العنود الملحم
@Media_Pr27 • 8,480 subscribers
أكاديمية | ممارسة للاتصال الاستراتيجي | الاتصال وإدارة الأزمات CBP -CMPR | متخصصة في تحليل المحتوى والحملات الإعلامية | الحساب تحت إشراف قانوني @mkhj_law .
Shorts
Videos
وهنا نقدر نقول إن كيتا خطفوا أقوى إعلان نهاية السنة بدون ما يدفعون ريال! لأن مندوبهم ربيع يوسف وصل الطلب رغم السيل اللي سبّبته الأمطار… تصرف بسيط في شكله، بس عظيم في أثره. هالموقف بروحه بيرفع الإقبال على تطبيق كيتا بشكل كبير، ويوفّر عليهم ميزانية حملات كاملة .. لأن الإعلان الحقيقي يصنعه الناس، مو الميزانيات. وربيع؟ يستاهل مكافأة كبيرة على تصرفه البطل. 🏆
العنود الملحم8,314,664 görüntüleme • 7 ay önce
خطأ تقني واحد .. ضيع ملايين على مستشفى الحبيب ! وتسبب بإزعاج لامرأة ما لها أي علاقة بالموضوع. اللي صاير حالياً مو مجرد خلل بسيط، مستشفى الحبيب داخل في أزمة تقنية حقيقية، ويفترض يتم اصدار بيان يوضح: وش اللي صار بالضبط؟ كيف انحلت المشكلة؟ وش آلية التعويض للمتضررة؟ وكيف راح يتم التواصل مع كل المراجعين اللي حاولوا يتواصلون وما حصلوا رد؟ الموضوع أكبر من كونه خطأ تقني وانتهى، كل شخص اتصل وما لقى الخدمة اللي متعود عليها، هو فعليًا فقد جزء من ثقته. لأن ببساطة، في ناس تتواصل لحاجة ضرورية: موعد عاجل، استشارة مهمة، أو حالة ما تتحمل التأخير، فلما ما يلقى الرد، طبيعي جدًا يبدأ يشك: أنا فعلًا متواصل مع الحبيب؟ أو في شيء غلط؟ الأزمة هنا مو تقنية فقط، هي أزمة ثقة، ولو ما تنحل بسرعة وبشفافية، الخسارة ما راح تكون مادية فقط بل في سمعة كانت مبنية على الاعتمادية.
العنود الملحم2,023,976 görüntüleme • 3 ay önce
هل فعلاً منتجات جبل علي مضروبه؟ انتشر مقطع لموظفة سابقة في اوتلت العناية بأن جميع المنتجات غير أصلية (جبل علي)، وهذا الكلام إذا صح، يفتح باب كبير للتحقيق مع المسؤولين في الأوتلت. مثل هالطرح يضعهم مباشرة في أزمة سمعة، واللي تعتبر من أخطر التحديات لأي كيان، لأنها تمس ثقة العملاء بشكل مباشر واستمراريته في السوق. قد شريتوا من اوتلت العناية، وكيف كانت تجربتكم؟
العنود الملحم422,864 görüntüleme • 3 ay önce
انتشر مقطع لعاملة منزلية تبكي بعد أقل من 24 ساعة من وصولها للسعودية. واضح إنها صغيرة بالعمر، وأقل من السن المسموح له بالعمل، وهذا يخلي احتمال إن جوازها مزور وارد جدًا. السؤال هنا: ايش ذنب العائلة اللي دفعت تكاليف الاستقدام والتزمت بالنظام، وفي النهاية ما استفادت؟ ولا ايش ذنب العاملة نفسها إذا كانت ضحية تلاعب من مكاتب الاستقدام؟ الخلل مو عند العوائل، الخلل الحقيقي عند مكاتب الاستخدام اللي مفروض تتحقق من العمر، الجاهزية، وكل التفاصيل قبل الاستقدام. لازم يكون فيه ضوابط مقننة ومشددة، ومخالفات صارمة على أي مكتب يتجاوز، لأن هالممارسات تضرنا كلنا وتعكس صورة سلبية ما تمثل الواقع.
