شاب يتحدث: جتني زبونة طلبت ماتشا وباقي لها ريال قلت لها ما عندنا صرف سامحينا عليه أو اعطيك موية جت قالت لي لا ما ابي موية صاملة على الريال بعدين قالت خلاص بجلس عندكم لين تلاقون صرف يعني ليه توقفون على الريال؟ وش بيفيدك الريال؟

لو مادفعت لك الريال هذا ماعطيتها الطلب خلونا واقعيين ارجوكم

طيب مويتك هذي الي بريال لو طلبتها منك مجانا بتعطيها!؟ طبعا لا فخلاص عض شحمه وخل عندك صرف

#لا_تخلون_ريالكم والله انها كفووو. اما اخلي ريال ولا نص ريال لو تطلب منك حاجه سعرها ب ١٥ ولا معها الا ١٤ ماعطيتوها. خل عنك مسوي محتوى ع زبونه تطالب بحقها اجبار الزبون ب مويه بدال ريال تشترون المويه ب ١٠ ريال فيها ٤٨ حبه يعني تكسبون ٣٨ ريال عشان كذ لاتخلون ريالكم

كفو عليها ايدها و بقوه نفترض لو انه العكس كان باقي لك ريال هل بتسامح 😏؟

لو حسابها 15 و معها 14 ما مشيتوها

قبل تعصب وتزعل اسال نفسك هاذا السؤال لو فيه اكثر من عميل جاكم خلال اليوم وطلب واعطاكم المبلغ ناقص بريال او هلل هل راح يكون نفس كلامك ؟ هل بتقول ريال وش بيفيدني خل امشي الطلب؟

من حقها حتى لوكان ربع ريال لوالعكس مايسامح البائع سبحان الله امركم عجيب الزبون اذا طلب حقه تستغربون وتنتقدون واذا العكس حق من حقوقه

أنا يوم استوعبت الشركات تحاسب ع الريال والهللة ما عاد أتنازل عن حقي هذاكم شركة ورأس مال وأرباح وتفرق معكم الهللة وش عاد أنا فرد يكدح لكسب رزقه

على هالطاري مرة من المرات رحت اشتري تشوكلت العيد من محل معروف وكان الحساب شيء و 4 هلالات وبما إني دفعت كاش رجعت لي الباقي لكن 96 هللة مارجعها انقققهرررت من تصرفها والطابور وراي شكثر قلت لها باقيلي 96 هللة قالت ماعندي وتعابير وجهها تقول يالله اللي بعدك لكن وقفت لها وماخليتها قلت

لو حصل العكس ماتنازلتوا حتى لو على ربع ريال تبون تحسسون الناس ان هالمبالغ الزهيدة عيب الواحد يطلبها وريال على ريال تصير الف نفس حركة الهايبر الفلاني اللي يجمع باقي الهلل من الناس بحجة التبرع للجمعيات واخرشي تنحسب تبرعات باسم الهايبروالله اعلم وين تروح هلل على هلل ماهي مبالغ بسيطة

طيب حط اسم المطعم او الكافي عشان نقاطع لان للاسف ماحزنت عليك .. اول شي ماعندك صرف ولا اخلاص وتطقطق على عملائكم وفرحان تنزل فديو الريال حقها لو من كل الزباين بتطلع ريال كديتو خير غير الفاتورة النظام واضح او حط لوحة انك ماعندك كاش عشان محد يدخل

والله كيفها انتم هلله وحده ماتسامحون فيها من حقكم وهي من حقها لا تجي تتفلسف انت وغيرك أنا خليت موظفه تقفل المحل وتطلع تدور علشان بس ريال ممكن ممكن لو أخلاقها كانت تمام بسامح 😙

ياخي لاتشتغل باريستا او كاشير إذا ما تحترم حق الزبون! والله لو هللة هذا حقها ولازم تاخذه، لو مليونيرة وطلبت هللتها تجيبها الله لا يهينك! إذا ماعندك صرف هذي مشكلتك انت ماهي مشكلتها، وإذا الريال بالنسبة لك مايسوي شي هذا دليل على فقرك وضعف حيلتك. مافيه غني ماحط ريال فوق ريال بداياته

اسأل نفسك : ليه حتى لو ربع ريال ما تسامحون فيه ؟!! هذا حقها و لازم يرجع لها ، حتى لو يكون هللة واحدة .. و بعدين أنت ما تعرف ظروفها و ظروف غيرها .. طالع تصوّر و تنشر عشانها طلبت حقها في باقي الحساب ؟!!! غريب أمرك …

لما رحت اخذ قهوه و حلا و وباقي لهم نص ريال ما خلوني اطلع إلا لما ادفعه ماغير واحد زبون دفع عني النص ريال جزاه الله خير ويجي حق القهوه يعتذر لي قال انو محسوب عليه ولازم يتمم الحساب انزين انت تتكلم عن ريال كامل ومن ابسط حقوقها يعني مو شحاذه

القهوجي ذا لو يصرفون له راتبه ناقص" ريال" يسوي قضية راي عام في تويتر

لانه من حقها وفلوسها لو المحل بقى له هلله والله مايخليها تروح لين تدفعها

المطالبة بالحقوق ليس استفزازاً .. حقها وتبيه. إذا ما جاز لكم إصرارها- شف الريال اللي مع زميلك وعطها إياه. لو جيتكم وناقصني ريال، تعطوني قهوة؟ يمكن تقول: نعم عشان تطلع من هالموقف 😎 «جتكم ضايقه وناقصها كافيين وأنتم نقصتوها ريال وكرامة» مع الاعتذار لمانع اليامي.

