د تورو زندانونو له تیارو د ابادۍ تر ارمانونو د مزل یو مجاهد لاروی: ځینې ځینو ته الله تعالی فطرتا داسې اوصاف او خویونه ورکړې وي چې نور یې د هر ډول وړتیا او هڅو سربېره نه شي موندی. د اشخاصو د شخصي توصیف بیان ډېر خوند نه راکوي... خو ځینې وخت وجداناً مجبور شې چې د یو چا په باب د زړه خبرې په الفاظو او جملو بدلې کړې. د حاجي وزير حقاني د ژوند پر ټول مزل خبر یم له کړاونو راوتلی دا شخص د هیواد ابادۍ او چوپړ دومره تږی دی چې زه یې په الفاظو کې له بشپړ بیان څخه عاجز یم. د پانګوالو او سوداګرو سره یې لومړۍ خبره هیواد کې پانګونې ته د هغوی هڅول وي، پر منظرو او سفر کې یې هم د وطن ښایسته سیمه په دې نیت ننداره کوي چې که ممکنه وي همغه ښایسته سیمه په یو جامع جومات، ګڼ بازار او سیاحتي پارک لا مزءینه کړي او داسې لسګونه نورې د ابادۍ لپاره دده د تندې بېلګې دده د خویونو عادتونو برخه ده د حاجي وزیر صیب ددې هڅو او هڅونو یوه ښکاره بېلګه د تېرا په سیمه کې د جامع جومات، ښکلي بازار او رسټورانټ هغه ښکلې ابادي ده چې دا مهال د هغې لارې سلګونه مسافر یې په شوق لیدو ته ورځي، په دې شاړه دښته او د غرونو سینه کې د ابادۍ دا ستره نمونه د نوموړي د هڅوونو او تشویق برکت دی دا به یوازنۍ بېلګه نه وي همداسې په خوست، هلمند، هرات او لوګر په لویو لارو کې دغسې ښکلي او جامع جوماتونه دده په هڅوونې او د خیریه بنسټونو او سوداګرو په مالي ملاتړ جوړ شوي. او لا هم د ابادۍ او ښکلا لسګونه سترې او کوچنۍ پروژې( د نادرخان پر غونډۍ د سرسبزۍ، سړکونو او جامع جومات پروژه، د کابل- جلال اباد پر لویه لار جامع جومات او بازار او …)په سرعت سره روانې دي دا ټول هغه څه دي چې د خلیفه صیب په هدایت یې حاجي وزیر صیب د اړونده اداراتو په مرستې سره پر مخ وړي ددې سړي دا د ابادۍ تنده د هغه له کړاوه ډک تېر شوي ژوند سره عجیب پیوند لري، حاجي وزیر د شل کلنې مبارزې پر مهال د چریکي بریدونو مسئولیت لاره چې له کبله یې د ژوند او ځوانۍ ډېر پسرلي، د کیوبا، پاکستان او افغانستان په زندانونو کې تېر کړي ډېرې له شکنجو او کړاونو ډکې ورځې یې پر ځان تېرې کړي خو عجیبه دا ده چې ددې کړاونو او زندانونو درد یې د عقدې او کینې پر ځای د هیواد او ولس سره د خدمت او ابادۍ پر مینې او تندې بدل شوی. قدرمن حاجي وزیر مخکې د کورنیو چارو وزارت مالي ریس و او اوسمهال د خلیفه صاحب د چارو اداره او تنظیم ور په غاړه دی. دا د اسلام او وطن اخلاصمند سپاهي دې تل سرلوړی ويshow more

Abdullah Raihan

85,952 subscribers

Поделиться Скачать