إلى اخواني وخواتي السعوديين مع التحية : أعتذر منكم ولانعالجها بـ التي هي الداء 🌹🙏🏻 🇸🇦💚

يالاستاذ عبدالرحمن الثقافه هذي "إصلاحيه" وليست "إفلاسيه" كما تصفها،، الموضوع ليس موضوع فصل موظف فحسب بل المطالبه بتوطين مهن الادارة التي تسببت بهذه المشكلة من الاساس وبدل الاصلاح إستفزاز بالاعلانات ليكن في علمك يا أستاذ عبدالرحمن ان ثروات البلد منهوبه للخارج من الاجانب وان التوطين لمصلحة الوطن قبل المواطن افلا تعقلون!؟ بعام 2024 مجموع تحويلات الاجانب لخارج المملكة 126 مليار ريال بحسب البنك المركزي السعودي!! لو كانوا سعوديين لتم ضخ وتدوير هذا المبلغ المهول داخل السعوديه وتنتفع به جميع المشاريع السعوديه بدل رميها للخارج

ياهلا بالغالي كلامك صحيح طال عمرك وهذا أساساً اللي تستهدفه رؤية الأمير محمد وشفنا الإجراءات الكثيرة اللي صارت في السنوات الماضية لكن الأمور ماتنحل بيوم وليلة ❗️ نحتاج وقت وحنا ماشيين للخير وابشروا بالخير ان شاءالله

والله وانا اخوك الموضوع يحتاج مراجعه وتحقيق بالاسباب، فالفساد لم ينتهي بعد النسبة في ازدياد وليس في نقصان كما هو المستهدف في خطة الرؤية ففي عام 2024، ارتفعت التحويلات 14% مقارنة بعام 2023 وهذي السنه في الغالب انها نسبة اكبر والمقاطعه "لتصحيح" المسار بالتوطين كما هي خطة الرؤية

اختصرلك الموضوع كلنا ندري ان دمك ثقيل بس عاد ايش ولدنا نتحملك المهم بما انك رجل وحساب مشهور بالاعمال الانسانيه ماشاءالله تبارك الله اتمنى تدعم الشاب السعودي المفصول وتكسب اجره 👍

أنا بخدمته وخدمة كل أحد يحتاج ولالي فضل إلا حق وواجب الناس للناس والدنيا بخير 🌹🙏🏻

🌹👍

مبادرة توظيف ١٠٠٠ شاب سعودي من حمله البكالوريوس عمال إعداد طعام ونظافة وكاشير بواسطة عبدالرحمن المطيري والمصري والسوداني مدير عليهم!بشهادة مزورة .. هل هذا من وجهة نظرك عرض جدير بالاحترام !!؟ خايفين على الغني يتأثر وما همهم الشاب اللي خسر مصدر رزقه.

والله وانا اخوك ان اغلب شبابنا في أماكن عالية خاصة اليوم مع الرؤية استهداف كبير للكفآءات والأجانب قلت نسبتهم كثير والله ثم والله ان وضعنا ماهو مثل عشر سنين الحمدلله كل يوم أفضل والجاي أفضل بالنسبة للمبادرة ان شاءالله وظائف تليق وابشر باللي يسرك يابو فهد ان شاءالله ♥️🙏🏻

أولا شاكر لك تفاعلك اخوي عبدالرحمن والأمر الاخر عندنا شباب طموح ويمتلكون مهارات كبيرة وقدرات مميزة فقط يحتاجون من يمنحهم الثقة والوقت وأنا والله على يقين أنهم على قدر المسؤولية. دعم أمثالك من الرجال هذه المبادرات يستحق الشكر والتقدير. شبابنا وبناتنا هم الأولى بمكتسبات وطنهم.

@iQutesii مع كامل إحترامي وتقديري حنا مستمرين بالمقاطعة لك ولهم. 🫢 Sorry

@iQutesii أهم شيء إنه مع الإحترام والتقدير ماقصرتي الله يجزاك الجنه اخت ابتسام ☺️🙏🏻

@iQutesii ومن قال ، حياك الله ، وشكراً

استاذ عبدالرحمن ورى ماسألت عن الموظف المفصول وتواصلت معه لعلك تلقى له وظيفه وترى صار يبسط بالتمر ويترزق الله ومسؤول عن عائله هذا الاولى في الوقت الحالي؟!

