أول مره أعرف تفسير مقولة : لاتجاور أخوك ……! ولا تبني في ملك أبوك ….؟

الأصل في الشريعة والعقل أن القُرب من #الوالدين_والأرحام مع الصبر أولى من البُعد اتقاءً للمشقة. فالإسلام دعا إلى المخالطة والصبر، وجعل #صلة_الرحم_عبادة، وبرّ الوالدين جهادًا، ورتّب عليها الأجر والبركة في العمر والرزق. البُعد قد يريح النفس مؤقتًا، لكنه غالبًا سبب #للقطيعة وسوء الفهم وتضخيم الخلافات، أما القُرب فيكشف الحاجات الحقيقية، ويتيح المبادرة بالخير في وقته، ويُسقط كثيرًا من الأوهام. القُرب تعبٌ وبذل، لكنه قربٌ من الله، أما القطيعة فغالبًا مبررها الخوف لا الحكمة. فصلة الرحم دعوة القوي، والاحتساب فيها طريق رضا الله ورضا الوالدين .. ﴿وَالَّذِينَ يَصِلُونَ مَا أَمَرَ اللَّهُ بِهِ أَنْ يُوصَلَ أُولَٰئِكَ لَهُمْ عُقْبَى الدَّارِ﴾

غير صحيح . انا واخوي متجاورين الجدار بالجدار والله كل ماشفت بيتي افرح ماهو لأني ملكت بيت بل لأن اخوي هو جاري .. اذا سافر انا موجود واذا سافرت هو موجود ونشوف بعضنا كل يوم والله انها اكبر نعمه ومحاسنها لاتعد ولاتحصى.

مايفرق الاخوان الا الحريم

انا مع الأخوة والترابط والالفة والمحبة لكن كلامه صحيح وانا ضد هالشيء والعقول تراها ماهو سوى عقول الزوجات وعقول الابناء والبنات وتحط مشاعرك وحبك لأخيك في دوامة وخطر لاينتهي اذا مرة مرة خلي بينك وبينك اخوك حذفة حصاة قريب منك ولا يدري وش عندك ولا تدري وش عنده والاخ يبقى ♥️

ولا تنام عند اخوك ولا تأكل عند أختك

: النجاح في العلاقات يكمن في إتقان فن المسافات فلا تقترب إلى حد إبصار العيوب ولا تبتعد إلى حد نسيان المحاسن #كن_بين_و_بين_لا_قريباً_من_أحد_ولا_بعيدًا_عن_أحد :

أنا مع عدم السكن بقرب اي معارف لك سواء قريب ولا بعيد .. على قوله الشاعر خلك حذفه عصاك

كلام فارغ الواقع يثبت العكس الاقارب المتجاورين اكثر ترابط وصله ومعرفة ببعض بينما الاقارب المتباعدين بينهم قطيعة وعدم معرفة واي خلاف بينهم يكبر ويؤدي لقطيعة دائمه.

هذا الفيديو يشبه كتاب قواعد السطوة مليان مغالطات وتطبيع للرخامة . الرجال اللي مافيه خير لأخوانه مافيه خير لا لعياله ولا لغيرهم، والأخ قدره ومقامه أكبر وأعظم من الأسباب السخيفة المذكورة لا تسلبون العرب إرثهم وتاريخهم، العرب عرفوا بالمروءة والشهامة مع البعيد، شلون لا صار أخ ؟

هذا الكلام صحيح من تجربه شفتها الأحياء اللي صار فيها الازالة من قبل كان ساكنيها أقارب كلهم وبينهم كثير مشاكل وقطيعه بعد الهدد اتفرقوا كل من راح إلى الحي اللي يعجبه سبحان الله تغيروا رجعت المحبه والإحترام و الإهتمام بالتواصل بعقل وراحت كل مشاكلهم ،أعظم قرار حصل تاريخيا

المشكله ان في ناس ينقلون تجاربهم الشخصيه ويعممونها على الجميع … ياما ناس اخوان عايشين ابيت واحد ولا صار بينهم خلاف والترابط بينهم قوي وبعضهم جيران وحياتهم حلوه عكس الكلام الي ينقال .. بالنهايه هالكلام ماينطبق على الجميع

هذه المقولة تعني أنه يلزم على الإنسان أن يحافظ على حدوده وحقوقه الشخصية، وأنه يلزم عليه أن لا يتدخل في شؤون أخيه أو يتدخل في ممتلكات وثروة والده. يلزم على الإنسان أن يحترم خصوصية الآخرين وأن يعيش بالتعاون والتفاهم معهم دون التدخل في حياتهم الشخصية أو ممتلكاتهم.