العنود الملحم758,089 görüntüleme • 6 ay önce
ربّ خلل تقني أصدق من ألف تجهيز! 🇸🇦🤍 في موقف عفوي بسيط، خلل تقني حجب صوت النشيد الوطني، وبدأ الطلبة بترديد النشيد الوطني بشكل عفوي جداً، عكس حجم التلاحم والولاء بدون أي ترتيب أو تخطيط. بصراحة، من أجمل الأخطاء التقنية اللي مرت علي! لانه عكس الكثير من الحب للوطن.🇸🇦
العنود الملحم413,208 görüntüleme • 3 ay önce
سبحان من نجاها، وسخّر لها اللي وقفوا معها ! والله عيالنا يستاهلون أكبر جائزة 🥇 🇸🇦 وقفوا معها، وأنقذوها، وما تركوها لين آخر ثانية. هذا هو العشم… وهذا معدنهم الحقيقي. السعودي “غير” بفزعته، ونخوته، ومروءته، وأخلاقه.🇸🇦 عظيمة هالبلد… بعز مليكها، وقادتها، وشعبها.🇸🇦🫡
العنود الملحم917,949 görüntüleme • 7 ay önce
يا غريب كن أديب! شغلك يفرض عليك توقف عند كل محطة، سواء في ركاب أو لا، وشغلك ما يعطيك الحق تسأل وين الوجهة، لأنك مب أوبر ولا كريم عشان أحد يحدد وجهته معاك. الي صار استهتار وتعدّي واضح على الآخرين. من الضروري تكون الرقابة عليهم أعلى، ويتم تسجيل سير المركبة بالصوت والصورة من الداخل والخارج، عشان تنتهي هالتصرفات وما تتكرر. جرأته سيئة جدًا، وأتمنى من الجهات المعنية اتخاذ الإجراءات اللازمة بحقه، لأنه جالس يسيء حتى للجهة اللي يشتغل تحت مظلتها.
العنود الملحم711,738 görüntüleme • 6 ay önce
وتلوموني إذا قلت إن عيالنا مبدعين! مدري الإبداع يتعلم منهم ولا كيف؟ الشيف المعروف عماد رامن قدّم “المليحة الشمالية” بأبهى صورة… الدحّة، البشت، لفة الشماغ اللثمة، والأهازيج… من أول المقطع لآخره! فيديو مدته ٤٨ ثانية بس ! ومع ذلك نقل تراث أهل الشمال بطريقة جذّابة، سريعة، ومبتكرة. شوفوا شلون عيالنا يبدعون… هذا شغل يُدرس. التصوير، اللقطات، الموسيقى، الإخراج… كل جانب فيها فني وممتاز. وصناعة المحتوى عندنا لها لون وطابع مختلف… ليه؟ لأنه منا وفينا! إحنا نفهم الـ mindset السعودي باختلاف مناطقه وثقافاته… لكن عمر الأجنبي ما يفهم التفاصيل الصغيرة زي ما نفهمها .. مو تقليلًا منهم، بالعكس والنعم بالجميع! بس فعلاً نظرتنا للأمور تفرق. وخلّونا من فكرة نجيب أحد من برا… استثمروا في مواهب عيالنا!
العنود الملحم930,626 görüntüleme • 8 ay önce
انتو مين ما فهمت؟ جوائز صناع الترفيه، سعودية بالكامل، من الفكرة إلى رأس الهرم معالي المستشار تركي آل الشيخ! الحفل مو بس يستقطب صناع الترفيه في العالم العربي، بل من العالم كله، حفل استثنائي بكل المقاييس، ويعكس الصورة الذهنية للمملكة اللي بعض دول العالم لسه مو مستوعبتها. وتجي انت تقول: إحنا قادرين نجيب كاست كوين قيمز يقدم أشغال شقة، بس مو عارفين نخلص فيلم الشايب لـ ولاد رزق؟ انتو مين؟ هذي جهود دولتنا، وهي اللي جابت واستضافت.
