صادقه فعلاً البيت لاهل البيت الضيوف اعزميهم بكوفى ولا منتجع .! وش رايكم

وش قلة الاصل ذي زمان في خيم ويستقبلو الضيوف فيها والحين فلل وبيوت وتقول كوفي الحمدلله والشكر بس ، لا هي صادقه ولا ياخذ منها نصيحه والي مثلها الخلل فيها اذا الواحد ما يعرف يربي ويمسك بيته لا يخلف واذا خلف لا يعطي نصايح ينطم ويسكت

هذا والله من الردى وسواد الوجه عيب وشق جيب قال الرسول صلى الله عليه وسلم (من كان يؤمن بالله واليوم الاخر فليكرم ضيفه ) الاشكال هاذي بتدخل علينا عادات غير عاداتنا ودين غير ديننا من متى اسحب ضيوفي وراي بكوفيهات

الحين هي عارضه حيااتها للعالم حتى شفنا سروال زوجها !! الضيوف بتعزمينهم بكوفي 😂 . من عرفناهاا عمرها ماعزمت احد او شفنا عشا بيتها او عشا اهلها او عندها قرايب ، حبيبتي اذا بتتكلمون عن كرم الضيف عيب تعزمينا برا وانتي عندك بيت الا اذا كنتي ساكنه بشقه صغيره او مكان يفشل !!!

يعني تراني الام الخارقة الي ماعندي مجال لاحد وقتي وبيتي وجهدي كله لعيالي!!! اول مره انتقد احد بالعادة دايما مؤمنة بأن الناس أحرار وكلن ومجتمعه وظروفه لكن الضيف ضيف الله من طلعنا على الدنيا وهالجملة يرددونها اهلنا وبيوتنا الحمد لله شرحة نحط مجلس استقبال للضيف وغيره ماتفرق وتعودنا في بيوت اهلنا ملحق لاجانا ضيف ايام قبل يكون له راحته وخصوصيته ( ايام ماكانت الناس تنام بالفنادق خصوصا الي يروح لمكان فيه واحد من اقاربه )غرفه بحمام وان ماعندنا ملحق كانها مره تنام بافضل غرفنا وفرشنا وان كانه رجل ينام بالمجلس والامور طيبة اكرام الضيف واستقبال الاقارب والاحباب عادة جميلة تعودنا عليها من طلعنا على الدنيا ولا سمعنا بذا الكلام بيتي مهيأ لاطفالي فقط !!! مدري المشاهير على وين بيودونا كل يوم سالفه امغص من الثانية !! والمشكلة يأيدونهم الي مايعرفون سلوم البدو والعرب 🫠

البيت اللي يكثر فيه الضيوف هو بيت يحبه الله، قال رسول الله صل الله عليه وسلم :" الضيف إذا دخل بيت دخلت معه ألف بركة و ألف رحمة"

ذي مسوقه لافكار تخدم المنتجعات المهجورة والاراضي الصغيرة اللي يستثمرونها منتجات سكنية يالله تشيل اهل البيت ما نبي نبحر مع هالافكار لان الشعب هو اللي بدفع ثمن هالجشع اند هي كذابه تقدر تجيب قصر للضيوف لو تبي هالافكار بس للضعوف الاستهلاكيين اللي يحسبون كلامهم هو الكشخه

مافهمت ليه اغلبيتكم مؤيدين كلامها شلون مايجيكم ضيوف يعني ماعندكم مجالس رجال ؟؟ طيب مقلط حريم! عجيبب احس شيء اساسي يكون مكان خاص للضيوف بكل بيت

لا والله عندنا مجالس حريم ومجالس رجال والعزايم تمشي بالويكند وكل م لذ وطاب تخيلو بيت بدون ضيوف الاطفال عندهم قسم كامل وازق تربيه عيالها وتربيتها لا احد يخذ بكلامها يضيع ويصير قطعه رحم

الحمدلله الذي عافانا مما ابتلاها وفضلنا على كثير ممن خلق البيوت الذي يدخلها الضيوف هي بيوت يحبها الله وتتنزل فيه البركات والرحمات ويقال إنه بيت يرحل فيه الضيوف بذنوب أهل البيت وقديما يقال عن البيت الذي لاتدخله الضيوف بيوت خربة حتى الفقراء كانوا يضيفون حسب قدرتهم