والله يبشر هو وكل شبابنا 💚🙏🏻 وأنتي تدرين سنابي مسخره للناس ولهالمبادرات

٠٥٣١١٦٨٦٨٢ هذا الرقم 🇸🇦🙏

يامطيري انت تعرف معنى كلام السعه ؟ اذا ماتعرفه فهو كلامك بالتغريدة السابقة وتعرف وش ضريبة كلام السعه ؟ انك نزلت المقطع ذا خوفاً من ردود البشر

سد حلقك ولا اسمع نفسسسس 🤫

بعيداً عن موضوع المطعم الشهير ولكن ثقافة المقاطعة هي ثقافة حضارية تدل على الوعي واذا نجحت تدل على التأثير لذلك الموضوع بسيط لا تستفز المستهلك حتى لا يصبح مصيرك الافلاس فالمستهلك واعي يستطيع أن يجعلك بلا قيمة 😄 هذا الكلام ينطبق على كل انواع الاستفزاز بما فيها زيادة الاسعار😁

شوف تطلع انت وكم واحد بعد توجيه شخصية لها كل الاحترام هذا اسمه محاولة الظهور على حساب هالشخصية اللي ما اعتقد ولا 1٪ طلبت منكم هالشيء وينك انت وغيرك عن الموظف وهو يبكي ..!؟ اها كنتوا مشغولين بمبادرات الأسود صح 😎 الزبدة الشعب السعودي واعي ولا هو طرطشلي عشان يقاطع كل من هب ودب ولا هم عديمين مروءة وإيمان عشان يخططون للمقاطعة من دق الباب لقى الجواب هذي لازم تفهمها انت وغيرك والجميع يعرف الشعب السعودي ما يعرف نظام القطيع لأن رأيه وفكره اعلى مما تتصور الزبدة الأغلب مقاطعك انت لا يكون بيأثر على اقتصاد البلد ( امنعنا بس ) لا تنهد الثروة الوطنية عشان واحد 😏

عشانك انت راح استمر في مقاطعتهم وراح أقاطع المحلات الي جنبهم

ياخي انتوا المشاهير ليه مانلاقي لكم وقفة صادقة مع الشباب السعوديين اللي تم فصلهم تعسفياً في عدة شركات وما نشوف لكم مطالبات بتوطين الوظائف ما نشوفكم الا في الأمور اللي عكس أتجاه المواطنين ؟!!! برغم ان ٩٩٪ من متابعينكم مواطنين سعوديين

ياكرهي لعيناتك وياثقلك يا شيخ .. تنهار شركة وتتأدب مية أفضل من وضع الشباب الآن .. لولا السناب كنت الان تطامر على عامل نظافة أو سكيورتي في شاورمر ومديرك من ذيك الجنسية وقتها بتعرف المعاناة

ياخي كل زق باختصار مقاطعين مقاطعين انتهينا من ذا الموضوع مسوي انك اخلاق ومدري ايش مهي علينا ذي الحركات وصلت

المشكله تتكلمون وتقل رواتبهم 8000 كلها 4000 وكاشير حتى ماتفتح نص بيت يعني لا انتم اللي طالبتو برفع الرواتب اللي فعلا تقول انها تفتح بيت واسره لاتقولي كم من اسره تضررت ومدري ايش على اساس ان رواتبهم 8000 واكثر راس مالها 4000 ويذلونك عليها ومديرك مصري يغثك

والله الزين لو تقاطعنا ولعاد تورينا وجهك يالحبيب وش فيك ماتكلمت الا ذا الأيام تدور للشو والترند

بيض الله وجهك وكتب الله أجرك جعلك الله مفتاحًا للخير مغلاقًا للشر وكل من قال من قلبه امين

@MESHARI_SH_ يارب آميييين ويازين هالدعوة استاذنا مشاري 🙏🏻♥️

همبرغيني كان شي قوي وانتهى بسسسسسسسسرعه بسبب ذيك السالفه تبعهم خلاص ماعاد فيه ثقه وقفل واعلن افلاسه

للاسف وهذا والله اللي مانبيه يتكرر 💔 نبي نفزع للسعودي بدون مانضر شركاتنا كلنا نتعاون ونصلح الخطأ بدون ضرر وأذى 💪🏻🇸🇦

انت لو انك طلعت منها كان يمكن تضبط لكن مبادراتك الكل بيسوي عكسها واولهم انا 🌝

ياصبر الأرض عني ماخبرت ان كل شهر الناس مقاطعة شركة، ركوب الترندات والهرج لمجرد الهرج تراها تزيد الطين بله كل دقيقة طالع حساب راكب الترند ويحاضر فيما لايفقه خليتوا اقتصاد بلد مثل السعودية واقف على شاورما البلد من تقدم لتقدم ولله الحمد حروب ماهزت شعره في اقتصادنا الحمدلله

اسمح لنا انت وامثالك ، شاورمر بيكون عضه وعبره لمن لا يتعتبر والي يحاول يقلل من المواطن في بلده وما يحترم شانه بينحرق بجمر شاورمر والحين كل جهه بتحط الف اعتبار قبل لا تطرح شي او تقُدم على فعل يخص سعودي / وليت مثل ما عرفت تدافع وتهدي تطرح قضايا المجتمع الي هي اهم ولا احد عبرها

اذا انحلت مشكلة البطاله وسيطرة الأجنبي على الوظائف القياديه تعال قول هالكلام..أما الان ما ينفع معهم الا المقاطعه ..هذا اللي بيدينا كشعب نسويه ..وما وصلنا هالمواصيل الا لأننا شفنا ان السعودي حقه ضائع ولا احد مهتم ..

