بعد توجيه منابر الجمعة للدعوة إلى تيسير الزواج، مأذون الأنكحة سعيد السعيد يؤكد أن المشكلة ليست في قيمة المهر، بل في الكماليات والاستعراض في الحفلات، التي أصبحت من أبرز عوائق الزواج

نلف وندور عشان مانعترف بالحقيقه المشكلة واضحة وضوح الشمس في رابعة النهار لايوجد وظيفة واذا وجدت لاتسمن ولاتغني من جوع وبدون امان وظيفي نظام لايساعد على منع انفلات النساء اما التكاليف والمهر هذا كلام فاضي ولا يمثل مشكلة

المشكله الحقيقية في المميزات إلي تقدم للمطلقه إلي الآن في فترة الخطوبه تطلق عشان تحصل على المميزات بعض الانظمه هي إلي سببت عزوف الشباب عن الزواج مو المهور وهي إلي دمرت الكثير من البيوت القايمه من سنوات كثيره الغاء الميزات إلي تحصل عليها للمطلقه راح يتغير الحال

ضروري الشباب يشرطون الزواج الزواج المختصر على الاهل واذا رفضت البيوت مليانه فيه مكثير توافق خلو اللي تتشرط لين توصل 40وتتزوج بدون شروط شفنا كثير تتشرط وصلت 35بدون زواج ولا وصلت 60تعرف انها كانت جاهله مااحد دايم لها النهايه دار المسنين .اخواتك مشغولات في بيوتهم واخوانك بعد .

لو الزواج كان على المهر والبيت والسفر كان كثير تزوجوا لكن تكاليف ليلة الزواج لوحدها قد تكون اعلى من الثلاثة السابقة مجتمعة ليه طيب ! عشان لحظات وساعات ويروح يتدين ويسدد ٥ سنين ويدخل في ضيق مالي مع زوجته في بداية حياتهم

كل ما ذكر في اللقاء من تكاليف ليلة الزواج يهون المشكلة البنات داخلين على طمع طمع طمع والنظرة للزواج مادية بحتة ..والله يعين الشباب

المهر ٤٠ ألف زواج عائلي خاص بالرجال عددهم ٣٠ في مجلس البيت أو في شاليه مع الوليمة يكلف ٢٠٠٠ ريال تقريبًا آجار شقة نظيفة سنوي في محافظة ب ١٠ آلاف تقريبًا العقل زين وتشريف لصاحبه فاطلب هديت أصول العلم والأدب.

السبب يحل من مصدره كيف يفتح بيت شباب لهم سنوات يبحثون عن وظائف في بلدهم المليئة بالفرص التي ياخذها الاجنبي محفول مكفول!!!! اقترح الدولة تدعم المقبلين على الزواج بمبلغ ٥٠ الف ريال كحد ادنى من غير مراجعات واشتراطات لان حتى الموظف راتبه هزيل وعليه ديون وأقساط وقروض والأجنبي مرتاح

كلام غلط وغير صحيح وزواج خرفنة ١٦٠ الف زواج ليش ••• مهر ٤٠ الف بالكثير واستراحة ٢٠٠٠ ريال كبيرة قسمين ••• وعشر خرفان ان كثرت والناس مو جايتك جوعانة وكثير ما يأكلون والباقي يوزع على المحتاجين ••• وشقة صغيرة ٢٠ الف وطقطقو الرجال وطقطقوا الحريم وارقصوا وخذ مرتك وامش ••• ١٠ الآلاف مصاريف أخرى ٧٠ الف تقريباً واذا حبيت نقص من المهر ان لقيت ناس قبلوا فهم اجواد اما الي يتدلعون قل لهم سوو العرس والبربسة بفلوسكم ولا شف غيركم وبسسسسس

اقول ليت المتزوجين يحافظون على زواجهم ، بعض الحريم صار بعقولهم وشه. لازم مؤتمرات ودورات ومسلسلات ومحاضرات كيف تتعامل المرأة مع زوجها ، لان 20 السنة الماضية كلها كيف تفهم المرأة وكيف تحتويها حتى شافت انها الصح في كل شيء والغلط على الرجل.

يازين أيام كورونا ؛ عندما حظرت السلطة والقوة والتقنين ؛ رضي الجميع .

60 الف دفع تزوجت مرتين الزواج الاول دفع خمسه الف سعودي وخمسه حق الذبايح والثانيه تسعه الف سعودي وخمسه ذبايح والحمدلله لي 15 سنه متزوج ومعي غنم وابل والامور طيبه لا سناب ولا مواقع تواصل عندي خمسه اولاد وثلاث بنات ربي يحفظهم راعو الشباب وخفظو المهور تتحسن احول الشباب والبنات

@SDB_sa المشكلة في البنك هذا مايعطي قروض انا موظف ولا قدرت اطلع القرض حسبي الله ونعم الوكيل

للاسف سمعت ان فيه قبايل بالشمال عندهم ليله بعد الزواج نفس الزواج هذي الليله العروس تلبس ذهب لازم تعلمهم وش جاب العريس وانا اقول العريس العاقل مايدفع بهذي الليله هلله مو ملزوم بالهياط وشوفوني اذا بتسويها بحسابها او اهلها مايرفض اما هو اذا سوها ماعليش غبي الدين عليه

المشكلة ليست في قيمة المهر ولا في قيمة تكاليف حفل الزواج هذه تكاليف تدفع "مرة واحدة. المشكله في ارتفاع الاجار كل سنه او سته شهور يدفع اجار يعادل قيمة مهر

المهر ليس عائقا والتكاليف ليست معضلة وإنما حينما يغيم التفاخر ومفهوم ( أنا خيرٌ منه) على العقول تطفو على السطح مثل هذه الأمور وأغلبها ليست من اكثر الأباء بل بعضهم أو حينما يذهب دوره في الأسرة ويصبح المتصرف الحقيقي للقرار هي الام الغير واعية.