بيوت اهالينا مفتوحه للضيفان والعزايم والذبايح ماتوقف يازين البيوت اللي فيها ناس داخله وطالعه احسن من البيت المهجور اللي محد يدل بابه

يكون عندي بيت ومااعزم الناس واتفاخر 😕 البيوت تتبارك بالضيوف واصلا اللي مايعزم لايروح لااي عزيمه عيب ترزين وجهك وماتبين الناس تجيك يفششششششششل قلة ادب واحترام اللي يفتح بيته لا تقولين بعزمكم في كوفي وفريها

سلامات في كوفي!! وحدة نفاس والا مريضه تشيل نفسها للكوفي؟ قسم بالله انكم مرضى وفيكم الشك والبخل بشكل مو طبيعي، تعالجوا الله يشفيكم.

ضد كلامها يا زينها اذا الواحد زارك في محلك وقدّرك وقدّمت له القهوة، حتى البيت تصير فيه بركة يازين جيّة الضيوف تحيي البيوت، انا ضد الجمعات العشوائية والكثيرة اللي على قل سنع، بس جمعات الناس اللي تحبك وتحوفك لا جيت بيتها لا والله انهم يستاهلون تكرمهم وتضيّفهم وتحطهم بعينك

ماتعودنا ولاهي مطبايعنا يجينا الضيف ونكرمة خارج البيت بيوتنا توسع كل الحبايب

اسوي بيت واستقبال ومجالس ومطابخ علشان أعزمهم في كوفي ! تستقبل الناس في بيتك ويستقبلونك في بيتهم الحمدالله أننا عرب وبدو ونفرح إذا جانا ضيف في بيتنا واكل وشرب معنا وراح نورث هالعادات لأبنائنا وأحفادنا اللي تتكلم هذي يمكن لأنها مشهوره وصار عندها حدود وقيود مع اللي حولها

قال رسول الله صلى الله عليه وسلم: "من كان يؤمن بالله واليوم الآخر ، فليكرم ضيفه" مو كأنك فقيرة جدا وماتقدرين توفرين غرفة للضيوف تكرمينهم وتعزينهم فيها اما اللي تقوله هذا اسمه قلة ادب وقلة دين وبخل وجشع وتقصير وسواد وجه والله.

آخر زمن الرخاص والسفور والمتبرجات واللي يسافرون دول العالم بدون ازواجهن يعطونا دروس كيف نعيش وكيف نبني بيوتنا وكيف نصمم الغرف وإحتياجات العائلة جهنم تنتظركم بفارق الصبر على كل الأفكار والمعتقدات اللي شوهتوا فيها عقول البنات وهدمتوا بيوت و دمرتوا عوائل حسابكم شديد

ماباقي غير هذي تعلمنا وين نعزم ضيوفنا !!

ما أتفق معهم الضيوف لهم قدر واحترام وأخصص في بيتي مكان مناسب لهم ( في الويكند الماضي نازل مع ولدي صديقه من الجنوب أول مرة يزور الأحساء عطيناه جهة المجلس يسكن فيها أيام تواجده والحمد لله على النعم 🤲🤲)

الله والبيت عاد كله شغالات وخدم بلاه رجال البيت رخمة كيف بعدين عياله يعرفون قيمة اكرام الضيف اذا البيت مايستقبل أحد

مابقي الا هالاشكال تعلمنا الاسلوم والكرم الضيف ضيف الرحمن ولادخل البيت معه بركته وتحس البيت فيه حياة وونسه اما حركات الكافيهات ذي ماهي لنا

اخ ماحبها مستحيل اتقبل شي منها ، الضيف بركة والرسول كان يستقبل الضيوف والزوار واوصى بإكرام الضيف هذا واحد ، اثنين ، ليه بيت كاااامل للاطفال ؟الازم الطفل يتربى ويتعلم ويخالط المجتمع والناس ، عادي اخصص لهم غرفة العاب ويكونوا فيها بكامل الحريه بس البيت كامل ؟ انا مع ان البيت لاهله

كلن حر ببيته وادرى وش يناسبه لكن عني احس طبيعي اسوي مكان لضيوف ! اي البيت لاهل البيت بس ترا غرفة الضيوف كلها غرفه غرفتين وعلى حسب مساحة البيت ووسعه و الباقي هو فعلًا لاهل البيت غير بنسبة لي مو حلوه اني ما استقبل شخص ببيتي ويعتبر قلة كرم غير عيالي لما يشوفون…يتبع

