🛑تحذير لا تتعاطفون مع اللي يطلبون منكم عند السوبرماركت او البقاله اغراض ويقول لك ماعندي شي عيالي جايعين ترا اغلبهم محتالين وهذا الدليل

جتني واحدة في الصيدلية معها وصفة علاج وشريت لها العلاج فوق ١٠٠ ريال قالي الصيدلي شوي بترجع العلاج وتطلب قيمته كاش . . لأنها كاذبه ماهي مريضة .. وصل النصب والكذب لهذا الحد 🙄

فعلاً هذي طريقتهم لا تصدقونهم

صارت لي رغم اني ما اتعاطف مع اي شحاذ بس ساق امها عليه يبغى عشاء له ولعياله يقول ودخلت معه محل بروست وبرجر وقلت اطلب ولايهمك ١ بروستد حراق ١ بروستد عادي ٢ برجر ٢ حمص ٤ بارد قلت خلصت؟ قال خلصت سالت عامل المحل كم الحساب قال 62 ريال التفت له وقلت حاسب بتاكل بلاش وطلعت والعامل ميت ضحك

ودفعها 😁

ما ادري والله بس راقبته فترة بسيطة حدود ٥ دقايق وانا جالس بالسيارة احميها التقينا مع طلوعي من محطة المترو رايح للسيارة شفته زي الخبل يمشي ويدخل اغلب المحلات اللي جنب المحطة واتوقع كلهم يعرفوه مشيته نفسها غريبة وملابسه اغرب ويتصيد المارين على الرصيف ومايقرب من الجالسين في السيارات

@jam_2030 لماذا لم تقم بالإبلاغ عليه عبر ٩١١؟

@jam_2030 اذا صارت للبلاغات مكافآت وقتها ابلغ

@jam_2030 لعل مفهوم المكافآت في هذه الحالة مختلف بيننا. المكافأة هي أن يتم التقليل من التسول والحد منه. عمومًا، أفعل ما بدا لك، اتمنى لك كل التوفيق 🌹

@jam_2030 للجميع

مكافحة التسول دورها ضعيف الفتره هذي كثر التسول الحين وزياده اذا بلغت مايتجاوبون معك ترجع المكان وباقي موجودين الاشخاص

الموضوع خطير ، موضوع تعاون الجنسيات كلها مع بعضها ضد المواطن!!؟؟؟ تخيلوا لو خلل امني يحدث لاقدر الله، يتبادلون الادوار ويتعاونون ضد البلد

الله يقول وأما السائل فلاتنهر إذا استغل طيبتي وعطائي الله بيحاسبه.. لكن في ناس فعلا محتاجه فليش احرم نفسي الأجر لاني خايفه انو يطلع محتال أو نصاب

دايما نقول مافيهم اجر ولا احد يصدقهم اخذوها مهنه واستغلوا فيزة الزيارة للشحاذه حريم واطفال

هذي بركات تأشيرة الزياره يجون ويشحذون وينصبون ويسرقون يسوون أي شي بس اهم شي يطلعون فلوس

تطور الوضع صار اذا شاف سيارة موقفه يصفت عندها يا اخوي او يا اختي تكفون نبي فزعتكم خلص البنزين ونحتاج نبي تكفون والا تكفون نبي 5 او 10 نشتري اكل عجزت استوعب سيارتك فخمة وتتسول ياخي عساها تنحشر بك

والله ياهم منتشرين انتشار غريب وعجيب في مل مكان الحدايق مليانه الاسواق مليانه الشوارع عند الاشارات مليانه حتى اصبحو يدخلون الكافيهات والمطاعم صراحه شوهو البلد

البلاغ عنهم واجب وطني ومطلب اساسي . 🇸🇦

مستحيل اتعاطف معهم بعد اللي شفته بعيوووني 😫

اهيييييييييه من زمان اقسم بالله عرفنا وحذرنا ونصحنا لكن للاسف البعض تأخذه العاطفة وسمعناها كثييييير ( الله لا يحوجك ) آمين لكن الموضوع ماهو حاجة الموضوع غير كذا !! قالوا ماعلينا منهم ! عموما حتى زكاة الفطر اقسم بالله العظيم شغل تدوير مع عمال البقالات والمراكز !! ولكل وجهته

سؤال من الذي أدخل علينا الوافدين والاجانب والعماله الرخيصة من الذي أدخل علينا المتسولين والنصابين والمحتالين سبحان الله يدخلونهم ثم يعتقلونهم قلنا لكم أغلقوا بوابات الاستقدام السجون تكدست المعتقلات تكدست دور التوقيف تكدست بس ماهنا دبره

كنت بالحج أتسوق وتلاحقني بنت صغيرة ممكن 7 سنين واضح افغانية او باكستانية وتقول لله يخليك اشتري حليب لأخوي الصغير! بغيت اصدقها لكن قالي البائع واعتقد من نفس جنسيتها لا تعطينها شيء ترى متسولة و24 ساعة وهي موجودة هنا وتلاحق المتسوقين واللي يعطيها ترجع المشتريات وتأخذ الفلوس!

