شاب سعودي بعد خسارته ملايين الريالات على مشروعه الذي استمر 8سنوات يعلن بكل شجاعة خسارة المشروع واغلاقه نهائيا والله يعوضه خير .

@ALI_M2025 سبب خسارته كبر اللقمه للاسف فتح فروع فتح مكاتب ماله لزم فيها .. فتح خط تصنيع ولا له لزمه فيها .. كان يقدر يروح الصين ويشتري خط انتاج بنفس المواد اللي يبيها والتغليف اللي يبيه وبأرخص ويكون عنده بس متجر الالكتروني و مستودع للبضائع و الشحن مكتبك يكون بنفس المستودع

@ALI_M2025 مثل هذه المشاريع (التصنيع) تحتاج صبر ومكابدة وتطوير وفتح اسواق جديدة.. نصيحتي بيع المشروع او شوف شريك يمولك نصف التكلفة وتتشاركون مقابل ادارتك ويخف عليك وتخطط لفتح اسواق جديدة وعمل عقود تصنيع لجهات حكومية والافكار كثيرة غلط اغلاق مصنع وراءه جهد وتخطيط وصرف. فكر خارج الصندوق

كلامك طيب الشريك يخفف أعباء كثيرة ويمكن لديه خبرات وعلاقات

@ALI_M2025 انا لو مكانه بحسب روايته ان لديه مصنع ادور على جهات حكومية مثل القطاعات العسكرية او الاندية الرياضية واقدم لهم خدمة تجهيز الملابس مقابل سعر معقول وهذه الجهات ستدعم اي محتوى محلي

@ALI_M2025 الخساره بسبب ان المنتج يطلع عنده بجوده عاليه وتكلفه وعند عرضه بسعر يناسب تعبه ومكسب 30٪ لايجد القبول دايم فكر في المنافس لك في العالم كم التكلفه التشغيليه كم يطلع المنتج عنده جاهز اذا استطعت تنافسه في المصروفات اقل منه تستطيع الاستفاده من منتجك اذا العكس فانت الخسران

واضح ان تكاليفه التشغيلة عالية جدا ولا قدر يسيطر على الوضع

@ALI_M2025 نعم هذا السبب تشغيله عالي والمواد الاساسيه غاليه استيرادها انت تاخذ من تركيا الصين مصر خروج مواد ذات جوده يرفع عليك تكلفتها

-

@ALI_M2025 يعلن بكل شجاعة انه خسر حلوه ذي

تدري بعض الشباب يتصل علي يبي يعرض مشروعه للتقبيل يقول ابي ابيعه بدون لوحة للتقبيل ماابي احد يدري اني خسران يخافون برستيجهم يخرب وبعضهم يتحمل خساير ويستمر عشان محد يدري انه خسران بالعكس الاعلان شجاعة ولا عليك من الناس

@ALI_M2025 @e_bad1 @grok ما معنى كلمة (للتقبيل)

@ALI_M2025 @e_bad1 كلمة "للتقبيل" في السياق التجاري السعودي تعني عرض محل أو مشروع للتنازل عنه أو بيعه لشخص آخر، بما في ذلك الإيجار والبضائع والديكور، مقابل مبلغ مالي. غالباً ما يستخدم عند الرغبة في الخروج من المشروع بسرعة.

@ALI_M2025 @e_bad1 يعني يشبه كلمة خلو رجل بالمصري

@ALI_M2025 @e_bad1 نعم، "خلو رجل" في اللهجة المصرية يشير إلى دفع مبلغ مقابل التنازل عن عقد إيجار أو محل تجاري، مشابه لـ"للتقبيل" في السعودية حيث يشمل نقل الإيجار والبضائع مقابل تعويض. كلاهما يتعلق بتسهيل خروج صاحب المشروع.

