في دربكم يا راحلين مناكيف تالي ليالي القيظ وأول خريفه ردوا سلام أهل القلوب المواليف على الوليف اللي نشد عن وليفه ردوه لعذوق النخيل المهانيف وعلى القصور اللي بوادي حنيفة دار لها بالقلب عشق وتكاليف يا عل عين ما هوتها كفيفه طبنا وشبنا وأتعبتنا المشاريف والمرقب العالي هبوبه عنيفه... يا واردين العد كفوا المغاريف اللي بقى دمع هماج ذريفه والله لو دمعي يغيث الملاهيف قطعت عرقي لين يصفى نزيفه ياحظ من لاعرف منهو ولا شيف إن طاب يحمد وإن تردى بكيفه حنا ورثنا المجد عظم وغضاريف لا ما ورثنا المجد تاج وقطيفه . بدر بن عبد المحسن رحمه الله .show more

بالمختلف طالعت عشق وتكاليف هزّت ورق روض(ن) تعــدّاه ريفه تجاوزت حدب الضلوع المهاديف صابت خفوق(ن) ما وفا له وليفه مثلك كما "هداج" لاهل المغاريف من يارده يكســــر ضما حر صيفه أبيات من رد "صالح الفدعاني" على قصيدة البدر العظيمة… تم نشرها حينها بالمختلف التي نشرت قصيدة البدر.

في صعب السؤال .. بلغ مبلغا من الشعر وأظنه لم يُسبق إليه يقول : آه ياطول المسافه بين إحساسي وصوتي

رحمه الله وأسكننه جنات النعيم وأقول: ياعل عين مابكت لفراق المواليف تعطى العمى بصبيها لو هي كفيفه البدر من نسل أجواد نالوا المشاريف ياعل كبيرهم وصغيرهم بجنة وريفه أقولها وخوالهم شمر أهل المعاريف بنو مجد بعزه تربينا على دربٍ عفيفه يوسف بن محمد

اعتقد هذه القصيده كانت ضمن مساجله بين البدر وحفيد الجنازه طلال الرشيد رحمة الله تغشاهم جميع

والله لو دمّي يغيث الملاهيف قطعت عرقي لين يصفى نزيفه

رحم الله الأمير بدر بن عبدالمحسن واسكنه فسيح جناته. شاعر من الطراز الأول.

لم يسمى ( مهندس الكلمه ) من عبث رحم الله البدر وغفرله

تحبني واقول من زود لطفك شكراً صدقت والف شكراً على الكذب اول قصاصة من جريدة احتفظت بها كثيراً في محفظتي القصيدة كامله الله يرحم بدر ويغفر له

رحمك الله يا #بدر_بن_عبد_المحسن

رحم الله البدر