سيدة تتحدث عن الشوفة الشرعية : الولد اللي يقول ابي البنت بدون مكياج هذا هجوا منه يا بنات، ونفس الكلام ينطبق على الشباب إذا البنت قالت لك ابي اشوفك بدون شماغ واشوف صلعتك هج

المتبرجه مايحتاج تخسر فلوسك حتى تشوفها ، تقدر تشوفها في كل مكان مثل بقرة بني اسرائيل كانت على مرأى الجميع وتسر ناظرين 👍🏻

على تبن بس مين انتي تتكلمين ب احوال الناس العامه

بالعكس هذا هو المفروض يشوفها من غير ميكب و تشوفه بصلعته لأنهم بيعيشوا باقي عمرهم مع بعض لا هي بتظل حاطه ميكب ٢٤ ساعه ولا هو بيقدر يخبي الصلعه لا بد يشوفوا بعض ع الطبيعه اللي بيعيشوها على طول و القبول من الله كثير بنات عادي عندهم المصلع و كثير شباب ما يحبوا الميكب

حقها تشوفه إذا هو اقرع ولا شعره حلو ليش يهج هذا زواج مو لعبة لازم كل شي يكون واضح من البداية

لاتسمعون كلامها يابنات.. كل وحدة تسوي الشي اللي يتفق مع قناعاتها والمسألة مسألة رفض وقبول، أنتِ صاحبة القرار تقبلين طلب الخاطب أو ترفضينه ويادار مادخلك شر، وترى طلب الخاطب طبيعي جداً، كما أن للبنت شروط في عقد النكاح وللزوح الحق في أن يقبلها ويتم الزواج أو يرفضها وكل واحد يروح لحال سبيله.

من حق الخاطب أن يرى مخطوبته دون مستحضرات التجميل أو "المكياج" حيث تُعد غشًا فهي تغير مظهرهن الحقيقي، كذلك من حق المخطوبة أن ترى الخاطب دون شماغ.. ويجب المصارحة بين الخاطب والمخطوبة عن أي تغيير في خلق الله الأساسي مثل عمليات التجميل أو التغيير للطرفين..

أنا دخلت شوفة شرعية لوحدة بمكياج وشعرها مسيّحته بالمكوة. طلبت شوفة ثانية بطبيعتها وشعرها الكيرلي وبلا مكياج وطلعت أفضل 180 درجة. وهي كذلك طلبت أني أجي كاجول ببنطلون وقميص بدل الثوب والشماغ. الأمور طيبة لا تعقدوها.

من ناحية الشوفه عادي ادخل عليه من دون مكياج جداً بس امه واخواته مستحيل لانه يوضح اني انسانه مو مرتبه نظرتنا احنا النساء مو زي الرجال احنا عيوننا تحب المكياج ونشوفه نوع من الجمال طبعاً الغير مبالغ فيه وماعاد احد يحط شي دفش لكن تخيلي بخطب لاخوي تدخل علينا وجهها فاضي لا مره لا

والله من الفلسفه .. حقه يشوفها بدون مكياج وحقه يعرف اذا هي مسويه عمليات تجميل او لا او تكميم او غيرها او فيها عيب محدد وذاك الوقت له الحق في الرفض والقبول وهي كذلك حقها تعرف بالرجل اللي تتزوجه فيه شي او لا مرض او اي شي لا قدر الله بس يبون الواحد يتزوج اي شي ويمشي

الله يذكر امي بخير تقول الحلو حلو لو صحى من النوم والشين شين لو يصبغ كل يوم فالجميله تبقى جميله بملامحها بدون تكلف والوان صرنا بالمول نشوف نسخ لصق نفس الشكل لان المكياج نفسه وين الملامح الطبيعيه مافي

حسبنا الله ونعم الوكيل الله يفك المجتمع من إشكالك انتن من ينشر الفساد في المجتمع ويا ويلكم يوم الحساب. انت لو صلعتي بدون مكياج كان شفنا كيس رز.

ي ساتر البربره مسيكينه وعيب وانثى وطامه وووالخ كل ذا تبرير ترا ربنا ماخلق الأنثى بمكياج ولاهي اللي بتجلس مع زوجها٢٤ س بالمكياج خلاص بالقرف عساها لا تزوجت ولا طلعت

ترا الرجاجيل مايقصدون ماتحط البنت شي أبد ،، روج كحله ترتيب الشعر هذي الأشياء نعتبرها اساسية ماتهم لكن القصد ماتروح مشغل تبيض وجهها واصباغ ورموش تركيب وشعر مستشور ساعتين 😇

للشباب المقبل على الزواج لا تقتصر بطلب الشوفه الشرعية بدون مكياج بل ضع شرط خلوها من عمليات التجميل وشغل السلكون و البوتكس والفيلر وأي عمليات تجميل وإذا ثبت ذلك دون الإبلاغ عنه فيتعبر غش وضع هذا ضمن شروط عقد النكاح كان الزواج سابقاً يستمر العمر كله وأصبح حالة طلاق كل 9 دقائق.!!