فعلا انا معاها لان الناس عينها طويلة وماتحترم خصوصيتك + خلاص الزمن تغير ف اماكن برا نستضيفكم فيها

سلامات؟؟ طول عمرها بيوتنا لها مدخل مستقل للضيوف ماله شغل ببقية البيت ..يعني تعزمين ضيوفك وفي باب مستقل ….مايدخلو ولايشوفون البيت من داخل شلون شكله….بعدين شوفو من يتكلم ؟؟ وحده عارضه بيتها وحياتها 24/7 وجايه تقول ما ادخل ضيوف فبيتي؟؟؟

والله ياذي الادمية سامه تبغا تحط عادات بكيفها يحبيبتي مو معناه انك غنية تحسبين الناس غنيين مثلك كل مازانت جلسات اعزمهم على منتجع انتي تدرين المنتجعات صايره بفلوس ؟ انتي ادفعيهم احسن حنا راضيين بعاداتنا وكرمنا وضيفنا وكل بيت فيه مجالس للشباب ومجلس للبنات عشان الضيوف الله المستعان

اول كان نص البيت للضيوف مجلس حريم مجلس رجال حمام لكل مجلس مقلط او طاوله طعام مدخل واهل البيت في نص البيت محشورين هذا كان يناسب الوضع زمان كون الناس مايعزمون الا في بيوتهم لكن الان الاغلب يفضلون ياخذون استراحات لذلك حرام يروح كل البيت ع الفاضي ومانستخدمه الا فين وفين

الناس وصلو مراحل خطره في التشدق والتشدد والانغلاق اعوذ بالله نفوس 👎. قال ايش بيتي لنا فقط. ترى الضيوف بركة في البيت والله اني استانس مره اذا زارني احد 🥺

غباء. إذا في حياتك ناس مايستحقون يدخلون البيت يعني علاقتك فيهم مرة مالها داعي. ليش تعزمينهم مقهى؟ صارت تنرفزني حركات النساء والصديقات بالذات المتزوجات الي يتعازمون بالمقاهي.. خير مشردين ماعندكم بيوت تلمكم؟؟ ش قيمة واهمية البيت إذا حافيات بالمقاهي تعتزمون فيها وبيوتكم ما يدخلها احد

من وعينا ع الدنيا نشوف اهالينا يضيفون والزيارات ما تنقطع بين الاهل والجيران وش صار بالدنيا لاحول ولا قوة الا بالله

مافي راحه بالكوفي وموالكل قادر ع انه يحجز منتجع والحين الحمدلله الاغلب بيوتهم كبيره اقل شي اخصص غرفة مع دورة مياه للضيوف واخليها مسكره وباقي البيت خل ياخذون الاطفال راحتهم فيه

الي تتكلم اصولها مو عربيه اصلاً يعني ماتعرفي بسلوم العرب شي وش الي اذا عندي ضيوف اوديهم كوفي ولا استقبلهم ببيتي ؟؟؟يخربيت الرخامه

وكل مره اعزم بااخذ منتجع او شاليه او كوفي.. عجيب والله احنا عندنا جمعات اسبوعيه تخيل كل اسبوع اتخسر بحجة البيت لااهل البيت..

ابراهيم عليه السلام كان يدور رجل يضيفه حتى بيوم وهو يبحث عن ضيف ولم يجد عاد و وجد رجل في منزله قال من ادخلك منزلي؟ قال ادخلني رب هذا البيت قال ومن انت؟ قال انا ملك الموت اتيت لرجل اتخذه الله خليل قال من هذا الرجل لاجاوره؟ قال انت ي ابراهيم لانك تعطي وتضيف ولا تسال

بالعكس الضيف يجيب البركة للبيت أنا احب جمعات البيوت لسه على الطريقة الأولية و السهر في البيت الأطفال يلعبون مع بعض في البيت كل شي له حلاتة وجوه اوكي الكفي حلو إذا بغيت طلعة خاصة او رسمية او حابه احلي وأغير جو والمنتجعات هذي زي الرحلة فأكيد حلوة بعد بس صراحة جمعات البيوت بعد لا غنى عنها ساعات تحبي تاخذي راحتك وحتى ضيوفك في لبسهم وجلستكم يعني excuse me lol lol