كيف تزور شخص في #حي_الورود في #الرياض بدون رسوم مواقف #عقارات_الرياض

ابو راشد . اليوم مقدر اجيك التطبيق معلق . ابو سعد . عرض بيتك مايكفي الا لاربع سيارات والتطبيق يقول لا يسمح لك الزيارة. ابو فهد . حقيقة ماعندي نت ادخل على التطبيق . ابو صعفق . يقول لين جت على صلة الرحم رسوم جت يوم القيامة 🤔.

😁😁

واضح انها فكرة شخص منفصل عن الواقع وما يعرف احتياجات الناس الحقيقية غالبا عنده عقد اجتماعية ويحاول يفرغها في افكار غريبة

المعزب يستاجر باص ويرسله لضيفانه يجمعهم امحق من حياة

للأسف حتى الأمريكان ماعملوها في المناطق السكنية والله الأمر محزن إذا وصل جمع الاموال بهالشكل . تخيل يوم الجمعة وقت اجتماع العائلة . احمد الله اني بعيدة تماما عن الورود والله يعينهم.

بصراحه ماعمرها حصلت في العرب ابداً احد يقول لضيوفه حمل التطبيق وتعال ...من المستفيد من هذا

احسن علشان ما ازور احد ولا احد يزورني يسير نتقاطع في الدنيا ونتقابل في الجنة ان شاء الله 👍

الرياض اصبحت مدينة مكروه حصالة اموال وزحام وحر القرى خارج المدينة افضل لم تصلها الجباية حتى الان

تكفون لاتخلون الي عايشن بعزله نرجسية وعندهم عقد نفسية على الاسر السوية يفكرون بالامور الي تمس المواطن واحتياجاته .. عندكم اي فكرة تطرح بينكم اسدحوها لمن يعنيهم الامر من المواطنين واطلبوا لها تقييم يوضح السلبيات والايجابيات . قبل هالامور سنعوا الشوارع والحفر وغطيان المجاري فيها 👌

المدن المزدحمة مثل لندن المواقف مجانية خارج ساعات العمل ويفتح المجال بالكامل في العطل . في الرياض ليس هناك مشكلة مواقف داخل الأحياء السكنية. اذا لماذا هذا التعقيد ؟ يجب استخدام التقنية لتسهيل حياة الناس وليس تعقيدها. طُرفة " فيه صعيدي لحق حرامي .. وسبقه " هذا حالنا مع التقنية 😅

بتصير مجانا لمدة سنه سنتين وبعدها اذا الناس كلهم استخدموا التطبيق يقلبونها برسوم

يازمان العجايب وش بقى ماظهر !

الرياض كيف اهلها صابرين عليها والله من اجيها لين اطلع منها والتوتر مليون ماتدري الطق منين يجيك

عند الزياره لازم تصريح او ياخذ غرامه اعوذبالله الي له أقارب في هذي الأحياء يكفي التواصل بالتلفون

@mansoor2042 اروح لهم تاكسي 😇

اللي يعزمني ابجي مع أوبر على حسابه.

يالله نسألك خير هالدنيا واخر الزمان استغفر الله العظيم 😎

اعلم الحكومة اني بقلط عند احد هذا يسولف على نفسه الحكومة الله يعزها مو فاضية لك

يازين ملهم والقرينه والمزاحميه ورماح

لاحول ولاقوة الابالله

ليه ما هي الاسباب.

صلة الرحم ستتلاشى ..!!!

اللي بالورود أنسوا الزيارات

معليش اجل عشاك ماقبل معي . طيب انا تخسرت والله الامانه المسؤوله ودي اجيك طيب تعال باوبر والله ياخوك اوبر قيمة بانزين سيارتي طيب حاول بأجل العشاء للساعه ٩ والله موبيدي اكل عشاك لحالك واذا عندك ملكه عن بعد

بصفتي احد ساكني هذا ،،،،،! اقول مرحبا مليون وعلى الرحب والسعد فقد استأجرت جميع المواقف المحاذيه لمنزلي لمدة عام كامل ومن ثم سنجدد العقد عاماً اخر،،،، مرحباً بالجميع 🌹✌️🌹☔️✌️

اخاف يصير بعد تطبيق ورسوم الخروج من منزلك ووو😂😂😂.

يطبقون رسوم مواقف باحياء سكنيه غير مزدحمه ويتركون البطحاء وسوق الذهب بدون رسوم مواقف واللي مستحلين المواقف متسترين اجانب ويحجزون المواقف لبعض ومحتكرينها بينهم والمواطن لايجد موقف فيها وبينما ادورموقف شاهدت شاب اجنبي يركن سيارته وينزل يركن سياره أخرى قلت لك موقفين قال أمام محلنا

للاسف صار جيب المواطن عرضه للسلب عيني عينك

قرار ماله داعي وياليت ان يتعضون بماحصل في الخبر في سوق سويكت لما ركبو اجهزه المواقف سكرت اغلب المحلات وراحو المتسوقين بعدها انهو عقد الشركه المشغله ورجع لسوق وهجه. المشكله في حي الورود تقسيم الشقق وتأجيرها على عدة اشخاص هذا الي حاصل اتمنا ايعادة دراسة الوضع؟؟؟

طيب وفي حال المناسبات وش الحل والصلوات

ابي اعرف منهو اللي فكر فيها ؟؟

لا الامريكان والا اوروبا ولا اليهود سووها فى الاحياء .. حتى الزائر وواصل الرحم يدخل على التطبيق .. الله لايوفق من اشار بها

ما اعرف احد هناك لا قرابة ولا خويا

طيب واللي دوامه بمدارس الاحياء هذي كل يوم ياخذ تصربح اللي يفكر لكم واللي يقتنع بالافكار هذي واللي يوافق عليها انتم عندكم 🧠

الحل تأجيل مواعيد الجمعات العائلية إلى مابعد الساعة 10 م بعد إيقاف وقف احتساب التعرفة على المواقف

شوف اقرب متروا وروح عنده