قبل سنوات قريبة كانت مثل هذه الطلعات أساسية عند أغلب الشباب (إذا مهو كلهم)، وكانت العزبة جاهزة دايم والسيارات جاهزة والكل متحمس ويتسابقون على الأماكن المميزة. اليوم بدأت تتقلص بنسبة كبيرة جدًا، وماودي أقول الكافيهات هي السبب، لكنها من أهم الأسباب!

والله يا ماجد السبب الحقيقي في وجهة نظري هو صعوبة الطلعة، انا في الرياض ويني ووين البر ؟ ويحتاج موتر بر … والموتر يكلّف، ويحتاج وقت والرياض زحمة ودوامات، وما فيه وقت الا بالقوة. الرغبة موجودة بس العوامل الحالية تصعّب للأسف.

بهذي محد يلومكم

ابشرك على طبعنا وسلومنا وعاداتنا وتقاليدنا،الله لا يغير علينا الا للافضل،ويديم على نعمة الامن والامان ❤️.

كفو يالدهمشي

كفوك الطيب يالغالي .

في عام 2000 عرض مسلسل الزير سالم في رمضان وكان الناس يتوقعون أن حلقات المسلسل كالعادة 30 حلقة وتفاجأ الناس بأنها 40 حلقة ! طبعاً الشباب لهم عادة بعد رمضان يخيمون ايام بعد العيد كان اول وأهم شي يحمل من القش هو الدش علشان نكمل المسلسل والوعد البعيثه وعرق المظهور (:

ذكريات جميلة

الحقيقه المؤكده ( إننا كبرنا ) 80 ٪ من الشعب السعودي نفس الجيل من 30 الى 45 سنه ، خلاص صار عندنا عوايل وخطوتنا صارت ثقيله ، واذا كشتنا مره ف السنه شباب يعتبر شي ممتاز ، مره شباب ومره وعوايل ، خلاص اعترفوا انكم هرمتوا بلاش مكابره

لأن المناطق القريبة من الحواضر ١٠٠ او ٢٠٠ كيلو للأسف صارت كلها محمية، بالإضافة إلى نظام الشرطة البيئية ساكن في الرياض وتبي بر زين ما لك إلا النفود، الدهناء، الربع الخالي وبدون شبوب والتخييم يمكن يقشونك

أسباب كثيرة منها المخالفات اللي ما ادري وشلون اخترعوها تخيل تكشت ويلزخونك بمخالفة علشان النفود والغطاء النباتي تشلوط من شبة النار !!

مالها دخل الكافيهات ولكن التنظيمات حقت التخييم وحماية البيئة و المحميات

من يوم اختفت الدداسن اختفت الطلعات

😂👍🏻

تغير الجيل و كبرنا و صرنا اباء و انشغلنا بالأبناء و الجيل الجديد تغيرت اهتماماتهم ( كل جيل له طبعه )

السبب غلاء البنزين ومخالفات الامن البيئي على الخيمه وشبة النار والمشي على العشب وأخيرا الشباب التالين ماعندهم وظايف اصلا لذا طبيعي انهم مايفكرون بمثل هالكماليات

من الأسباب كثرة التشره وسوء الظن وهذي سببت بالكثير من التفرقه بين الأحبة وغيرهم الله يصلح الحال

ليتها وقفت على الكشتات للأسف حتى مجالسنا او الأغلب منها اصبح اللي يتحدث بسالفه او قصيدة محد حوله إلا من رحم ربي بسبب انشغال الحضور بالجوال ومواقع التواصل

كشته أثناء المطر غلط غلط غلط ماتقدر تطلع ماتقدر تجلس حبيس الخيمه او السيارة تواجه احتمالات العواصف والصواعق والسيول أفضل وقت بعد توقف المطر وتستمتع

يارجال وين يرحون كلها صارت محميات تحط شراع غرامة3000 تشب نار غرامة

وهل تعتبر الكفيات بديل للبر مستحيل

والله من كورونا والاختلاف واضح ماهم الاولين

يارجال كنا نطلع قروبات وعدد كثير الان يالله تحصل الصامل معك 2 ولاثلاثه الناس اكتفت مب مثل اول والمسؤليات كثرت والاسعار ارتفعت

غير صحيح ما اعتقد أخالفك الرأي أنا عندي شركة متخصصة بالصيد والرحلات الشباب يكبون كل ومصانع تجهيز السيارات تقعد ٥ شهور سرا بالعكس أنا أشوفهم اكثر من اول وكلهم شباب بداية أعمارهم ومتوسط وعندهم بعد عوايل لا اعتقد بالعكس كثروا عن اول

لا والله ياخوك النفوس والاحوال المعيشيه ونظام الدوامات نفسه بعضهم مسكين يخلص عمله تجي الاجازه يبي بس الراحه صارت الاجازه استشفاء ماهي استمتاع خصوصاً من يعمل في مواجهه الجمهور هذا يبي له استشفاء خاص

اقتنيت موتر قبل سنوات خصصته للطلعات وجهزته .. كل سنه الشغف ينقص لأسباب كثيرة و ومختلفة الارتباطات والأعمال لي سنتين اسوي له صيانه واجهز وآخرها أتعدى من عنده بالحوش وأصد مستحي منه

لان اصبحت التنظيمات صارمة والحدود البيئيه مغلقه للحماية والمحميات كبيرة للحياة الفطرية والنباتيه فاغلبها ممنوعه.

بالنسبة عندنا بالقصيم ما زالت

الله يكثر المقاهي اللي تفكنا منهم

الكشتات بدون ارطى وخيمه ماله طعم تبين اضرب 200 كيلو عشان اشب بقرض ولا فحم

غرامات الأمن البيئي السبب 😅😅

بكل بساطة لأنه صار فيه شي اجمل منها

لا تغفل غرامات الامن البيئي : ما تكشت في اي مكان فيه اماكن ممنوع الدخول فيها اصلا وفيه مواقع ممنوع اشعال النار حتى لو معك منقل وفي اماكن ممنوع وضع خيمة حتى لو كانت صغيرة حقت شخص واحد . التنظيم زين لكن كثفوا اللوحات احيانا لا تجد لوحات فجأة تلاقيهم عندك يسجلون مخالفة .

تبي لها صحبة زينة

كان في قروب لنا طلعات مو شرط بر اهم شي خلا نفاه احيانا نطبخ ولا نجيب الميسور الان لنا سنتين ماطلعنا

السبب ارتفاع البنزين ومنع التخييم واتساع حجم الحمى، وظهور جيل يحبون التجهيزات الاسترالية والقهوة السوداء وهايكنج العمارية!

الخلى مليان بشر بس انت ماتطلع

تذكرت اللبناني يوم يقول السعوديين كتير يبحبو يروح للبر ويعزبو حالون هونيك