تُجھے زندگی کا شعور تھا، ترا کیا بنا؟ تُو خاموش کیوں ہے مجھے بتا، ترا کیا بنا؟ نئی منزلوں کی تلاش تھی سو بچھڑ گئے مَیں بچھڑ کے تجھ سے بھٹک گیا، ترا کیا بنا؟ مُجھے عِلم تھا کہ شِکست میرا نصیب ہے تُو امیدوار تھا جیت کا، ترا... کیا بنا؟ مَیں مقابلے میں شریک تھا فقط اس لئے کوئی آ کے مجھ سے یہ پوچھتا تیرا کیا بنا؟ جو نصیب سے مِری جنگ تھی وہ تری بھی تھی میں تو کامیاب نہ ہو سکا، تِرا کیا بنا؟ تجھے دیکھ کر تو مجھے لگا تھا کہ خوش ہے تُو تِرے بولنے سے پتہ چلا ، تِرا کیا بنا؟ میں الگ تھا اوروں سے اس لیے یہ سزا ملی تُو بھی دوسروں سے تھا کچھ جُدا ، تِرا کیا بنا ؟ تیمور حسن تیمورshow more

میں نے بخش دی تری کیوں خطا تجھے علم ہے تجھے دی ہے کتنی کڑی سزا تجھے علم ہے میں سمجھتا تھا تو ہے اپنے حسن سے بے خبر تری اک ادا نے بتا دیا تجھے علم ہے مجھے زندگی کے قریب لے گئی جستجو مری جستجو بھلا کون تھا تجھے علم ہے میں نے دل کی بات کبھی نہ کی ترے سامنے مجھے عمر بھر یہ گماں رہا تجھے علم ہے وہ مری گلی جو مرے لیے ہوئی اجنبی کبھی واں تھے سب مرے آشنا تجھے علم ہے مرا حال دیکھ کے پوچھنے لگا کیا ہوا میں نے ہنس کے صرف یہی کہا تجھے علم ہے کوئی بات ہے کہ کنارہ کش ہوں جہان سے کبھی محفلوں کی میں جان تھا تجھے علم ہے تیمور حسن تیمور

لذت غم تو بخش دی اس نے حوصلے بھی اے عدمؔ دیے ہوتے

شاعری تو آوٹ کلاس ہے مگر انداز بیان بالکل فٹ منہ ہے