انا فاقد ٍ نفسي معك يارفيق الدرب !

طرقني النسيم البارد اللي يجي من غرب وطرقت القصيد اللي يجيني على حِله اجر اللحن لاني بهاوي ولاني طرب ابا أسج به لو كان مايبري العله انا فاقد ٍ نفسي معك يارفيق الدرب ترى العمر يسرق بهجتك وانت فاطن له لو تشوفني عقب البطا اللي حصل.. عن قرب تبي تقول لاهذا رفيقي ولادلِّه تعوّرني احداث الليالي بليّا ضرب وانا اللي يكابر مايبي يظهر الذله ماقد شلت هم الرزق ماوى وزاد وشرب وانا خابرٍ تقسيم الارزاق عند الله انا وين ابلقى لي رفيق ٍ عذور وذرب تعبنا نجامل صحبة مدوّر الزله لو انه من اقصى الناس كنه من ادنى حرب ليااحتاجني جيته ولااحتجته أدله محكّ الصداقه بالمرض والسفر والكرب اما بالسعه فالرجل كل ٍ صديق ٍ له خوي السعه لاشاف زرق الدراهم خَرْب يبيعك تقل مافيه مذهب ولامله وخوي السعد جيش ٍ عشانك يقوّم حرب لو ان حاجتك دوله بعيده ومحتله عسى اهل الظنون السود واهل النوايا الجرب فدا الصاحب اللي لابغيته يجي كله عصامي ٍ ظروف الليالي كربته كرب فرق بالفعل والاسم ماهوب حي الله !

المقطع كامل

وخوي السعد جيش ٍ عشانك يقوّم حرب لو ان حاجتك دوله بعيده ومحتله الله اكبر

🙏🙏

الله عليك يابوبندر صح لسانك والله🤍

صح بدنك يانفل 🙏

الله عليك صح لسانك واعتلا شانك

صح بدنك عمر

صك لسانك يا عالمي الشعر

@K_materAlharbi صح لسانك