العنود الملحم424,110 görüntüleme • 6 ay önce
امس شفت هذا المقطع من بودكاست مع الملز.. وبصراحة، بحكم إني مختصة إعلام وعندي أخلاقيات مهنة، قلت ما راح أحكم مباشرة. لازم أشوف الحلقة كاملة قبل، عشان ما أكون ظالمة ولا آخذ جزء من الكلام وأبني عليه. دخلت اليوتيوب أدور على الحلقة.. واكتشفت إنهم هم أساسًا منزّلين الشورت بشكل مقتطع! طيب.. تدورون مشاهدات عن طريق إثارة الجدل؟ إثارة الجدل بأنك تقول عادي أفصلك؟ وظروفك ما تناسب العمل؟ هذا صدق ولا جرافيكس!!! إحنا في التسويق نستخدم “الهوك” لجذب الانتباه، صح. لكن الهوك مدته ٥ ثواني، مو شورت مدته ٥٢ ثانية! هنا الكلام مو بس مقتطع.. الكلام نفسه مصيبة! واستهزاء بالناس وظروفهم، والأخطر إنه يرسّخ صورة ذهنية غلط عن الـ HR وكأنهم “يهود” أو بلا تعاطف.. وهذي كارثة! الـ HR عندنا ما هم كذا، ولا قريبين من هالصورة. والواجب تصحيحها مو تعميقها. لكن للأسف… بدل ما نرتقي بالمحتوى، صرنا نركض وراء الشهرة بإثارة الجدل والغضب. والجهات تحاول قد ما تقدر إنها تتفادى أي سوء فهم أو مشكلة تتحول إلى أزمة… وإنتو بعرضكم هذا ساهمتوا بتحويل مشكلة بسيطة إلى أزمة اتصالية كاملة! كفاية استخفاف. كفاية إثارة جدل على حساب الناس. قادرين تنجحون وتبدعون وتلفتون الانتباه بأساليب مبتكرة وذكية .. مو بأساليب تثير الكراهية والانقسام.
العنود الملحم489,354 görüntüleme • 7 ay önce
بالتسويق عندنا شي اسمه الإلهام، نستسقي منه الفكرة مو نقلدها ! الاستسقاء عمره ما كان يعني بأننا ننسخ الفكرة ونحطها زي ما هي، بالعكس ناخذها ونفصلها على مقاس هوية الجهة أو العمل اللي نمثله، ونعدل ونغير فيها لين تصير مناسبة للكيان والجمهور. إعلان عودة الموسم الثاني من شارع الأعشى واضح إنه مستوحى من فكرة أجنبية، ما عندي مشكلة مع الإلهام أبداً، بالعكس، كان ممكن تتوظف الفكرة بطريقة إبداعية واحترافية تخدم المسلسل. لكن المشكلة كانت في عدم التناسق، مسلسل سعودي بطابع معين، وفجأة نحط له راب؟ غير إن أسلوب العرض والسرد ما حسيته قريب من روح المسلسل ولا من بيئته. الراب مو غلط، بس هل يخدم هوية العمل؟ هل يعكس روحه؟ ولا مجرد فكرة حلوة تركب على أي شي؟ التسويق مو بس فكرة ملفتة، التسويق انسجام بين الفكرة والهوية والتنفيذ. الأفكار ما تخلص، والاستراتيجيات بحر، بس شوي تعب على المواءمة وفهم روح العمل، يفرق كثير في النتيجة.
