لا تسلمين مطبخك للخدم 👇🏻

معليش وش هالرفاله اللي تخلي الوحده تقعد بالأيام ماتدري وش في مطبخها !! دولاب المواعين لابد بتفتحينه أكثر من مره في اليوم ، المنظفات بتمرين عليها عشان تشوفين وش تحتاجين ، لكن إذا الوحده مسلمه بيتها كله للخدم هنا المشكله، وتقول جيبي مديرة منزل بعد😩

والله انك صادقه

صاحبة المقطع ليتك سترتي على نفسك .. لانك بينتي اهمالك وعدم نظافتك وترتيبك وعدم تحملك للمسؤلية .. فالخادمة هي مرآة لصاحبة البيت .. اذا كانت صاحبة البيت نظيفة ومرتبة الخادمة تمشي على طبعها .. لكن واضح ان الخادمة لمست منك عدم الاكتراث فلم تكترث! واني اتعجب فهذه مملكتك وليست للخادمة

وحدة مهملة نايمة 24 ساعة مسلمة بيتها للعاملة كأنه مب لها وجاية تنصحنا ما نعتمد عليهم عشان نتيجة إهمالها هي ! تخيلوا سنتين ما تدخل بعد العمالة تفتش وتشوف بيتها ووش فيه ولا تدري عن الدنيا ؟! العاملة مالها دخل أنتِ بقرة الله يسعدس.

مجرمات وربي عندي شغاله تتعمد تترك الماء مفتوح والكهرباء تشغله كله إذا شافتنا نايمين خباث ما يخافون الله وخدمات بناتي فشلوها قالت لهم شغلوا الكهرباء والمكيفات وطفوها حتى تخرب ويشترون غيرها غير الغاز اللي تفتحه وتتركه شغاله وربي قلت العيالي ماعاد ابغاهم وفوقه حسد وحقد وعيونهم علينا

لو العاملة لمست من ربة المنزل اهتمامها بمنزلها مطبخ وغيره وانها تحاسبها يوميا على اي تقصير تشوفه ما كان هذا فعلها ولكن رأت إنها لاهية عنها اما في خروجها الدائم من المنزل اوانشغالها بالجوال وتنصح كمان وتقول ادخلي مطبخك لو في الويكند مرة واحدة ، سلامات هو المطبخ وين في الاستراحة؟

المال السايب يعلم السرقه. معليش هي تجي عشان تساعدك موب عشان تتخلين عن مسؤولياتك! إلا إذا الشخص مثلاً مقعد عاجز مريض كبير سن أعمى ..الخ هذا ما يعاب عليه.

مديره منزل مره واحده الله من الرفاله حتى والشغالات معها الرفلا رفلا

يعني هذي وصاخة شهووور وينك عن مطبخك كل هالمده!؟؟؟ يختي كل يوم ندخل المطبخ ونشيك عليه وعلى الثلاجات والأفران.. إذا إنت ما اهتميتي ببيتك لاتتوقعين من غيرك يهتم ويخلص! شغالاتك عرفوا إنك ما تهتمين ولاتفتشين وراهم فتركوا كل شي

وصاحبة البيت وينه سلامة ادخلي المطبخ ظهر. عصر ليل صبح وفتشي الدروج وشوفي روايح درج المواعين والفرن وقوارير البهارات ومروحة السحب والثلاجات كل ذا مايأخذ منك نصف ساعة رتب

بذمتكم انتم في البيت وما تعرفين ايش في المطبخ ولا تدخلين باليوم مرتين الثلاث السبب مو من العماله السبب صاحبه البيت

والله الخدم شر شر شر الافضل جيبيهم بالساعة واللي مضطر للمقيمة يكون حذر جدا والله مافي أقذر منهم جربت كل الجنسيات ومافي ولا وحدة مافيها عيوب واللي يقول الفلابنة نظيفات ونظاميات انا جبت وكان تخصصهم فندقة وضيافة هههههههه اقسم بالله شي مزري بينهم وبين النظافة سنين ضوئية

