سالم بن حزام: شباب إذا قمت من مجلس وكرّمت لا عاد ترجع مره ثانية حتى لو يلحقك المعزب اللي هو المضيف ويقول ارجع لا ترجع إذا قمت قمت خلاص رح، ترا الأولين يقولون (مايردد في المناحي إلا البقر)!!

لاحول ولا قوة إلا بالله هذا الله يهديه معقد الدنيا، ياخي الحياة أبسط من كل هالقناعات التي ما أنزل الله بها من سلطان، والرجال مايلحقه شك في نفسه ويقدّر طلبة الرجاجيل إلا في شي يفوق طاقته .

يا رجال ما ذبحنا الا كلام الشيبان اللي ما له اي اساس من الصحه

اذا لحقك المعزب فاستح على وجهك وارجع واكرم الرجال اللي لحقك محبه وتقدير وارجع المجلس لاتعاند وماتحط للرجال تقدير الا اذا وراك شغل ضروري فاعتذر وبين له عذرك

كلامي لايعتبر تزكية لصاحب المقطع فلا أعرفه عسى الله يحفظه ويبارك فيه، أنا سبق حصل معي أن شخص عزمني عنده بعد ما فرغنا من صلاة العشاء في المسجد وبعد أن جلست معه حول ساعة ساعة ونصف استأذنته للخروج دون تناول وجبة العشاء فاستغربت بأنه أَذِنَ لي بالخروج دون تلزيم فعندما خرجت وخرج معي عند باب البيت في الخارج جاء ولده مسرعاً لنا يبلغ والده بجاهزية وجبة العشاء فدعاني والده للعشاء لكنني اعتذرت وقلت له ممازحاً "الملوك لا تعود في كلامها"، طبعاً أنا لا أشيل عليه بخاطري فهو شخص محترم بدليل خروجه معي إلى خارج البيت فهذا دليل نيته الصافية وأنه لايقصد شيء، (لكنني) أنصح أي شخص يعزم الناس لا تستجيب لإعتذار الضيف بالخروج من أول وهلة (وفي نفس الوقت) لا تصر عليه بعدم الخروج بشكل مزعج، (الاعتدال) هو (الحكمة).

صح اي والله كنه موقف قدامي الان بس ماضي شفقانين على جلسته وتوددله المعزب والبقيه يوم رجع من برى وسولف امول سالفه بنصه عم الضجيج بالمكان والاهتمام قل ولا احد عطاه وجه لا قمت رح

ياليت الناس يسلمون منك ياسالم انت وخثاريقك مسوي فيها راعي سلوم ونصايح ومشغل نفسه على الفاضي يارجال وفر نصايحك وفك الناس شرك

نعرف ان المناحي هو قديماً مكان منخفض يكون مكب نفايات وتحرق والابقار تعود له تجد مخلفات تاكلها خانك التعبير بجعل مجالس الرجال منحات او صفها بهذا المثل٠

من شفت عقالك عرفت عقلك 😂😂

يارجال هالحين الموانه زائده ولاعاد فيه العلوم الاوله هالحين يسيرون على بعض بالشورت لادقق الاوضاع تغيرت ساير الوضع لاتقعد بالحالك

المثل معناه انك سلكت طريق وتبين لك انه غلط وتركته وبعدين رجعت له وأنت تعلم انك راح تواجه مشاكل نفس اول فهذا ينطبق معنى المثل

كعادة وسلم من السلوم نقول صح كلامك والأولين ماتركوا للتالين شي والإسلام ماترك شئ إلا شمله اما شرعاً وعقلاً الله يكرم الناس ثم بالعكس يجوز شرعاً للشخص أن يعود للطعام بعد قيامه منه، خاصة إذا لم يكن قد شبع تماماً، أو كان هناك حاجة للعودة، والأصل في الأمور المباحة هو الإباحة ما لم يثبت تحريمها، لو قام مثلاً للصلاة مع مراعاة آداب الطعام وعدم الإسراف والحرص على عدم فوات الخشوع في الصلاة، وإن كانت هناك خلافات بين العلماء في تفاصيل معينة لذالك اصبح اكل الطعام ثم اداء الصلاة الأصل الإباحة: الطعام المباح الأصل فيه الحل، والقيام منه والعودة إليه مباحة ما لم يكن هناك مانع شرعي أو عرفي فقط كما هو الحال هنا يُفضل تقديم الصلاة على إكمال الطعام، لكن إن لم يخشَ فوات الخشوع في الصلاة أو فوات الطعام تماماً، فالأمر فيه سعة الآداب الشرعية: مراعاة عدم الإسراف، وعدم إثارة الشبهات، والحرص على عدم إزعاج الآخرين الخلاصة العودة للطعام بعد القيام منه جائز شرعاً، مع مراعاة عدم الإسراف ومراعاة وقت الصلاة وحاجات النفس وعدم إثارة الشبهات والمشاكل ومخالفة العادات عموماً

اوكي بس هل في سبب معين مقنع ومنطقي والا مجرد عادات وتقاليد

في كل شؤون حياتك لا ترجع

اصلاً ماقمت الا النفس شبعانه ومليت منهم ومستحيل ارجع ولو برجع رجعت وماعلي منكم انتم وبقركم

ماضيع المجتمع. الا قولة كانوا الاولين. وتراه عيب عند الاولين . و من مرجلة الاولين .. مو كل شي كان يقوله الاولين لازم نطبقه الان. ربما كان لهم وضع غير وضعنا . او يقيسون الاشياء بمنظور خاص . ناخذ منهم مايرضي الله ويفيدنا . ونترك مادون ذلك يقول الله سبحانه وتعالى ( تلك امة قد خلت لها ماكسبت ولكم ماكسبتم [ولاتسألون عما كانوا يعملون]. ).