العنود الملحم279,707 görüntüleme • 5 ay önce
دايم نقول إن التجربة خير برهان ! وهذا بالضبط اللي سوّاه مقهى ريتبا في الخبر. قبل افتتاحهم الرسمي، حطّوا قاعدة بسيطة وواثقة: "تفضل جرّب وعطني رأيك". استخدموا استراتيجية Soft Launch تسويقية، واللي تعتمد على طرح المنتج بنطاق جغرافي محدود أو لفئة معيّنة، بدون زخم إعلامي، بهدف اختبار تقبّل الناس للمنتج. هالاستراتيجية من أقل الاستراتيجيات استخدامًا، لكنها بلا شك من أكثرها تأثيرًا. لأن أي تجربة تُبنى على رأي العميل قبل الإعلان، بتنعكس مباشرة على العميل نفسه .. والعميل هنا يتحوّل لأفضل مسوّق للتجربة. بهالطريقة، قدروا يبنون صورة ذهنية قوية، ويضمنون شريحة عملاء حقيقية من اليوم الأول. وبالنسبة لي شخصيًا، ريتبا موجود عندنا في الأحساء، والمعروف لا يُعرّف ! لا الجلسات، ولا الأجواء، ولا المنتجات .. كلها فوق التقييم.
العنود الملحم315,775 görüntüleme • 6 ay önce
الحنكة في الرد.. قادرة على قلب الطاولة! وهذا بالضبط اللي سواه نواف العقيدي خلال رده على سؤال الصحفي العُماني. رده ما كان مجرد إجابة لاعب… بل تحول لسفير للمشروع الرياضي السعودي بكل معنى الكلمة. قال بصراحة: "احنا ندعم قيادتنا في ملف التطور السعودي .. وملياراتنا نضخها وين ما نبي!" الرد كان ذكي، محنك، ويكشف حتى مدى اطلاعه على الملفات الاقتصادية والسياسية لمملكتنا. وبخصوص المنتخب السعودي: "احنا دايمًا كعبنا عالي على عمان… واليوم في كأس العالم، وبإذن الله السنة الجاية راح نكون حاضرّين بقوة في كل بطولة!" باختصار: انت مين؟ وليتك ساكت أو سألت سؤال اخر أفضل لك! لغة جسده، وثقته، واتزانه خلال الرد، كلّها رسائل واضحة: لعيبتنا كل يوم يثبتون أنهم سفراء للوطن. الرد الذكي في المؤتمرات الصحفية، سلاح مهم، له تأثير كبير على الشعوب العالم كلها. 🇸🇦
العنود الملحم311,998 görüntüleme • 7 ay önce
ابداع شركة كي دي دي يدرس ! شركة كي دي دي تميزت بإعلانها المختلف لشهر رمضان ٢٠٢٦، لأنها استخدمت استراتيجية التسويق العاطفي وابتعدت عن أسلوب العرض المباشر، وركزت أكثر على المشاعر الإنسانية العميقة. الإعلان اعتمد على فكرة "الخالة أو العمة" اللي دايم عندهم حب غير مشروط، وقدمهم كالبطل الخفي داخل العائلة. وهذا اختيار ذكي لأنه طلع عن النمط المعتاد، وسلط الضوء على شخصية مؤثرة لكنها غالبًا ما تكون بعيدة عن دائرة التركيز في الإعلانات. ومن ناحية اتصالية، ما قالوا للناس تعالوا اشتروا منتجاتنا بشكل مباشر، بالعكس ركزوا على إن منتجاتهم تكون جزء من اللحظات الحلوة والتجمعات العائلية، وكأنها عنصر طبيعي في تفاصيل السعادة. وهنا نقدر نقول إن كي دي دي نجحت فعلًا في أنسنة علامتها التجارية، وطلعت من قالب إنها مجرد مصنع ألبان، وصارت أقرب لفكرة إنها شريك في الروابط الأسرية.
العنود الملحم188,540 görüntüleme • 5 ay önce
لبنانية تعلن للكليجا! بصراحة الإعلان أشوفه تشويه بصري وسمعي، ما أدري الأغنية راب ولا على أي ستايل، لكن الواضح إن الأسلوب وطريقة التنفيذ مو في محلها. التصوير بالبر ما له أي علاقة بالكليجا، وما فهمت كيف ربطوا الفكرة بالمنتج! ليه محتوى المفروض يكون بسيط وخفيف ويوصل للمشاهد بشكل لطيف، يتحول لإعلان مزعج وثقيل؟ مدري وش قصر فيه قروب بوحصة لو أعلنوا للكليجا؟ متأكدة إن رسالة الإعلان بتوصل صح وبطريقة مقبولة، لأنهم يعرفون كيف يقدّمون المنتجات السعودية لأهل بلدهم بأسلوب قريب منهم ويتقبلونه. بعض الشركات تعتقد إن هالنوع من الإعلانات يوصل للجمهور المستهدف أسرع، لكن الحقيقة العكس تمامًا، ما يوصل، وفوق هذا كله يضر بالصورة الذهنية للعلامة ويعطي انطباع سلبي عنها.
