متى يكون بيت الجدة طارد ؟

ما اشوف ان مفترض الجده المسكينه تتحمل كل هذا وتتحمل اكثر من٢٥حفيد مع امهاتهم وابائهم ليه سلامات جابت وتعبت وربت كثر خيرها بعد تبونها تتحمل الاحفاد وتخلي بيتها مدينه ملاهي وبعضهم الاحفاد متزوجين ومخلفين وتتحمل ابناء احفادها متى بترتاح طيب تقسم الزياره في بيوت الابناء وتزورهم معززه

بيت الجدة قد يصبح طاردًا إذا فُقد فيه الشعور بالأمان والراحة، أو إذا كانت الأجواء مشحونة بالخلافات والمشاكل، أو إذا كانت الجدة أو الأفراد الآخرين غير مرحبين أو قاسين في تعاملهم. كذلك، عندما يفتقر المكان إلى الحب والاهتمام أو يصبح مصدراً للضغط أو الانتقاد المستمر، قد يشعر الزوار أو الأحفاد بعدم الرغبة في التواجد هناك.

"يكون بيت الجدة طارداً للأحفاد: • المقارنات المستمرة بين الأحفاد • القيود المبالغ فيها على الحركة واللعب • انتقاد الوالدين أمام الأطفال • التدخل المفرط في تفاصيل التربية • التفضيل الواضح بين الأحفاد • كثرة الشكوى والتذمر الحل: التوازن بين الحب والحكمة في التعامل

ماخليتوا احد في حاله…ترانا بشر وانت ياللي تتكلم نفسي اشوف كيف حياتك مع احفدك…ياناس لاتفرقون الجماعات طول عمرنا مع بعض ونتحمل بعض هذه الحياة

أيضا لابد نعلم أن الجدة أم الجميع مهما فعلت فالله عز وجل نهانا عن كلمة اف خاصة عند الكبر لأن الكبير تقل قدرته على الصبر فلابد أن نتعود نحن والأحفاد على تقبل كل سلوك الجدة ومراعاة مشاعرها وعدم التقاطع بحجة تصرفاتها من تفرقة وغيرها هم صبروا علينا وحنا صغار

أتمنى يادكتور تتناول موضوع تعظيم مكانة الجدة والرفق بها بعض الجدات حتى النوم ماينامون يعني الكل يجي ينزل أطفاله ويطلع وهي صايرة حضانة وإذا تكلمت قالوا ماتبي أولادنا يعني أمور كثيرة تكون سبب في كون الجدة طاردة نتيجة السلبيات اللي تشوفها

بعض الجدات تفرق بين عيالها وتفرق بين الجناين والنسايب ومن ثم يترتب عليه التفرقه بين الاحفاد وبالنسبه للقوانين حلو الطفل يتعلم قوانين'الزواره بعض الاطفال مزعجين وعبثيين بصراحه والجده بعد تبي بيتها مرتب ونظيف وانااشوف بعض الامهات والابهات كل شي ممنوع ببيوتهم سبيل بيت الجده مايصير

بالنسبة عندنا بيت الجده طارد بسبب الأحفاد يكون بينهم تنمر والوالدين ما كأنهم يشوفون،الكبار اي شي يكسر او يفقد هو فلان وبعد التدقيق يطلع مظلوم طبعاً وكمان قذف من بعض المراهقين على بعض الأطفال اقل من10 انهم دلوعين وغيره عشانهم محافظين على طفولتهم وبراءتهم

واحيانا يكون القصور من بعض الاحفاد اذا كبرو ف المتواصل منهم مع جدته طبيعي راح تحبه اكثر من المقصر الي يشوف نفسه ضيف ما يجي الا بوقت المناسبات للاسف يشوفون زيارتها ثقيله ع قلبهم والبركه في والدينهم الي ما زرعو فيهم صلة القربى .

موضوع جدا جميل