مساء الخير يالربع. لماذا لم نعمل مع شركة أجنبية، وقررنا أن نبني نظام خرائط من الصفر؟ بحفل الإطلاق، تحدّثت عن هذه الفلسفة، وعن قراراتنا، والدروس التي صفعتنا، وحجم استثمارنا، وأسلط الضوء على أهمية الفريق. لعلّي أجيب على تعليقاتكم وأشرح لكم الغاية من هذا المشروع القريب إلى قلبي.

مايحتاج تعمل مع شركات اجنبيه لانك اصلا جايبهم عندك 😁

بس ليش كل موظفينكم اجانب😂

مساء الخير انت قلت في اللقاء ان احد اهم الاسباب في البناء من الصفر هو تعليم الشباب و الاعتماد عليهم ولاكن الي نشوفه العكس تماماً تستقطب موظفين من خارج الوطن ويكتسبون الخبرة ويرجعون موطنهم الأصلي

اي اي صادق سولف سولف - ياجدع بقولك تطبيق سعودي وهنزبطك😂😂

ما يحتاج تعملون مع شركات اجنبيه دامكم موظفين اجانب

شالفايده موظف لي اجانب معك والفكره مب كريتيف ترا المفروض كل موظفينك سعودين ذا وش؟؟؟؟؟؟

مازحت أصدقائنا بجوجل ببداية الحفل So no hard Feelings 😁

والله ما أحمله فيه مصاريه وبنقاليه كثير في آلسعوديه يمكن يحتاجونه الكواليتي حقته تناسبهم أتوقع المفروض يشكرونك أنا كسعوديه راسي فوق ولا أرضى بالقليل الأغبر

طيب اشرح لنا ليش اغلب اللي طلعوا في الاعلان اجانب؟ ليش ماتوظفون سعوديين؟

فيه ملاحظتين ياليت تشتغلون عليها الموقع اذا جاني عن طريق الواتس، مايعطيني خيار ( هدهد) افتح الخريطه لما ابحث عن ماكدونالدز مثلا، مايعطيني خيار الاقرب Sort By Distance

اختصرت كل الكلام في آخر جملتين قلتها. احنا ما نصنف نفسنا mapping company بل data company. لذلك هذا المشروع في نظري بداية فصل جديد في رواية قصة التقنية السعودية

احب ادعم التطبيق السعودي وأنا سعودي ابا عن جد لكن تدخل السوق وتدخل بتطبيق مالك سنتين وتتحدى قوقل اللي لها سنين وبنين وميزانيتها ميزانية دول وتتحدى اشوفه هياط وقلة حياء اذا هاذي اولها ينعاف تاليها لو داخل بكلام معقول وأنك راح تتطور حبه حبه لكن الاخ داخل محيفرة علطول

@alqaabba فعلًا حليتوا مشكلة كبيرة بالديرة عندنا شارع وشارع متصلين بزاوية لكن قوقل ما يشوف هذه الزاوية وسببت مشكلة كبيرة مع المناديب ومافي حل خلاص… هدهد يحل هذه المشكلة مشكورين

البركة هدهد ، فيصل أنتم جهة حكومية ، المفترض كل الجهات الحكومية ومواقعها وبرامجها وتطبيقاتها تحت إدارتكم او تنفيذكم ، قلت كلمة مهمة باللقاء مابغى أشتري جاهز وممكن مايطور او يوقفني اي وقت ، وممكن ايضاً يسرب بياناتي أيضا ، بالتوفيق لكم وسمننا في دقيقنا .

هدهد شركة خاصة حبيبنا.

@a_hmad864 في جميع الاحوال. الفكره. الايمان بالفكره. العمل على تنفيذ الفكره. الا صرار على التنفيذ. رائع اتمنى لكم التوفيق من اعماق قلبي

@Faisal ماعرف عن صحه الصورة ، إن كانت صحيحة فنحن لازلنا نحوم بلا فائدة .

يعطيكم العافية على التطبيق، فيه ملاحظة بسيطة يا ليت تراعونها وهي مستوى وضوح خطوط الطرق الرئيسية والفرعية، يا ليت الرئيسية تكون اعرض واوضح لانها اهم شي وهذي تميز قوقل ماب (مرفق صورة توضيحية)

@Y1408 تسويق التطبيق بحاجة إلى قصة مذهله واستراتيجية خاصة بحملات ذكية تجعله المفضل للقادمين للمملكة من الخارج كهدف أول

التطبيق قد يكون جيد "نسبياً" لكن الأوفره اللي عليه توماتش! واعتقد فيه مبالغة فجة في استخدام بعض المصطلحات مثل (بدأنا من الصفر) (سيادة رقمية) اعتقد انه يجب على فريق العمل التحلي بالحكمة والتواضع، لان رفع سقف التوقعات راح يطلع البرنامج وفريقه صغيرين جداً

