طبعاً الـ مايعرف امريكا ، وليش الناس هناك يكفرون بساعة السودة اللي صاروا بيها امريكان او حصلوا عالجنسية الامريكية والجواز الامريكي ، فـ هنا راح اوضحلكم شنو هي أمريكا باختصار : * أمريكا وبموجب التصنيفات الدولية تعتبر من أسوء دول العالم من ناحية الخدمات البلدية .. * الجواز الامريكي... من ٢٣ سنة مضت يتذيل جوازات العالم كـ أسوأ جواز بيها .. * امريكا تعتبر من اكثر الدول فساداً في العالم ، وهي الدولة التي حصلت فيها سرقات لم يشهد التاريخ لها مثيلاً مثل سرقة القرن الشهيرة وسرقة البنك الفيدرالي.. * بحسب تصنيف شنغهاي جميع الجامعات الامريكية خارج افضل ١٠٠٠ جامعة في العالم ! * بالانتخابات الأمريكية لا تتعب نفسك هوايه بمسألة المشاركة و التصويت والممارسة الديمقراطية ، صوّت للي يعجبك الصندوق يسمعك بكل احترام ، لكن لاتسأل عن النتيجة لانها محسومة للحاخام سين وللمافيا صاد وبعض اصحاب المال و النفوذ ! * العاصمة الامريكية واشنطن تعتبر من اكثر العواصم ازدحاماً في العالم وصنفت مؤخرا كأسوأ مدينة يمكن العيش فيها !! * في السياسة ، تعتبر امريكا الحديقة الخلفية للمكسيك من جهة الجنوب ، ولكندا من جهة الشمال وكل سياسي امريكي تسمعه يگلك قرارنا امريكي گله سلملي على خالتك ليندا … * الوزارات الامريكية تعد الأسوأ في العالم من نواحي الاداء والنزاهة وخصوصاً وزارات ( البنتاغون ، التربية ، الصحة ، التعليم العالي ، امانة واشنطن ، الوقفين الكاثوليكي والارثذوكسي ) ! * امريكا تضم اكبر عدد لحملة الشهادات العليا مثل الدكتوراه والماجستير ، ولديها اكثر من خمسة مليون موظف حكومي ولكنها تعجز عن حل ابسط المشاكل التي تواجهها .. * امريكا بلد الموامنة ، وبلد السلاح المنفلت ، وبلد التجاوزات ، والسرقات ، والتناقضات ، والعصابات ، والخرافات ، والفاشنيستات ، والبلوگرات وهي الدولة الوحيدة في العالم التي تجد فيها ما لاعين رأت ، ولا اذنٌ سمعت ، ولا خطر ببال بشر .. عرفتوا هسه ليش الامريكيين يحسدونا ؟ ارجعلي زميلي المخرج احمد_مكيةshow more

Loading video...