هذا ماينطبق على الناس السنعة ومن البر والتكافل والأسري هو قربك من اهلك وبني عمك مما يشعرك بالأمان ويزيد الألفة بين الابناء والإخوان ويعزز البر بالوالدين لازلنا نعيش من طلعنا على الدنيا وقبلنا آبائنا وأجدادنا مع بعض كثير من الناس يتمنى ذلك لاكن الظروف احياناً لاتسمح بذلك

والله يارب لك الحمد سكنت مع اخوي ٦ سنوات في شقه فوقه وكان نعم الاخ والجار مشاويرنا وحده واذا أنا ماقدرت او سافرت هو يودي ويجيب عيالي من المدارس والمشاوير واذا نقص شي للبيت نسد بعض بس اهم شي تبعد عن مقارنات الحريم في العيال وايش جاب ووين راح

عندنا مثل يقول ( ابعد عن اهلك يحبوك ) نفس ما قال كلما بعدتوا قربت القلوب وكلما قربتوا بعدت القلوب وانا مجربها

لا تجاور اخوك هذا فيه تفصيل إذا اخوك عاقل وانت عاقل وما تسمعون كلام الحريم بالعكس راح تصيرون اسعد اخوان لكن واحد عاقل والثاني زوجته تتحكم فيه ويطيعها اكيد البعد اهون والي لاتبني في ملك ابوك كلامه صحيح وعين العقل 👍

منهو السفيه اللي حط المثل هذا وفوق كذا يبررون له هذي قواعد للناس الردية اللي همه الفلوس والدينا والمباديء عنده منتكسه جاور اخوك وخلك عند امك وابوك هذا بر وصلة رحم واي تفاهة تسمعه يبرر له المجتمع خالفت الشرع لا تسمعه لان زمن الرويبضات يتفلسفون ويبررون الردى.

اساس المشاكل الحريم، هم من يجمعون او يفرقون. الرجال ينشغلون في العمل وغيره اما النساء هم في الغالب متواجدين في البيت وقريبين من الاولاد وممكن يكونون معول بناء في تقارب البيوت او معول هدم وتفرقه.

واحد عنده مشاكل مع الورثه ومشاكل عائليه وأطلق المقوله فلاتُعمم ع الناس الطبيعيين والله إذا كان جارك اخوك فهذاوالله نعم الجار واذا تبني بملك ابوك ف نعم الاب اللي ورث بلا تشاؤم وزرع عداوات واوهام بين الاقارب وتتبع مقولات ناس مرضى عقليا ونفسيا واجتماعيا..

ليتك ساكت تخرب علاقات الاخوان بينهم ياحلو جيره الاخوان عيالهم وبناتهم يطلعون على بعض ولا غاب واحد الحاضر، يسد غياب الخو الغايب حنا ابتلينا بالسوشول مديا كل خربوطي يجيب من راسه صوت دون درايه ودون عقل

ولو نسأل من قايل هالعباره محد فيهم جاوب او وش المناسبه قالوا ماندري الامعات كثروا هالايام ويتصدرون السوشل ميديا الله يكفينا شرهم اول شي هالكلام مايقوله الا ضعيف الشخصيه سواء هو او اخوه عيال اخوك وعيالك يكبرون مع بعض هذي نعمه من ربي وصلة رحم ويلين قلوبهم لبعض على المدى الطويل اما الثاني اللي لا تبني في ملك ابوك هذا اطقع من الاول واسلح منه تكرمون

فعلاً في ديرتنا احنا واعمامي بيوتنا الجدار بالجدار وتكثر المقارنات دائماً في الرزق ابوي اول واحد بنا بيت فيهم ومحد قدر يبني منهم وبعدها مات بسرطان الله يرحمه .

هالكلام خرابيط وجهل الاولين ولاهو قاعده تنطبق على الجميع ..

حكمة ذهبيه ✔️👍 للأسف غالبية مشاكل الأسرة الواحدة بسبب ماذكرت 📍

السوالف ذي خرابيط المصلح الله

صحيح ولا تكلم امك ولا تكلم ابوك وفي مقوله تقول لاتصوم اول اسبوعين من رمضان.

كلامه مضبوط مية بالمية 💯

ترى انى اخوة اربعه جيران وبيت الوالد بوسطنا ونحن كأنا رجل واحد

خلك بعيد حبك يزيد ..

هذا المثل لا اصل له وغير واقعي ، وينطبق على الذين ليس لديهم وازع ديني وتقاليد وعادات رجوليه ، فيجب عدم تعميمه وشكراً

هذي رخامة في بعض الرياجيل واذا ورعك قال ليش فلا ولا علان ادبه واذا حرمتك قلة ادبها فمن باب أولى أدبها ولا وش انت رجال في البيت تسوي ؟ تطبخ ؟ تخيط ؟ تغسل ؟ أدب بيتك بالكامل و بالمقابل يأدب بيته بالكامل ، و بعدها اموركم بتمشي ، اعرف اخوان عاشوا أعمارهم متجاورين وأمورهم تمام .

اتفق

اخوي بناء عند ابوي والدنيا قايمه قاعده مع ان ابوي اعطاه الارض هبه بعد مابناء اخوي طلب افراغ الارض عشان تمويل رفض ابوي والفضل يعود لزوجة ابوي وعيالها عشان كذا لاتبني عند ابوك مع العالم انه معطي كل واحد ارض وماعنده مشكله يفرغ لهم بس مادري ليش استقعد لااخوي طلع وخلى البيت

الجيل هذا خلك بعيد وسعيد والموتر يوديك كل مكان مايمنعك من صله الرحم كلامه صحيح وواقع نشوفه

تفسيره هو لاتجاور اخوك،، يمكن زوجتك تتعارك مع زوجه اخوك او تعادي عيالك او العكس وتخسر اخوك ،، لان اكثر الرجال تحكمهم نسائهم ولاتبني بملك ابوك فقد تطرد منه يجون الورثه يطالبون بحصتهم عقب وفاه الاب