Yaman يمان
@YamanAmouri • 10,801 subscribers
“Independent Journalist 📰| Syrian 🇸🇾 - German 🇩🇪 | Damascene 🌸| Uncovering the stories behind the headlines to reveal the full story”
Shorts
Videos
على اعتبار إنو تغيّر العلم السوري 🇸🇾 بدون أي إجراءات دستورية، اليوم تغيّر النشيد الوطني 🎼 بالعجقة كمان. وغالباً السوريين من لاعبين ومشجعين ومشاهدين، تفاجأوا بالنشيد اللي انعزف بالمباراة بين سوريا وتونس، واتغنى بحفل الافتتاح بكأس العرب. كنت بتمنى كمواطنة سورية أعرف شو الآلية اللي اعتُمدت لاعتماد هادا النشيد، بس الإدارة الجديدة بتعرف مصلحتنا أكتر منا، وما بتعمل شي إلا لما فيه خير البلاد والعباد 🙂 #سوريا #العلم_السوري #النشيد_الوطني #كأس_العرب2025 #سوريا_تونس
Yaman يمان723,822 просмотров • 9 месяцев назад
نشرت قناة الجزيرة القطرية Video لشاب من مخيم الهول، يقول فيه أنه "مدني" سوري لا ينتمي لداعش، وظهر الشاب في Video آخر على منصة صدى+ السورية، ذكر فيه أنه "طبيب". إلا أن الشخص نفسه، سبق وأن ظهر في تسجيلات قديمة تعود لشبكة الفرات ضمن صفوف تنظيم داعش. هذا ليس استسهالاً في نشر المعلومات، بل سياسة تحريرية مقصودة لدى القنوات الإعلامية الناطقة بالعربية. والحديث هنا عن الذراع الإعلامي لـ قطر "كفيل" السلطة الانتقالية، التي تقدم قاطني مخيم الهول كـ "ضحايا"، وتنفي صفة "التطرف" عنهم، وترسخ لسردية "مظلوميتهم"، بهدف جرّ المشاهدين سوريين وعرب لتعاطف غير مشروط معهم، في خطوة تحضيرية لإعادتهم إلى مجتمعاتهم دون قيود وكأن شيئاً لم يكن! اللافت أن قناة الجزيرة القطرية دأبت، خلال سنوات صعود داعش، على استخدام التسمية الرسمية للتنظيم "الدولة الإسلامية في العراق والشام"، وكانت تنفرد في بثّ رسائلهم إلى العالم، ما يُعيد طرح سؤال قديم منذ بروز تنظيم القاعدة، حول دور الخطاب الإعلامي في إعادة إنتاج التطرف، لا مجرد نقله. #سوريا #مخيم_الهول #قناة_الجزيرة
Yaman يمان258,758 просмотров • 7 месяцев назад
الصور القادمة من #دمشق فيها فوضى مُفزعة، سرقة لمقتنيات القصور الرئاسية، سذاجة في التعامل مع الإذاعة والتلفزيون، واعتباطية بإفراغ السجون! من ترك العاصمة وحدها؟! فِرق مكبلة على تخومها، وفِرق لم تصلها بعد. العاصمة تغرق بفوضى شعبوية غير مؤذية حتى الآن، لكن من يعرف إلى ماذا تتطور؟!
