تعرفون الفرق بين الأب اللي يربي .. والأب اللي يخبّي؟ الأب اللي يربي، استثمر وقت وجهد وحب وفلوس وعاطفة، عشان يطلّع للمجتمع انسانة قوية، واثقة، جديرة بكل مهمة وموقف تنحط فيه. طول ما هو يربي، علمها قيمة نفسها والطريقة الصحيحة للتعامل مع الناس. هو ببساطة عطاها الأدوات اللازمة لتعيش... حياة كريمة معاه او بدونه.. مع رجل او بدونه، هي قادرة على الإعتماد والاجتهاد والتفكير والتدبير. الأب اللي يربي يصنع انسانة كاملة في عقلها وقدراتها، لما تبتعد بتعمر وتكبر وتزهر. الأب اللي يربي، يحط مساحة رجعة للخطأ والزلات، ويعتبرها دروس تعلمها وتقويها. الأب اللي يخبّي، ما يستثمر بالبنت، بل يستثمر وقت وجهد وفلوس، بالزنزانة الفعلية و المعنوية اللي يصنعها حول البنت. كل همه يلاقي اغلال اكبر وأقوى. اهمها سلاسل الفكر وترابيس العقل اللي تقول لها من صغرها انها ناقصة سفيهة ضعيفة بلهاء ما تقدر تفعل لا تسوّي ولا تنجز ولا تعيش بدونه او بدون ذكر. فتظل طول عمرها محبوسة، تنطر الفرج برجل آخر يعيشها، يطعمها ويسقيها ويوريها الدنيا. هذي البنت تعيش على حافة الحظ واحتمالات صلاح وكرم صاحب المفاتيح. ان كان كريم خيّر .. عاشت بهناء وان كان لئيم حقير، عاشت بشقاء. هذا أب ربّى انثى حرة قوية قادرة 👇 واطلقها مثل الطير الحر تسعى وتنجز وتسعد ويعلم انها ستعود.show more

Loading video...