تجربة أعجبتني من أحد المستخدمين

اقتراح لتطبيق @HudHudMaps احنا اصحاب المحلات وقت فتح واغلاق المحلات من بعد صلاة العصر الى 12 الليل بعض الاوقات يطلع من الصلاة 3:40 وبعض الايام نطلع 4:15 ياليت يكون فيه برمجة اوقات الصلوات حسب المناطق ومثلها في رمضان يبدا الدوام من بعد صلاة التراويح اتمنى وضحت الفكرة

اقسم بالله ما احمل التطبيق الا بعد مايصير ملف الشركة بالكامل في لينكدن سعوديين .

استاذ فيصل هل فيه خيار صوتي غير صوتك؟

ايه، من الاعدادات

@jaehaeryslll بالعكس صوته هادي ورايق وتحسه على طبيعته👍🏻

@Faisal والله شف.. أنا تخيلت انهم احتاجوا مؤدي صوت فما أسعفهم الوقت ولا أحد من التيم تبرع فقال خلاص أنا بسويها.. لو طوروا الفكرة بتوليد الأصوات بالAI يصير فيه خيارات كثير زي السديس محمد عبده ماجد الشبل إلخ..

@waiilabdullah @Faisal من اجمل الاصوات صوت @Faisal كذا صوت نجدي منا وفينا بلغة سليمة وفصحى مريحة للاذن والله تحسب لـ @HudHudMaps انهم وضعوا صوت يشبهنا وتجربتي الشخصية لقيت الفرق بين هدهد وجوجل ماب كانت ٣ دقايق فقط

@waiilabdullah @Faisal @HudHudMaps فيصل الخميسي قامة وطنية في قطاع التقنية بلا شك بس في نهاية المطاف راح تحتاج آداء صوتي لشخص مختص على الأقل كخيار .. وأعجبني صراحة اللهجة السعودية ولو يصير فيه خيار إضافي بينها وبين الفصحى بيكون أجمل

احجبوا خرائط قوقل ولا تبالون.. وبعدها اححبوا جي ميل وواتساب. خلونا نعتمد على تطبيقاتنا المحلية. . عمال التوصيل واوبر وكريم اذا الزمتوهم بالتطبيقات المحلية بيعطونكم افضل فيدباك.. .

بكره يجيك اعلان ف نص المشوار

اللي يبي يختبر اي تطبيق يجربه في مكة لان الغلطة بألف وهذا التحدي 💪🏻 وايضاً عندي اقتراح مهم جدا وراح يفيد التطبيق، هل من طريقة للتواصل؟

طيب حتى يزيد الانتشار لو ارسلي واحد رابط قوقل ماب وشلون افتحه على هدهد ؟

جاية الأسبوع الجاي إن شاء الله

@Faisal @uercv0 الرابط المحول يعطيك خيارات مختلفة، اذا ماتعرف اسم المكان، فممكن تختار خيار غير صحيح، الافضل تاخذ الإحداثيات او البلس كود من قوقل ماب وتنسخها مباشرة في هدهد، يعطيك الموقع بدقة افضل

@TurkiAlTwijri @Faisal صح كلامك هذا الافضل لكن قروشه انا استعمل هدهد لين يجين رابط قوقل ماب اتعيجز احوله او اطلع الاحداثية

@naifco مقارنة تعد نجاح لكم قوقل شركة عملاقة وقائدة في السوق وهدهد شركة ناشئة وأول نسخة المهم ومثلك يعرف الاستمرار في التحديث ومحاولة ابقاء المستفيد في التطبيق بتعدد الخيارات وبتنفتح لكم آفاق جديدة وسوق جديد داخل التطبيق

انا صارت معاي، من المركز المالي لمستشفى الحبيب (الصحافة). قوقل ماب دخلني بطرق مقفلة! وهدهد وصلني بطريق سلس وبدون ما يرتفع ضغطك 👌🏻

ضعوا نقاط للمستخدمين كمكافأة أولية بالشراكة مع تطبيقات التوصيل خصومات مثلا مؤقتة مع ترغيب تطبيقات التوصيل بإدراج خرائطهم على هدهد (لاحياة لمن تنادي) لن يدوم لكم لبيد ولن تدوم لكم أفكاره الغير مجانية انتهزوا الفرصة كذلك أطالب بنسبتي في حال تم تطبيقها لأن هدهد شركة خاصة

الحين السرعة تحت عاليمين 68 وش معناها ؟ سرعة الشارع؟

المفروض تكون التجربه بتشغيل الجهازين مع بعض في سياره واحده وهنا يبان الفرق عند الاعتماد على طريق الخاص ب تطبيق هدهد في حالة الاختصار ..

