سيدة تتحدث: صديقتي تقدم لبنتها واحد وتواصلوا معاها أهل الولد قالوا نبي نجي نشوف البنت رد عليهم وقالت اعتذر منكم فقط اللي يبي يتزوج هو اللي يجي يشوف لان بنتي تبي تشوفه اما الحريم يجون يشوفون بنتي ويقيمونها لا ما احب هذا الأسلوب، وش رايكم في تصرفها؟

وهي صادقة ليه تجي لجنة التحكيم القبول بيطرح بقلب مين أهم شيء الطرفين ..

الطريقة التي أنتهجها في الزواج مختلفة قليلًا: أتقدم أنا أولًا، أرى النظرة الشرعية، وأكوّن قناعتي بنفسي. إن لم يوجد قبول، ينتهي الأمر بهدوء دون إشراك أحد. وإن وجد قبول مبدئي من الطرفين، عندها أدخل الوالدة أو أخواتي للتعارف على أهل الفتاة. برأيي، تقدم الرجل أولًا يعطي رسالة واضحة: أنه هو من أراد الزواج واتخذ القرار، لا أنه دُفع إليه أو فُرض عليه. كما أنه يخفف كثيرًا من الإحراج والمجاملات والوعود المبكرة التي قد ترفع سقف التوقعات عند أهل الفتاة، ثم تنتهي بتراجع أحد الأطراف. المشكلة في بعض الحالات أن الأهل يسبقون الابن، ويُعطون انطباعًا بأن الأمور شبه محسومة، ثم تبدأ الضغوط والإحراج إذا لم يقتنع الابن لاحقًا. لذلك أرى أن من الحكمة أن يتقدم الرجل أولًا، فإذا وجد قبولًا حقيقيًا أدخل أهله، أما قبل ذلك فلا داعي لتوسيع دائرة الموضوع.

هذا الصحيح

ترى اذا جت ام الولد مو بس تشوف البنت تتعرف على الأهل واسلوبهم وطريقتهم فيه توافق فكري نفس الاطباع والعادات فاشوف عادي أو الأفضل تجي الأم أو الأخت زيارة وحده تعارف

الحريم أبخص بالحريم والنساء يبخصون تفاصيل بالنساء لايبخصها الرجل غير الشكل لأنها بتدخل عليه بطريقة أنا مستحيه وماراح يعرف شئ عكس أهله يسولفون معها ،،، حتى تفاصيل كلام الأم معهم ولباس البنت وأشياء كثيره يبخصونها النساء أكثر من الرجل ،،،

الرؤية الشرعية للرجل مو لأمه ولا لأخته ولا خالته ولا أبوه ....هالخرابيط لازم احد يوقفها

واحد يقول لي انخطبة اخته وكل اشوي سردادي مردادي نبي نسير عليكم شافتها الام والاخت ثم الزيارة الثانيه اخواته ثم الثالثه الولد وامه واخواته بالنهايه البنت رفضته 🤣 انا معها الولد يجي فقط .. اذا تمة الموافق يجون اهله 🥱

الشوفة الشرعية للخاطب فقط وليس للاهل كما هو متعارف . اذا الله كتب بينهم القبول والراحة صار النصيب وخلاص . اما لجنة تقييم هذا غير مقبول . نسأل الله ان يوفق ابناء وبنات المسلمين بما فيه خير في دينهم ودنياهم .

لا طبعاً خطأ، لازم أم العريس تشوفها وتشوف مجلسها وطباعها وطباع أهلها وهل حيتفقو كعائلتين مع بعض ويصيرو عائلة واحدة.. بعد الزواج ما حيعيشو منفصلين عن الأهل وهي حتحتاج أهلها وهو حيحتاج أهله، لذلك تفاهم العوائل وأم العريس وأم العروس لازم ييجي الأول لأنهم لو اتفقو بيعيشو بسعادة وهناء

كلامها صح 100% ،بعض الاحيان الرجل يستحي يقول لأهله ابيها كذا او كذا والام لو تشوف وحده لابسه قميص روز تجننت عليها لذلك اعتقد ان الام والاخوات مالهم دخل واذا بيجون يجون كلهم وبالأمانه اكثر الامهات والأخوات يختارون لولدهم وحده ماش يغارون على اخوهم او ولدهم يعني افكار قديمه وغبيه

كلام ورأي الأم صحيح100٪ فإبنتها ليست سلعة حتى تكون للعرض،ولاللتقييم؛ النظرة الشرعية للرجل وللمرأة الساعيان للزواج فقط، وليس لطرف ثالث،هي للرجل وللمرأة سواء بسواء،ليست لأمٍ ولا لأخت ولالعمّة ولالخالة.

