متداول : شخص يوثق قيام أحد الاشخاص بالاعتداء على ثلاثة سيارات بسبب وقوفها أمام منزله .. لو كنت مكانه وش تسوي ؟

بلقانون اولا يدفع قيمة التلفيات كامله ويتم حق خاص . وثانيا يتم محاسبتة بلحق العام بلاعتداء على املاك الغير والتسبب في اتلافها والسجن المصير الحتمي له ولامثاله .

لا شك أنه أخطأ بفعلته هذه. ولكن أنت لماذا وقفت امام منزله رغم وجود لوحة "عدم الوقوف"‼️ وصاحب المنزل في بعض الاحيان يضطر للوقوف بعيد عن منزله لإن هناك سيارات تقف مكان موقفه فلا تنظر الى ردة الفعل وتترك الفعل وأظن انه بفعلته هذه لقنكم درسًا لن تنسوه وعلمكم أين تقفون مرة أخرى إذا اردتم الوقوف .. وعلى قولهم البعض ما يفهم الا إذا شاف "العين الحمراء" 😎

وليه توقف عند باب بيته ما تدري وش ظرفه … اللى عندهم كبار سن واطفال ونساء اذا تعبوا يستدعي ينقلهم للمستشفى في اي وقت وبعض المدن والاحياء ما تحصل موقف عند البيت، ويمكن مافي مواقف قريبة من بيته واقرب موقف يبعد بأكثر من ٢٠٠ متر … من ابسط حقوقه يفقع الكفر. بس حاليا لو تتصل على المرور يرسلون دورية ويعطوه مخالفة واذا استدعى الامر يطلبون سطحة وياخذونها من عند بيتك وخل ذيبان يراجع وراها ويدفع حقت السطحة ويدفع حقت المخالفة.

الموضوع كله مرتبط بتربيتك واخلاقك ديننا وصى بالجار نبهه اكثر من مرره بخلق …ياكرهي للناس هاذي اللي تتعدى على غيرها بكل جراءة ووقاحة وياكثرهم …دينك وصلاتك وقراءتك للقرآن وصومك اذا ماتهذب اخلاقك وتصرفاتك وافعالك فراجع نفسك…

مو من حقه يتكلم معاهم الشارع ملك الجميع مو ملك احد

لازم تتثقفون في الأنظمة والحقوق ، المواقف اللي قدام البيت ليست لصاحب البيت ويستطيع أي احد استخدامها هي ملك عمومي للدولة وليست ملك خاص مالم تأخذ من أرضك الخاصة وتجعلها ارتداد مواقف لك هذه الحالة فقط ملك خاص . المفروض يكلم الدوريات الأمنية ويثبت الحالة والإعتداء ويرفع عليه قضية تعويض للكفر وأجرة العامل والإصلاح وتعويض عن وقته الخاص وعن تعبه الشخصي يعني يطالب مثلا ب٣٠ ألف لو جاه حكم ب٢٠ ألف ممتازة ، وهذاك راح يحرم الفعل هذا مره ثانية

طيب لاتوقف قد حط لك لوحة

إن اسأت الأدب طبيعي ستجد مالايرضيك

من يتفلسف ويقول الشارع مو ملكه وخرابيط وكلام فاضي الدعوة ترى عرف بين الجيران ومتعارف عليه ماحد يوقف قدام بيت الثاني الا يستأذن الدعوة ماهي قلة حياء توقف قدام بيتي وانا اروح اوقف اخر الشارع الدعوة احترام يستاهل اللي سواه فيه وش بتسوي بالشرطة بتسجنه بيرمي في وجهك ٢٠٠ ريال قيمة الكفر وتخسر جارك وكرامتك واتحداك توقف قدام بيته

شي يقهر وجع