خرائط هدهد بتكون أدق لانها من شركة محلية ويجب التسويق للبرنامج من خلال إطلاق حملات إعلانية عبر منصات التواصل الاجتماعي لزيادة الوعي ببرنامج هدهد مع التركيز في الإعلانات على ميزته التنافسية كخريطة محلية، وتجربة المستخدم، ودقة المعلومات والطرق

بالتوفيق ومن السعودية الى جميع انحاء العالم بس يازين كلمة التجارب الي افتتح فيها عرضة وهي أسم تطبيقنا كلمة بسيطة بس تعطيك الحقيقة

بيض الله وجهك فيصل و فعلا إنتوا أشخاص تبعثون فينا الحافز كسعوديين انه ننتج افكار مبدعه كلاً في مجاله لنرتقي بهذا البلد العظيم. 🇸🇦💚

للمصرين مثلي على استخدام "هدهد" لان كل الناس يستخدمون قوقل مابس، وغالبيتهم بيرسلون لك "لنك" قوقل مابس. وايضا هناك محلات قد لاتظهر "بعد" على تطبيق "هدهد" تقدر الان تحول اي رابط قوقل مابس لتطبيق "هدهد" لصق اللنك في الرابط التالي وسوف ياخدك مباشرة لنفس الموقع بس في تطبيق هدهد : @HudHudMaps تقدرو تضيفو نفس الاسكريبت في رابط البحث عندكم ويصير اي واحد يلصق رابط قوقل يوديه مباشرة للموقع. فترة انتقالية وباذن الله محد يستخدم الا تطبيقكم بالمستقبل بالتوفيق.

Deep tech = a startup with high technology risk. Meaning, even a fully competent technical team is NOT guaranteed to build the desired solution. The moat is thus technical. NONE of that applies to hudhud.

الله يوفقكم و يعينكم

يكفي فيه خاصية التجول، انا كمهتم بالعقار صرت اشوف العقارات والعماير والخدمات اللي حولها واتمشى في الشوارع المجاورة وانا جالس بمكتبي 😅👍🏻👍🏻👍🏻. يعطيكم العافية ونتطلع للمزيد 🤝

يعني مع كل الاجانب في الادارة بتصير شركة اجنبية حتى وهي بالسعودية

نحتاج تحديث الخريطه بشكل يومي للقمر الصناعي كلها صور قديمة

اللي سويتوه شي عظيم وشي جبار لاأحد ينكر وجود أخطاء، طبيعية في أي إصدار جديد. مقارنة تطبيق وُلد اليوم بمنتج تجاوز عمره 20 عام ليست منصفة. الصين لديها خرائطها، وروسيا لديها خرائطها، وأمريكا لديها قوقل، وكلها بدأت من الصفر ثم تطورت بالمستخدمين. وجود تطبيق وطني خطوة تستحق الدعم 🇸🇦👍

بالتوفيق ان شاء الله جربت التطبيق مرتين و ما أدري ليه ماقدرت أصمل عليه فيه إيجابيات و سلبيات أحد السلبيات اللي استغربتها وما عرفت هل هي غفلت عنكم أو أنا ما استكشفتها، انه اتجاه الشمال ما أقدر أتحكم فيه ولا أدري أنا موجه أي جهة سلبية ثانية انه باستخدام التطبيق فقط، كنت أعتقد انه مايظهر الوقت المتبقي للوصول واكتشفت انه بخط صغير جداً تحت، حتى اللون ماكان واضح أكثر المشاكل اللي لاحظتها كانت تجربة مستخدم UI

أرى أن البرنامج يحتاج قيمة مضافة حتى يتنشر انتشارًا عالميًا على سبيل المثال نقاط معينة أو خصم للكوفيهات أو المطاعم أو محطات البنزين لمن يستخدم التطبيق هدهد دون الشراكة المجتمعية لن ينجح أقولها وأعني ما أقول .. لا تزرفون نسبتي لو جازت لكم الفكرة 😉

@khaled_q28 ملاحظة مهمة جداً يفترض أول ماتفتح التطبيق تكون الخطوط مميزة باللون الأخضر أو الأحمر الشوارع الرئيسية عريضة والفرعية دقيقة ( يعني نسخ من قوقل ماب ) التغيير خله بعدين إذا جذبت العميل وأدمن على تطبيقكم لكن تجي من اول شي تبيني اترك قوقل ماب اللي متعود عليه إلى تطبيق مختلف صعبة جداً

الفريق مصري اردني هندي،، كمل كمل

استخدمت هدهد اليوم اعتقد مازال تحت التطوير لكنه رائع واجمل مافيه صوتك

كيف لم تعمل مع شركة أجنبية !!! وهذا شنو ⬇️