انا اشوف العكس وش فيها اذا جو الاهل وشافو احس لازم اشوف اهله هل هم مريحين.. طبعهم نفس طبعنا ..مو بس هم بيقيموني انا بعد لازم اعرف من اهل عيالي اذا في قبول بسيط بعدها النظرة الشرعيه وهي الي تحدد القبول الاخير اما اذا ماقدرت اتقبلهم او هم نفس الشي خلاص ينتهي الموضوع قبل الولد

أتفق مع الأم، ودائماً نظرة العريس تختلف عن نظرة امه او اخواته، إذا أم العريس تبي تشوف البنت، الأحسن تقول: “نبي نتعرف عليكم وتتعرفون علينا”، وتكون زيارة تعارف بين العائلتين، أما "أبي أجي أشوف بنتكم" فيها تقليل من البنت وكأن الموضوع مجرد معاينة لا اكثر

اسلوب الأم سيئ انا من رأيي يسألون عن الولد أول إذا أوكِ يجون الأهل يكون الولد معهم الأهل يدخلون عند الأم وبنتها والولد مع الأب و تطلع البنت على الاهل وتشوفهم بعدين تروح للولد في المجلس مع ابوها وتشوفه كذا الأهل يتعرفون على البنت والأب يتعرف على الولد وهم يشوفون بعض ويقررون وبس🤭

وهي صادقة لو الكل يتبع هالنظام كان الاغلب معرسين من ثاني بنت بالكثير ولا قعدوا اهله يدورون على سبع ميه بيت عشان ينقون وحدة لخليفة المسلمين

حصلت معانا لخوي كلمتنا امها قالت معليش للعريس بس يحي يشوف 😅قلناا نقول للعريس وهو يقررر لن ذاه شي يخصه 🤨 قلنا لخوي قال يفتح الله قولو لها تخلي بنتها عندهااا مابي اروح من غير امي وخواتي اول يشوفون بعدين انا اروح لاسفتو فيها الموصفات الي ابيها واتصلنا فيها قلنا الله يستر عليكم 😂

الحقيقة كنت من المؤيدين لرؤية الخاطب للمرأة قبل ذهاب الأهل لرؤيتها… لكن وبعد عدة تجارب من أبنائي الذكور أنا الآن ضد رؤية الخاطب للفتاة قبل الأهل . شعور الفتاة بعد رؤية الخاطب لها ثم العدول عن الارتباط بها شعور مؤلم. بينما رؤية الأهل تمهد وتهيئ كما أن التعرف على العائلة مهم.

البنات صايرين وقحين وأمهاتهم اللي ربوهم أوقح منهم ، كل هذا لأن كلمة الأم هي العليا فالبيت ولاوجود للرجال للأسف بالنسبه لنا كأسره إشاره للهروب .

انا مع ام البنت هالعاده القبيحه ان اهل الزوج هم من يقيمون البنت حشى هي شاة اللي يبي يتزوج هو من حقه يراها غيره لا الحمدلله والدي ووالدتي لايسمحون لاهل الزوج هو يجي ويشوف اعجبته حياه الله ماعجبته الله يستر عليه 👍

اجل اذا جا يشوفها العريس لا يجلس معه الاب ولا ولا شي بس المعني بالموضوع تجلس معه اللي هي بنتك هي اللي خلوها تقيم الرجال وتعرف اذا انسان جيد او لا مو من حق ابوها او اهلها يقيمونه صح؟؟؟ بعض البشر عندهم منطق غريب جدا جدا ماتبي اهل الولد يشوفون بنتها لكن العريس لازم تعرف عنه كل شي

صح الأم حتسال عن حجابها وحشمتها هذا وجه نظرها حسبي الله ونعم الوكيل عكس الرجل أصلا ما يهمه سمعة لانه جري يهمه الصدر والموخره وبس نستفرد فيه و يشوف الصدر والموخره حيبيع قضية الحشمه وشوي شوي حنلقى المجتمع بالمويوهات وبلا حياء ومو من حقهم يفرضون الحياء علينا!

