ما أدري معايير التسعير للقطع عند بعض الوكلاء هي إستغفال‼️ و إلا ماشين على تسعيرات المصنع ‼️ شوفوا بكم سعر الشماسية تبع الجاكوار عند الوكيل ☠️

سبق وارسلت للتجاره بمقترح بالزام جميع الوكلاء بعرض تسعير قطع الغيار في مواقعهم الالكترونيه من المسمار الى المكينه حتى يعرف الشخص حينما يشتري

عبداللطيف جميل عنده نفس المقترح 👍🏻

يابن الحلال رحت اشتري قير من جيلي 2023 قال 28 الف اخر شي 21 جبته من الصين واصل لباب الورشة بصندوقه اصلي بكرتونه 6200

🤦🏻‍♂️ يالفرق

كان عندي كرايسلر صار لي حادث وانكسر الصطب الخلفي رحلت الوكاله ايام المتحدة قالي ب2800 ريال طلبته من نفس الشركه اللى تصنعه لموبار بس بدون شعار موبار ب 800 ريال مع الشحن وبرضو انكسر عندي المرايه اليمين قالو ب3800 وطلبتها من امريكا ب700 ريال مع الشحن

زي هذي القطع مايحتاج تأخذها من الوكالة لأنها قطعة ماتأثر على سلامة السيارة يعني قطع ميكانيكة أو كهربائية أو غيرها علي إكسبريس علي بابا مواقع أجنبية كثيرة عن نفسي أخذت مسكات باب لسيارتي من علي إكسبريس وتقريبا كان سعرها بحدود ٤٧ ريال الوحدة أخذت ثنيتن

حصلته بحراج والتقييمات عنده ممتازه طلبت منه ظفيره لكزس 2024 جابها لي من تشليح الكويت ارخص من عندنا مع عمولته كمان وارسلها لي وانا بالرياض

اخوي سلطان اسمع الله يطول بعمرك وعمر من يشاهد كلامي ويقراه انا قبل اسنين طويله كان عندي جاكور كلاسك موديل ٨٦ ابو عيون جريئه 😂😂 وعيون مغمصه 😏😂😂 اربع اعيون ثنتين كبار وثنتين صغاره المهم رحت لوكيل جاكور بالرياض بساله عن وحده من هالشمعات الكبيره أنكسرت عندي قال لي الحبه اتوقع لاني ناسي يا ب٣٥٠ او ٣٠٠ او ٧٠٠ ناسي المهم كان جنبي تركي ساله عن كرسي القير لموتره قال له اتوقع ب ٦٠٠ ريال اذا ماني ناسي قاله التركي لحظه بكلم واحد بتركيا وبساله المهم وهو يكمله حاك الحين تو الجوالات الصغير جايه ام شريحه بعشرة الاف 😂😂 شوي وعصب وسكر وقاله تعرف بكم لقيتها بتركيا قال بكم قال اتوقع اتوقع ياب ٣٠ ريال او ب٦٠ او ب١٠٠ والله ناسي المهم ماتتعدي هالمبلغ وقال له انا وصيته صاحبي يحيبها معه وهو جاي ربتريلته لشحنه لرياض لانه اتوقع يحمل بظائع . المهم يوم شفته التركي بطل لايشتري منه قلت خلاص انا بعد مابي شمعه وصارهالشي من حظي وبعدها على طول للغرابي عند محل هناك نسيت اسمه ادور لي شمعه عنده وبالصدفه اشوف لك كرتون مهلا اصفر حق شمعات به شمعتين قلت جبه خلني اشوفه وينزله لي وأطالع فيهن إلا هن يالغالي والله نفس الشمعه حقت الجاكور حقي الكبيره ونفس الشركه مهلا قلت بكم الطقم ثنتين مو وحده ثنتين قال له ب 55 ريال قالت اكيد قال اكيد عاد انا ماني مصدق من هاك المبلغ للوحده لمبلغ اقل لأثنتين شي مو معقول واخذتهن منه وركبتن الثنتين سوي رغم ان الخربانه وحده يعني لو أخذت الثنتين من الوكيل شف كم المبلغ بيطلع علي حراميه هالوكلاء ولصوص المهم ثنتين بقيمة ربع المبلغ لوحده ومن عقبها صرت ياأخذ من التشليخ القطع أو أدور بجمع محلات القطع لمختلف المركات واذا سالني عن السياره اقوله مدري ارسله لي خوي يقول لي مثلها واذا عندك نفسها ونفس الشكل عطنيها واذا ماعنده رحت لغيره ادورها لين يكرمني الله والاقيها او على التشليح او طلبيه من برا ..