Yaman يمان610,178 просмотров • 1 год назад
لما بدك تحكي عن #طل_الملوحي لازم تاخد بعين الاعتبار سياق قصتا، بنت فاتت ع السجن ما طبقت الـ 18 سنة، أخدت حكم قضائي 5 سنين، بس بسجون عصابة #الأسد صاروا 15 سنة! عاشت مراهقتا وشبابا وتكوين شخصيتا بين حيطان المعتقل، شافت تحقيق ومنفردات وتعذيب وعاشرت كل أنواع السجينات، ولما طلعت بعد التحرير كانت ردة فعلا الفورية هيه "الإنكار" (Denialism)، لهيك كان ظهورا الأول بهالقوة وبهالقدرة ع التعبير عن حالا والدفاع عن نفسا، مع غصّة ما قدرت تخبيها بين كل كلمة وكلمة. اتهاما بكتابة التقارير بالنزيلات السياسيات بدّو بيّنة، والبيّنة على من ادعى، بدنا شهادة الشهود، وإبراز الأدلة ما بدو عزيمة، بس كب البلا والافترا هو اللي ما لازم يكون بهالاستسهال! إطلاق الإشاعات ضمن السجن، جزء من الأذى النفسي اللي بيستخدموه هدول المجرمين لتعذيب المعتقلين والمعتقلات، ونادرين الناس اللي بينفدوا منو وبيقدروا يتعاملوا مع هيك واقع بطريقة عقلانية، كلكن بالأخير ضحايا هالعصابة، فلا تكونوا انتوا كمان على بعضكن… #سوريا #سجن_عدرا
Yaman يمان331,181 просмотров • 1 год назад
أخبروا الكابتن #محمد_أبو_تريكة أن العاصفة التي ضربت Dortmund اليوم، متوقع حصولها منذ أسبوع، وستكون غداً في مدينة ألمانية أخرى، وأن الأمر متعلّق بطبيعة الطقس في #أوروبا، ولا علاقة له أبداً بالرسائل الإلهية دعماً لـ #قطر، وانتقاماً من #ألمانيا. #أبو_تريكة #يورو_2024
Yaman يمان375,320 просмотров • 2 лет назад
خلال لقاء الرئيس الانتقالي أحمد الشرع مع "وجهاء دمشق" بمناسبة الذكرى السنوية الأولى لـ "التحرير"، وجه نصايحو للشوام لتقبّل ما سمّاه "إقبال الناس على دمشق"، وقال: "المجتمع السوري فيه لبت لبت، وفيه اللي بيعرف يشرب متة ع الطريق، وفيه اللي بدو يروح ع الـ Four Seasons ياكل بالشوكة والسكينة". أنا مالي فهمانة ليش رسالة الشرع كانت موجهة للشوام، بالوقت اللي لازم تتوجه فيه لجماعة "لبّت… لبّت" وجماعة "نحنا حررناكن"، اللي المفروض هنن يتركوا الشامي يمارس حقو الطبيعي بالأكل بالشوكة والسكينة، وهنن يغمسوا بالخمسة قد ما بدن! مو ضروري كلنا نغمس غصبن عنا لأنن "حررونا"! وبالنسبة لـ "لبّت… لبّت" الله لا يحرما لحدا، بس كل واحد يروح ع أرضو ويدبك بين جمهورو… #سوريا #دمشق #أحمد_الشرع
Yaman يمان97,090 просмотров • 8 месяцев назад
"طلاق دروز… طلاق دروز… طلاق دروز" الجملة التي جاءت على لسان السيدة الدرزية في مظاهرة السويداء اليوم، ورددتها ثلاث مرات، تشرح ما آلت إليه الأمور تماماً في المحافظة، فالطلاق في العقيدة الدرزية هو طلاق قطعي نهائي لا رجعة فيه. موضوع السويداء انتهى، حتى أبناء الطائفة الذين اتخذوا موقف "الحياد الإيجابي" تجاه "السلطة الانتقالية"، أو صُنفوا كـ "موالاة ناعمة"، وكانوا على خلاف مع الشيخ الهجري، باتوا اليوم في صف المعارض الصريح الرافض كليّاً للإدارة الجديدة. أهالي السويداء اليوم، هم كالسوريين الذين خرجوا ضد بشار في الـ 2011، لا يمكن أن يقبلوا بالسلطة الحالية بأي حالٍ من الأحوال. والسويداء اليوم هي إدلب.2، خارج سلطة "الدولة" وقبضتها وحكمها. الحل الأمني في السويداء كان خيار السلطة الكارثي، وخطاب التحريض الطائفي (الدروز ضد السنة) هو خيارها الانتحاري… #سوريا #السويداء
