ليه صبة القهوة ماتتعدى الربع ؟

القهوة كانت شحيحة في نجد وانت طالع شمال وكل ماتروح شمال تقل القهوة وتشح وينعكس على صبة الفنجال بالقله وتكون ذواقة وشف وعيب على الضيف يكثر شرب قهوة فنجالين ويوقف بينما الجنوب وتحت متوفرة عندهم فالعادة هذي غير موجودة عندهم نظراً لوفرة البن. واصبحت مع تعاقب الأجيال سَلم

العادات اساسها الحاجه وهنا في موضوع القهوه كانت الحاجه ماسه للجمع بين توفيرها وتذوقها حيث ان القهوه ذوق وكيف ويكفي منها القليل لتقنيد الراس ولذا يكتفون بهذا القليل ليكفي جميع الضيوف ولانها ايضا شحيحه والماده قليله والمسافات بعيده والسفر شاق.

يعطيك العافيه

أهل القرى والمناطق الجبلية نصف الفنجال تهامه والسواحل الفنجال فل الفل أهل البادية أقل من النص وهذي عادات تعودوا عليها وليس لها تفسير والهدف الاكرام والتقدير عند الجميع وكلهم ونعم بهم ..

ونعم

غيرصحيح ليس عندجميع القبائل وانا اللي اعلم هذا الشاب ياولدي القهوةكانت شحيحةماهيب عندكل العرب لذلك كانت بدايةعدم ملئ الفنجال لقلتها المناطق المتوفرةفيها القهوةعادي يملئ الفنجال او نصه وليس عيباً بل العيب عدم ملئه الدليل برمضان نصبهاونقول صب صبةرمضان الكريم فهنا تناقض كبير جداً

يابن الحلال اول شح وفقر وشربها شفاقه وتصب في ربع الفنجال ذواقه وقطعت شف وذلحين حطوها سلم من السلوم

انا سألت شايب بسكاكا عام ١٤٢٦ لان الكرم تعطي اكثر مو قليل وقال السبب ان قبل خمسين سنه واكثر كانت القهوة صعب تجيبها و تحتاج سفر وتعب فكانت الناس ف نجد و الشمال يعانون من قلها فكانت عاده ان الضيف ياخذ ٣ فناجيل و يصبون قليل عشان يوفرون وصارت عاده

اقل من النص عشان يكون في مجال للارتشاف لان القهوه البارده ما تنشرب وشربها يعتبر من خوارم المرؤه عند العرب

يعطيك العافيه

ربي يعافيك

قديما كانت القهوه نادره وغاليه ولاتوجد لذالك اكتفو بقليلها وجرت العاده واللي يقول غير كذا اقرب شي جدار تحياتي لكم🌚

عشان ماتبرد القهوه

👍🏻

القهوة مرّة والقناد حار صار العرب يرتشفون منها فكان مقياسها ربع الفنجان ومن غلاتها وغلاة الضيف وراعي البيت صارت رمز للترحيب.

حمقى مره في بنت كانت تقطع راس السمكة قبل تطبخها و استغربت منها صحبتها و قالت لها ليش قالت عشان شفت امي و سألو امها ليش قالت شفت امي و لما سألو الجدة ليش قالت الحله حقتي ما تكفي السمكة كامله

السبب طال عمرك في البادية كانت القهوة غالية ونادرة والفناجيل قليلة فكان الفنجالين او الثلاثة تدور على الظيوف وهم كثار فحتى تكفيهم ويشربون كلهم ويدور الفنجال بسرعة كان لازم يكون الصب ربع الفنجال واحيان اقل ثم صارت عادة وكيف بعكس الجنوب واليمن لتوفر القهوة لأنها تزرع عندهم

اشغلته المراجل و علومها 😂😂😂

مافيها عيب ولا شيء يالطقوع اذا قليل علشانها قوية التنبيه وما تخليه يرقد إذا زود

كل القبايل وليس البدويه بس

عند اهل الشمال والبدو الربع والجنوب تفلله او نص

ليه طيب وش المعنى

الحين هذا مؤسس علوم المرجله والقبايل ؟

يقولون عيب اذا كثرته معناه انك ما تبي الضيف

وعند بعض القبايل لو صبيت له ربع قال اشحذك انا ؟

غير العيب احس تستمتع بالطعم اكثر

نفس الطعم

لا إذا مليته أصلا تنتظر تبرد وتتغير طعمها ف الأفضل مع كل رشفة تجدد الفنجان

كيف فنجال القهوه ليا صار حار والفنجال اذا صار مليان تختلف حرارة اوله عن تاليه بحكم شكل الفنجال الواسع في سطحه عن القاع لذلك اكرام الضيف بصب كمية قليله يتلذذ بها للقهوه وهي حاره لم تبرد ثم يصب له التالي اما اذا تم صب كمية كبيره فيها رساله سلبيه ومنقود حيث ستبرد القهوه والكيف