هذي من نوعية اللي 24\24 ببرامج التواصل و البثوث تقدم نصايح أُسرية و توجيهات إجتماعية للشابات و للمُراهقات ؛ و هي ما تدري عن بيتها وش يحصل فيه (من برا الله الله؛و من جوا يعلم الله) والمصيبة لو تشوفون حال عيالها و بناتها بتلقونهم ضايعين لادين ولا تربية ولا أخلاق [فأحذروا منهن].؟

لاتوجهين نصيحة لنا انصحي نفسك ، العاملة تجي من ديرة فقر ولا تعرف استخدامات المنظفات والا ترتيب الدواليب انتي اللي تدربينها وانتي توجهينها اقل شيء شهر وبعدها تكونين مرتاحة اما تفكها وتحسبها من حالها تفهم لا غلطانه

عمري ما اعتمدت كليا على عاملة خزاناتي لازم تكون مرتبة بطريقتي هي فقط تنظف وانا انظم

المشكله قاعده تنصح عن الإهتمام والنظافه وتقول بيوتكم أمااااانه ، ياقلبي ليتك ماصورتي المقطع وسترتي على نفسك

خلاص بسمع نصيحتها وبجيب مراقبة على العاملات حشى صار عزبة بنقالية ماهو بيتي وخصوصيتي 😅 أنا ولله الحمد ماعمري شفت العاملة داخلة المطبخ وغرفتي الآن المطابخ ماعادت مثل أول كلها الآن أجهزة كهربائية

الغلط منك تجيين عاملة وتسلمينها الخيط والمخيط وتطلعي تنتقدي،، خدامة لازم تتابعين وراها..

ماكرهت الخدامات عبث ماامن ولا اثق حتى لو فيها راحتي

تقول خصصي يوم بالاسبوع تدخلين المطبخ !! بس يوم !؟

شايفين وواضح انه هذا مطبخ الرفلة اللي ماتعرف تسوي عشاها ولا تعرف تخيط ثوبها وتمشط شعرها …

والله انك بقره ما تدرين عن مطبخك يالخبله يالرفلا يالفاغر يالسديس ماغير تاكلين مثل البقره اللوم عليك موب على الشغاله 😡

واضح انك معتمده بقوه وجادعه الزند والفتيله الله يرحم حالك

رفالة مجمعة تاركه بيتك لهم ومسويه منظره خصصي مديرة منزل عاد يوم قالت انتي ادخلي بنفسك قلت بس جابت العلم السنع بس خربتها يوم قالت بالويكند خصصي يوم من الاسبوع 😂😂😂😂 بيتك يارخمه

محاسبة الخدم ومراقبتهم يومياً مو كل ويكند

كثير كذا اذا عندها شغاله ماعاد تدري عن بيتها ومطبخها اهم شي اللي قدامها نظيف والباقي بالطقاق

العاملة ماعندها الغلط الغلط أن سيدة المنزل ماتعرف عن بيتها ومطبخها معقول ، شيء مااحد يقدر يستوعبه

قولي لنفسك

كلمي نفسك 😂😂😂😂😂

طبيعي دام راعية البيت مو فاضية لمطبخها وهي بصحتها ومتعافية دايم طالعة مع ربعها ورفيقاتها ومناسباتها وتارك للخدامة الحبل على الغارب طبيعي العاملة بتهمل زيك ياراعية البيت غالباً دامك مو فاضية الا لوناستك وطلعاتك !! أتكلم عن اللي مافيهن الا العافية وكل يوم طالعة سوق واماكن👍🏼

منظر مقزز ومستفز استغرب من الاعتماد الكلي على الخدم هذه أشوفها عوالة 🤔 اجل ست البيت هي الخادمة مادام تقوم بكل اعمال الزوجة لدرجة بعضهم يسمحون لها تدخل غرف نومهم وتغسل ملابسهم الداخلية ناقص بس يعقد عليها صاحب البيت.🫤

ههههههههههه كمان فيها مديره منزل

طيب وانتي فينك عن مطبخك ي امااااانه 🤣

والله معليش باين انها تتقضى اي شي يجي في وجهها ولا وشو له كل هالاغراض اكيد الشغالة بتبدا تحط اي شي في كل مكان خذوا قد طاقتكم والله نص الاغراض اكيد انتي بترمينها في الزبالة لانها هي ماتقدر ترمي شي في الزبالة