حلقة عبدالله المديفر مع وليد الفراج في برنامج الليوان، خلى الاعلاميين اللي عندهم توجه واضح، وما يخجلون انهم ينقدون، لانهم يعرفون ان النقد البناء مطلوب على طاولة دائماً، يطلعون للعلن ويتكلمون. اسلوب المدرسة المصرية القديمة في ادارة الحوار، ماعاد يتناسب مع جميع المواضيع ومع جميع الضيوف، من الضروري، الظهور... بأشكال حوار مختلفة وجديدة، تبين لنا البعد الاخر بطريقة لافته. الامر الي ينعكس بشكل مباشر، على تجديد المذيعين والمعدين في ساحة الاعلامية، من ضروري سعودة هذا القطاع بالكامل، لان جميع الاشخاص اللي يدرون المشهد هم اجانب، فبالتالي الاجندة بنهاية مختلفة، من ضروري اعطاء فرص للجيل الحالي، في الاعداد وتقديم، وخير مثال لجيلنا، الاعلامي القدير مالك الروقي.show more

انا اشوف ان المديفر لم يوفق ابد والفراج تفوق عليه وبمراحل وأحرجه كثير وأتوقع ان المديفر تورط بالضيف واعداده للحلقه كان ضعيف

صحيح

كانت سقطة للمديفر وفريق الإعداد هو سبب السقطة فكر المؤامرة النصراوي كان مسبط ربط نمط الحلقة بطبيعة الاعلام المصري فيه مبالغة كبيرة وتسطيح البرامج اللي فيها إثارة مالها جنسية وموجودة في دول كثيرة أخيراً استخدام موسيقى فيلم انسبشن كخلفية مايعني إن كل تحليلك صحيح

واضح ان المديفر محتزم بجماهير النصر ويعتقد انه بيقزم من الأسطورة وليد الفراج اللي أعطاه دروس وحشر المذيع وخلاه وكأنه طالب حديث التخرج ضايع مرتبك مراهق ببعض التجاوزات وأثبت للجميع أن وليد منطقي وصاحب مبدأ وانه ناجح لان خصمه جمهور مطشم وشديد العداوة والتعصب.

المديفر للاسف ضيع ماحصده طوال هذه السنوات بعدم تحضيره الجيد وعدم احترام القامه اللي امامه وسماعه لامعات ماسرو عمرهم وسرو ناديهم عشان يسروه

جنسيتين متأصلة في الاعلام السعودي ولا اعلم كيف يمكن ازاحتهم بشكل تام الامر لا يقتصر فقط على اعداد وتقديم بل يديرون المشهد كامل وحتى الرؤيه والمحتوى والفكر ما يقوم به الاعلامي صلاح الغيدان في برنامج الشارع السعودي هو مشروع سعودي بالكامل ومدرسه في التلفزيون اتمنى الكل يقتدي فيه

ما نقدر نقول ان احد تفوق لان المديفر دوره يسال لكن يمكن المديفر من اسئلته تبنى اسئله يبدو انه متفق عليها .. وكان الافضل لو طرحه من هلال مشاركات الهاشتاق .. جعلت للفراج قيمة ولكنها للهلاليين اكثر واقل واصبحت عدائية للنصر

كلهم غير متخصصين في الاعلام والضيف اظن مؤهله ثانوي او دبلوم واللي بالقطع يقول التخصص وكررها ٣ مرات

@z_raseedk صحيح، مو كل المتخصصين سيئين، ما اقدر اعمم. لكن يفترض يتم تخصيص هذي المهنة، ماقد شفت مطبطب شعبي، يسوي عمليات جراحية داخل مستشفى.

تحمست أشوفها ولا دخل بالإعلام. لكن الاستاذان الكريمان قامه في اعلامنا العربي

هههههههههه الهراج المطبل الشعبوي الفهلوي صار نموذج وقدوة 😂😂 الله يخلف

هذا يسولف يقول في الثمانينات كانت البرامج كثير جدا والتنافس شديد الثمانينات كانت كل دولة ماعندها الا قناتين بالكثير وثلاث ارباعها اخبار ثانيا الضيف لم يكن كبيرا وغير متخصص وكل برنامجه اسقاطات واثارة جدل

المديفر محاور خبير وناجح والفراج اعلامي محنك والذي يتكلم عن اشتراط التخصص لكي تكون اعلامي عام 90 وليد الفراج يتعلم الاعلام في تحرير الكويت الا تكفي 35 سنه ممارسه مع ملكة الابداع الاعلامي لكي ياخذ منك رخصة ممارسة الاعلام ما يحصل عليه وليد من ممارسته للاعلام كفيل بانصافه

طرح يفتح بابًا مهمًا حول تطور الخطاب الإعلامي، التجديد في أساليب الحوار ضرورة تفرضها طبيعة المرحلة وتنوع الضيوف، والنقد المهني الواعي عنصر صحة لأي مشهد إعلامي ناضج، تطوير الكوادر الوطنية وتمكينها في الإعداد والتقديم يعزز الهوية ويثري المحتوى بزوايا أقرب للسياق المحلي، التجديد لا يعني القطيعة بل التطوير المستمر، شكرًا جزيلًا للمشاركة القيمة.

مافهمت ولاشيء ولا ايش بتوصلين له

والله انك تبطين .. استريحي بس !

الفراج اسقط حتى على نادي الشباب

هو الواد دا الي عاوز او جرب يحلل خواله مصريين😭😅

أي جيل يقصد؟،الجيل الجديد اللي مايعرف يركّب جملتين على بعض؟ اللي ماعنده فصاحة لغوية ولا يعرف من العربي إلا أسمه،-إلا من رحم الله- على النقيض تماماً أشوف المحاورين القدماء ما زالوا حتى مع ظهور جِدد إلا أنهم مكتسحين الساحة بطريقة محاورتهم.

التعميم لغة الجهلاء.

ركزي بوسط الكلام ماتشوفينها مشكلتك

في ال 80 مصر عندها مجموعة قنوات !! وتنافس بين البرامج !! في الفترة الزمنية المشار إليها كانت المدرسة المصرية في أرقى فتراتها مذيعين أنيقين بأصوات مميزة ولغة جيدة و إعطاء الضيف غالب الوقت دون مقاطعة

تخيلي الهراج هذا يتابعونه بيوت بعيالهم شي كارثي ومؤذي جدا وللاسف من اكثر البرامج مشاهدة

كنت احمل وزاره الاعلام ان يكونو متخصصين يعني لو تروحي مستشفى بدال م تشوفي دكتور يطلع سباك هذي مشكله وش بنقول عن وزارة الصحه وزاره الاعلام ووين دورها معقوله مافي متخصصين اعلام

الفراج الدوسري اعلامي حقيقي وهو رقم 1

اختيار غير موفق من المديفر وهو الذي يستظيف ادباء وكتاب ومفكرين ويسقط هذه السقطه باستظافة الفراج الوقح