لا حول ولا قوة إلا بالله. 😔

ابو البندري .. نصيحه وعن تجربه ابحث في برامج الذكاء الاصطناعي مثل chatgpt ٫ خله يبحث عن ناس تمتلك نفس سيارتك ريديت او مواقع كميونتي وايش المشاكل اللي واجهوها وكيف حلوها ٫ استفد من هالتقنيه الجميله 🙂👍 يختصر لك امور كثير جدا استفدت منه تقريبا في امور مشابهه وفادني والله

كفووووو 👏

كفوك الطيب 🌹

عشان تعرفون قيمة الياباني طق لك لكزس ولا افالون وربي لاتنسى الورش

كانت مواترنا قبل كلها لكزس وسبحان الله الإنسان ورغباته، أنا أحب BMW والحب غلاب تباً له.

@M__51i من بغى الدح …. ماقال : أح

@saudalkhamisnet تراه يقول اح 😀

ماادري اذا انت راعي البي ام او لا بس قد حصلت معي كثير واكتشفت ان السبب زيت هايدروليك مجرد عبيته انتهت المعاناه المشكلة انصب علي كثير اني كل شوي مغير مساعد للسيارة ويوم وديتها لواحد يخاف الله علمني المشكلة كانت بزيت الهايدروليك وشريته ب 90 ريال تقريباً وانحلت المشكلة نهائياً

الله يعطيك العافية، يوم الأحد بروح ونشوف لأن المشكلة لها ثلاث احتمالات وان شاء الله تكون زي كلامك.

الله يعافيك وبالتوفيق، انا عانيت منها وطلع الحل تافه ان شاء الله يكون السبب مثل ماحصل معي

معوض خير ان شاء الله الألماني والبريطاني ماعاد فيهم جودة خذ رفاهيه ومتعة فقط مو مثل السابق حول على SUV وخذلك جينسس Gv80 وبتدعيلي بتاخذ قخامه ومتعه ورفاهيه وجودة وضمان ينسيك كل شي 😁

يمدحونها ولكن وللأسف ما حبيتها.

قبل اخذ الجينسس اللي عندي كنت غير مقتنع فيهآ نهائياً وتوجهي كان لسيارات آخرى جو اصحابي واستأجروا لي جينسس وجابوها لي قالوا " عطيها فرصة" 😁 وجربتها لمدة قريب ٣ أيام واعجبت فيهآ وصليت استخاره واخترتها . لكن بإذن الله تتعدل سيارتك وتتهنى فيهآ ان شاءالله

@saudalkhamisnet نفس الشيء قلت لخويي جربها و اشتراها

زين ما اختار 👍

راسل المهندس السعودي (ماهر) واتساب فقط، متخصص بالألماني: 0555553435

هناك سبب لا ينتبه له الكثير وهو عندما توقف السيارة لازم تكون على سطح مسطح يعني لا توقفها ابداً بميول ولو خفيف او شوي مثل الي يوقف طرف مرتفع والآخر منخفض هذا سبب رئيسي لان الهيدروليك يحاول ان يوازن بين الارتفاعات ويكون الحمل على الجهه المرتفعه اكبر الخلاصة تجنب توقفها بطرف مرتفع

صادق، ملاحظها كثير وكيف الموتر يحاول يوازن نفسه دايم وتكون زاوية تختلف عن الاخرى. 👍

هاتها والسطحه على حسابنا هذا تخصصنا

أمتلك سيارات بي ام من أكثر من عشر سنوات ولم يحصل لي في أي وحده منهم اني غيرت المساعد، اللي أغيرهم كفارات وفحمات ومرة بطارية، يمكن ما يهدي على المطبات او الحفر في الشوارع !

مشاويري قليله ومنيب راعي سرعة ومركز بس نصيبي مع هالموتر غريب، ماشاء الله تبارك الله على نصيبك بمواترك والله يديمها عليك ويزيدك.

اللهم آمين ويرزقك من واسع فضله

اذا ما غيرته اصلي و في مركز معتمد وثقة ان القطعة جديدة واصلية تراه بيبتل معك يخرب.. فكرة اصلاح البالون او ترهيمه فاشلة جدا و ضحك عالدقون من عصابات الورش من ذيك الجنسية وكل شغلهم غش بغش .. نصيحة خذ القطعة اصلية من الوكالة و لو تركبها بالوكالة افضل بعد لان يكون عليها ضمان سنتين من تاريخ التركيب. ما تشوف شر

جربت كل شي يا ابن الحلال وماش، ياخي هم صاملين على نظام التعليق هذا ومدري متى بيغيرونه. 🤦‍♂️

@Faisalica1 حوسه طويله بس لو بختصرها بنقول انه بالونات هوا مع هيدروليك يواسي الموتر.

