ما نام ٣ أيام بسبب الضغط في العمل وهذي أخرتها " مع السلامة "..!

قاعدة ذهبية 🌟 لا يوجد أهم من الصحة والعائلة والمبادئ فلا يجب التنازل عنهم !! اعمل باخلاص واتقان ولكن لا تنسى التوازن بين العمل وجوانب الحياة الاخرى 🕊️

والله انا نفسك لي سنه ونصف تقريباً ماسك ادارة عمليات وعانيت من الجهد والضغط والارق وقلة النوم في الاخير لاتقدير ولاشيء فلذلك قررت اهدي الوضع واريح نفسي ولا اضغطها بقد ما اقدر عرفت انه مافي شيء يستاهل اتعب عشانه مقابل صحتي ثم صحتي.

دايم أكررها بيئة العمل تعتمد على المدير والله لو كان المدير كويس وتعامله كويس مع الموظفين ممكن تعمل معه 24 ساعه بنفس طيبه

ياما نصحت اللي اشوفهم اللي يشيلون هم الدوام ترى محد راح يعطيك صحته اذا جاك شي ولا تسرع وانت رايح لدوام لو يجيك حادث وتمدد على السرير للابد محد نافعك عشان كذه كل شي بقدر ولايكلف الله نفساً الا وسعها وترى العمر والصحة تروح والشغل مايخلص اشتغلت ساعة ونص اطلع وغير جو وارجع

في شخص كريم جداً خدم واعطى كل شيء تحت مسمى وظيفة أقل من مهمامه الكبيرة والكثرة ويملك شهادات قوية ومع الوعود والتأجيل مر العمر وانهيت خدماته بدون مايتغير مسماه الوظيفي يعني جهود كبيرة بدون شهادة تسنده بعد الله فنصيحة وثق ثم وثق والاهم صحتك هي الكنز العظيم فلا بديل عنه

نظام العمل 8 ساعات يوميا و 6 ايام في الاسبوع قااااتل و غير انساني اطلاقا الانسان يحتاج 8 ساعات نوم و يبقى له 8 ساعات عنده بيت و له احتياجات و في نهاية الاسبوع يوم واحد فقط إجازة ما يلحق يستعيد نشاطه و يرجع يداوم و فوق هدا تتعرض لمضايقات في بيئة العمل و تواجه تأخر في الرواتب!

والله انه صادق كان يجيني صداع مزمن وعيني بتنفجر واطرافي تتنفخ ورحت للمستشفى وقلتلهم مايروح الا بدواء ابوي للضغط آخذه من راسي وانهبل الدكتور مني🫢وفعلا لمدة خمس ايام يقيسون الضغط مرتين وتم تشخيصي بالضغط المرتفع وصرفولي دواء وحزنت حزن شديد على نفسي والحمدلله راح بعد ما استقلت وقطعت الدواء يارب لك الحمد

قبل ايام سارت لي مشكله ب الدوام من كثر ماانا كابته منهم انفجرت عليهم وشافوني بايعتها وعصبت عليهم ولانهم عارفيني بصعد الامور وبسوي شكاوي قامو هما هدو الامور يطلعو الواحد من طورو والله وبعدين يتمسكنو