@ALI_M2025 يقدر ينجح ويوصل كل منتجاته أونلاين، ويوفّر قيمة إيجار المعرض ويقفل المكتب. يكتفي بالخياطين فقط، وفي مكان أصغر ومنطقة أرخص يقدر يسوي خطة تسويقية متكاملة إذا كان منتجه ذو جودة كل اللي يحتاجه: ستاند، كاميرا، وتصوير احترافي. روح على تيك توك وشوف كيف يصوّرون ويعرضون منتجاتهم

@ALI_M2025 الله يعوضك بالأفضل منه والصالح لك في دنياك وآخرتك صراحة انقهر اذا شفت شاب سعودي يخسر مشروعه وبإذن الكريم ما تكون نهاية المشوار بل بداية المشوار والخير

هذا من طيب اصلك

وسابك تخسر ايضا 😢

@ALI_M2025 غلط انك بمجرد ما تبدأ تجارة تبدأ تصرف على رفاهيتك ومتع الحياة اصبر شوي وشد على نفسك واوصل لمرحلة الامان المالي شوف وتعلم من رجال الاعمال ومنهم العثيم تخيل ماعنده بيت ملك وهو رجل اعمال وعنده مئات الملايين بس مصيبتنا بمجرد مايعمل براند ويبدأيحس ينشهر خلاص يصرف على الرفاهية وهذا غلط

@ALI_M2025 ما خسرت… أنت تعلمت. في 2008 كنت على حافة الإفلاس، والشركة كانت بالخسارة وكنت قريب أعلنها رسميا. لكن بالإصرار، وبرضا الوالدين، والحمد لله… تجاوزت المحنة. أخذت مني خمس سنوات، ورجعت أقوى من قبل. فلا تقول: خسرت. قول: تعلمت

@ALI_M2025 المفروض ضل على الاونلاين و فتح محل صغير بتكلفة شهرية صغيرة

@doolorosa ياسلام عليك وبكذا وفر ٦٠٪ من المصاريف

@ALI_M2025 بالمنطق البراندات العالميه تصنع في الصين وفيتنام والنيبال وانت جاي تصنع هنا فارق التكلفه والتسعيره النهائيه ماهي في صالحك

@ALI_M2025 الله يعوضه بكل خير شخص شجاع ومايخاف من كلام الناس والخوف من تشمت الناس فيه

نعم وضع البرستيج الاجتماعي على جنب وتحدث بشجاعة وصراحة .

@ALI_M2025 دائم اشك! في مثل هذي المشاريع التى تملك جميع مقومات النجاح وتخسر انها غسيل اموال

لا ياعزيزي الحماس يسوي اكثر من كذا واللي فيه حماس لفكرة ومشروع يستحيل تغير رايه وحصلت معي نصحتهم بعدم فتح مشاريع معينة وبعد سنة يتصلون علي دبر لنا زبون للتقبيل

@ALI_M2025 اللي صدمني قوة الجودة وروعة التصاميم !! الغريب إني أول مره أشوف البراند هذا 😵‍💫😵‍💫 الله يعوضه خير يارب .. والله شي يقهر الشغل ذا يختفي كذا

@ALI_M2025 تكلم بكل شي إلا سبب الخساره

@ALI_M2025 مع احترامي لحضرتك… انت غبي وغشيم.. اليابان واوربا واخرها ابل نقلوا معاملهم للصين لأن اليد العاملة مناسبة وكل هذا فروقات متوسطة بين اليد العاملة الصينية وباقي البلدان وانت توقع عن حجم هذه الشركات شركات عملاقة مترامية الاطراف لكن اليد العاملة نكستهم وراحوا للصين

كل طقة بتعليمة

@ALI_M2025 الأوضاع الاقتصادية تعبانه. الناس صارت تبتعد عن الكماليات وتتجه للاحتياجات. للأسف هذي هي أضرار العجز اللي نشوفه في الميزانية.

@ALI_M2025 هذا شخص اعتمد على تسويق المشاهير واغلب المشاريع التي تعتمد على تسويق بمسار معين معرض للخساره بشكل كبير اذا لم يستطع المحافظه على القمه. الوصول للقمه سهل. المهم المحافظه عليها. المشاهير يوصلك للقمه خلال دقائق السؤال. هل تستطيع المحافظه عليها🤦🏻

@ALI_M2025 غلطته اشتغل على البنيه التحتيه للعمل وهو ماعنده الكفاءه الماليه مكاتب فروع كلها تحتاج تشغيل واهدار مال في غير موضعه كان بامكانه يشتري خط انتاج ويبداء يتوسع بفروع تبيع مع متجر اكتروني ومعاملة كل فرع على حده والفر ع اللي مايطلع تكاليفه تستغني عنه العميل يبى منتج وسعر تفاصيلك ماتهمه