الحل تاخذ لك لكزسس بقيمتها وتريح راسك

ماش ما احبها. 🤦‍♂️

كورلا اجل يرجال اقتصاديه وجيمل

الله يرزقنا ويرزقك باللي نتمناه وأكثر، استمتع باختياراتك مهما كان شكلها ونوعها. 😁

اذا توك مغير مساعدات تأكد من القسام يسبب نفس المشكله

الله يعطيك العافية عالنصيحة، قاعد اجمع نصايحكم الله يجزآكم خير عشان يوم الأحد انشب لهم وارتاح.

هذي مصنوعة للطرق المستوية خليك على شاص ولا هايلوكس مناسبة 😂

يبيلها 🤣

حول التعليق من نظام هوائي ل لنظام تقليدي coil springs

هذي توني ادري عنها وببحث عنها.

النظام الهوائي air suspension يستعمل أكياس هواء من مادة زي المطاط تتنفخ و تتفضى بكومبريسر مربوط بكمبيوتر و حساسات في السيارة على حسب حالة الطريق و/أو الحاجة لرفع السيارة و خفضها و كله عشان راحة السائق بس عيبها الاعتمادية غالبا تعبانة و تكلفتها عالية للاستبدال.. الناس عشان يوفرو على نفسهم وجع الراس بسو تغيير للنظام العادي *اليايات* اللي هو اقل راحة اكيد لكن اعتمادي و بعيش معاك فترة أطول و الصيانة بتكون اقل تكلفة بكتير

@saudalkhamisnet نعم صادق 👍 الاغلب يحول العادي بس عيبه مايكون نفس اول. الامتصاص المطب. او خشونه طريق

@saudalkhamisnet صحيح

ما اتوقع انه اصلي او مساعد BILSTEIN غالبا المساعدات الاصلي او الي جودتها ممتاز تطول ما تخرب على طول، شكل الي غيرته مجدد ابتعد عنه واذا تبغى تحول السيارة مساعدات عادية فيه طقم تحويل من شركة Strutmasters و Arnott تقريبا سعر الكيت ب ١٧٠٠ دولار بدون الشحن، لكن لا انصح بالتحويل

عنده فله وسياره فخمه وحالته الماديه يعتبر ثري وعنده قوت مائه سنه قدام وآمن في بيته وفي عياله ويستخط كذا لابد نستشعر النعم ونحمد الله عليها حرام حرام كذا احمد ربك علي نعمه اللهم لك الحمد والشكر يارب علي نعمك

هذي السيارات الالماني انت تكد لها وتفشلك ، المرسيدس عندي مرة ألاقيه مايل يمين ومرة يسار.

صادق، أنا موتري صرت احس احساس واقول هذا الميلان ما يبشر بالخير وفعلاً صرت خبره مع الزمن.

أنا ارسلت طلب لوزارة التجارة اسال عن سبب احتكار تسلا وان تمنع تصليح سياراتها خارج الوكالة ومنع بيع قطع الغيار وهذا مخالف لنظام وزارة التجارة والا فيه استثناء لشركة تسلا!

😭

احلى تشبيه 🤣

الله يكون بعونك ويعوضك ابو البندري، للأسف مفاجآت الهيدروليك لايمكن التنبؤ بها بكل السيارات ، الألماني مشكلته قليل اللي يشتغلونه، ربي يعوضك حبيبنا وتتسهل باذن الله

آمين وياك، الحب غلاب تباً للألماني.

لانك شريت BMW انتهى النقاش

كذاب لو شغل السياره بترتفع

ابو البندري، الارضيات ترافتين فاتح. فخمة، اهنيك والله على اختيارك

والله اني بايعها من هالسبب تصحى الخميس تنكد عليك طايحه يمين طايحه يسار مساعدات تستنزف منك ماليا وماتعيش

اش يبغى يقول ذا ما فهمنا شي

تخيل معي لو طلعت سيارة صينية وش بيقولون العالم بس الماني مرضي عنه وصم بكم عمي😄😂

إذا غيرت المساعد شيك على الحساس الكهربائي بعض أنواع المساعدات تتطلب اغلاق البرمجيات تبع الحساس ولاب يرجع ينام مرة اخرى سبق وواجهت المشكلة و غيرت المساعد اكثر من ثلاث مرات وحل المشكلة اخيرا طلع في الحساس الكهربائي أعانك الله

الهيدروليك باختصار وضعوها لمزيد من الخساير

اللع يعوضك خير ليه ما تاخذ صيني ؟

القم خل الكشخه تنفعك طقلك تويوتا جوده تصبر معك سنين الهياط ذا ينفع للي عندهم ملايين وكل شهر سياره او شهرين ماتفرق معه الكماليات ذي اللي مب ضروري تخسرك اكثر ماتنفعك

@pivot675 كشخه ؟! القم ؟! هياط ؟! وش فيك شادها، هد تراه موتر. 😁 بخصوص اللي عندهم ملايين الله يزيدهم ويرزقنا والحمدلله من قبل ومن بعد. استمتع الحياة حلوه.

