رسالة إلى "الموذي" من جماعة المسجد🤔…

والله كلامه جدا واقعي اذكر قبل ٢٥ سنه من المواقف الطريفه في مسجد الحي شخص قام باعاده تركيب الاضاءه في المسجد وطلب من الحارس مفاتيح المسجد وصار يتحكم في المسجد تحكم غير طبيعي قام احد جماعه المسجد وغير السجاد وصار خلاف بينهم من الأقوى نفود قام الشخص الاول وشال السجاده وفرش بدالها سجاد جديد وقام الثاني وشال الاضاءه وركب اضاءه جديده وكانو يخلونا نوقع على ورقه مكتوب جماعه المسجد وفي رمضان بالذات تخيل كل واحد يجيب معه ( مبخره) يطيب المسجد ودخل المسجد كله دخنه عود

يارجل بعض الائمة فيه تعالي وكبر على الجماعة يريد التكييف الذي يناسبه كمثال لايراعي كبير سن ولا مريض تجده سمين ويتحمل برودة المكيف ويشغل التكييف على أعلى شي ويقول لاتتدخلوا انا اعلم بأمور المسجد وكثير كثير من المواقف والقصص الامام والله لو كان برا كريما طلق المحيا ماشكى منه احد

الحمد لله امام مسجدنا يروض الاسود ولا واحد يقول كلمة ومن يتلقف ياويله هو يخاف الله ولا يظلم ولا يتجبر لكنه متابع كل صغيره وكبيره ولا يقبل الخطا

العبد إذا دخل المسجد وصلى صلاة مودع وبقلب خاشع ، والله يصبح مايهتم للدنيا ولاعنده وقت للخلافات على دريشة او مكيف او مكرفون، قلبه مشغول بحلاوة الإيمان (فتذكر الموت عبادة تورث الحلاوة) و إذا رقَّ القلب ذهب خبثه وقسوته ، فيكون سهل المعشر طيب النفس ، يَألَف ويُؤلف. فالقلب القلب❤️

ببساطة هالأشكال حسده ويبررون تصرفاتهم أن الأئمة يأخذون فلوس

كبار السن يحق لهم مالايحق لغيرهم مهما يسوون اتركوهم ع راحتهم

والله اذونا حتي لم نقم نصلي بالمسجد نجيب طيب نطيب المسجد يقولون فينا حساسيه بطلنا نجيب بخور يقولون معنا تنك بطلنا نجي قبل الاقامه بوقت طويل نصلي ونقراء قران والتكييف بارد ناخذ زاويه ليس بها برد يقولون لماذا تجلس بالخلف اخر شيء سافرت اسبوعين ورجعت قالوا انت وجهك وجه الي مايصلي

كلامه صحيح والله احنا مصلين كرهنا الصلاة في بعض المساجد اما لتحكم بعض المصلين في المكيف او بعضهم يجيب اولاده يمرحون وإذا قلت شي أقام الدنيا عليك و الله جنب بيتي مسجد لمدة 4 سنوات ما قدرت اصلي فيه إلا وقت الإجازات إذا عرفت ان فيه عايلة معينة سافروا و الباقي بالسيارة من مسجد لمسجد

البعض يدخل المسجد بعين(الناقد )يجول بنظره يمنة ويسره يراقب المكيفات والاضاءة والنوافذ ويتخذ من جدار المسجد الجانبي مكان له يراقب الداخل والخارج بينما لو اشتغل بالذكر وقراءة القرآن لكان خيرا له ولو سابق الى القرب من الامام وانشغل بما ينفعه لسلم من كثير من الشرور ملاحظة امام مسجد