شخص ينشر مقطع ويعلق: هذا حالنا يا المتقاعدين في الإجازة الحرمة والورعان راقدين لافطور ولا غداء لاتعطونهم إجازة

تصير معي بعض الاحيان احصلهم نايمين وبفضل الله اسوي فطوري بنفسي وافطر ولا تكلمت في المواقع والحسابات وسويت هيلمه ما في داعي لهذ الحركات استر نفسك وبيتك وستح على وجهك

يا ابن الحلال لاتدقق وراهم في الاجازة الا على صلاتهم ودينهم هذي فترة نقاهه وراحه وخاصة الام تربية مذاكره غسيل طبخ نفخ وتقابلك ما يضرك شي لو اعتمدت على نفسك في فترة صحيانك قبلهم وان صحو ان شاءالله مايقصرون ( اللّين ما دخل في شي الا زانه )

أتابع التعليقات الساخرة من الرجل واتمعن في كيفية انتكاس الفطرة السليمة وكيف تدهورت المفاهيم والقيم وسادت السلوكيات السلبية وصار المنكر معروفا والمعروف منكرا.

بعيد عن طريقة تعبير الرجل نداء للزوجات والابناء اتقو الله بمن راعاكم وانتم صغار وكان يعطيكم وهو محتاج الزوجة اتقي الله بمن اطعمكي سنين وذاد عنك المصاعب صاحبيه واقعدي معاه تراكم خطار بالدنيا وهنيالك يافاعل الخير والسلام

مادام عنده وقت يجعل له ساعة مع القرآن وتزين أموره،ويروح عنه الفراغ اللي مضيق صدره،ويشغل نفسه بحرفة أو بيعه وشريه،ولو فيه ديوانية تجمع المتقاعدين يكون أفضل.. أعانهم الله، وفرج همهم

تزوج لك مغربيه وشف والله تخليك مللك من ملوك الدنيا صلح زيي عندي مغربيه ما خلت عليه قاصر

بما انك بصحتك اشغلك نفسك وزين فطورك ماهي صناعة صاروخ ماهو ضروري تاكل عريكة وخبزة واكلات شعبية عط الحرمة فرصة ترتاح في الاجازة الرسول وهو الرسول صلى الله وسلم كان يساعد اهله . الله يصلح الحال

كارفها ٣٠ سنه تغديه وتفطره وتعشيه .. واخرتها كفر بالنعمه وانتقدها أمام العالم

العالم فيهم بلى ينشرون اي شي ياخوي هذي خصوصية لك الناس بتقول يا انك خبل أو أن زوجته معطتك أشكل استروا على بيوتكم واهلكم وابنائكم

صلح قهوتك وقدوعك عندك ، هذا فطور يالشايب اللي ما استحى

بالعكس ياعمنا،هذه فرصة للهدوء والاسترخاء وممارسة الهوايات، وإذا عن الفطور أقرب تميس أو مطعم على اليمين أو اليسار، وخلهم يرتاحون، لاتكبر الموضوع

ياخي تزوج دور لك بنت حلال عمرها بالثلاثين بالاربعين تدلعك وش لك بهالعجوز اللي متمسك فيها خلها تنام مع عيالها ، استمتع يالرجل ، الحياة أفضل من كذا

ماعندهم شي يطبخونه لك وانت اللي تقول ١٠٠ ريال تصرفني ٣ ايام

وايام الدراسه تلقاه يحك كرشته ويتبطح بالصاله لا يذاكر لعياله ولا يتابعهم بمدرستهم ولا يحضر معهم في المناسبات المدرسية ولا يروح يحل مشاكلهم وكل الشغل على امهم تذاكر لهم وتربيهم و و و وهو كل همه بطنه وحاسدهم على شهرين ترتاح فيهم الحرمه من ارهاق ١٠ شهور دراسه وتربيه وطبخ

ولله الحمد متقاعد. واستقدمت عامل. في الاستراحه ومعي في الاجازه في الصيفيه يخدمني ويسوي فطوري وقهوتي. اكرم نفسك بنفسك لا تنتظر احد

حال مرثي

رح اخذ لك زوجة جديدة وخلاص 😎😎😎😎

فول وتميس بريال يا شيبة عرعر وخل الناس يرتاحون متعود على الصفات ويبغى يشغل خلق الله هههههههه

ايام الدراسه ٩شهور والعيال يداومون من صباح الله والامهات يتعبون معهم وانت نايم ومرتاح وراتبك يجيك بدون تعب وانت ممد رجليك ! بتحسدهم خلهم يرتاحون ويستمتعون بالاجازه ماهمك الا بطنك !

يا ارجال ارخ الريال وافطر في اي مطعم والا انت تعلم لو تقلي بيض ترا الامور طيبه ولاتبالغ

تزوج ولف الدنيا مع العروسه الجديده ولما يصحو تكون قد رجعت عشرين سنه للخلف

المعادله محسوبه ومحسومه منذ الازل (رجل قائد ومسؤول = حرمه سنعه ) على خبري الرجال مايصور بفلاتر والا تاكي في البثوث يشكي ويبكي وكبسّوا وطنطنوا 🤮

معقوله بهالسن ويدور شهره ومتابعه ونشر وفلوس بالتصوير على حساب سمعة اهله !!!

شد حيلك دامك فاضي وسوي لك فطور وغداء لك واذا تبي تشاركهم يكون احسن لك. استغرب من اللي يهمل أهله وعياله ويتركهم منفلتين ويبيهم يلتزمون معه. تبي عيالك معك تعامل معهم وعيش بينهم راح تلقاهم معك صاحيين باوقاتك

يبن الحلال بعد التقاعد برد اذا انتهى اليوم خله وراك الله يسلم البوفيه 5 ريال تفطرك ليش تزعج اهل بيتك عشان حليب وبيضه خلك اجتماعي مع التقاعدين اول الشهر غير جو معهم رحله بر بحر سفره كم يوم عيش حياتك

لاحول ولا قوة إلا بالله/ الله يصلح الحال

تزوج

الحمدلله ماهو ابوي 🤢🤢🤢

هذا مهبول ياكل الرقاع

وش نسوي لك انت وجهك من طلاقتك 😂

نصيحة اخدم نفسك بنفسك لاتنتظر منهم خير ابدآ

اعرس على اجنبيه تقوم من الصبح. شوري عليك

يا شين الرجال اللي ينشر غسيل بيته ومن زين وجهك تسويلك فطور