شاب يشارك موقف : جتني زبونة طلبت ماتشا وباقي لها ريال قلت لها ما عندنا صرف سامحينا عليه أو اعطيك موية جت قالت لي لا ما ابي موية صاملة على الريال بعدين قالت خلاص بجلس عندكم لين تلاقون صرف !! يعني ليه توقفون على الريال؟ وش بيفيدك الريال؟

الموضوع ماهو أنها محتاجه الريال أو غير محتاجته الموضوع أنه حقها أذا سامحت خير وبركه وأذا ما سامحت فدبر لها ريال الناس اللي تتفلسف في الردود وتقول هذي بخيله أو تأخذ ماء وتنقلع ترى ماجأت تشحذ منك جايه بفلوسها ولو نقص من فلوس الطلب ريال والله ما يعطيها الطلب فبلاش فشخره كذابه

والله ودي واحد يروح له ويطلب ماتشا ويعطيه الفلوس وينقص ريال ويقول عندي مويه جديدة خذها بدال الريال ابغا اعرف ردة فعله اقسم بالله مايسامحك حتى بخمس هللات

المحلات لا تتنازل أبداً عن أي هللة لصالحها وتحاسب الموظف بدقة على أي عجز في الصندوق ولو كان بريال واحد وحين ينعكس الموقف ويطالب العميل بحقه يُقابل بالاستخفاف والسخرية من هذا التافه وأمثاله وكأن المطالبة بالحق جريمة. ​العدالة لا تتجزأ فكما يُطالب العميل بدفع المبلغ كاملاً دون نقصان من أبسط حقوقه أن يسترد باقيه كاملا حتى لو كان المبلغ بسيطا جدا أما هذا الموظف فأتمنى أن ينال عقابه من الجهة المختصة

لو انه ناقصها ريال ما عطيتها الماتشا فكونا من الكذاب

@gbranit المفترض من صاحب المحل يوفر صرف بشكل يومي عشرات خمسات ريالات هلل بجميع فئاته إذا في عنده شيء بكسور وفي النهايه زي ماتبغى حقك العميل يبغى حقه

وليه مااديتها الماتشا مجاناً وكفى الله المؤمنين شر القتال

@gbranit لو باقي ريال في الحساب ما تعطوها بدونه هذا حقها وبلاش فلسفه ولا تسرقون اموال الناس بحجج واهيه

لو كانت ماتشا ب١٥ وعطتكم ١٤ بتوافقون لان بتقولون فواتير وسستم ونظام والمحل ومانقدر لاحظت دايم المحلات عادي ينقصون حق العميل ويشوفونه مو محتاج بس هم الريال مايتنازلون عنه لذلك كفو عليها ، ماعندي مشكله نسامح ودايم نسامح من انفسنا بس يتكلم عليها ويضحك كانها غلطانه على تبن

و هما لو باقي لهم ريال يفضحونك فالمحل كله 🫠!، والله انها كفو م تنازلت عن حقها

@gbranit عن نفسي البنت صاحبة الريال اشكرها مهما كان وصار لا تتنازل عن نص ريال لأي محل او مطعم كوفي قهوه ابداً . غلبني من قال حقي وهذا حقها لا تستهين بالريال الريال فوق ريال يجيب مليون

طيب دام انت مو هامك الريال..رجع لها خمسه ..عشره..اللي متوفر عندك او اعطها المشروب مجاني..يعني بيتقفل محلك لو اعطيتها الماتشا مجاني!! حسب المنطق حقك

حقها لو كان ربع ريال ذا حق ومالك حق انك تنقد عليها لو بقى لك ريال عندها هل راح تعطيها طبعا لا راح تسوق امها وتقول انك موظف ومالك دخل وانه راح ينخصم عليك ومن ذي الحركات

لا وعينه قويه يقول المويه بريالين بس عشانك خذيه بريال من متى صار المويه بريالين لا وتحصل مويه علبه صغيره بنص ريال الشرهه مو على الكافيهات الشرهه على كل واحد مسسؤول عن عائلته يجي يشتري من الاماكن هذي

يعني انتم عادي تنقصوا من ثمن قهوتكم ريال للزبائن اللي ما معاها ثمنها كامل

لان المليون يبداء بريال والمليون لو نقصنا منه ريال هل يصبح مليون؟؟؟ ياعالم تراه مو عيب تاخذ حقك لو هلل دامه حلالي كيفي ابيه ومن كمال العقل انك تاخذ حقك من فلوسك كيفه ياحبيله الحمدالله اني قصيميه تعلمنا ان المليون يبداء بريال ولو نقصنا من المليون ريال ماصار مليون