عادي وانتم ليه توقفون على ريال في بعض المنتجات مثل في منتج ب١١ ونص لي النص تأخذون كل شي لكم لكن احنا لازم نرضى نرمي فلوسنا والله كفو عليها حقها تاخذه فلوسها ماجات بالبريد ولا احد زهم عليها تعالي يا فلانه خذي هذه لك لا فلوسها تعبها تعطيك كذا بالساهل ليه؟؟؟؟ وسيع الوجه زعلان بعد!

انتو توقعون على الريال اذا ما معنا ي الكوفيهات واذا قلت ما عندي قال هذا حق صاحب المحل

معليش لو باقي لي ريال من قيمة الطلب ماراح تسامحني عليه ف لاتستغرب لما الزبون يطلب حقه لو نص ريال ياليت توفرو (جميع الفئات في عهدة الدرج ) حتى ماتتعرضو لمواقف زي كذا مستقبلاً

لا والله كفو عليها المعامله بالمثل لو هي جات وناقصها ريال ماراح تسامحوها عليه هالشي المفروض نسويه كلنا نطالب بالريال ولا ناخذ مويه او علك مثل ما يسوون هم

انا اكره هذي العادة بسبب انها تصير كثير وريال ورى خمسة تصير ميه ما بقعد اوزع فلوسي على الخلق انا ، دبر صرف وابدا شغلك اما كل ما رحت مكان وقال لي ما عندي صرف وش استفيد اذا فلوسي طارت على هالسالفة

صارت معي طلبنا اوبر نزلنا عطيته ٢٠ قال مامعي صرف سامحيني على ٢ ريال قلت طيب. رجعنا مع اوبر عطيته ٢١ قال مامعي صرف سامحني علىريال قلت طيب. ثاني يوم مع اوبر عطيته ١٥ قال سامحيني مامعي ٣ ريال . قلت ليش كلكم مامعكم ريالات؟ عصب وقال لي والله والله مامعي ماكذبت عليك سحبتني اختي وسكت.

ابسط حقوقها ..السؤال هنا ليش ما تجيب صرف انت؟؟ تدري المشكله فين انك مصور مقطع كانك صاحب حق ..!!

طيب انتم لو لكم هلله ماراح تعطونا العميل حقه وتزعلون اذ الواحد قال هات الباقي. عليكم توفير هلل في المحل

حقها وليس من حقك تنتقدها

بعض المتاجر والمستشفيات والكفيات إذا تبقى لنا هللات نص ريال أو ريال ما يرجعونها للعميل والزبون وإذا طالبنا بحقنا استكثروا الموضوع وكأنه شيء ما يستاهل لكن كيف يكون عادي تأخذون الباقي من فلوسي وإذا تكلمت أو طالبت بحقي صار الأمر مزعج لكم؟ وصار باب للاستهزاء والتندر المال حق لصاحبه مهما كان المبلغ بسيط ولا يجوز أخذ شيء منه بغير رضاه إذا ما عندكم صرف فرجعوا المبلغ بأي طريقة أو عوضوا العميل بسلعة برضا العميل علك ، ماء الناس ما تحلل أحد يأخذ من أموالها شيئاً بغير حق والحق يبقى حقاً مهما صغر مقداره ما أسمح لأحد يأخذ من مالي هللة واحدة دون إذني كما أني لا آخذ من أموال الناس شيئاً بغير حق ولا أكتبوا كتابة صريحة الهلل سيذهب للصدقة هل توافق واتركوا الخيار لنا

شغل النصب حق المحلات ،، حق الزبون رجع له حقه وفر صرف ريالات وهلل واعط كل زبون الباقي ،، فيه كثير محلات يطلع على الزبون مثلاً 25 ﷼ 30 هلله يقول جيب الهلل قبل 30 ﷼ يخليك تصرف خمسة أو عشرة ريال ما اقدر المحل يحسب علينا الهلل ،، يوم طلب الزبون حقه الريال يقول ايش يفيدكم الريال 😡

من ابسط حقوقها تاخذ فلوسها لان لو انتوا باقي لكم هلله وحده مارح تخلونها تمشي لين تدفعها من ابسط حقوقها تطالب حتى بربع ما اشوف انه عيب او حرام فلوسها وهي حره ما اشوفها علطة ابد 😒

معليش من حقها حتى الهلل انا صرت احسب حتى الهلل يعطوني لن بالمقابل لو نقصني انا كعميل هلله او ريال بتعطيني منتج؟ لا طبعاً فخلاص من حقها لي مستنقد

ليتها بلغت عليكم وتعرفون فايده الريال اما خلوا الدفع شبكه واجباري مع انه مخالف وممنوع او وفروا صرف فلوس اما مصور فديو وتهاجمها عشان باقي فلوسها سلامات يغلطون ويحولون الموضوع كأنك غلطان عشان تبي حقك ، ريال على ريال يطلع مليون من ورى سرقة الزباين

من ابسط حقوقها ترجع لها ريال غصباً عنك ماهو برضاك ، ويقول المويه بريالين بس يالله مسوي متجمل عليها بعد ، من متى صارت المويه بريالين 🤷🏻‍♂️

من حقها ولا تسوي فيها مقطع على سالفه انت فيها غلطان انت محل لازم يكون عندك مخزون من الريالات والنقد لمثل هذي الحالات مشكلتك ذي وتحملها لا تحط محتوى يفشل

لو انتم باقي لكم ريال بتتنازلون عنه؟