Yaman يمان112,773 просмотров • 1 год назад
المتحدث بالـ video حوراني، من المحافظة اللي كانت خزان بشري لنظام الأسدين، وإيدن الضاربة بالجيش والأمن، لدرجة إنو كتير محللين للوضع السوري، قالوا إنو لولا "الثورة" بلّشت من درعا، كانت رح تكون آخر محافظة ممكن تنضم لإلها. ولسى ما نسينا شو عملت غرفة عمليات الجنوب يوم 8 ديسمبر 2024، وقت استعجلت الفوتة ع الشام، وأتلفت وحرقت وسرقت سجلات الأفرع الأمنية ووسائل التوثيق الرقمية، وسهّلت اقتحام المواقع الحيوية ومقرّات أفراد عصابة بشار، ليحطو إيدن ع اللي بدن ياه. وفعلياً الشوام اللي عم يتهمن الشب -بمنتهى الغلاظة وقلة الحيا- إنن كتيبة تقارير وعندن صِلات مع مسؤولي النظام السابق، كانوا أول مين قاطع نظام آل الأسد: لا بيتوظفوا بالدولة، ولا بروحوا ع سلك الشرطة، ولا بيطوعوا بالأمن، ولا بيخدموا بالجيش، ولا بشبحوا بالإعلام! بالوقت اللي كانت فيه محافظات تانية عاملة إغراق لمرافق الدولة الأمنية والعسكرية والإعلامية… بعدين شو هالمقياس اللي عم تقيسوا عليه ولاد العالم والناس! ومين وكّلك إنت وغيرك بفحص منسوب الوطنية عند العباد؟! أي وما بدو يشارك بـ "الثورة"، وبدو يضل رمادي، أخو مراقو إنت شي! سعرو بسعر تسويات الحوارنة بدرعا. خلوا الطابق مستور، لأنو دافنينو سوا… للشيخ زنكي! #سوريا #الشام #دمشق #حوران #درعا
Yaman يمان67,901 просмотров • 7 месяцев назад
العشاير… البدو… الشوايا بيستنوا "السلطة" -أي سلطة- ليبايعوها، وليلبسوا "القائد" -أي قائد- عباية حتى لو بالدين، ويدبحولوا الدبايح حتى لو مسروقين. بهالـ 15 سنة بدّلوا ولاءاتن شي 5 - 6 مرات: النظام السوري السابق، داعـ..ـش، قسد، الميليشـ..ـيات الشيـ..ـعية، السلطة الانتقالية. الـ "لبّت… لبّت" والـ "هبوااا" و "عليهن" لـ "التطوع بالجيش" -على اعتبار إنو ما عاد في "تجنيد إلزامي"-، هي مو "حبّاً بالوطن" متل ما عم يقولوا الرومانسيين بالتعليقات على هادا الـ Video، هي لأنو منفعتن المادية ومصلحتن بالحماية والنفوذ هلأ هون… ما بعرف شو شكلو هـ "الجيش السوري" اللي بدو يكون قوامو هي المساطر! #سوريا #دير_الزور
Yaman يمان68,205 просмотров • 7 месяцев назад
بين هالتسجيلين سنة ومجزرة! الأول ضمن احتفالات السويدا بـ "تحرير" سوريا والتاني اليوم خلال مظاهرة بالسويدا للمطالبة بـ "حق تقرير المصير" تحوّل مُحزن، واللي بزعّل أكتر هو حالة الإنكار اللي عم تعيشا "الأكترية"! الدروز ما انقلب حالن لأنن عُملاء، أو لأنن بحبوا يعيشوا بدون باقي السوريين! هنن تغيّروا لأنن تعرضوا لإبادة، لأنن انقتلوا بسبب هويتن الدينية، انقتلوا لأنن دروز. ولأنو إنت وغيرك يا ابن "الأكترية" البريئة المظلومة، قررت تسكت عن دماتن، أو تشتغل بتبرير إراقتها. قد ما حاولت تتحجج باللي صار بتموز، بتخوين الدروز أو إنك تقول عنن انفصاليين، بتضل الحقيقة الواضحة إنن تغيروا بسبب قتلن وتهجيرن واحتلال ضيعن. وهلأ مو مطلوب منك تتقبل خياراتن، المطلوب بس تعترف بالسبب، وتبطل تزاود عليهن بشعارات وطنية، كنت إنت أول مين تخلى عنها… #سوريا #السويداء