لو ربع ريال او هللة من حقها تطالب بها لان هذه حيلكم تقول ما عندي ريال لييش ما اعطيتها الطلب ببلاش انت وكل واحد ما طلعه من بيته الا الريال. لا تسامح احد ولا تعطيهم اياها يقولون بيتصدقوا بها عنك الله ياذا الاجواد لا تتصدق بحق الناس والا انك تفعل الخير نقص الاسعار خلك منافس جيد

وش البجاحه اللي فيك اول مره اشوف واحد زعلان عشان شخص يطالب بحقه

لو بافي لكم ريال ماتعطيها الطلب الا تدفع النص قيل الريال عالم غريبة

@Psycholg ياسلام حلوه فكرة السرقه هذي ملاحضه انها منتشره مره حتى ببعض المطاعم كيف ترضون على نفسكم تسرقون الناس بالريال والنص طيب ليه ماتتنازلون عن الشي اللي يسبب وجود كسور اما توفرون خرده للناس وترجعون حقوقها او لاتبيعونهم شي غصب عليهم او تطلبونهم يتنازلون اتقوا الله تذكروا في اخره

كنت اتردد بشكل شبه يومي على محل كنافة يمني في منطقة نائية وسعر الكنافة 30 ريال يوم من الايام كان معي 29 ريال واقرب صراف يبعد 11 كيلو قلت له اذا رجعت اعطيك ،رفض وقال روح اصرف واترك الكنافه هنا وقتها عرفت ان التجارة ثقة قبل كل شي وبعد اقل من سنة رجعت للمكان ولقيت المحل مقفل خسر

مشكله نفس الموظف و المحل لو بقي ريال مستحيل يعطيك الطلب

هاذا مايستحي على وجهه هاذا من ابسط حقوقها سبحان الله اذا صار الزبون متضرر عادي لاكن لو صار العكس والله ماتعطونها القهوه الا قد دفعت المبلغ كامل ولو نص ريال دفعتوها طيب اسائل الشركه هاذا السؤال وش يفيدها النص ريال؟ اكيد يفيدها طيب هاذي الاخت يفيدها الريال في اشيا ثانيه

هم ماراح يسامحونك على ربع ريال ولذلك لا أحد يتنازل عن هلله لأي محل

بجيح زعلان ليش تطلب حقها الله 😒

أوك ،، إذا كان سعر الماتشا مثلاً بـ 20 ريال ،، وجاتك زبونة معها 19 ريال ، وقتها انتم بتتنازلون عن الريال ؟! هذا في حال إنه فعلاً جاتك .. هذا حقها لو بس هللة ، اعطها حقها بدون تحلطم

علشان كيذا خليكم من حركات الاسعار الغبيه ٩٩ / ٨٩ / ٣٩ / ٩٩٩٩٩٩ اي شي فيه ٩ م اشتريه😬

لو نقص من زبون ريال بتسامحه ؟ لا لذلك نفس الشيء

من أغرب القصص واحد يطالب بحقه والثاني ينتقده ويسخر منه الدنيا ايش صار فيها

حق من حقوقها لوبقالك ريال ماتركتها لين تاخذ الريال او تلغي طلبها

ريال على ريال وعلى ريال وعلى نص وعلى هلله شف عـــاد كم عميل انت سويت معاه هـ الحركه 😉 وبعدين لو باقي لها لو هلله من ابسط حقوقها انك ترجعه لهـــا وماتجبرها انها تشتري فيه ولو فرضنا الماتشابـ24وعطتك هي 25 وماعندك ريال ع قولتك كان انت تنازلت عن 4 الريال وقلت لها بخليه لك بـ20

لانه لو الريال الك ما سمحتها فيه كان طلبته منها

عجيب يعني الريال ريالها وانت تقرر وش تاخذ هي او تسامح! الله يذكر ايام كنت افر المحلات جمب دوامي عشان اخذ صرف ريالات بدل لا اجبرهم على شيء مو محتاجينه

هذا يدل على عدم فهمك يااخي العزيز لطبيعة التعامل مع مختلف نفسيات الزبائن لذا لن تستمر في هذه المهنة او اي مهنة تتطلب التعامل المباشر مع الناس. المبدأ هنا ليس الريال او الريالين وانما البنت ترى فيها استغلال منكم لها مايهمها اذا انته عندك صرف او لا

يمه ترا كلها ريالين اقسم ب الله إذا باقي فلوس ريال ولا ريالين حتى النص ما اخذها أعطيهم ايها حلال فيهم

لو كان الموقف عكس يسامحونها بالريال طبعاً لا