اليوم يعلم عند إشارة الدائري الجنوبي مع امتداد ش البطحاء حوالي ١٨ شخص عديتهم كلهم تسول بأسلوب مموه يعني تمسيح قزاز بيع مويه واقلام وهلم جرا

اليوم بمحطة الدريس على طريق القصيم العشرات هنود وباكستانية يعرضون سماعات وساعة آيفون مقلدة ب ٥٠٠او ٢٠٠ ماتسوى عشر ريال تكاسره يبيع عليك ب ٥٠ وأقل مع متسولين يمنيين وأن إستغربت الكم هذا من العمالة وأفضلهم يماني يبيع روائح ب ٥ ريال شيء معقول.ولكن كثرتهم غريبة

اللي محتاج فعلا ما احد يهتم له بعكس الاجنبيات تجيهم حنيه وتعاطف واهل بلدهم لاعين ترا ولا اذن تسمع لو جاره والله مو داري عنه بطلوا غباء

والله ما عاد خلوا سبيل لصدقه الا كان هناك استغلال منصة احسان وبس او ناس تعرفهم اشد المعرفه والباقي طنش

صارت لي الاسبوع الماضي في السوبر ماركت معاها عربية مليانه تقولي حاسبي نص الاغراض وانا احاسب الباقي عندي ايتام ورفضت صارو يدخلون ويتقضون بدال الوقوف عند الباب تطور عندهم التسول

الموضوع هذا لع عشرات السنين لكن متى وجدت الرغبة الحقيقية سيتم إجتثاثهم بلغنا آلاف المرات يتفاعلون بالرد ولا يصلون لمموقع سريعاً يجب تفعيل مكافحة التسول

السعودية معروف من زمان الناس تطمع فيها و لو يصح الهم يوخذو النعم اللي فيها أنا لا اعمم لكن بلد حرمين جايين تشحدوا قال مسلمين قال لا حول ولا قوة الا بالله

الفقير والمحتاج ما يسوي مثل هذه السوالف ويخيم عند المحطة يومي وبعدين يكون فيه حياء وانكسار قلب هؤلاء اعوذ الله قلوبهم قاسية وكأنه عمل

المفترض مايتم التعاطف معهم فيه جمعيات خيريه رسميه نتبرع لها

سبق وداهمتني سيدتان وطلبوا صرف وصفة طبيه وبالحاح وتمسكن لطفل مريض كما يزعمون وتوقعت 100 او 200 لكنها كانت ب 1500 وكرشتهم

@amalmajroo7 شوفوا حل لتأشيرة الزيارة هي اللي ملت البلد من هالاشكال

الفىىىيخي هو اللي غرر فيهم لازم له بصمه بكل فىىىاد

الله يلعنهم موتو النخوه بين الناس ماتدري من المحتاج ومن النصاب

الحمدلله معاد نشوفهم في الخبر كانوا عند الصيدليات و المتاجر اذكر سالفه لواحد جاتهم وحده تطلب راحت زوجة الصراف يوم ركبوا السيارة تذكرت أنها سحبت ٥ الاف و أعطتها انتبهوا بعضهم يستخدم السحر

فيه حرمة عند مسجد اصلي فيه من عشر سنوات، للحين تقول " عندي سبع بزيرات" الوقت واقف عندها!! هذولي عصابات مافيها كلام.

اليوم سوق العثيم مليان من هالنوعيه تطلب حليب ورز

في مره مشت علي صراحه وصدقتها لما قالت لي الله يرحم والدينك هنا تعاطفت معاها😔😔 بس بعدين عرفت انهم يبتزونك عاطفيا

الحمدلله أبلغ عليهم سواء عند السوبرماركت او الصيدليه او الاشارات ويتم التعامل مع البلاغ من قبل رجال الامن 👍

مره جاتنا وحده مطعم قالت بطاقتي ماشتغلت ابغي ماء قام خويي اشر للكاشير أعطيها قلت له ذي نصابه لا تعطيها واصريت عليه رفض خلصنا من مطعم يوم جاء يحاسب طلع حسابها ٤٠٠ ريال قلت له تستاهل غلطتك

ياكثرررررهم في الرياض والله كانه باص منزلهم ومسوين حمله عند بنده والعثيم والصيدليات والمطاعم اعوذ بالله من شرهم والله المفروض تشديد على جميع الأجانب والسجن والغرامة والترحيل وعدم دخول المملكة إلى الأبد وليست 10 سنوات إلى الأبد الله لا يعيدهم لنا يارب نشوف حملة تنظيف جميع الأحياء

تراهم يرجعون الاغراض اذا عطيتوهم الفاتوره ياخذون الفلوس