Yaman يمان64,224 просмотров • 7 месяцев назад
بس ملاحظة صغيرة ع التصريح، إنو العقوبات انرفعت عن فخامتك مو عن سوريا! #سوريا #أحمد_الشرع
Yaman يمان76,420 просмотров • 9 месяцев назад
مسؤول الأمن العام بـ #داريا عم يقول إنو استخدام السيارة Hummer المصادرة (المعفشة) من #أشرفية_صحنايا كانت من "عنصر لم يُخبر مسؤوله"، متلو متل اللي بيلحش عمليات القتل خارج إطار القانون بضهر "مجهولون"،… وهيك ممضينها الشبيبة تبريرات. لاء بس هلأ مع تهديد مُبطن، إنو السيارة ليكا جاهزة وموجودة، بس إذا بدك تستلما رح نفتح عليك بواب قضايا تانية، ما ضل غير يقلو إذا كنت رجال تعى خدا! بتذكر كان بدنا دولة قانون، مو دولة هات إيدك والحقني… #سوريا
Yaman يمان100,773 просмотров • 1 год назад
مين بصدق إنو اللي بيفصل بين هدول التسجيلين كم شهر بس! الأول من السويدا ضمن احتفالات "تحرير" سوريا والتاني من شهبا من يومين خلال وقفة تأبينية لضحايا المدينة كيف صار هادا التحوّل الحزين؟! كيف انقلبت هي الأفراح لمآتم وجنازات؟! شو عملولكن الدروز؟! طالبوا بالحرية متلكن ما قبلوا يبعتوا ولادن على جيش بشار الأسد لحتى ما يحملوا خطية دمكن ولما ضاقت الدنيا فيكن سكنتوا بيناتن معززين مكرمين ضلوا سنة ونص يتظاهروا بساحة الكرامة، بوقت كان تمن كلمة الحق الوحدة من جوّات سوريا بـ 1000 كلمة من برّاتا شو عملولكن الدروز؟! يا حرام شو رخيص الإنسان بهالبلد… #سوريا #السويداء #شهبا #الدروز
Yaman يمان83,509 просмотров • 1 год назад
لا تعجبني التنظيمات النسائية مدنيةً كانت أم دينية، ولا استسيغ سماع الخطابات الجندرية، ولم أشعر يوماً أنها تخاطبني… وهذا بالضبط الانطباع الذي وصلني بعد حضور لقاء السيدة #عائشة_الدبس على شاشة تلفزيون TRT. السيدة تتحدث عن "المرأة السورية" كأنها اكتشاف شخصي لها، وتُريد أن تبدأ معها من الصفر وكأنها ولدت للتو! متناسيةً عن عمد أو جهل حضورها المهم بتاريخ #سوريا، لا سيما في السنوات الـ 14 الماضية، ليس كمعتقلة وضحية و "مطالبة بالتعويضات" كما قالت، بل كمنافس شرس للرجل في كل المجالات، بل ومتفوقة عليه في أحيانٍ كثيرة. تُعيد السيدة الدبس ديباجة بدائية عن دور المرأة في التربية والزواج والأسرة، وتقول بأن (مكتب شؤون المرأة) يُريد "تمكينها" بـ "الدورات"!!! من أي كهف خرج هذا الاقتراح؟! ترفض أي فكر مغاير لتوجهاتها وتقول: "لن أفتح المجال لمن يختلف معي بالفكر"!!! ثم تخاطب المرأة المسيحية والعلوية والدرزية؟! على أي أرضية ستلتقِ معك هذه النساء؟! خطاب تقليدي إقصائي بدون أفكار أو خطة عمل، يُظهر بما لا يدعو مجالاً للشك أن المنصب فضفاض عليها، وأنها لم تعلم بالضبط أو لم تُلقن ما طبيعة عمل هذا المكتب.
Yaman يمان114,209 просмотров • 1 год назад