فلل الكرتون.. التوفير الذي يصنع كارثة صاحب فيلا اكتشف هبوطًا، وحين كُشف على الميدة ظهر أن التسليح لم يُنفذ بالشكل اللازم، فحدث الكسر وبدأ الخلل الهيكلي. ما تم توفيره من الحديد قد لا يساوي شيئًا أمام تكلفة الإصلاح، أو فقدان صلاحية المبنى للسكن أصلًا. وهنا مأساة المباني الكرتونية: التشطيب... قد يخدعك، لكن ما تحت الأرض لا يراه المشتري. ولهذا جاءت اشتراطات الكود والتأمين ضد العيوب الخفية، لأن الخطأ الإنشائي الصغير في البداية قد يتحول إلى خسارة ضخمة لاحقًا.show more

وتستمر مفاجآت «فلل الكرتون»! ما يُسمى بالصرف الأمريكي كان مجرد مواسير ظاهرة للأعلى، دون شبكة صرف مكتملة في الأسفل. لا أعلم كيف نُفذ أصلًا، لكنه مقلب إنشائي جديد يضاف للقائمة.

يجب سرعة الحل : بتأسيس ميده تسمى ( تقميص) عباره عن تسليح وخرسانه ويلبس الميده من الجانبين مثل القميص قبلها دك ورص التربه جيدا ، وباذن الله يتماسك البناء ، أنا شخصيا صار لي الشي هذا وطلع تشطبات بالمبني وحليتها بالتقميص ( وعلى حساب المقاول بعد تهديده بالشكوى ومنع سفر ) .

خبره 🫡

ياشيخ عبدالعزيز الخبره جتني بعد اللدغه 😎

هذا تعريف الخبره،، تتعلم مع التجارب

عشان كذا الي يقدر يشتري ارض ويعمرها بنفسه يشتري لايتردد راح يعمر وهو مرتاح وراح يوفر عليه مبالغ كبيره الاراضي الايام هذي في نزول ويبتعد عن مطورين الغفله والله يوفق الجميع

بالعكس، أنا ضد البناء الذاتي لمن لا يملك سيولة وخبرة كافية. الغالبية اليوم تشترون مساكن جاهزة بتمويل بنكي، وهذا خيار منطقي. المهم ألا تبحث عن الأرخص فقط، بل عن المعادلة الصحيحة: مطور موثوق، جودة جيدة، سعر مناسب، وموقع مناسب. فالبناء الذاتي يحتاج مالًا وخبرة لا تتوفر للجميع.

بيتي في الرمال لي ١٣ سنه من شريته رممته بنص فيمته بياره تطلع من مكيف بياره جاري دخلت علي تصدعات ماتخلص بلاط يتقشر بلاط يطير صوت المستاجر اللي في السطح اسمعه لكن ع الله

لاحول الا بالله

من ترك عنزه عند غيره تبي تجيب له تيس . راقبوا حلالكم و وقفوا على مشاريعكم بأنفسكم والله لا بيرحمك الوافد و لا بيسامحك البنك (لأنك مجرد مال 💰)

صدقت من لاحظر عنزه جابت تيس

انا واحد من المتضررين ورب البيت عيال حرام اللي اشتغلو عليه وانا اتكلم عن التاجر السعودي اللي تارك المقاول يشتغل ولا يجيه ابداً وبعد مايخلص ذا التاجر يحلف الله انها بناءها مثل بيته

الله يعوضكم

سؤال .... ليه ما يصير فيه تشهير بالمقاول ؟

ان لقيته اصلا ،، حداد ببدله مقاول للاسف

اتوقع دكتور عبدالعزيز انتهت هالأمور من 3 سنوات وأكثر ولله الحمد مع إلزامية التأمين على المبنى شركة التأمين صارت تنشب في حلق المطور في مراحل العظم كاملة وهذا هو المطلوب .

صدقت فالوضع الان اكثر حزم لكن لايخلوا من تجاوزات بالطبع

من وجهة نظري بيت العمر ابنيه بنفسك او اشتري من فرد اما الشركات اللي تسوي مشروع فلل سكنية ويخلص بسنة وش يضمن لك جودة البناء !!!

لا يوجد بيت العمر، بل بيت لكل مرحلة من العمر تبدأ الحياة غالبًا بإيجار أو مسكن صغير، ثم منزل مملوك، ومع نمو الأسرة والدخل يأتي الأكبر. وبعد زواج الأبناء والتقاعد يصبح المنزل الأصغر والأقل تكلفة وصيانة أكثر منطقية. لكن كلما تقدم الإنسان في العمر صَعُب الانتقال، فالبيت يتحول من عقار إلى ذكريات. لذلك اسكن لمرحلتك، لا لكل عمرك.

