ثلاثة أشياء لاتسويها قد تؤثر على سمعتك وتنزل من مستواك

سوالف الأولين تنم عن تجربه عميقه ودراسه مستفيضه في تبعات وخفايا الأمور لذا محاولة انك تكون عايدي في كل امور حياتك وتجي على غير السلوم والعرف قد تدخل في دائرة الأفدغ والمضحكه عند الرجال ! لذا خلك على المتعارف عليه مالم تكن العزيمه من قريب جداً قد يحسن النيه فيها وتمشي الأمور👍🏻

الفائدة الحقيقية من كلامه يوم قال : - ( لا تشغلون الناس ببعضها ) - بعض الناس ينبش في مواضيع توغر الصدور وتحث على البغضاء بين الناس. مثل أول شخص أثار موضوع موقف السيارة عند باب صاحب البيت .. هذا الشخص عليه من الله مايستحق اشغل الناس وتسبب في مشاكل بين الجيران.

اللي يعزمك متاخر لا تروح منتب الاول ولا العاشر انت قبل الاخير او الاخير وجيتك ودونها سوا اللي يحتاج يعزمك عن طريق غيرك لا تروح الحين الوتساب ببلاش. اللي يروح مع رفيقه وهو ما عزم خصوصا على وجبة يدربي كرشته ولا هو برجال لكن لو راعي المحل فاتح بابه للكل والغلا متبادل نعم اروح.

الثقه في النفس موجوده ومالها دخل في العزميه ابد . من جاء بلا داعي يجلس بدون فراش . احد عزمك رح محد عزمك ( عزز نفسك واجلسس )

لوهو يبيك كلمك وعزمك ماعزمك يعني مايبيك او المناسبه خاصه بينه وبين ضيوفه وذاللي عزمك وقال تعال معي يمكنه قاط وجهه ونشب في المعزب انكان مايعرف رقمك او رقم تلفونك مهوب عنده فهذا بعيد ولا بينكم ووصى عليك فهنا حكم عقلك ووزن المناسبه صح

سوالف قديمه من قبل كورونا الحين قلت المناسبات والعزايم ومعظمها مختصرة.

مره كنت عازم ضيوف وسمع شخص بالعزيمة ما كلمته لانه بعيد وما حبيت اكلف عليه اتصل عليه وعلمته اني ماعزمته لاني ما ابي اكلف عليه قال جاني خبر وانا بالطريق جايك والله انه كبر في عيني وشرفني بجيته

استفتي قلبك؛ لأن العزيمة تعني ودًّا، قلبك هو الذي عنده العلم. 🤍

ولا شي قاله صح ما عدا الثالثه الاولى اذا عزمك متاخر فانت اخر اهتماماته والامر متروك لك ولكرامتك والثانية قطت وجه ولقافه لانك مقلوص مو معزوم الثالثه اشوفها صحيحة لانه موصي شخص يوصيك يمكن مستحي منك او مايمون ووده يعزمك👌🏼

كلام صحيح

استغرابك بحد ذاته غريب 🧐

الاولى والثانيه معه حق .. الشك ماهي زينه عزمك متاخر قله تم واحضر ووصى لك بالعزيمه مع احد احضر اما الثالثه فيها وعليها .. تحتاج هندسه ودراسه

من طيب راسك يا كحيلان والشك زايد

طبعا اختلف معاه الاولى ممكن اعذره لكن الثانيه والثالثه ارفضها

والله ما انسى خويي الدلخ يوم قال لي تعال في جمعه شباب وبلوت ، وجيت ولقيت صاحب البيت مسوي عشاء لضيوف ، ويقول لخويي زين انك جبته معاك حرقتها في قلبي للآن

من بداية المقطع بعلق على بيت ابن عون وقالووه 👏

العزيمه المتأخره الى المغرب عادي ممكن رفيقي مشغول وماامداه .. أما الثنتين الباقيات صحيحه تدل على عدم الاهتمام.

ماضيع العادات والسلوم بذا الزمن الا شرواك من الدلوخ يمكن الرجال مايبيك تحضر لكن مستحي ويبيك تفهمها ... كلن يفسرها ع هواه وقدره 👌🏻

صح السانك( كلامك في محله))

الرجال ذا فاقد الثقة بنفسه

واذا قلك جاني عزيز مثلا من مدينة مسافر وانا مسويله عشاء بكرة الله يحييك هنا يفضل انك تحظر او اذا عندك عذر تتعذر

يعزمك متأخر تنبلع لكن عن طريق شخص ماتمشي لأنه يمكن يكون كذاب وفي ناس ترى يعزم فقط احترام لك وتقدير لاتتمم مثلا اذا قلك تفضل خل نتعشى سوا يقصد الآن لاتوافق هذا تقدير لك واحترام لكن اذا عزمك على زواج ويكون بعد فترة مثلا اسبوع شهر احظر هذي مافيه كلام لازم تحظر

اما اول واحد فما لك حق تعمم لان البشر ينسى وكم من مواقف تشهد

💥💥💥

بالنسبة لعزيمته متأخر فحسب مادام عزمك رح لكن احذر من ١/اذا كان عازم احد بدري انت احق منه واعتذر فجابك اسبير ٢/اذا كان عازمك بسبب الحاح احد قرايبه ويالله طاع باخر الوقت ٣/اذا عازمك على قولة عزمته ويزنقك بالوقت عشان ماتجي لكن اذا جاه ضيف حزة المغرب فهذا مبرر لتاخره في دعوتك

بالنسبة لانك تاخذ خويك معك فاذا تمون على المضيف وخويك اللي تاخذه معك ماهو غثيث وملقوف ويحرجك بسوالفه اذا المناسبة عائلية لاتجيب غريب اذا طلعة استراحة اريحية لاتجيب واحد رسمي يحول الوناسة الى مؤتمر تاريخ اذا تعرف ان مافيه توتر بين خويك والمضيف او احد اخوانه وجماعته الحاضرين

صدق

سوالف

كلام رجال رد على المتفلسفين اليومين ذي واللي عندهم شك بانفسهم ويبون القطايع والمشاكل