العنود الملحم205,315 görüntüleme • 5 ay önce
ثوب تفوح منه رائحة العود .. بدون ما تتعطر! مؤسس علامة لومار ابتكر ثوب بتقنية النانو، كل ما تحركت تفوح منه رائحة العود😍! ابتكار ذكي ومتفرد، ويخدم شريحة معينة من رجال الأعمال. هذا المنتج يذكرنا أن الإبداع مو محصور في الحملات الإعلانية أو المحتوى فقط، الإبداع ممكن يكون في المنتج نفسه، وفي التجربة اللي يعيشها العميل معه. مين جربه؟ وكيف كانت التجربة؟
العنود الملحم149,020 görüntüleme • 6 ay önce
ايش اللي يخلي ماك يطلع عن المألوف بتصميم مستوحى من تراث الأحساء ؟ هذي الخطوة تعد تحول استراتيجي في التوجه التسويقي لماكدونالدز ، من خلال تطبيق استراتيجية التسويق المحلي المخصص، واللي تقوم على مزج هوية البراند الثابتة مع روح المكان الجغرافي. النتيجة؟ البراند ما يبان كجسم دخيل .. بل كأنه جزء من نسيج المدينة. العنصر الأذكى في التجربة هو استخدام التكنيك المعماري، بحيث يعكس تاريخ الأحساء وأصالتها، من الأقواس، للنقوش، للهوية البصرية المستلهمة من البيئة المحلية، بدون ما يفقد ماك ملامحه الأساسية. مميزات هالخطوة: -الزبون يحس إن صاحب مكان، مو مجرد فرع عالمي مكرر. -التصميم الجذاب يخلي الناس تصوّر وتشارك، وبهذا يحققون تسويق مجاني عالي التأثير. -هروب ذكي من تكرار التصاميم الجاهزة اللي فقدت دهشتها. -البراند يبان واعي، يحترم المكان، ويفهم مجتمعه. باختصار، ماك هنا مو قاعد يبيع وجبة فقط، قاعد يقدّم تجربة مكان .. وتجربة المكان اليوم أقوى من أي إعلان مدفوع.
العنود الملحم153,359 görüntüleme • 6 ay önce
شركة نجم .. اثبتت إن المحتوى الإبداعي السعودي غير ! لأنه يفهم طريقة تفكير الناس وكيف يوصلهم، ويأثر فيهم بأبسط الطرق وأمتعها. الفيديو اللي أطلقته نجم، عبارة عن نموذج ذكي في التواصل التسويقي لأنه احتوى على اكثر من استراتيجية. اولاً: اعتماد المقطع بشكل كبير على المقارنة بين عدد من المجالات اللي تشهد تطور، مثل(السياحة، الفضاء،الاقتصاد) وبين سلوك القيادة المتهور.. وكأنه يقول: أنت توحي ؟ ثانياً: الإنسنسة والواقعية من خلال استخدام لغة بيضاء، ومواقف واقعيه ممكن البعض يتأثر منها ويحس نفسه في حلبه سباق. ثالثاً: استخدام تكنيك التسويق العكسي من خلال طرح سؤال "تبي نصدمك"؟ واللي اعتمد في تأثيرة على سلوك مو حادث حقيقي. نقدر نقول إن شركة نجم، نجحت في تحقيق الوعي المطلوب، وتحويله من مجرد نصيحة، إلى ثقافة مرتبطة بتطورنا الحضاري.
العنود الملحم55,834 görüntüleme • 2 ay önce