تريد طريق يوصلك للرياض...يجيب لك أسماء المحلات التي في مدينتك اسمها الرياض...ولايجيب لك مدينة الرياض

انا جربته ولو تبون تشوفون الفرق جربوه هو وقوقل ماب في شمال الرياض وعطوني رايكم الفرقققققق مو طبيعي

لو قفل عنك خدمات قوقل والله هدهدك هذا مايمشيك مترين

اليوم كنت بحط الذهاب للعمل وبالغلط ضغطت الزر اللي جنب كلمة العمل وحذف الموقع من الحفظ ياليت حاجتين يسوونها الاولى يحطون حذف المواقع في شاشه منفصله ثاني شي تطلع لي رسالة هل انت متأكد من الحذف عشان يمدي الواحد يتراجع لو حب يغير رأيه

للأسف لا تزال التغطية في البرنامج غير مكتملة بخصوص مواقع المحلات التجارية والمطاعم ... الخ ويحتاج لوقت وجهد كبير لتحقيق الرضا.

@naifco يحتاج إلى شغل كبير بمنطقة القصيم أنا مدري هو بس بالرياض حالياً ولا بكل المناطق

@naifco استاذ فيصل هذي لها حل ؟ مفترض هدهد يكون معهم ضمن الخيارات

اعجبني هدهد انه يعلمك المطبات وسرعة الشارع وكاميرات الحزام واتوقع القادم افضل بكثييير.

انا جربته جميل جدا ودقيق بس اذا احد ارسل الرابط كيف افتح لازم يكون في خيارات تحت مثلا جوجل ماب وهدهد تختار بينهم في شي ثاني كل شويه يبيك تسوي اعاده توسيط وانت ماشي ما يحدث معك

الصدق التطبيق رائع. واقترح ايجاد طريقة تحصلون فيها على التغذية الراجعة بطريقة سلسة. مثلا إذا الصوت يقول اتجه لليمين والطريق المفروض يسار وشلون أعطيكم افادة بالملاحظة بطريقة سلسة ويصير مهندسين هدهد يسون عليها simulation لفهم المشكلة وحلها سريعا. قواكم الله 💪🏾

مواقع المعاهد والكليات العسكرية مهي طالعه الا كلية الملك عبدالعزيز ضيفو الباقي 😕

صباح الخير فيصل، هل ترى في انتقاد هدهود انتقاد شخصي لك؟ بمعنى آخر هل ذكر تجربة سيئة لتطبيق هدهود تعرض صاحبها لدعوى تشهير؟

لا أبدأ، بالعكس.

انا استخدم هدهد قبل حملتكم الاخيره و مبسوط عليه للامانه لكن البحث عن الاماكن فيه صعب و الاداء بعض الاحيان سيء من ناحية تعليق و اغلاق للبرنامج (لكن مب كثره لدرجة ما تقدر تستخدم البرنامج)

زين خويه ما تصل عليه وهو يجرّبه ،، لان التطبيق إذا جاء اتصال يطلع من التطبيق 😅 ولازم من جديد تحدد الموقع اللي بروح له 😎

ساهموا معنا نف كربتها"٠:💔🙏 رمز السداد -{> 169 الفاتورة >]> 2538387091

تطبيق جميل و نتمى له الانتشار و ندعمه بس لازم تشوفون حل وقت انقطاع الإنترنت ليش يطلع من التطبيق و ينهي المشوار مثال نفق طريق ابو بكر الصديق تحت حديقة الملك سلمان

وبالنسبة للبيانات والتتبع والمراقبة هل تحفظونها وتحللون سلوك المستخدم والا تحافظون على خصوصيته؟

طيب تبي تنصدم والله ماحمله يله توكل

هذا اعلان مو تجربة

مشكلة عندي بشاشة سياره لمن حملته وخشيت تطبيق يقول جهازك غير مدعوم وش الحل

يعني غصب الناس تستخدمه الاعلانات على التطبيق مكثفه بشكل ممل.

ابي اغير الصوت للعربي جوالي انجليزي بس فيصل يسولف انجليزي بعد