هي صادقه اللي يبي يتزوجها هو الرجل مو اهله ليش تضغط نفسها وبنتها وتتكلف بالضيافه واخرتها يغارون من جمالها او يطلعون اي عله فيها ويقولون لا مانبيها ليش نعقد الامور وهي سهله

كفو عليها هذا الي عارفه لهالبقران وعسى يمشي هالنظام ع الكل ..الحريم الي تقول عنهم يدخلون يدققون في الاثاث والمواعين والتقديمات والملابس ويغارون بعد اخر همهم البنت

صح البنت كلامها سليم..معروف الخاطب هو الي يشوف مو الأهل!ماله داعي يجون اذا كتب نصيب وقت الخطبة الرسمية يشوفونها لأن نظرة الرجل تختلف عن المرأة.عندنا واحد راحت أخته تشوف بداله ومدحتهالسماء وكان ممنوع عندهم النظرة!ليلة الزواج شافهاماتقبلها أبداً وطلقهاع طول!وش ذنبها البنت!!

احمدوا الله ان فيه ناس يطبقون الرؤية الشرعية لحديث الرسول فيما معناه ( يكاد ان يودم بينهما ) فيه ناس ( صن مغطى ) تتزوجه ماشافته ولا شافها على الوصف 😂😂

صحيح ك رجال نظرتنا تختلف ولا نا طلبات غير حول البنت بشكل خاص لاكن افضل ك زيارة اولى تكون حريم يشوفون البنت والاهل هل يتناسبون معانا او مختلفين ك عادات اطباع نظافة البنت عشرية او لا بينما ك رجل تقيمك المجمل بيكون ع البنت اما الحريم تقيم شامل وهذا الصح اشوفه قبل مايسير شي رسمي

الزواج عندنا بين عايلتين مو شخصين شي طبيعي الامهات يجلسن مع بعض و ممكن الام ما تتعاشر والعائلة كلها ما تنفع

معه حق واتمنى جميع الامهات تسوي مثله بناتكم مهب سلعه يجي كل من هب ودب يقيمهن ويمشي اللي يحق له ويجي يشوفه الولد لان النظره له فقط

هذا فاهم غلط او انتي فاهمه غلط الشوفه الشرعيه بمجتمعتنا للزوج اهل العريس امه وخواته لما يكون هناك قبول مبدئي واحترام لخصوصية البنت يأتون ويتقدمون رسميا للبنت ويجلسون معها يشوفون رايها ومنطوقها في حال احسوا بي اي شي غريب يخبرون الزوج وهو بالاخير يقرر المضي ويشوف شرعيا ويتقدم

اتفق.. يشوفها الولد ويتعلق فيها ويتفق معهم وكل شيء.. بعدين تجي الأم تحشر نفسها وتشوفها وتقيمها وبعدين تسحب ولدها وتروح.. ايش شعور الولد اللي اختار البنت وقبل فيها؟ هذا القرف اللي حاصل من الامهات.

صارت لقريبي امه واخته يشوفوا بنات الناس وكلهم مايناسبوه على حسب كلامهم ويصدقهم الين طفش وراح خطب بدونهم وشافها وعجبته وقالهم وزعلوا وليش تروح بدوننا طلعت اخته تدور له وحده اقل منها في كل شيء طبعا هي مع الزعل انهارت وقالت الحين تطلع احلى مني والا جسمها احسن مني رغم انها متزوجه

اتفق ..👍 وهذا هو الصح مافيه داعي تجي العايله كلها يكفي صاحب الشأن .. هناك الكثير من.. العالم فاهمين الرؤية الشرعيه غلط ..!! وانها خاصه للشاب فقط .. بينما هي للطرفين .. قد ترفض البنت مثلما يرفض الشاب بعد الرؤيه الشرعيه ..

والمصيبة اذا ام الولد عجبتها البنت و صاحب الشأن ما عجبته، تجلس امه فوق راسه الين يوافق وبعدها بفترة يتم الطلاق، الافضل يروح لحاله او يختار اللي يبيها من البداية.

فيه أمهات غثيثه تجيب بناتها سبع وتجيب اختها زود بنات الناس ماهم للفرجه والتقييم غير كذا الشاب الي يخطب ويقول لازم امي واختي معي هذا الفكه منه غنيمه لأنه ولد أمه وتربية حرمه بيعلك صدقيني بر امك مو هذا مكانه بر امك انت تحطها في مكانها المناسب مو تخليها عضو لجنة تحكيم لبنات الناس

باين سلعة مغشوشىة النساء ادرى ببعض كما ان اهل مكة ادرى بشعابها لذا يريدون ان تقتصر الرؤية على الشاب وحده بعد صنفرة العروسة ورسكلتها وطلائها بالوردي والاحمر والابيض وتلمعيها حتى ينبهر المغفل ليكتشف بعد العرس انه تزوج بالضاحي خلفان