ما انزل الله بها من سلطان عادات وتقاليد اعتقد انها غير موجودة واذا نسي شيء ما يتركه هذي مغالطة

اممم … عندنا اهلي يعني اللي يقول فمان الله عيب يرجع ، بنفس اللحظه طبعا.. تصير .. بس مدري ليه

لو قام من الأكل ورجع معقول لكن في المجلس الوضع طبيعي. وهذا المثل ( ما يرجع في منحاه إلا الثور ) يطلق على من يرجع في خطأ وقع فيه من قبل

طيب إذا نسيت جوالي وابغاه لشي مهم معد ارجع خلاص 😬

وإذا نسيت الشاحن بجنب المركى و عندي استلام وش السواه ؟

تذكرت موقف صارلي حضرت مناسبة عشاء لزميل لي في حفر الباطن وانا من القصيم بعد ماخلصت من العشاء قمت وقلت اكرمكم الله وزادكم من فضله ابناء عمه واخوانه استغربو وعطوني نظره شكيت بنفسي وهو من باب الدعابه قالي بدري باقي الشاهي وبنسمر قلته تمام انا ماعرفت قصده بعد مارجعت جلس يضحك يقول

كلام قدييييييم. يابو حزام. يازين حزام اسم قوووووي. للقبايل العملاقه. يام وشهران ورجال الحجر وقحطان والدواسر. اهل الكرم والجود

أقول طس طس أبو هالشارب بس

ماجابنا ورا الا الأمثال والعادات اللي مالها سنع شوف الناس اللي درست وتعلمت وسبقتنا واحنا في ذيب وبقر وناقة وقال فلان والعيب الفلاني

عادات مأمنها فايده وذا لازم عليك الرجال ورجعت وش فيها

عيش حياتك طبيعي وخل عنك العقد النفسية والأمور الجاهلية اللي ما أنزل الله بها من سلطان يبي يرجع ياكل الله يحييه يرجع ياكل معزز مكرم ويأخذ راحته عالآخر بيته ومحله ياناس تطوروا وتثقفوا والجاهل التكنولوجيا تخدمه ماعاد فيه شي صعب هالحين

شرحه للمثل صحيح بس موضوع انك قمت لاعادترجع هذي ليتها من جنبها هذي ماهيب حولها ولايمها وش اللي ماعاد ارجع اي ضرف ممكن ترجع ممكن سيارتك تعطلت ممكن فيه شخص ماحظرالمناسبه لظرف ماوجا متاخر وانت تعرفة وودّك تسلم عليه وبيجي وش المشكله اني انتظره انت اللي ارجع في كلامك وراجع حساباتك

و اذا عند شيخ و لا عند امير و قمت و كرمت بعد ناداني ايش الوضع؟

هذا هو نفسه اللي يقول لاتقول الوالد ؟ بس عادي يقول الشايب ؟ ماعنده سالفه

مقاطع الجهل بدت تتكاثر وتنتشر طيب والمنحات اللي تمشي فيه كل يوم تروح عملك وترجع وش وضعه

يا سالم الله يسلمك من الأفكار التي لم تعُد صالحة للإستهلاك الحالي. الشاهد،الشيبان الذين تستند إلى عاداتهم وتقاليدهم كانوا يعيشون زمنا له ظروفه وأحكامه،وكانوا يتعاملون مع الإبل والزراعة وبهيمة الأنعام الأخرى فلا غرابة أن يكون لهم عادات وتقاليد عرفية ويتعاملون بها. أما الآن:فأنت في عصر التقنية والذكاء الاصطناعي واختلفت المآكل والمشارب وتغير الأفكار،وهنا فلا بد أن تختلف العادات والتقاليد والله من وراء القصد.

احترم الشخص اللي يكون لين و اللين شي محمود في ديننا شغلت التشدد في العادات و التقاليد اعتبرها جهل ماني ضدها ابدا بل بالعكس هي جميلة ولكن فالنهاية تبقى عادات و تقاليد

اذا كنت امير او ملك اتفق معه لان الامير والملك مايصلح يقوم ثم يردونه طبعا اذا تواضع وقلط عند عامه الشعب اما شخص عادي مافيها شيء ان قام ورجع يجلس

ذا معقد وكل يوم جايبلنا سالفة، المشكلة لما يعتقد الشخص إنه مرجع وهو مضيع الطريق.