المسوق العقاري إلى أين ؟

تغريدة قديمة لنا في نفس السياق 👇

اكثر من ١٠ شقق فوضى عازمه المجمعات الكبيرة لها سلبيات إذا انت مالك العقار وساكن فيه

من بدايه دخولي عالم العقار .. رفضت رفض قاطع على نفسي بعدم تسويق اي فله … فقط اراضي خام …. لان لا ارغب بعرض شي وانا لا افقه شي منه وممكن يدعي علييه مع الوقت بسبب ان الفله كراتين … فعلشان كذا الحمد لله وعلى نياتكم ترزقون ..

اي مسوق لا يدخل نفسه في جودة البناء اذا ممكن يعطي رايه في السعر مقارنه بالموقع والمساحه. جودة البناء ومواده هذي عند المالك

للأسف أي غلطه يغلطها المطور من خوفهم حطوها على المسوق العقاري صار المسوق في وجه المدفع . ليه مايوجه خطابه للمطور وللجهات المختصه ذات العلاقه في إصدار التراخيص؟؟؟؟؟

💭 يا قوم إنني متميز عن بقية زملائي السيئين

فعلاً كلامه في محله ومع الأسف بعض المسوقين العقاريين صار همهم المال أكثر من أداء الأمانة وأنا أقول بعضهم وليس الجميع البعض يسعى خلف الربح فقط بدل ما يسعى لأخذ المكان الصحيح أنت كمسوّق عقاري لازم تكون على مسافة واحدة بين البائع والمشتري وما تختار تسوّق لعقارات ما تستحق ولا تبالغ في وصفها لأنك مؤتمن على كل كلمة تقولها كيف تقول فرصة عقارية عن عمارة فيها عشرات الشقق وما فيها أي ميزة حقيقية فعلاً الرجل يتكلم بمنطق واضح ويحط النقاط على الحروف

والله ادخل شقق ودبلكسات الغرفه 2 في 3 والممر حق الدرج يقول صاله قسم بالله يجب وضع حد ادنى لمقاسات الغرف في الشقق التجاريه والتمليك مو لازم اربع غرف جحوره خلها غرفتين او ثلاث معقولات اقل شي 4 في 4 .

ماعرف الكذب لصاحب المقطع طيف عمارة فيها ٤٠ او ٦٠ شقة بيع تمليك وهي على شارع ١٢ م حدث العاقل ؟؟؟ وين البلدية تعطي رخص بناء شقق على شارع ١٢ م . الناس للاسف صارت تدور ترند مثل هذه المقاطع والناس وراهم طايرة بالعجة . وسلامتكم

انا عندي ارض وببيعها كل ماكلمت قالوا عقد هل يستفيدون من اني اسوي عقد وساطه مع انهم مانفعوني بشي

الشرهة على الوزارة والبلدية الي سمحت لعمارة 40 شقة في شارع 12 ان وجدت … لا تلومه

المطور عندنا فاشل

صدقت معانه انا في عماره ١٤ شقه أوقف في الحاره الثانيه

الحقيقة أن البعض يدرك تماما معايب كثيرة ولكن هدفه الرئيسي الحصول على المال والا الشقق السكنية لا تخلى أصلا من العيب وحدوث مشاكل بين السكان بداية من مواقف السيارات

نعم 👏 المشكلة في الذي يفهم التسويق العقاري كاميرات جوالاتهم ،المسوق اهم سمة يتميز بها الصدق فرق بين يتوفر لدنيا شقق وبين فرصة لن تتكررههههههههههه.

فعلاً المخططات الي فيها شوارع 10 متر و 15 متر وبها شقق تعتبر مخططات غير مرغوبة 👌

افضل حل هو ان يكون التسويق والوساطه مقتصر على المكاتب العقاريه فقط ، يعني للمنشآت فقط لان المنشآت سهل ضبطهم وتوجيهم ومكانهم واضح ومتعاونين اما الافراد راح تلف في كل بيت تلقى مسوق عقاري، يفضل عمل الافراد مع المنشآت فقط وتحت ادارة المنشأة

والله المفروض الوسطاء العقاريين يشطبون من السوق

شدخل المسوق لا هو اللي خطط ولا اللي اشترى ولا أنشأ مباني هدفه تسويق وسعي ومن حقه يسوق على كيفه عندك اعتراض رح للمطورين قول لهم ليه تبنون كذا

بلغ وزير الإسكان يتقي الله فينا يامواطنين لا يربط حبل في رقابنا مثل البقر ويسلمنا للبنوك والشركات تحلبنا خمسه وعشرين سنه واعيش أنا وعيالي ما ناكل والراتب ياخدونه المفروض كل مواطن له ارض مجانيه بمساحة معينه ويعطينا قرض بدون فوائد تسدد للحكومه مش للبنوك والشركات

العقار استثمار 40 شقه تعتبر عقار ذو دخل ممتاز وكل وحده سكنيه لها زباينها

😅😁طيب وشدخل المسوق بالبناء

والله كلامه صحيح بشرق الرياض الشققق مخيفه من كثرها والسارات

المشكله انه قاعد يتكلم عن نفسه شفته قبل فتره يسوق لعماره فيها فوق ٢٠ شقة وما فيها الا ٨ مواقف

ههههههههه حليل المسوق يبغى سعي والباقي بقريح

صح

المسوق العقاري يجري وراء رزقه ومايحصل في العقار من عيوب سواء في الشارع او في العماره او الفله مهوب ذنب المسوق ابدا . المطور العقاري هو الي قام ببناء هذا الكيان فلماذا هذا الحمله على المسوق .

حي المهدية - غرب الرياض

الأخ الفاضل اللوم على من رخص لمثل هذه العماير للأسف الشديد والمسوق على اسمه مسوق هههههه

المسوق ، بيده كل شيء فكلما زاد عامل الوعي ، والامانة ، وفهم عقلية العملاء زاد معها نوعية العقار من جودة وسعر . وراح ياكل تبن المالك و المطور (الطماع والحرامي ) والعكس صحيح ، كلما كان المسوق طماع وبدون اخلاق ومصداقية راح نشوف العجب

اقسم بالله اقسم بالله قبل كم يوم رحت استأجر محل واعرف الاجار كم وكم قيمة الاجار السابق والضريبة تخيل اضاف بند جديد خدمات عامة 40 الف ومساحة المحل لا تتجاوز 150 متر بالله شوف وشلون التحايل على الانظمة والتجاوز على توجهات ولي الامر ابي اعرف وش هالخدمات الي قيمتها 40 الف

كلامه غير صحيح يدور تفاعل اجل عمارة 40 شقة على شارع 12 م ؟!!! انظمة البلدية مااسمح بذلك ! وبخصوص اتهامه للوسطاء شكله حاول يشتغل الشغله وماضبط الوضع معه قام ياهجمهم لكن اتمنى في جهه تحاسب هالاشكال فالوسيط العقاري مرخص وصاحب مهنة يجب حفظ حقوقة مثل باقي المهن @REGA_KSA