المهر يحدده الرجال دائما بينما الكماليات لعبة النساء وشروطهن

مع احترامي الشديد لكم الى انكم لست بحول المشكلة الاساسية اصلا، المشكلة ان اغلب جيلنا كبر على افكار المشاريع الخاصة وبائعين الوهم الي تحصله يقولك كيف ب 48 ساعة اطلع 30 الف واشترو كتابي وخذو دوراتي ثم اغلب الشباب الآن مديون سواء قروض او اقساط سيارات او دين عادي، ثم تطلع انت وتقول…

ســاعـــــدوهـا^🙏🏻 رقـــم الـفـاتــورة} 25220468975 رمـــز الســداد} 169

ســاعـــــدوهـا🙏🏻 رقـــم الـفـاتــورة} 25100321083 رمـــز الســداد}| 169

وش عاد بقيته. الله يجزآك بالخير اخوي. سعيد

أعــيــنـــــوها ولـكم الآجــر💔 رقــم الـفـاتــورة/25252186934 رمـــز السـداد169

اتفق معه وهذا الذي عسّر وصعّب زواج الشباب

بإذن الله عيالي وبناتي اذا مد الله في عمري ع طاعة يكون مختصر جدا جدا يستانس فيها العريس والعروس ،ماهو قبلها بشهر وهم مشيبين من الهم والترتيبات واخرتها اليوم الثاني يجتمعون مجلس التحليل ويبدون الانتقادات (عشاهم ،زفتهم ،حلاهم ،تاخروا وووو) والعريس يبظا يشره مين ماجاء ووووو

يعلكون في القشور ويتركون لب المشكلة يا رجل هناك عطالة وبطالة منتشرة بين الشباب لا تلعب على بعض وهناك وظايف بسيطة ورواتب ضعيفة لا تفتح بيت ولا تاتي بزوجة في ظل التضخم ناهيك عن ارتفاع قيمة السكن اما الكماليات ابشرك الناس عقال وهناك كثيرين يعملون زواجات عائلية وبسيطة . وبس

ايام كرونا توقعنا ان يستمر تسهيل الزواج بعد الجائحة حالياً ارتفاع التكاليف بداية من المهر وانتهاء بالهدايا والسفر شيء لا يستطيعه الكثير من الشباب

تيسير الزواج ليس بالخطب … تقوم الدولة بتقديم قرض زواج 100 الف ريال على اقل تقدير .. لانها هي المستفيدة من الضرائب التي سوف تنشى من هذي العلاقه ووجود ابناء وصرف على الخدمات وربما يقوم بعض الابناء بانشاء منشاة توظف مواطنيين وتدفع رسوم وتصدر بضائع وصناعات وتدخل اموال للدولة .. الخطب والكلمات لا تجدي نفعا مثل الشاعر الي يبي ياخذ اموال بلسانه ولا يبي يقدم شي

اذا كان للمهر انتفعت فيه وانتفع فيه حتى الرجل العبىء في إقامة الحفلة بالقاعات اللي يكلف على الرجل والكماليات ،، الاهم والابقى والاصلح ما نفعت فيه زوجتك والسكن، غيرها تتعوض والله الله يرزق الجميع

الحقيقة أن المشكلة في المهر، وفي مراسم الزواج، وفي قيمة العشاء، وفي إيجار الشقة وتأثيثها وفي وفي بعد الزواج في الشهر الأول على الأقل ! ، ولكن يجب أن نتذكر ! قول الله تعالى : ﴿وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ يُغْنِهِمُ اللَّهُ مِن فَضْلِهِ ۗ وَاللَّهُ وَاسِعٌ عَلِيمٌ﴾ 📖 سورة النور – الآية 32 وقول النبي ﷺ: «ثلاثةٌ حقٌّ على اللهِ عونُهم: المجاهدُ في سبيلِ اللهِ، والمكاتَبُ الذي يريدُ الأداءَ، والناكحُ الذي يريدُ العفافَ» رواه الترمذي وصححه الألباني.

ســاعــدوهــا 💔👇🏼 رمز السداد: 169 رقم الفاتورة :25148661598

هل فعلاً خطب ومنابر الجمعة لها دور حقيقي مؤثر وفعال في حياة الناس؟ أما أن الناس تحضرها من باب الوجوب الديني ومن أجل الصلاة؟ وهل نحتاج إلى إعادة تعريف واكتشاف دور خطب الجمعة؟

لا مهر و لا كماليات ، بل الاساسيات مثل السكن هي الكارثة .