الله يطول بعمرك سرد جميل و قصص اجمل 👍🏻

وعمرك وانا اخوك وردك هو الاجمل جعل عمرك طويل .

احد اقاربي راح لاحد الوكلاء (سيارة امريكية) واكتشف ان الشمعة الامامية لسيارته قيمتها ٨٥٠٠ ريال عند الوكيل وارسل لزميل له في امريكا واخذها من وكيل هناك ب ٨٠٠ دولار يعني تقريباً ٣٠٠٠ ريال مهما كانت الاعذار (رسوم شحن، ضريبة، جمارك) عندنا مشكلة عامة في التسعير هدفها الوحيد الاستغلال

انا شريت لولدي كامري 2023 وكالة ( خليجي ) بعد يمكن شهر دخنت الشاشة وطفت كذا من حاله ، دقيت على الوكالة بسأل عن قيمتها .. طلع سعرها بـ 12 الف 🤪 شاشة صينية ما تسوى 900 ريال يبيعها @ToyotaALJ بها المبلغ 🫪

خله يسوي زي ما عمل سواقنا السابق، شافها خربت راح رفعها و دقها بمسمار بالسقف 😭

نفس المراية عندي طاحت في سيارة رام موديل 2022 اشتريتها من الوكيل ب1700 درهم

مفروض الجهات المختصه تتدخل هذا قطعة قماش وداخلها بلاستيك مقوى على اي اساس هذا السعر وش الجشع ذا

يطلبها من علي إكسبريس

جدا جدا انا عندي درج الكامري الراكب ينفك احيانا سألت عنه. 1800⃁ رحت ركبت كلبسات وضبط نسبياً عندنا في الخليج كل شي مبالغ في سعره خاصة السعودية

جدا مبالغ في السعر وأعتقد فيه خطأ ما . ولكن بعض القطع فعلا لا تستحق السعر ولكن لأنها غير مطلوبه ونادرة الطلب تكون التكلفه عاليه بس مو للدرجة ذي 🫣🫣✍️

لأنها بالأصل ليست موجوده عندا الوكيل فالفكره هي وضع اسعار صعبة على المستهلك حتى لايفكر في الطلب من عندهم بل يتجه لمتاجر اخرى .

دينمو دبل الشانجان هنتر في الوكاله والمحلات ب2800 طلبته من متجر في الاحساء ب500

شي متوقع سبعة الاف يعني شاري جاكوار مو شاري كورولا علشان تبيها ب٣٠٠ درهم

اف 😡

يجي الغرابي بس

😂

بعض الوكلاء تفكيرهم عجيب 🤔

السؤال يا شعوب #الخليج_العربي هل في باقي الدول العربية المجاورة نفس الأسعار، أم هذه الأسعار فقط لتجارنا الهوامير في الخليج، الذين استغلوا أسواقنا المنفلته، والتي ترضخ لهم ولمزاجيتهم ولتحكمهم بالأسعار دون رقيب أو حسيب. المقارنة بين عن أسعار السلع في الخليج العربي وبعض الدول المجاورة له فضيحة وكارثة!!

يبحث برقم القطعه يلقى اختها بسياره من نفس المجموعة من احد الشركاء بسعر بسيط

امر السكراب واخذ استخدام خفيف وانتهينا 😆

نفس الخراب عندي شماسية برادو هنا حصلتها جهة وحدة 400 ريال. طلبتها من علي إكسبرس جهتين ٢١٩ ريال .

اسعار الوكلاء مرتفعة🔥

اوصخ سيارة الجاغوار

ادخل اليوتيوب تحصل طريقة تصليحها

مستحيل ب7000 يمكن يقصد مع التندة أنت الظاهر مافهمت مقصد الموظف . 😂😂😂😂😂😂.

اطلبها من اي موقع او رح حق زينت سيارات

رووح اقرب تشليح

المشكلة جاكور لو هو قال باقاني قلنا تم 😂

اعتقد هذه الاسعار فقط عندنا فى الدول الخليجية لا رقيب ولا حسيب..طمع وجشع التجار.