أنا بنت وعمرت بيتي بناء ذاتي وكنت أوقف عليهم مع المقاول كني فاهمه وصرت فاهمه نصيحه البناء الذاتي تعب وإرهاق لكن بالأخير تنام في بيتك مرتاح

ماسورة التصريف المفروض عملوا حسابها اثناء صب الميده واضح انهم نسوا هالخطوه عشان كذا كسروا الميده وقصوا الحديد عشان يمرروا ماسورة التصريف . توفير الحديد ماله علاقة المفروض يكون السباك حاضر كل مراحل الصب

ممكن لكن راجع الفيديو مرتين للتاكد

المشكله ليست من البائع النصاب المشكله من البلديات التي تتهاونه بمخالفات النصابين . والمحاكم التي لاتحكم بالعدل لاسترداد مادفعآ كاملا دون نقصان حتى ولو سكن بها من سنوات . المقاول ينفذ ما يؤمر به من قبل المستثمر هذا المستثمر وغيره يجب أن يعاقبون بالسجن سنوات وارجاع اموال المشتري😡

اللي يشتري بيت جاهز يطلب من المالك (وثيقة التأمين) اذا ماتوفرت الوثيقه لا تشترون

دايم اقول .. لا تختار مقاولك على فرق سعر المتر فقط. ممكن توفر 30 أو 50 ريال في المتر وقت التعاقد، لكن خطأ واحد في التنفيذ ممكن يكلفك أضعاف المبلغ اللي وفرته. في اغلب مشاريعنا .. التنفيذ ما يبدأ من الموقع فقط نراجع المخططات الإنشائية .. نتابع التسليح قبل الصب .. ونتأكد أن التنفيذ مطابق للمخططات وتحت إشراف هندسي. في البناء.. السعر مهم، لكن الأهم: مين مسؤول عن مشروعك بعد التوقيع وحتى التسليم

@phantom7o7 المقاول مصري

"فلوس ايش سوي ، فلوس خلي ولي دنيا" 🤣🤣🤣

حسبنا الله ونعم الوكيل هل وصل الحال وعدم مخافة الله الى هذا الحد وعدم مراعاة الذمم

الزبده لا تشترون بيوت خلوها تخيس جيب مكتب هندسي مو مصري ابد وجيب شركة مقاولات معها مهندس خاص بها وهكذا المهم المهندس مايتعرف على مهندس الشركه ولا مقاولها عشان مايرشونهم

هذا شغل المقاول السوري والمصري.. يعتبر كويس.. شفت اسوء من هذا.. علما هم المسيطرين على تنفيذ معظم مشاريع المطورين من الباطن.

الحمدلله الان مع نظام التأمين و شهادة اتمام البناء تبني او تشتري وانت مغمض اللي في وجه المقاول ويتابعه مهندسين من شركة التأمين والامانة 👍🏻 حتى اللي ما يفهم في البناء يكفونه

يستاهل البرد من ضيع دفاه ما احد قالهم يشترون من المطورين وتجار التراب ما تقدر خلك مستأجر حتى الله يفرجها عليك

هاذي نتيجة الاستراخص في مكاتب الاستشاري وشركة المقاولات تسترخص وعقب تقعد تصيح

انتبه من العماله المصريه

حسبنا الله عليهم قديكونوا شركاء وحطوا ثقتهم في أحدهم وهو خاين للأمانة ، نصيحة:إن نويت تشتر فيلاجاهزة اشترط عليهم فيديو من بداية التأسيس وصبة النظافةولكل مرحلة .

أتمنى من الجهات المسؤلة عن المطورين العقارين الزامهم بتصوير جميع مراحل البناء في سي دي خاص لكل فلا أو شقة أول بأول حرام الواحد يدفع مبلغ وقدرة ويأخذ قروض ويحرم عيالة لعشرات السنين وفي الأخير غش وتلاعب

الله لايوفقهم ناس ماتخاف الله حسبي الله ونعم الوكيل فيهم.

البناء الذاتي هو الحل مع اشراف هندسي تسكن بيتك باذن الله 30 سنه مايحتاج ترميم

يشكيه ويجيه تعويض او يرد له دراهمه المشكله المكتب الهندسي الفاشل او الفاسد وشلون مشت عليه ؟

عشان كذا مو اي احد يشتغل مفروض يكون في اختبار قوي عندنا الي يعديه ياخذ رخصه خاصة الأجانب

وانا باني بيتي بنفسي عانيت مع العمال و اطلع مشرف هندسي على كل مرحلة ، لو نتركهم على راحتهم بتشوف البلاوي

من أمن العقوبة اساء الادب

برأيي بأن البناء هو مُنتج والبَنّاء صانع ويلزم أنّ يخضعان للرقابة الحكومية ولا يتم التصريح بالبيع أو الشراء أو الاستخدام إلا بموافقة الجهة المختصة حفظاً للأرواح والأموال . مالم يتم ذلك فلا ترموا أنفسكم وأموالكم إلى التهلكة حتى لو كان بناء ذاتي .

عشان كده التاسيس يكون عن طريق مهندس وليس مقاول

طيب في هذي الحالة ألا ينبغي معاقبة المقاول والتشهير به ؟؟ لو سقط البيت على ساكنيه ألا يعتبر قتل شبه عمد !! غض البصر عن مثل هذي الكوارث يجعل المجرمين واللي ما يخافون الله يتمادون في فعلتهم الشنيعة

المفروض الناس دي نشهر بيها نبغى حساب خليفة دا و لا اسم شركة المقاولات و لا حتى المطور العقاري عشان الباقي يخاف الله