#الكويت وسميه العازمي (عابرة سبيل) عندما استفحل فيها المرض الخبيث خرجت من المشفى ليقوم زوجها وحبيبها بذبح الذبائح لخروجها ليوهمها بأنه خروج للعافيه وهي التي تعلم انه خروجها الأخير .. الشاعره عابرة سبيل قالت يومها قصيده تبكي الصخر وتتحدث عن حبها ووفائها لرفيق دربها زوجها. رحم الله وسميه العازمي... وبارك في ذريتهاshow more

يمه .. يايمه .. فديتك لاتخليني بعثرني الهم وأبغى يديك تجمعني يمه افهميني تراك ان مافهمتيني مافيه شخص بهالدنيا بيسعمني ماعدت انا طفلتك.. كبرت شوفيني خليك يمي ترى الاطماع تتبعني. هذا الابيات لعابره سبيل الله يرحمك يا أم فهد ويغفر لك أبياتها دائمآ معبره أحسنت النقل أستاذ فالح

العفو يابنت الأجواد.. رحم الله ام فهد وسميه العازمي التي اتعبت من بعدها الشاعرات بقصائدها الجميله ..

اليكم القصيده والتي تسندها لزوجها ترى الذبايح وأهلهـا مـا تسلينـي ****أنا أدري إن المرض لا يمكن علاجه أدري تبي راحتي لا يا بعد عينـي**** حرام ما قصرّت يديك فـي حاجـه خذها وصايـا وأمانـه لا تبكينـي**** لو كان لي خاطر ما ودي إزعاجـه أبيك بـيديـك تشهدنـي وتسقينـي**** أمانتك لا يجـي جسمـي بثلاجـة لف الكفن في يديك وخـل رجلينـي**** ما غيرك أحدٍ كشف حسناه وإحراجه أبيك بالخيـر تذكرنـي وتطرينـي**** يجيرني خالقك مـن نـار وهاجـة سامح على ما جرى ما بينك وبيني**** أيام أمشـي عـدل وأيـام منعاجـه همي عيالي وأنا اللي فـيّ يكفينـي**** علمهم الديـن تفسيـره ومنهاجـه

قصيدة موجعه رغم مافيها من معاني الوفاء والاخلاص غفر الله لها وتجاوز عنها بمغفرته ورضوانه وجعل ما أصابها طهور ونور في قبرها وزيادة حسناتها وتكفير سيئاتها ويجعل الفردوس الأعلى من الجنه منزلتها وأمي وأبوي واموات المسلمين اجمعين ويجبر زوجها وأهلها جبرا يليق بجلال وجهه وعظيم سلطانه

اللهم أمين بارك الله فيك يابنت الأجواد

القصيدة كامله و رد زوجها : ترى الذبايح وأهلهـا مـا تسلينـي أنا أدري إن المرض لا يمكن علاجه أدري تبي راحتي لا يا بعد عينـي حرام ما قصرّت يديك فـي حاجـه أخـذ وصاتـي وأمانـه لا تبكينـي لو كان لك خاطر ما ودي ازعاجـه أبيك في يديـك تشهدنـي وتسقينـي أمانتك لا يجـي جسمـي بثلاجـه لف الكفن في يديك وضف رجلينـي ما غيرك أحد كشف حسناه واحراجه أبيك بالخيـر تذكرنـي وتطرينـي يجيرني خالقي مـن نـار وهاجـه سامح على اللي جرى ما بينك وبيني أيام نمشـي عـدل وأيـام منعاجـه همي عيالي وأنا اللي فـيّ كافينـي علمهـم الديـن تفسيـره ومنهاجـه وكان هذا رد زوجها المكلوم :حاولت أنام وحاربت عينـي النـوم وجريت صوت مثل صوت الذيابـه والجفن كنّه صاير وسطـه هـزوم ودموع عيني مثـل رش السحابـة على وليفٍ قالـوا اليـوم مرحـوم راح وتوفى مااهتنـى فـي شبابـه زرت القبور اللى على بعضها رسوم حطيت رسمٍ فـوق ذيـك النصابـة قلبي مـن الدنيـا عليـل ومرسـوم الوسم تـوه عقـب خـط الكتابـة أحبها ميـر القـدر صـار مقسـوم ويحبهـا كـل الأهـل والقـرابـة الموت أخذها وأودع القلب مسلـوم جـرح عميـقٍ مايـداوي صوابـه الموت أخذ شجعان ورخوم وأقـروم وأخذ رسول الله وباقـي الصحابـة

الله يرحمها ويغفر لها ويسكنها فسيح جناته، ذكرتني زوجتي الله يعافيها ويشفيها من سنوات تقول لي هذا الكلام ولكن ليس بقصيدة،، ولكن شكراً لكل من يقدر المعروف ويشكر أهله #من لا يشكر الناس لا يشكر الله

جزاك الله خير وادعوا الله أن يلبس زوجتك لبوس الشفاء والعافيه ولنا في التاريخ شهود نتعظ بهم ..

الله يرحمها ويغفرلها يارب🤲 هل القصيدة عندك كاملة !