لما بدك تحكي عن #طل_الملوحي لازم تاخد بعين الاعتبار سياق قصتا، بنت فاتت ع السجن ما طبقت الـ 18 سنة، أخدت حكم قضائي 5 سنين، بس بسجون عصابة #الأسد صاروا 15 سنة! عاشت مراهقتا وشبابا وتكوين شخصيتا بين حيطان المعتقل، شافت تحقيق ومنفردات وتعذيب وعاشرت كل أنواع السجينات، ولما... طلعت بعد التحرير كانت ردة فعلا الفورية هيه "الإنكار" (Denialism)، لهيك كان ظهورا الأول بهالقوة وبهالقدرة ع التعبير عن حالا والدفاع عن نفسا، مع غصّة ما قدرت تخبيها بين كل كلمة وكلمة. اتهاما بكتابة التقارير بالنزيلات السياسيات بدّو بيّنة، والبيّنة على من ادعى، بدنا شهادة الشهود، وإبراز الأدلة ما بدو عزيمة، بس كب البلا والافترا هو اللي ما لازم يكون بهالاستسهال! إطلاق الإشاعات ضمن السجن، جزء من الأذى النفسي اللي بيستخدموه هدول المجرمين لتعذيب المعتقلين والمعتقلات، ونادرين الناس اللي بينفدوا منو وبيقدروا يتعاملوا مع هيك واقع بطريقة عقلانية، كلكن بالأخير ضحايا هالعصابة، فلا تكونوا انتوا كمان على بعضكن… #سوريا #سجن_عدراshow more

أساساً مجرد انها عاشت بظروف غير آدمية كافي لعدم تقييمها ومحاكمتها بكل القيم والمبادئ الآدمية خارج السجن بنت تعرضت لهالة ضخمة من الاذى النفسي وهالة أكبر من المغريات بالسجن دون أب وأم، دون قدوه، دون مصدر سوي للقيم والأخلاق هذا ان كانت فعلت ذلك فله مبرراته ولا يجوز تجاهل السياق

💯 محاكمتا خارج سياق وظروف قصتا مو عادل أبداً‼️

الداخل الى معتقلات الأسد مفقود حتى لو خرج ! ضد أي هجمة على أي معتقل خاصة من اعتقل لسنوات طويلة وكانوا منسيين! هناك أناس وكأنهم بواقع موازي يتحدثون و يصدرون أحكام على طل أو غيرها ! لا ذنب داخل المعتقل لمعتقل حتى لو جبروه أن يقتل !!! خفوا شوي

معك حق رولا… سهل كتير نطلق الأحكام بدون معرفة شو في جوا، ومتل ما شفنا جوا ما كان في شي سهل أبداً أبداً 💔💔💔

المفروض يرفع القلم عن تصرف للسجناء بعد دخولهم عتبة السجن، لأن هناك أساليب تعذيب قاسية تخلي السجن يعترف على أهله، وفي حالة طل التهديد بالاغتصاب بيخليها تعترف على أبوها وهذا طبيعي، هذا إذا افترضنا التهم صحيحة والنظام ما كان يحتاج احد يخبر عن الموجودين بالسجن ويقتل ويسجن بدون تهم.

مزبوط حكيك 💯 في شوفات بتخلي الواحد يقرّ ع امو وابوه وبجوز متل ما قلت كلو اشاعات !

النظام الأمني كان بيستخدم سياسه بين السجناء يشيع بين السجناء انه فلان مخبر وفلان متعاون وهكذا ليضمن انضباط وخوف المساجين وسهولة السيطرة عليهم

تماماً نوع من الأذى النفسي مع الأذى الجسدي وتحريضن ع بعض

شو ماعملت لتبقى حية أو تطلع بكرامتها معذورة.. تافه مين تارك كل المشاكل التانية وبدو يحط دابه بداب هالبنت.. وطبعا لخدمة رواية النظام أو لعقده الشخصية

@Hgfd67g وممكن كل هالحكي إشاعات بثّها المجرمين بين السجينات ليكرهوا بعض ويحرضن ع بعض