-

@ALI_M2025 مع كامل احترامي له ، المفروض كان يبدأ من حيث انتهى الآخرين الشركات الكبيره الرابحة اللي لها تاريخ وباع طويل في السوق ، صارت تصنع بالصين ودول اخرى سواء تفتح مصانع او تتعاقد مع متعهدين للصناعة حسب مواصفاتهم هو عكس المسألة وزاد عليه كل شيء في بند التشغيل الله يعوضه خير بأضعاف ماخسر

@ALI_M2025 انا اشوف سبب الخساره وهذي مشكله عندنا.لاحظتها البنات والشباب السعوديين اذا سوو براند لهم يحطون اسعار اوفر. وهذا السبب انت توك براند محلي جديد لاتحط اسعار الماركات العالميه. وحتى البنات مشاريع العبايات معروف ان تكلفه اطلق عبايه ماتوصل 200 ريال. تسمي نفسها مصممه وسعر مبالغ

@ALI_M2025 الطقم اللي هو لابسه ما عجبني لا القماش ولا المقاسات ولا التصميم .. اعتقد انه اختار افضل طقم عنده عشان يعلن انسحابه من السوق ، فإذا كان هذا افضل ماعنده ما استغرب ليه خسر اذا عُرف السبب بطل العجب.

@ALI_M2025 ياعالم هالايام لاتفتح مشروع تأسيس جديد الا اذا كنت قوي وتحمل رأس مال كبير غير البقالات والسوبرماركات هذا النشاط ٩٨٪ ناجح اقل الانشطه اغلاقاً تلقى بقاله في حاره تحت مسجد فاتح من ٢٠ سنه انا كنت مندوب مبيعات ووضع البقالات جداً ممتاز

@ALI_M2025 للاسف مو تجاره هذي عذا بحث عن شهره التجاره تبي كد وتعب مو هياط وترزز

@ALI_M2025 الله يعوّض عليه.. أكثر شي يخوّف بهاي المشاريع هو التوسّع والتطوير غير المدروس.. مثل هالمشاريع أهم شي فيها لتكون قوية هو النمو الطبيعي أو تحفيزها ولكن بطريقة مدروسة...

@ALI_M2025 الله يعوضه خير ويرزقه من واسع فضله..عسى العوض بالمقبلات

@ALI_M2025 ضروري صاحب المعرض يشوف هذا الحساب وطريقه التسويق هذا التسويق الصح

@ALI_M2025 اول شي التسويق بصراحه ما قد سمعت بالبراند ذا الا الان معقوله ٨ سنين ولا قدرت توصل للاغلب . عسى ربي يعوضه ويرزقه من واسع فضله

@ALI_M2025 طيب الخساره ماجت بيوم وليله يعني كل هالشرح توقعته يبي يقول بعد هذا الكفاح كان النجاح لكن خساره دون التطرق للاسباب! من الصفر وبعدها التوسع والتطوير يعني كان رابح في البدايات السؤال اين الغلطه؟ التي جابت الخساره لا توسع الا بعد ارباح فأرباح البدايات لها اسباب والانهيار له اسباب

@ALI_M2025 لو مسوي التصنيع في الصين ومستمر اونلاين اشوف انه افضل كثير اعرف عندهم مصانع بالصين لتدني التكاليف التشغيلية فيها والمتاجر موجودة بالسعودية

@ALI_M2025 من اسباب فشل المشاريع ، التوسع الغير مدروس ثبت رجولك في السوق وكون قاعدة عملاء بتكرار ممتاز ادرس السوق والتوجه ثم بعدها توسع الله يعوضه خيراً عما خسر

@ALI_M2025 اكبر مسبب لخسارة المشاريع الناشئه هو التوسع السريع المفروض من البدايه الى 5 سنوات فرع واحد ويعتمد على حجم المشروع بعدها يقرر في الفرع الثاني

@ALI_M2025 المشكلة دخل بالتصنيع وهو أصلا مازال يستورد القماش فللأسف بدل ماكان مستورد أصبح مستورد ومصنع حملين ثقيلة أمام المنافسة أتوقع لو بقي يستورد المنتجات مصنعة في الصين حسب طلبه كان افضل وراح يوفر تكاليف كثيرة وسيبقى جودة المنتج كما هو