خطبت لخوي بنت واشترطت على اخوها ان الشوفه بدون مكياج ووافق ويوم النظره دخل يشوفها ورجع لي يقول بمكياج فقلت لخوها متفقين بدون فدخل لاخته ومسحت المكياج ورجع اخوي ونظرها مرة ثانية ورجع لي قال جت سريع وراحت سريع ابي اشوفها مرة ثالثة ووافق اخوها وتمينا وتزوج وصارلهم الان15سنة متزوجين

اللي بيدفع من حقه يطلب الطلب اللي يبيه , اللي يستقبل ماله حق يطلب أي شيء

اجل ادفع على شي مغشوش؟ اشوف وحدة فل مكياج ورموش وروج وادفع عليها دم قلبي واخرتها تتبخر الفلوس اللي دفعتها بمجرد ما تمسح المكياج وتبان حقيقة وجهها انها قبيحة (فرضية) من يعوضني عن الخساير اللي تخسرتها؟

أصلا الشوفه الشرعيه بدون مكياج واذا حطت مكياج يعتبر غش لانه يبي يشوفها ع طبيعتها دامه بيتزوجها بس كلام النوعيات هذي يمكن انها تتكلم عن علاقات وغيره يعني شي عابر بس الزواج لا لازم تكون بدون مكياج ونصيحه للبنات والاولاد لا تخلون النوعيه هذي تتحكم فيكم وتوجهكم ع مزاجها

الرسول ص امر بالزينه ثبت عن النبي ﷺ الترغيب في الكحل (خاصة الإثمد) والحناء، حيث كان يستخدمهما ويرشد إليهما كعلاج وزينة، بينما ثبت استخدامه للعلكة (اللبان) اذا الرسول ص يقول تكحلو تزينو و يجي ابن خيخي الي المهر حقه قرض و سلف و يبي يجوع العروس الين يسدد الفيزا يشرط تطلع بدون كحل ينقلع

لا اتفق معك بعد الزواج بتجلس معه طول اليوم بدون مكياج فمن حقه يشوفها لحظة الشوفه بدونه كمان الوحده فينا خجلانه تطلع قدامه بدون نقاب و عبايه فكيف متمكيجه كمان

من الغش انك تحطين مكياچ فالشوفه يعني بتنامين جنبه كل يوم بمكياجك مثلاً ويصحى الصبح يشوفك سندرلا اكيد لا طبعاً اما تتزينين وتخفين عيوبك بالمكياج عشان يشوفك حلوة وخلاص في هاللحظة طيب الى متى بتبقين بمكياجك ليه تخفين حقيقتك ورى المكياچ ليه تبدين حياتك الزوجية بكذبة ليه ماعندك ثقة في نفسك المكياج اعتراف من الفتاة انها مو حلوة الا بالمكياچ كوني جميلة بنظافة وببساطة خلي مكياچك النظافة والبساطة والريحة الحلوة انا كرجل ينفرني المكياچ الزايد والطبقات المتراكمة منه اللي تختبئ خلفه المرأة تعجبني الفتاة البسيطة غير المتكلفة الواثقة من نفسها ومن جمالها بدون تنفيخ وتشويه لخلقة الله الجميلة المكياج في المرأة كالحطب في النار يزيدها اشتعالاً على اشتعالها والنار الهادية اجمل من المتأججة ..

كيف يطلب الشوفة الشرعية إذاكانت البنت سافرة ولاتغطي وجهها الشرع المطهرشرع الشوفة الشرعية لان الفتاة في الأصل مغطية وجهها ويجب ان تتم الشوفة الشرعية بحضورولي امرها الحجاب الشرعي للفتاةهوتغطية الوجه وهومكان الزينةومكان فتنةالرجال بالنساء واذالم تغطي وجهها فقدانتفت الحكمة من الحجاب

الجهل انه وحدة مغرقة نفسها مكياج وغير واثقة من انوثتها وجالسة تسقط أسس الأنوثة على بقية البشر مالك دخل باللي يريح الناس

وش دخل الصلعه بالمكياج الصلعه ماتأثر كثير على شكل الرجل عكس المكياج مؤثر ويعطي صورة مختلفه عن الواقع

والله من القبح، يحق له يشوفك من غير مكياج، ويحق لك تشوفين صلعته، هذا غش والغش غير جائز.

✍🏼سؤال ليش المكياج منتشر بكثرة في مجتمعات العالم الثالث ويقل في مجتمعات العالم الاول مثل المجتمع الأوربي والامريكي والياباني مع ان المرأة هناك غير مسلمة يعني ليست ملزمة بغسل وجهها للصلاة بعكس المرأة المسلمة التي يستوجب عليها غسل الوجه لآداء الصلاة

ياكثر بربرتها وموضوع سخيف تهول الموضوع وعيب عليك انك تطلب انك تشوفها بدون مكياج و اقرصيه ولا تتجرا انك تطلب هالطلب خيييير من انتي علشان تعطين هالتوجيهات موضوع سخيف

@mohamad1zamil واخر شي تجيب راسه ام عمليات تجميل ومكياج ويتبصبص عليهم بكل مكان عام حتى وزوجته ماشيه جنبه 😂

متبرجة والعياذ بالله

عقل 🗑 ترى كلها في صالحك ياهبله علشان مايصحى من النوم ويحصل معيض جنبه

أخوي الصغير شاف وحده وطلب منها تغسل وجهها ويديها وشعرها راحت ثم ارجعت بعد نصف ساعة على طبيعتها هرب و السبب الجمال المزييف لذلك نصيحة للبنات لاتتزين بالمكاييج لأنها تعدم البشرة بعد سنوات والدتي رحمها الله ماوضعت على وجهها سوى النيفيا في الشتاء فوالله وبالله وتاالله إن عليها بشرة وهي في سن 78 كأنها في عمرال28 عاما وعيونها عكش لذلك المواد الكيميائية تحرق البشرة وتسمم مسامات الجلد وكذلك الكحل الاصطناعي يحرق مسام الرموش فتتساقط فتلاحظون في نسائنا بلا كحل حمصاوات كأنهن عيون مرضى بالرمد الحضارات تجر وبالا ووبالها علينا غير خافي

عادي أبسط حقوقه ليش حاطة سالفة للموضوع