ الي بالطرق الكبيرة. وسلامتكم

بعضهم للأسف الشديد منبهر بالغرب زيادة عن اللزوم.

للاسف مازلت تجهل قدر بلدك السعوديه . انت من عود نفسه على عدم محاسبتها قبل ان تحاسب من قبل الاخرين . ذكرت سهار فقط! لانه يمس مالك وجيبك الخاص وتحاسب اول باول عليه . لكنك لم تذكر الميزات الاخرى في بلدك السعوديه التي تفوقت بها السعوديه على كثير من دول اوروبا امن امان وراحة واطمئنان

صحيح .. كثير من المواقع فيه ساهر بدون لوحة إرشادية بحد السرعة الأقصى .. و تعترض و يتم الرفض !!

عندي اقتراح لإدارة المرور يغيرو اسمه من ساهر الى مترصد او مستقعد او سالخ @eMoroor

الهدف هو اجبارهم على تخفيف السرعة في مواقع معينة على الأقل

اتوقع الناس في كندا متقيده بالنظام اكثر اما في السعوديه الهمج واجد ودك في كل لفه ساهر

المفروض تتقيد بسرعة الخط لو ما فيه ساهر . إحترامك للنظام بوجود ساهر أو عدمه دليل الوعي .

أتمنى زيادة ساهر لردع المخالفين .. بعض الناس يبون يعلمهم وين ساهر عشان يسرع إذا تعداه.

الغرض من ساهر هو ضبط السرعة في الطرق .. مو شرط احط لوحة واحط جهاز رصد خلف اللوحة مباشرة ساهر يتنقل بإستمرار عشان تستسلم و تريّح راسك وتلتزم بدون ماتشيل همّ موقعه. وهذا هو الهدف. الالتزام بسرعة الشارع. وبالتالي المحافظة على الأرواح والممتلكات

يقول أنا بكندا ملتزم بالنظام وبنفس الوقت يقول بالسعودية من يوم تفكر تزود السرعة، هذا النوع من الناس يحب تمجيد الخواجات وجلد العرب.

اتذكره فضيحة 💀😂 جاني بريد ٥ صفحات على مخالفة واحدة صورة السيارة كاملة من الخلف صورة للوحة من الخلف صورة السيارة كاملة من الامام صورة للوحة الامامية وصورة لي وانا اسوق من الامام.

لازم تحدد سرعة الشارع عن طريق اللوحات ..بالرياض اذا ما تعرف سرعة الشارع ولا طحت بلوحه لا تتعدى ٧٠ ليما تتاكد من سرعة الشارع .

ساهر مشاركنا في رزق عيالنا اقسم بالله نظام و كذا ما فيه مشكلة بس الآلية الموضوعة تحتاج اعادة نظر .. بالعربي ساهر دبغ الناس دبغ و الناس ما هي ناقصة مسدد حول 50 الف في 7 سنوات بس ليه ؟!! لا حنا حقين سرعة و لا تفحيط و لا شي الحمد لله ليه 50 الف ؟ كانوا عيالنا اولى فيها

يقول شجر النخل يحطون ساهرر بدل التمر😂

😂😂 صادق ساهر ليس ردع بل صيد

ما عنده سالفه ساهر الان قبل البرميل لازم لوحه وفيه ١٠ كيلو زياده فوق سرعة الخط كندا في الغالب منضبطين فما تشوفه يصور وعندنا الله يصلح الحال ناس وصلت ٣٠٠ الف ريال ولا همهم

ياليت يكون عندنا ساهر داخل الاحياء وامام المدارس