لو فيكم ذرة خير يالمشاهير وقفتوا معه حسبي الله عليكم اعلان واحد ينقذ حياته لكنكم جرذان تخرجون من جحوركم عند الحاجة قلعكم ربي افتحوا مشاريع وظفوا الشباب العاطلين ولا بس فالحين تتفشخرون سعر اعلان واحد 400.000؟! ولا الهياط الرصيد!؟ انتوا ماتشوفوا العالم المحتاجة

ياعبدالرحمن والله لو مايستحق شاورمر ان يخسر مايستطيع احد يمنع رزقه من البشر مهما تداعوا عليه بالمقاطعة ولكن الله انتصر للمظلوم ولن تستطيع انت ولا من هو اكبر منك ان يرد مراد الله . ليكون عبرة خل نخسر براند مرة واحدة ويتأدب بقية المشاريع اللي تسوقون لهم ولا قيمة للزبون عندهم .

تحسب إنك من الدنيا بمأمن اذا نمقت لك كلمة وسردتها بصوت هادئ ومطمئن! بتذوق ما ذاقه من قهر في رزقه، وبتذبل ملامحك زي ملامحه ويحمر أنفك وتدمع عينك. التهاون في قطع الرزق لا مبرر له، والشخص الواحد عن المليون شخص.

الحل الوحيد تعاد هيكلة شاةرمر وجميع الشركات القطاع الخاص بحيث ان جميع الرؤساء التنفيذيين المدراء التنفيذيين رؤساء الأقسام الاداريه ومدراء المستودعات ومدراء اىتسويق وجميع الموظفين الاداريين سعوديين الجنسيه هذا هو الحل وبكذا السعوده في احلى تطبيق لها خيرنا لبلدنا ولايطلع برا

أنا ضد كلامك لان لازم تتعلم الشركات الباقي تحترم الموظف السعودي وتحميه اذا ماتبي تفلس اذا شافو الجد يصلحو اخطائهم أنا تضررت من الاجانب باكسترا اضطريت على الاستقالة بدون سبب بس على شان خايفين على كراسيهم لا اوصلها أنا وغيري نفس الوضع

كلامك لاغبارعليه ونثق في نيتك لانك من اول من دعم وفتح باب رزق لكثيرين ولازلت ومبادراتك خيرشاهدودليل . جميعنامع رفع الظلم عن الموظف ورده لوظيفته والتحقيق في كل تجاوز لكن معالجه الخطأبخطأاكبراين العقل والمنطق في فقدعشرات الموظفين لمصدررزقهم!! نحن لسنافي اي دوله دولتنا 📍لديها

الله يسلمك يـ اختي وصدقتِ 👌🏻👌🏻🇸🇦 وان شاءالله اننا مكملين في المبادرات ودعم كل من يحتاج ولالنا فضل إلا حق وواجب

كلامك ممتاز اخوي عبدالرحمن ولا ودنا نضر شركاتنا السعودية لكن لماذا لاتظهر الشركة وتعتذر للموظف وترجعة ويعملون لقاء جميل وانهم عالجوا السبب وهم المصريين المنتفذين في الشركة. وانت ياخونا عبدالرحمن ابو المبادرات فنتمنى مقابلة الموظف السعودي ودعمه بمبادرة طيبه له ولعائلته

يامرحبا باخوي صالح الشركة تأكد مافيه شيء بيمر على جهاتنا ، كل شيء محسوب والشعب ماقصر وصل صوته أما الموظف يبشر بي أنا بخدمته وخدمة كل احد الناس للناس وانا اخوك ♥️🙏🏻

بيض الله وجهك وكثر الله من امثالك ومعودنا دائما بوفائك مع ابناء الوطن فشكرا لك

المقاطعة سلوك استهلاكي ولها اسبابها الكثيرة ، هل مطلوب مني ادعم المنتج السعودي حتى ولو كان سيء و الا ستكون وطنيتي محل شك !! الوطنية تقاس بالولاء للوطن و ولي الأمر و الالتزام بقوانينه وخدمته ، مثل ما الشراء منهم خيار ايضا المقاطعة خيار و ابعدوا الوطنية عن هذه الامور

العربفي برو ماكس

تخيلوا بالله اني استمع للأخ عبدالرحمن وهو يدافع عن شركه فيها مدراء كلهم من جنسيه معينه . وين الناتج المحلي؟

انا مقاطعك انت شخصياً ليه القاك في وجهي

🛑. يا أخي عبدالرحمن 🛑 المشكله ماهي في الشركات السعوديه ♦️ المشكله في المسؤولين الأجانب الي في الشركات السعودية ومتنفذين يجيبون أرباح لكن فيهم فساد مالله به عليم من فساد أخلاقي ومالي ويضغطون على الشباب والشابات السعوديين الي تحت ادارتهم حتى يزهقون ويتركون العمل بسببهم

أنا بالنسبه لي شخصيا كلام المشاهير يخليني أعاند اكثر ونقاطع المنتج زياده

ياحليلك حتى أنت 😂 وين هالكلام من بداية المقاطعة 🤔