الموضوع صار على المكشوف 😅

ذكرتني بالمبدع اللي يقول : الله لايضحك بنا كل شمّات ولا يـذوقنا جفاه وعذابـه لا زلت اقول ان ما مع الما امويهات ياللي تحسبْ ان المنابع تشابه مندبلة كبدي من اهل السنابات ومن اجوديٍ راس ماله سنابه ماقارن اللي يفعل الخير بسكات باللي لا سوّا الخير كل درى به !

- Come Around

في كل شي اخلص نيتك لله ولا عليك من الناس ما ينفعونك تذكير لي وللجميع

من يدوّر في مواجيبه مدايح نظرته محدوده وصدره حضيبي قله اجزل للضيوف ولاتصايح الف مره لاتصور ياحبيبي انت ذابح كبش من عرض الذبايح والا ذابح قايد الجيش الصليبي

الكرم من الايمان ويأجر صاحبه إذا اخلصه لله يقول النبي صلى الله عليه وسلم من كان يؤمن بالله واليوم الاخر فليكرم ضيفه ، والكرم على عيون الناس رياء ويقول النبي صلى الله عليه وسلم من راءى راءى الله به، ومن سمع سمع الله به. ويقول عليه الصلاة والسلام: أخوف ما أخاف عليكم الشرك الأصغر فسئل عنه فقال الرياء يقول الله يوم القيامة للمرائين اذهبوا إلى من كنتم تراءون في الدنيا فانظروا هل تجدون عندهم من جزاء ويقول عليه الصلاة والسلام يقول الله تعالى أنا أغنى الشركاء عن الشرك، من عمل عملًا أشرك معي فيه غيري تركته وشركه.

من عقب الهطبلّي وهو ماش😏🤣

تخيلوا وهؤلاء رجال كبار بالسن ولهم قيمة بالمجتمع يسوون كذا ؟ للآسف السوشيال ميديا خربت ناس كثير

خلك من سالفة العزيمه! السؤال وش سالفة كثرة البرودكسات والمقابلات مع من هب ودب! يسجلون من زاوية استراحه مقابلات مع ربعهم ومعارفهم وبدون شماغ ومشمر كمه وهات سوالف مايعرف صدقها من كذبها هل معهم تصريح من وزارة الاعلام هل هم مؤهلين اعلامياً لادارة الحوارات؟ اشوف انهم مضخوها بزياده😡

اعوذ بالله منه ماهو لله يضيع ومن عاش بالحيلات مات بالفقر

التصوير خربنا ونا خوك اختلط الحابل بالنابل كما يقال الله المستعان بس

لا حول ولا قوة الا بالله حتى إكرام الضيف اللي يعتبر من الايمان صار فيه رياء!! خافوا الله يا ناس