ليش تتشكى طيب بمقطع دامك شاريها وانت بعقلك وانا متاكد تصليحها كل مره تعادل مبلغ كبير جدا كل مره انت كذا خسرت اكثر من انك تستمتع فيها اشتراك موتر يصبر معك فيه خيارات كثيرررههه وارخص بكثير وفخمه وتصبر معك سنين شاريلي ذا الموتر وكل شوي تصلحه هاذي عقوبه وبهذله

@pivot675 حتى الشكوى بتصادرها ؟! من ابسط حقوقي وراجع التعليقات واستفد من الحلول بعيداً عن الهجوم والمصطلحات اللي مالها سنع. استمتع وخلك لين.

@pivot675 وانت ياسعود شادها في هالمنصة تلقى الخبل النفسية والمريض والحزين والسكران عادي عطهم ميوت 😂

@saudalkhamisnet والحيوان بعد كل واحد اردى من الثاني الطاسه ضايعه 😂

نصيحة مجرب - قبل لا تغير اي مساعد شيك على قطعة اسمها Valve Block وظيفتها توزيع الهواء للمشاعدات الاربعة ، يكون فيها تهريب هواء - و اعراضها انك اذا تركت السيارة يوم طافية تجي ثاني يوم تلقاها نازله و سلامتك

زي هالمشاكل الي تجي فجأه وتكرر مالك الا تطبيق @surefanni مسميه حلال المشاكل قبل روحة الوكاله او الصناعيه صور وارسل ويستقبل مشكلتك فني سعودي 👍👍اتكلم عن تجربه وكانت ناجحه

السيارات ذي احس ماهي حقت استخدام يومي ، لازم سياره تخدمها الله يعوضك 🌹

آمين، أنا ضد سالفة استخدام يومي او غير يومي، اشتري الموتر واستمتع فيه والعمر واحد.

انا معاك بس السيارات ذي تقنياتها كثيره ومع كثرت الاستخدام تكثر الاعطال . الهيدروليك مع بعض الحفريات عندنا تضرب ، كانت معي سياره هلكتنا المساعدات الهيدرولكيه . ياتغير مساعد او تغير ماطور المساعد وكلها بسبت الحفر

ارسلها بسطحه للوكالة ولاشغلنا صياح من قد السيارات الفخمة لاتشتري

هههههههه شادتها الله يصلحها، لو منيب قدها ما خذتها وهذا نصيب ورزق من الله وبشتري اللي افخم منها ان شاء الله وبتباركين لي وقتها. 😜 عندك رقم سطحه ؟!

مشغلنا من ايام الجاكور 😂😂😂

شوف اسوق بي ام من عام 2003 الفئه السابعه انقطعت عنه فقط من 2010 الى 2017 والى الان توي بعته 740 والله اذا القطعه جديده تنساها خمس سنوات اذا انت تركب المستخدم مايجلس سته اشهر او سنه بالكثير من واقع تجربتي مع هذه السياره والله عشق وحب وادمان يخرب بيتها

مثلك احبها ومستحمل بلاويها، شكلي بشوف سالفة الجديد لأن المحدد هبل بي وهذا ثامن مساعد يطيح.

والله متعلق في البي ام بس والله خلاص يا اخذها زيرو وتحت الضمان والصيانه ولا بلاش رحت لجينيسس حاليا صيانه وضمان خمس سنوات وربي شي دلع ونعومه غير متوقعه والله ماتوقعتها بهذا الفخامه والنعومه والرساوه

صادق ال BMW الجديد يفرق عن المستعمل وفعلاً يمدحون جينيسس ولكن ما حبيتها.

والله مثلك مالجات لها الا غصبا عني الزيرو في الالماني ميزانيته عاليه جدا اما ذي مقدور عليها بس والله بعد ماسقت اختلفت نظرتي 180 درجه جرب ولاتشتري استاجرها اسبوع بتدعيلي جي 90 او جي 80 شي طرب رساوه ونعومه في النعومه تتفرق على بي ام صدقني عزل ونعومه شي خورافي الرساوه البي ام ملك

الله يعوضك خير - توصلت لقناعة بعد تجربة اشتر سيارة تخدمك مو انت تخدمها

صحيح، ان شاء الله الامور سهالات ومقدور عليها.

يالبيه يالياباني وبس الله يعينك ويعوضك خير