الناس وصلوا القمر و صنعوا الطيارات و السيارات و السفن و كل أنواع التقنية و بعضنا ما زال يتساءل "ليش صبة القهوة ما تتعدى الربع؟" و "إذا كانوا عمك و خالك في المجلس ، لمن تصب القهوة أول ؟" … الله يصبرنا على العقول الرجعية

بلا عيب بلا منقود ، بعض الناس وصل معهم يصبون لك حق رشفه وحدة ! حرفياً ترى هذا العيب ..

عادات وساقوها الناس 😂

ممكن احد يفيدني وش استفدنا من مقاطعه ؟؟ كلها اسئلة دون اجابات ..

ربع الفنجال أهل نجد بسبب ندرة البن ،، المناطق الجنوبيه العكس بسبب وفرة البن

لا عندنا اللي يعبي الفنجال كنه يقول اشرب قهوة وتوكل

طرده يعني

بالظبط

أنا أقول القهوة كانت ولا زالت كيف العرب واذا عبيت الفنجال اول رشفتين القهوة ساخنة وهي المطلوبة وباقي الفنجال يبرد وأصبح مرقة لذلك تجد اهل الكيف لو كان لحاله يشربها بربع الفنجال هذا والله اعلم

كانت القهوة قليلة ونادرة عند الناس وجلبها صعب ومن شأن تكفي الموجودين يصبون القليل منها لانها كيف وصارت عادة عند العرب والله اعلم

عندنا في نجد مثل.. يقول لابغيت تهين الرجال اكرب يمينه .. والعكس الصحيح والاهانة انك تملاء الفنجال بعكس بيالة الشاهي لاتنقصها اعرف واحد من قرايبنا ولده صب قهوه لابوه وملاء الفنجال ابوه نثر الفجال في وجه ولده واده ماكان بقصد توه صغير السن لكن تعلم الدرس 👍😁

والله الأعمال بالنيات وما تعارف عليه الناس .. في سرة عسير نص الفنجال وفوقه أحياناً وفي تهامة يطبقونه للطوق والمقصد كرامة للضيف ولو يكون ما يكون ما فيه رجل بيطرد ضيفه لا بالتصريح ولا بالتلميح وعفاكم

الموضوع واضح انه قدديم وقت القحط والجوع وكل منطقة لها وفره في مواردها وشح في الموارد الثانيه واهل الشمال اول ماعندهم قهوه تجيهم من مناطق بعيده وهذا السبب انهم يقتصدون فيها و صارت عاده عندهم في صب القهوه واما الجنوب عندنا فهي متوفرة وعشان كذا صبتنا لها غير وقيس على كل الموارد الاخرى وحاليا صارت من عادات القبايل في الشمال مشو ماكان اجدادهم ماشين عليها واحنا في الجنوب مشينا عليها نفس وضع اجدادنا والله اعلم

حسب علمي ومعرفتي صبة الفنجال للرجال مقياس للترحيب ويعتبر في عاداتنا وتقاليدنا الأصيلة منقود إذا مليت الفنجال ( كأنك توجه رسالة بسرعة مغادرته للمجلس وعدم الترحيب والحفاوة ) على العكس من ان صبة نصف الفنجال هي زيادة في الترحيب والاهتمام بالضيف والشرف بخدمته وضيافته.

زمان كان البن يجي من الجنوب وكانوا اهل الجنوب متوفر عندهم البن عكس الشمال وغيرهم كان قليل ويالله انه يوصلهم وهذا الكلام الصحيح بس اغلبهم دخل الموضوع في البخل والكرم

اعتقد كلن وعاداته كل منطقه ولها سلومها عندنا بلشرقيه لازم يكون بنصوف الثنجال نعم لايتعبني ولا اتعبه اوفي حقه بلضيافه انصف الثنجال ولا مل من ضيفي البعض الضيفان تصبله ربع ومايشبع وسوالفه ماتخلص وتمطق بلكلام كنه جالس بمطعم لا الواحد له وعليه ضيف خفيف ماهوا لصقة اقليص ولا بعد يحش